GRUYER

substantif masculin

[T-L : gruier2 ; GD : gruier1 ; DEAF, G 1509) : gruiier ; FEW (XVI, 89b) : *grôdi ; TLF (IX, 565a) : gruyer]

Officier qui, sous l'autorité d'un maître des eaux et forêts, a la charge de surveiller les bois et rivières d'une circonscription et de juger en première instance les délits qui s'y rapportent. (synonyme verdier)

...nous vous envoions souz nostre seel du secré un informacion faite de nostre commandement sur aucuns dommages que Henry Aguillier se dit avoir eu pour la muance de noz monnoies en certaine quantité de bois qu'il achatta du gruier de Champaigne. (Phil. Vi Valois, Lettres closes C., 1330-1349, 115)

De Gilet de Moncgueur, sus la somme de IIIIc IIIIxxVII lb. XVIII s. VII d. pougoise qu'il devoit de ce temps pour Gobert de Sommevoire, jadiz gruier des bailliages de Troyes et de Chaumont... (Comté Champ. Brie L., t.3, 1340-1341, 277)

Le quart chapitre est des veneurs et gruyers et du labour loisible et de celui qui n'est pas loisible ne convenable, et parle des differences du deduit de chacier. (Foul., Policrat. B., I, 1372, 100)

Le gruyers de Bourgoingne, en sa premiere creacion, est tenu de jurer de bien et loyaulment gouverner l'office de la gruerie au profit du prince, bien et loyaulment faire garder les bois et les estans faire vuidier et, là où il appartendra, empoissonner les estans et faire vendre quant mestier sera (Cout. bourg. glosé P.M., c.1380-1400, 63)

...ledit Sire doit avoir et mettre esdiz bois son Gruyer par dessus les diz Forestiers ; et doit estre creuz ainsi comme il est s'il estoit à eulz, pour son fait. [Éd. : 'On adjoustera foy à leur rapport, comme on le fait à celuy des Forestiers choisis par les habitants.'] (Ordonn. rois Fr. S., t.6, 1381, 632)

Item, que le dit marchant coupera et avera a son prouffit tous les bois quelconques qui est et sera en sa dicte prinse et marchandise, excepté que nous avons retenus et retenons la moitié des gros chesnes tant seulement a partir a l'encontre de lui par nostre dit gruier ou autre qui portera nostre martel et ensengne. Et ainsi le dit marchant doit laissier LX estalons a chacune mouie de bois de l'age du bois sengnié par nostre dit gruier ou autre pour nous et par cellui qui portera nostre dit martel, les gros chesnes partans en moitié comme dit est (Comté Porcien R., 1395, 204)

Es plez de gruerie tenuz a Sainct Leger en Yveline par nous, Jehan de Sabrevoys, escuier, lieutenant de noble homme et saige Thaurin de la Charmoye, escuier, gruyer d'Yveline, le second jour de febvrier, l'an mil trois cens quatre vingtz et seize, fut fait ce qui ensuit : Comme certain plait et procés fust des pieça meu et pendant par devant nous en l'auditoire de nostredit maistre le gruyer audit Sainct Leger entre le procureur de monseigneur le conte de Montfort et les habitans qui(lz) doivent et ont acoustumé a payer le pastz par chascun an audit nostre maistre le gruyer et a ses officiers cy dessoubz nommez, lesquelz habitans sont demourans es villes des Mesnulz, de la Milliere, du Jardin, de Launay Roguerin et de L'Aunay Bertin. (Chartes Abb. St-Magl. T.F., t.3, 1397, 711)

En tesmoing de ce, nous avons fait sceller ces lettres du scel a nostredit maistre le gruyer. (Chartes Abb. St-Magl. T.F., t.3, 1397, 715)

Si esdictes Forestz est aucuns caables, coupeaulx, tronches, branches, ou aucuns demourans, ilz seront vendus par les Maistres ou par les Verdiers, Gruiers, Gardes ou Maistres Sergens, au proufit de Nous (Ordonn. rois Fr. S., t.8, 1402, 526)

À messire Gerart, seigneur de La Guiche, chevalier banneret, bailli dudit Mascon, la somme de deux mille cens quatre vins six frans trois gros, en prest et paiement à lui fait sur les gaiges de lui et des gens d'armes et de trait de sa compaignie et soubz son estandart, ou nombre de deux cens quatre vins unze paies demie, receuz et passez à monstre audit lieu de Mascon le VIe jour de septembre l'an mil IIIIc et dix huit par messire Hugues de Lenthenne, gruyer du conté de Bourgoingne, à ce commis de madame la duchesse de Bourgoingne, pour estre demourer en garnison en la ville de Mascon pour la seurté et deffense d'icelle (Comptes Etat bourg. M.F., t.2, 1419, 567)

Auquel prothonotaire avons donné et donnons par cesdites présentes auctorité, puissance et commission de veoir et visiter touz et chascun les comptes et estatz des receptes et despences de touz noz trésoriers, receveurs, chambres aux deniers et argentiers, prévostz, gruyers, segreairers, grenetiers, clavaire et fermiers,... de recouvrer ou faire recouvrer les restes et reliqua en quoy ilz nous pourroient estre tenuz (Roi René vie L., 1458, 285)

...seront tenus de cy en avant faire ou faire faire crier et publier les diz jours de nostre dite gruerie en la dite ville de Beaune (...) toutes et quantes-fois que par nostre gruyer ou son lieutenant requis en seront (Chartes communes Bourg. G., t.1, 1459-1460, 286)

...tous les autres offices deppendans desdictes Eaux et Forestz, non fieffez et héréditaulx : soient enquesteurs, mesureurs, procureurs, gruiers, verdiers, gardes, subzgardes, sergenteries, soubzsergenteries (Cartul. Laval B., t.3, 1466, 246)

Aussi avoit il le seigneur d'Espiry, le seigneur de Ru, le seigneur de Soye, et les enffans de Vauldrey, que conduisoit Philippe de Vauldrey, gruyer de Bourgoingne. (La Marche, Mém., III, c.1470, 18)

Remarque : L'office de gruyer : Cf. E. Decq, 'L'administration des eaux et forêts dans le domaine royal en France aux XIVe et XVe siècles.' (Mémoire posthume), Bibl. Éc. Chartes 83, 1922, 65-119 et 331-361 ; J. Brüch, 'Frz. gruyer', Z. fr. Spr. Lit. 48, 1927, 116-119 ; F. Lot, R. Fawtier, Hist. des instit. fr. au Moy. Âge, t.1, 1957, 241-242 ; t.2, 1958, 153 et 252.