GLOUTON

adjectif et substantif masculin

[T-L : gloton ; GDC : glouton ; DEAF, G 884) : glot ; AND : glutun ; DECT : gloton ; FEW (IV, 173a) : glutto ; TLF (IX, 295a) : glouton]

I. -Adjectif. Gourmand, avide, glouton.

...ilz [les enfants] sont gloutons et prennent des viandes largement (Saint-gille, Comment. A.Y. L., 1362-1365, 286)

...dès s'anfance Il devint gloton et yvrongne (Mir. Pierre Changeur, c.1378, 245)

La seconde est que sobrieté delivre homme glouton de servaige du ventre a qui il est serf. (Ménagier Paris B.F., c.1392-1394, 44)

[P. réf. aux péchés capitaux]

LUCIFER. Ces nouueaulx chrestiens tiendrez Et les enchantez tellement Que trestous soyent a damnement Et leur faictes mettre leur cure En conuoytise et en luxure Les vns sont fort orgueilleux Les autres gloutons et enuieux Les vns faictes entretuer Les autres tollir et embler Et ainsi ne pouuons rien perdre. (Myst. st Martin K., a.1500, 262)

II. -Substantif masculin.

A. -Celui qui mange avec excès, gourmand, goinfre.

Celui qui boit et mangüe souffisanment et actrempeement ou resgart de gloutonnie, il semble estre trop sobre. Et ou resgart de celuy qui est trop sobre, il semble estre glouton. (Oresme, E.A.C., c.1370, 170)

Et pour ce telz gens sont appelés castrimarges et est a dire que ilz ont les ventres enragiéz, et peuent estre diz en françois gloutons ou gourmans (Oresme, E.A., c.1370, 224)

Le glouton par son yvresse et gloutonnie pert le sens et l'esprit, si qu'il ne scet gouverner le corps. (Ménagier Paris B.F., c.1392-1394, 44)

Devotes gens, je treuve en l'Evangile que le mauvais riche glouton qui refusa au ladre les miettes de sa table, quant il ardoit en enfer il ot souvenance de ses amis vivans (Gers., Déf., 1400, 241)

Et tousjours a glouton quelque douleur Et est pesant, replet et gras et ort (Chart., B. Nobles, c.1424, 407)

Item les hommes charnelz, qui vivent selon la char, qui font de leur ventre leur Dieu, comme gloutons, qui aourent leur ventre, ainsi que dist l'apostle Saint Pol. (Somme abr., c.1477-1481, 105)

[P. réf. aux péchés capitaux]

Dont ou livre de Sapienche ou premier chapitre est dit que «[en] l'ame mal veullant n'entrera sapience», pour les vices espirituelz, «et ne habitera en corps subget aux pechiés», c'est a dire es gloutons et luxurieux. (Daudin, De la erudition H., c.1360-1380, 32)

B. -[Terme d'injure]

Canaille, coquin, traître.

Lors fist le roy les deux gloutons Batre et donner de bons bastons (Renart contref. R.L., t.1, 1328-1342, 94)

Et d'autre part il m'est bel de la mort recevoir, mais que je puisse veoir noyer ce glouton qui noz compaignons nous a occis. (Bérinus, I, c.1350-1370, 212)

Et lors que Berinus les recongnut, il leur escria et dist: 'Gloutons, ou prinstes le hardement que vous osastes mon filz assaillir ?' (Bérinus, I, c.1350-1370, 380)

Et quant Girart l'ouÿ si dist a ses sergens : 'Prenez moy ces gloutons et [ces] maülz [l. maulz] parlans !' (Gir. Vienne D.B., c.1350-1400, 173)

S'il pleüst a [ce] Dieu (...) Que feussions delivrés de Sorbrin le glouton, Et vous feussiez venus a vostre entencïon. (Ren. Gennes D.B., c.1350-1400, 103)

A Buillon m'en iray, qui est bonne fretés, Pour véir le glouton, Godefrois est nommés, Qui de Jhérusalem doit estre couronnés. (God. Bouillon R., t.2, c.1356, 18)

Par mon chief, dist ly ber, perdu ont ly glouton ! (Hugues Capet L., c.1358, 137)

Et trouvèrent l'arcevesque de Cantorbie (...) liquelx avoit tantos fait le divin office et celebré messe devant le roi ; il fu pris de ces gloutons et là tantos decollés. (Froiss., Chron. R., X, c.1375-1400, 111)

Et estoient sus un propos cil glouton que de courir Londres et reuber et pillier ce meïsmes jour. (Froiss., Chron. R., X, c.1375-1400, 117)

...appertement Prenez moy ce gloton bonne erre, Et si le jettez contre terre Et d'escourgies le batez Tant que le sanc de touz costez Ysse de ly. (Mir. st Lor., 1380, 178)

'Galien,' dist Girart, 'par amour vous prion Que vous me regardés jouster a ce glouton, De quoy vous vauldrés mieulx selon m'entencïon.' (Galien D.B., c.1400-1500, 21)

Sy [le garçon rusé que j'aime] ne me sceust tant detrainer, Fouller aux piez, que [moi, la belle Heaumière] ne l'aymasse, Et m'eust il fait les rains trayner, S'il m'eust dit que je le baisasse, Que tous mes maulx je n'oubliasse. Le glouton, de mal entaichié, M'embrassoit... J'en suis bien plus grasse ! Que m'en rest'il ? Honte et pechié. (Villon, Test. R.H., 1461-1462, 54)

Avant hier, devant le pont de Mautrible, nous trouvasmes quinze glottons sur les champs, qui nous voulurent toullir nous chevaulx et faire villennie. (Bagnyon, Hist. Charlem. K., c.1465-1470, 89)

Mais touteffois vostre puterie ne durera gayres, comme bien je me fye, car je vous jure que je despartiray les amours que vous [avés] avec ces gloutons françois, et chescun de vous feray ardoir sans pitié avoir de vous ! (Bagnyon, Hist. Charlem. K., c.1465-1470, 156)

O cueur plus dur que n'est le marbre, Qui de plourer ce feust tenu A veoir ce povre homme tout nu Dresser, par ses mauvais gloutons, A dards, a lances, a bastons ? (Myst. Pass. Troyes B., a.1482, 917)

En apostrophe.

A Esmery a dit : 'Glouton tirez arrier, Le nobile Girart s'est assis a menger, Il n'est point en bon point d'ouÿr vostre mestier...' (Gir. Vienne D.B., c.1350-1400, 124)

Tu mens, s'a dist li roy, fel glouton soudoiant ! (Renaut Mont. B.N. V., c.1350-1400, 346)

Or sa, glouton, riens ne vaura Vostre fause papelardie (Jour Jug. R., c.1380-1400, 239)

Et quant il les ot ratains, si leur escrie : Par Dieu, gloutons, vous ne me povez eschapper. Et lors se fiert entre eulx et abat le premier qu'il attaint par terre (Arras, c.1392-1393, 225)

'Glouton, vous comperrez ennuit vo fol parler, A vostre col ferai une corde vous souper.' (Galien D.B., c.1400-1500, 115)

Va, glouton, se dist Garin, que Dieux vous doinst encombrier ! (Enfances Garin de Monglane K., p.1400, f° 58v°)

Respont Ogier : 'Deffendeiz vous, gloton !' (JEAN D'OUTREM., Myr. histors G., a.1400, 196)