HA

interjection

[T-L : a2, ha, haa ; GD : haa2 ; GDC : ha ; DEAF, H 5) : ha1 ; AND : a3 ; FEW (IV, 361a) : ha ; TLF (II, 247b) : ah]

I. -[Interj. marquant une rupture émotive (souvent en tête du discours direct)]

A. -[Marquant la plainte, la douleur (parfois mêlée de reproche)]

Ha ! diex d'amours, vien tost le cours Et m'aïde de tes secours ; Car, se temprement n'i acours, Je ne puis estre respité De la mort, car tuit mi recours Sont en toy, et mi jours sont cours (Mach., Les lays, 1377, 310)

Ha ! Fortune, trop sui mis loing de port, Quant en la mer m'as mis sans aviron En un batel petit, plat et sans bort, Foible, pourri, sans voile et aviron. (Mach., Motés, 1377, 497)

A quoy fu respondu par ledit Breton : Haa ! je sçay bien que je suis mort ; car messeigneurs veulent que je dye ce que j'ay dit seans en la gehine. Mais facent de moy leur voulenté, car je prens sur Dieu et sur l'ame de moy que ce que j'ay dit n'est pas vray (Reg. crim. Chât., I, 1389-1392, 551)

Et icelli Breton respondi à lui qui parle : Ha ! pour Dieu, ayes pitié de moy ; car je l'ay dit par force de gehine. (Reg. crim. Chât., I, 1389-1392, 537)

Mere, il ne te doit chaloir de la desloyauté de nostre pere, s'il l'a t'a faicte, car il en a son paiement, car jamais n'ystra de la montaigne de Brumbloremllio, ou nous l'avons encloz, et la usera son temps en doulour. Haa, dist Presine, qui bien le savoit, faulses et mauvaises, et tres ameres et dures de cuer, vous avez mal fait, quant cellui qui vous avoit engendrees vous avez ainsi pugny par vostre faulx et orguilleux couraige, car c'estoit ce ou je prenoye toute la plaisance que j'avoie en ce monde mortel (Arras, c.1392-1393, 12)

Lors vint la lictiere ou le conte estoit dedens mort. Quant ses hommes le virent, si commencierent a crier : Haa, maudit soit celui qui ceste chace nous annonça. Et la commenca la doulour si grant que oncques homs ne vit greigneur. (Arras, c.1392-1393, 28)

...et [Olivier] baisse la lance, et va ferir Remondin enmy le pitz, ains qu'il s'en donnast garde, moult rudement, car il y mist toute sa force. Mais Remondin n'en ploya oncques l'eschine, et la lance Olivier lui froya jusques que il fu poins ; et de la force du coup la lance Remondin chey a terre. Haa, traitre, dist Remondin, tu ensuiz bien la fausse progeniee dont tu es yssus, mais ce ne te puet riens valoir. (Arras, c.1392-1393, 62)

Et tantost après vit ledit maistre Hector Rousseau frappé d'un trait d'arbaleste, dont il cheut sur ladicte maison, en disant : 'ha ! tu m'as tué !' et ne parla plus ledit suppliant oyst, dont il fut bien esbay (Doc. Poitou G., t.10, 1459, 158)

Duquel dictum et sentence il se trouva fort perplex et non sans cause, car il ne cuidoit point que le roy ne sa justice le deussent faire mourir. Et dist alors et respondi : ' Ha, ha ! Dieu soit loué, veez cy bien dure sentence ; je lui supplie et requier qu'il me doint grace de bien le recognoistre au jour d'uy.' (Roye, Chron. scand., I, 1460-1483, 332)

Ha ! mort cruelle, dont te vient telle envye Que tel chef d'ost et haultain chevetaine Tu as voulu si tost priver de vie ? (Le Clerc, Interp. Roye, c.1502, 395)

Ha ! faulse mort, fait as ung si grant mal à tous nobles et à tous gens de guerre, Qu'on doit de toy vers Dieu vengence querre ! (Le Clerc, Interp. Roye, c.1502, 395)

B. -[Marquant un étonnement (négatif ou positif) ; marquant que l'on vient de découvrir ce qui est ensuite énoncé]

La veissiez la feste commencier moult grant, et menestriers et trompettes faire leur mestier, et autres melodieux tons. Et par my la ville veissiez gens d'onnour, bien et richement habituez, qui crioient a haulte voix : Haa ! Bien viengnent les princes de victoire, par qui nous sommes resuscité du crueux servage des ennemis de Jhesucrist. (Arras, c.1392-1393, 117)

LE PREMIER. Messieurs devinez s'il ment, Sur ma foy, tu es fantastique. Tu es au lieu tres ententicque Ou gist et repose le roy Des clers, et trestout son arroy. Le vois tu en sa majesté ? LE SECOND. Ha, par ma foy, je suis maté, J'ay tort, je me tais, mot ne sonne. (Feste roys, c.1475-1500, 304)

Ha, par sainct Jaques, il n'est pas prest ! (Rapp., c.1480, 68)

Ha Dieu !

LA CHOSE PUBLICQUE. Faictes ouverture. L'AFFINEUR. Ha Dieu ! FINE MINE. Quel plaisance mondaine. (Sots mal., c.1480, 85)

Ha dea !

Ha dea ! ilz s'en sont envollés ! (Vig. Trib., c.1480, 223)

II. -[Onomat. du rire]

Hay, hay, hay, hay, quel grant laidure ! Par celluy Dieu quil fist les nuez Mon pere dort les coillez nuez, Venéz vëoir, quel riguolaige ! (Pass. Semur D.M., c.1420 [1488], 31)

BRICET en riant. Ha ha ha ha ha ha ha ha. (Myst. st Martin K., a.1500, 320)