GROBIS

adjectif et substantif masculin

[T-L (renvoi) : grobis ; GD : grobis ; DEAF, G 1428) : grobis ; FEW (XVI, 89a) : grob]

I. -Substantif masculin.

A. -Personnage de poids (gros et/ou important).

...tous les plus riches grobis Sont tous presans en ceste dance. (Lord. Tart Ab. L., a.1465, 163)

...Pour bien chasser a la pipee Et prendre quelqu'un au caillé, Petit musequin esveillé, Preste a donner l'eschantillon A quelque grobis esmaillé Contrefaisant l'esmerillon. (Coquill., Oeuvres F., 1478-p.1494, 76)

Chaines d'or courront meshouen Pour saindre millours et grobis, Et qui n'aura argent ne rien Se saindra d'une chaine a puys. (Coquill., Oeuvres F., 1478-p.1494, 162)

Mais laboureurs et pauvres gens, Qui sont tous nudz et indigens, Peuvent celer leur petit cas Mieulx que ne font ces advocas, Ces riches bourgois et marchans, Qui s'en vont en gros bis marchans, Desquelz volle la renommee (Rivière, Nef folz D., 1497, 238)

Locution verbale.

Faire le grobis faire du grobis contrefaire du grobis. Faire le personnage important, se donner de grands airs.

DRAGON. ...Ça, maistre, ne rebellez point, Faictes vous icy le grobis ? Vous vendrez par devers nobis : Passez avant legierement. JOSEPH. Seigneurs, menez moy doulcement. Quel chose me demandez vous ? (Gréban, Pass. J., c.1450, 374)

Son vert bonnet, dont il fait le gros bis, N'oublie pas, tasse, ne panetière, Avec Hersane, sa godinette chière. (Banquet du boys. 1454. In : Poés. fr. des XVe et XVIe s., t.10, 211)

Je souloie du grobix faire, Tant bien que toy, croy sans doubtance, Mais puis que perdy ma chevance, Suys ainssi paillard devenu. (Du Prier, Roy Adv. M., 1455, 426)

Tel a bien ses harnois fourbis Qui est ung tresvaillant couard ; Tel fait du saige et du grobis Qui est ung glorieux conard ; Tel dit : 'Proficiat vobis', Qui me vouldroit esclave en Frise (Alecis, Faintes monde P.P., c.1460, 112)

Pour elucider ceste doubte, Je tiendré le lieu du docteur De Martin, [de] son sectateur Et quant il sera hors de ma teste Je tiendré le lieu pour la feste Et respondré a l'opposant, De Martin, qui moult fut duisant Au beau Colin, plus que nul autre. Ou est ce beau chapeau de fauldre Que je face ung peu du gros bis ? (Serm. Choppinerie K., c.1462, 149)

MESSIRE JEHAN. ...Confesser vous fault de voz mains Et de vos cinq cens de nature. PATHELIN. Mises les ay à la ceinture Souvent en faisant le gros bis, [En disant aux gens : Et vobis !] Quant on me disoit : Bona dies ! (Test. Path. T., c.1470-1475, 189)

Parmy les rues de Paris, Faisant monsieur du gros bis, Fouré de robes de regnars, Comme font ung tas de cornars Qui n'ont vaillant ung seul denier, Ilz la doibvent au peletier, Mais cela n'est que du moins. (S. fol, c.1480-1490, 7)

RICTOVIAIRE. Il fault deux fors putiers rabis Qui le voient ['aillent'] desprisonner [Quentin] . Riagal, fais tu le grobis ? Arsenicq, m'os tu point tonner ? (Molinet, Myst. st Quentin C., c.1482, 260)

Puis que bergers font du gros bis, Le loup n'ara jamais mercy. (Myst. Pass. Troyes B., a.1482, 210)

Ça, maistre, ne rebellez point ! Faictes vous icy du gros bis ? Vous viendrés par devers nobis, Passez avant, faulx garnement ! (Myst. Pass. Troyes B., a.1482, 783)

Cil qui ne scet son cas entendre Est bien taillié d'avoir du pis. Qui ne scet au pain blanc contendre, On le boutte a mengier pain bis. Le caulteleux fait le grobis Affin que le simplet se sengle (Prov. rimes F.M., c.1485-1490, 81)

LE SECOND FOL. Mais des filles taster la pance Par le dessoubz de leurs habis ; Manger pain blanc. LE TIERS FOL. Dehors pain bis ! Tous jours avoir grosse pitance Et contrefaire du gros bis (Folle Bob. P., c.1500, 255)

Trancher des grobis. Faire le personnage important, se donner de grands airs.

LE BERGIER. Mes compaignons et moy Gardons bien sept mille brebis. LE MENEUR DES CHAMEAULX. Ne tranchés ja tant tant des gros biz, Car vous n'avez point telz travaulx Que nous, qui gardons les chameaulx (Myst. Viel test. R., t.5, c.1450, 8)

Je m'esbatz, je raille, je larde, Je sers de lardons et brocards, C'est ce que fault ad ces coquars Qui veullent trencher du gros bis. (Copp. lard., a.1488, 168)

Farsasmes nous pas lourdement Trestous noz trencheurs de gros bis ? (Sots Magn., a.1488, 193)

Te promettant par droicte foy lombarde Tenir tes loix sans trencher des gros bis Ne fais aussi des arrogans rabis, Car de cela jamais plus n'avons garde. (La Vigne, Patenostre Genevois B., 1507, 170)

B. -[Dans un contexte grivois] Sexe de la femme.

...Ilz [les jeunes élégants] fringuent trop et si n'ont riens - Pour avoir du drap largement Il fault obliger corps et biens. En effect, vela les moyens ! Plusieurs sont, par leurs haulx habitz, Aprés menez comme beaux chiens Pour faire leur pain de gros bis [avec jeu de mots gros bis 'grosse farine bise'] . (Coquill., Oeuvres F., 1478-p.1494, 337)

Or je vous demande, mes dames, Qui vous coucheroit sur ung banc, Seroit ce tout ung, bis ou blanc, Mais qu'on vous serrast pres de l'ayne Deux ou troys picotins d'aveine Pour repaistre vostre grobis ? Bien, bien, proficiat vobis ; C'est bon mestier quant on s'en vit. (Michel, Myst. Pass. J., 1486, 111)

II. -Adjectif. Important, remarquable.

'Quoy !' dient les armes. 'Je me plains Si je n'ay le bruyt par dessus Les dames, car j'en ay faict maintz, Petiz et de bas lieu yssus, Monter, eslever, mettre sus. De terre ou du fons d'ung celier Je les rens grobis et moussus, tout au fin feste d'ung sollier.' (Coquill., Oeuvres F., 1478-p.1494, 250)

Locution adverbiale. En grobis. De manière remarquable.

LE FEVRE. Voicy cloux a bonne poincture Et fust pour perser marbre bis. S'ilz ne sont forgéz en gros bis, Je n'en demande riens, beau sire. (Gréban, Pass. J., c.1450, 319)

Pour nous resjouÿr en gros bis, Nous avons du pain blanc et bis. (Myst. Pass. Troyes B., a.1482, 203)

Remarque : Cf. V. Väänänen, R. Ling. rom. 34, 1970, 167-178, qui rejette l'étym. du FEW XVI, 89a, grob, et qui voit en grobis (= gros bis) un composé de gros et de l'élément bis : «Ce qui prime tout [plus que l'étymologie], c'est l'expressivité, l'aspect phonique censé produire une sensation de dépaysement et de gratuité...».