HONNESTEMENT

adverbe

[T-L : onesteonestement ; GDC : honestement ; AND : honestement ; FEW (IV, 461b) : honestus ; TLF (IX, 896b) : honnêtement]

A. -[À propos d'une pers., de son comportement, d'une action, d'une attitude...]

1.D'une manière estimable, honorablement.

Autel puet on d'un amant dire Qui puet parler sans contredire A sa dame et prendre loisir Toutes heures a son plaisir, Sans trouver empeechement, C'est assavoir honnestement Prendre deduis et esbanois Et trés tous amoureus denois. (Mach., D. Aler., a.1349, 322)

Après, Honnestez doucement Se sëoit moult honnestement, Qui parée par grant noblesse Estoit d'un mantel de simplesse. Mais nette estoit, sans nul reprouche, De cuer, de corps, de main, de bouche. (Mach., J. R. Nav., 1349, 179)

Salemons li sages lisoit En son livre et ainsi disoit : 'De povreté et de richesse, Sire, ne me donne largesse, Mais administre moy mon vivre Si qu'onnestement puisse vivre, Que je ne vomisse et parjure Ton nom, qu'a toy feroie injure'. (Mach., C. ami, 1357, 71)

Ne n'aiés pour ce cuer muable N'envers ceulx qui par esprouver Deüement Trouverez que honestement Veullent amer Et qui riens ne veullent rouver Qu'honeur deffent. (Mach., App., 1377, 651)

...il, pour avoir la substentacion plus grant qu'il n'avoit, et pour plus cuidier grandement gaignier et prouffiter, pour avoir honnestement la vie de lui et de sa femme, enfans et mesnaige, se print lors à poursuir routes de gens d'armes (Reg. crim. Chât., II, 1389-1392, 131)

...et semblablement coronnoient ilz tres solempnelment les femmes vesves qui pour l'amour et honneur de leurs premiers maris ne se vouloient plus marier, et vouloient ainsi honnestement garder leurs chastetez, de la coronne de chasteté emprinse, qui estoient plus honnorees que les autres vesves n'estoient. (La Sale, J.S., 1456, 4)

D'une chose vous ay prié et prie, qu'il vous souvienne de gaynier ou de perdre honorablement et honnestement. (La Sale, J.S., 1456, 97)

JOYEULX SOUBDAIN. Je suis gent comme ung papegay, Chacun le voit a mon habit. BEAUCOOP VEOIR. Par sainct [...] le proverbe est vray, Tant gratte chievre que mal gist. JOYEULX SOUDAIN. Beau sire, en avez vous despit Se je me tiens honnestement ? (B. veoir, p.1480, 15)

LA FILLE. Sur ma foy, Cupido, beau sire, Je ne scay pas trop bien entendre Lequel des deulx [le moine ou le gendarme] je doye prendre, Car chascun est noble personne. LE GENDARME. Vous serés a moy, ma mignongne, Pour estre plus honnestement. (P. moyne, a.1500, 47)

2.En particulier.

a)En conformité avec la morale, la probité.

...mais tousjours [il] a vescu bien et honnestement, sanz aucun reprouche, gaignié sa vie à la peine et traveil de son corps, et de sondit mestier de cousturier. (Reg. crim. Chât., I, 1389-1392, 138)

Si ne savoit que penser ne ymaginer par quelle façon il s'en pourroit honestement descharger. [Un homme veut se séparer de sa femme infidèle] (C.n.n., c.1456-1467, 311)

b)En conformité avec l'usage, la convenance, la bienséance, la décence, les bonnes moeurs, comme il convient, comme il faut.

Il est hui si bonne journée (...). Vestez voz meilleurs garnemens Et vous tenez honnestement ; Se vous le faites autrement N'estes pas sage. (Mir. st J. Cris., c.1344, 257)

Il estoient honnestement De tres fin drap et richement Vestis, fourrez et abilliez. (Mach., C. ami, 1357, 129)

Lors li vieus Saturnus parla Bien et honnestement ; car là N'avoit mie dieu ne deesse Qui le seurmontast de vieillesse. (Mach., P. Alex., p.1369, 4)

Car l'en peut bien en esbatement oïr aucunes choses honnestement lesquelles l'en ne pourroit pas honnestement dire. (Oresme, E.A.C., c.1370, 270)

De si grant gent mie ne sommes, Sire, ne de si hault lignage, Ja soit ce que, selon l'usage Et le pays dont nous venons, Honnestement nous maintenons Com gens de guerre. (Mir. fille roy, c.1379, 63)

Auquel lieu de Paris il vendi sondit cheval, se vesti de neuf bien et honnestement, et, en cest estat, se tint long temps sanz rien fere ou ouvrer (Reg. crim. Chât., I, 1389-1392, 60)

...pour ce que il se maintient et gouverne honnestement et paisiblement, et qu'il est filleul du roy nostre sire (Reg. crim. Chât., II, 1389-1392, 24)

...jusques ad ce que icellui enfant feust assez grant, et qu'il sceust aler et parler, et feust nect, pour soy contenir et maintenir honnestement entre ses paraulx petiz enfans. (Reg. crim. Chât., II, 1389-1392, 122)

...ladicte Jehanne sera mise à plaine delivrance hors de prison et dudit arrest, pourveu que elle fera serment de soy bien et honnestement gouverner desormais avec ledit du Molin, son mari (Fauq., I, 1417-1420, 38)

...quant monseigneur le regent et madame la regente devront entrer à Paris, chascun college et corps, le mieulz acompagnié de ses suppostz, habilliez le plus honnestement qu'ilz pourront, yront de pié au devant desdiz segneur et dame (Fauq., III, 1431-1435, 142)

LE GAUDISSEUR. Je fus receu honnestement De gens de bien qui vistement Vindrent après moy par exprés. (Gaud. sot, c.1450, 12)

Et assez matin vous levez et habilliez le plus joieusement et honestement que vous pourrez et sans grant bruit. (La Sale, J.S., 1456, 44)

Et a maistre Robert Valee, Povre clergon en Parlement Qui n'entent ne mont ne valee, J'ordonne principalement Qu'on luy baille legierement Mes brayes, estans aux Trumillieres, Pour coyffer plus honnestement S'amye Jehanne de Millieres. (Villon, Lais R.H., c.1456-1457, 17)

...le bon gentil homme retourna de la guerre et vint a Bruges ; et au plustost qu'il peut honestement print son chemin (C.n.n., c.1456-1467, 147)

Si n'estoit pas bien a son aise, et ne savoit penser comment il se pourroit honnestement de luy desarmer [Un homme veut cesser de recevoir un voisin importun] (C.n.n., c.1456-1467, 331)

... [le moine] en la conduicte d'un serviteur de la dicte damoiselle vint arriver a l'ostel, ou il fut receu bien honnestement. (C.n.n., c.1456-1467, 486)

Qu'il vous pleust de moy eslargir Et donner le corps de Jhesus, Pour ce que j'advoye conclus L'ensevelir honnestement. (Pass. Auv., 1477, 236)

L'OSTE. Monsieur, en ceste hostellerie N'a pas esté certaynement Traictee vostre seigneurie, Se me semble, tant proprement, Tant bien ne tant honnestement Comme il vous affiert en effect ; Mais le bon vouloir seulement Vous reputerez pour le fait. (La Vigne, S.M., 1496, 212)

Il a si bien son temps passé Et vescu si honnestement Que prou de biens il m'a laissé, Sans debvoir ung blanc seulement. (La Vigne, S.M., 1496, 520)

B. -[À propos d'une chose] Convenablement, de manière satisfaisante.

Quant Saintré fut en son loigeis le soir qu'il fut partis de Barcellonne, pour plus honestement faire savoir a Madame le contenu de ses armes, son retour et son fait, se appensa que s'il mandoit au roy aucuns de ses heraulz que on pourroit penser que ce seroit en glorifiant sa bonne nouvelle (La Sale, J.S., 1456, 137)