GORGIAS

substantif masculin et adjectif

[GD : gorgias1, gorgias2 ; FEW (IV, 334) : gurges]

I. -Substantif masculin.

A. -Personne d'une élégance affectée.

Quand elle fut montée, les gorgias se misrent devant, qui faisoient fringuer leurs chevaulx, et estoit rage qu'ilz faisoient bien et hault. (C.n.n., c.1456-1467, 313)

En la compaignie de ces gentilz gorgyas, de ses serviteurs et de ses femmes, passa madame par la ville (C.n.n., c.1456-1467, 313)

Laissez aler ces gorgias, Chascun yver, a la pippee (CH. D'ORLÉANS, Rond. C., 1443-1460, 295)

Et les gorgias de maintenant, combien qu'ilz aient la queue si longue qu'elle leur traynne bien long sur la terre... (Colart Mans., Dial. créat. R., 1482, 253)

...d'un truffeur, d'un bordeur, D'un gorgias, d'un grant chanteur Je ne fais pas trop bonne estime. (Alecis, Blas. faulses am. P.P., a.1486, 240)

Laissons courir les dangereux faitz d'armes Sans tant faire des vaillans gorgïas, Car chascun scet qu'au temps jadis, sans armes, David bergier tua bien Golïas. (La Vigne, Ress. chrest. B., 1494, 133)

[En cooccurrence avec mignon]

Que voulez vous que j'en devise, Mon gorgïas et mon mignon ? Je ne sçay se la suis ou non, Car oncques mais n'en fus requise. (Au grey d'amours F.-H., c.1400-1500, 229)

Prophire, mon biau chevalier, Mon gorgias et mon mignon, Pensés de vous bien abillier, Se serés gentilz compaignon. (Molinet, Myst. st Quentin C., c.1482, 9)

Gorgias de cour. Courtisan.

Honneur a qui chascun tendoit les palmes Estoit servy de gorgias de court, De grands prelas aians la cure de ames, De fringuereaux et de mignons de dames, De gens de cloistre et de gens vestus de court. (Molinet, Faictz Dictz D., 1467-1506, 103)

Faire du gorgias. Jouer l'élégant.

...ou diocese de [Theroenne] , avoit (...) ung gentil curé demourant a la bonne ville, qui faisoit du gorgias tout oultre. (C.n.n., c.1456-1467, 530)

Gorgias des armes. Belliqueux, va-t-en-guerre.

To père que Dieu absoille, estoit le serviteur de Venus, tu es le disciple de Mars. Il estoit le mignon des dames, tu es le gorgias des armes. (Molinet, Chron. D.J., t.1, 1474-1506, 93)

B. -COSTUME Pièce de lingerie du costume féminin, destinée à orner le cou, les épaules et une partie du corsage.

Illecques parloient des ferrures, Des estas, de larges saintures Et de gorgias empesez (Hautev., Conf. Test. am. tresp. B., c.1441-1447, 32)

Mais la vielle, en despit de sa maistresse [qui] l'avoit tensé le matin pour occasion de ce que'elle ne luy avoit pas ploié ses gorgias, dit et proposa en soy mesmes qu'elle s'en vengeroit. (MART. D'AUV., Arrêts Am. R., c.1460-1466, 83)

LA MORT. (...) Voz beaulx gorgeatz empesez Ny font reans ne large sainture Maintes gens en sont abusez En toulx estas il fault mesure (MART. D'AUV., La Dance des Femmes, éd. L. Götz, 1460-1508. In : Z. fr. Spr. Lit. 57, 1933, 321)

...ung paulme de satin vert, (...) pour faire des gorgias (Comptes roi René A., t.2, 1479, 109)

...tant pour ung garnyment d'espée, ung mantelet, pour peignere, que pour des gorgias pour madame et madamoyselle, et pour empoulètes d'uille de naffe (Comptes roi René A., t.2, 1479, 357)

Gorgias trop menuz ploiés (Amant cord. M., 1490, 65)

II. -Adjectif. Plaisant, élégant, agréable.

A. -[D'une pers.]

...et cuydoit le bon chevallier de Lalain que aucungs d'iceulx estrangiers, François, Ytaliens, Provençaux ou aultres, dont il y avoit plusieurs grans, gorgeas et honnestes personnaiges à la court du duc d'Orleans, deussist avoir pitié de la dame de Plours là figurée, et toucher à aucunes de ses targes. (La Marche, Mém., II, c.1470, 173)

...devant aucunes maisons estoyent eschaffaulx chargiéz de dames fort gorgiases, de sy grant monstre qu'elles sambloyent deesses, tant bien estoyent atournées et habituées de robes de veloux, de damas, de satin... (Molinet, Chron. D.J., t.2, 1474-1506, 387)

Mes gentilz poupars gorgias, Estes vous en toutes saisons En bon point ? (Sots triumph., c.1475, 34)

Ses pages, beaux petiz filz, bien gorgias. (Entrées roy. G.L., 1485, 258)

Et Dieu scet se les femmes de Venise estoient le jour d'hier et aujourd'huy bien gorgiases (Lengherand, Voy. G., 1486-1487, 80)

Aussi, pensez, j'avoie de mien, Toujours gorgias, dorelot, Estriqué comme ung petit chien, Huy satin, demain camelot. (Coquill., Oeuvres F., 1478-p.1494, 361)

Entre voz dames gorgïases de cours, Qui d'amouretes maintenez voz gorriers, Telle folye soit present en decours, Et les lassez a moy venyr les cours, Que l'on ne dye qu'ilz soyent les derriers, Ou aultrement pour vielz pëons terriers Les tiendroit on et n'en feroit on compte, Dont ce seroit a vous et eulx grant honte. (La Vigne, Ress. chrest. B., 1494, 128)

Le Turc estoit sur le Castel Saint Ange Qui povoit voir pape, roy et regens, Aussi le peuple, qui luy fut cas estrange De voir illec ensemble tant de gens Si bien en point, si gorgïas, si gents Qu'il n'est possible de les sçavoir compter (La Vigne, V.N., p.1495, 238)

Ilz l'abillent en ung roy tryumphant et gorgias. (La Vigne, S.M., 1496, 538)

Car maintenant mains princes sont Qui chose du monde ne font Par le conseil de vielles gens, Mais par ung tas de gorriers gentz, Mignons gorgias et honnestes, Ou bien font du tout a leurs testes (Rivière, Nef folz D., 1497, 75)

...dessus lequel [cheval] estoit monté ung beau jeune paige bien gorgias, nue teste, vestu dudit drap d'or frizé en ses lampes, petites brodequins de maroquin blanc, esperons et estriers d'or bien beau (La Vigne, Sacre Anne Bret. S., 1505, 290)

La droite gorgiase la plus gorgiase. La plus élégante.

Et entre les autres, y avoit une dame (...) qui, par ses manières et beau port et danses, en blessa en coeur une douzaine, car estoit la droite gorgiasse et le passe-bruit de la route. (Chastell., Chron. K., t.5, c.1456-1471, 28)

...Car tout ainsi que s'il n'y avoit que ung seul miroyr en tout le monde et aucun le presentast a la plus belle fille, plus honneste et plus gorgiase du pays, elle le priseroit cent foys plus que autant de riche pierrerye (Vasque De Lucène, Cyropédie G.-G., 1470, 186)

B. -[D'un oiseau de proie]

O comme j'ay ung gorgias et honneste Faulcon, plaisant, mué hors de sorage (Livre fauc. M.R., c.1500, 272)

C. -[D'une chose]

Au regard de ceste cité, elle est belle et gorgiase en toutes choses autant que ville peut estre. (Lettres Ch. VIII, P., t.4, 1495, 177)

La robbe longue, la [l. le ?] gorgïas patin, Le corps troussé frisquement de velours : C'estoit assez, qui entend mon latin, Pour y avoir ung tribunal d'amours ! (La Vigne, V.N., p.1495, 168)

Car il y a l'une des belles places, Des gorgïases et des bien acoustree De grosses tours, rivieres, boys et chasses Qu'on saiche point en toute la contree (La Vigne, V.N., p.1495, 178)

Au regard de la compaygnye que le roy avoit avec lu, c'estoit la plus gorgiase chose et la plus triumphante qu'on vit jamais, car il avoit avec luy grans seigneurs, chambellans, maistres d'ostel, pensionnaires et gentilz hommes (La Vigne, V.N., p.1495, 266)

Pour mener vie gorgïase et galloise, Tenez, vella or et argent contant. (La Vigne, S.M., 1496, 192)

Allons devant faire noz entremetz A Amyens, la gorgïase ville. (La Vigne, S.M., 1496, 196)

GABRIEL. De vouloir tressolacïeux, Ce joyau riche et precïeux En paradis nous porterons Et ung chant tresdelicïeux, Gorgÿas, plaisant, gracïeux, En allant tous nous chanterons. (La Vigne, S.M., 1496, 573)