GLOUT

adjectif et substantif

[T-L : gloton ; GD : glout2 ; DEAF, G 883-887) : glot ; AND : glutun ; FEW (IV, 172b) : glutto]

I. -Adjectif.

A. -Gourmand, avide, vorace, goinfre.

1.Au propre.

Pour justice et vengence prendre, [Dieu] Fist la mort issir de sa cage, Pleinne de forsen et de rage, Sans frein, sans bride, sans loien, (...) Si gloute et si familleuse, Que ne se pooit saouler Pour riens que peüst engouler. (Mach., J. R. Nav., 1349, 149)

...N'il n'a maisons, chambres ne sales, Fors cavernes ordes et sales Es queles li mauffés se boute Quant säoule est sa pance gloute. (Mach., Voir, 1364, 622)

Et nous veon que des hommes les uns sont larges et courtois plus que nulle autre beste, les autres avers et glouz come chiens (Oresme, E.A.C., c.1370, 513)

Il font souvent guerre pour le pechie de luxure et destruient l'un l'autre pour acomplir leurs folz delis charnelz, dont il sont devenus delicatis, glous et aussi comme tous effemines (Mézières, Sustance H., 1396, 45)

Ha, creature humainne qui veulx entrer es saintes ordres, regarde ce que on te baille: se tu as esté paresseux a aler a l'eglise, soies eveillié, se glous en beuvant et mangant, soiez sobres, se luxurieux, chastes, et vous demonstrés telz que vous puissiés plaire a Dieu. (Juv. Urs., Aud. celi, 1435, 241)

Alors les glouz et affamez citoyens saillirent hors, et pour les mesaises qu'ilz avoient euz, et pour leur gloutemens, ne se peurent tenir qu'ilz ne bussent et mengassent largement (La Sale, Salade, c.1442-1444, 52)

...donne a sa bouche [de la dame] entretien Qu'elle ne soit glocte ne yvrecte Ou d'onneur perdra len soustien (Droit actour dames M., a.1466, 492)

O Atropos, pluthonique, scabreuse, Furie aride, sulphurinée, umbreuse, Fière boucquine, bugle, cerbère, cabre, Beste barbare, rapace, tenebreuse, Gloute celindre, cocodrille vibreuse, Chymère amère, megerin candalabre (La Vigne, Compl. roy Bazoche M.R., 1501, 389)

Insatiable.

Si n'en doit on pas dire villains mos [d'Amour] , Ne l'appeller fausse, vielle ne glote (Desch., Oeuvres R., t.7, c.1370-1407, 20)

Glout de/en qqc. Gourmand de qqc..

...car soubz ombre de celebrer conviz et festes l'en les [convia] de ça et de la pour chanter et tromper, et si leur donna on tant a boire de vin, duquel ceulz de celi mestier sont assez glout, que il s'endormirent. (Bers., I, 9, c.1354-1359, 30.8, 55)

Il savoit bien que c'estoient gens moult glouz de vin. (La Sale, Salade, c.1442-1444, 52)

Estoit luxurieux outre-bord, glout en vin et viandes (Chastell., Chron. K., t.4, c.1456-1471, 27)

Glout comme un chat

Il [l'homme vil] het les bons, il est gloux comme un chat (Desch., Oeuvres Q., t.4, c.1370-1407, 122)

Proverbe. N'est pas glout qui de tout n'assaie

N'est pas glout qui de tout n'assaie. De mengier blanc pain se tane on. (Molinet, Faictz Dictz D., 1467-1506, 662)

2.Au figuré. [D'une pers. ou d'un attribut, d'un aspect de la pers.] Avide, curieux de savoir, de connaître .

Et dit que ce ne fu oncques don qui veinst de Dieu mais c'est nostre gloute pensee, selon ce que dit Chryzostomes, que humain lignage est trop glout de savoir les choses a avenir. (Oresme, Divin. C., c.1366, 78)

...et dist que ce ne luy vient mie de don ne de grace de Dieu, mez ce luy vient de la volanté et de la pensee humaine, laquelle est tres gloute (Songe verg. S., t.1, 1378, 409)

Possessif.

Et avient souvent, pour ce qu'il est tres jeune envers elle, elle devient jaleuse, car la friandie et lecherie de la jeune chair du jeune homme la fait gloute et jaleuse, que elle le vouldroit tourjours avoir entre les bratz et si vouldroit tourjours estre emprés. (Quinze joies mar. R., c.1390-1410, 100)

Et voulentiers telles veilles marieez a jeunes homs sont si jaleuses et si gloutes qu'elles sont toutes enragees, et quelque part que le mary aille, soit a l'eglise ou ailleurs, il leur semble qu'il n'y va que pour mal faire, et Dieu sceit en quel triboil et tourment il est et les assaulx qu'il a ! (Quinze joies mar. R., c.1390-1410, 102)

Glout de + inf. Avide de.

...humain lignage est trop glout de savoir les choses a avenir. (Oresme, Divin. C., c.1366, 78)

Et se je sui, sire, trop glous De demander chose si digne, Ce me fait la doulce et benigne Misericorde dont usez (Mir. st J. Paulu, c.1372, 1)

Et lui, tres glout d'honneur acquerre (...) ruoit jus hommes et chevaulx (Percef. IV, R., c.1450 [c.1340], 30)

B. -[D'une pers. ou d'un attribut, d'un aspect de la pers.] Mauvais, malhonnête, misérable.

Il est aucunes fausses gloutes chamberieres que, parce que elles scevent assez du bas vouler et bien servir pour mieulz flater es grans hostieulz des bourgois et riches gens, on leur baille grant gouvernement pour ce que elles scevent bien faire les bonnes mainagieres. (Chr. Piz., Trois vertus W.H., c.1405, 209)

La mauvaise gloute traitresse A perdu ce bel heritage (Martin Le Franc, Champion dames I-II, P., 1440-1442, 143)

Grossier, injurieux.

Et tout aussi est il de toy, ad ce que j'en ay entendu, mais tes gloutes paroles te seront chierement vendues, et a malheure te yssirent des dens, car pour nul homme du monde il ne te sera pardonné que tu ne soies pendu. (Bérinus, I, c.1350-1370, 342)

Tu ne penses tousjours qu'a tricherie, Gloux en parler et glouz en lecherie (Desch., Oeuvres R., t.7, c.1370-1407, 98)

II. -Substantif.

A. -Celui/celle qui mange beaucoup et avec avidité.

...ja glout par nulle achaison, Tant com a cel mal servira, Des vrois biens rien ne sentira Ne des doulceurs espiritables (Tomb. Chartr. W., c.1337-1339, 39)

Les gloutz, combien qu'ilz ne beuvent ne mangent pas tousjours, car nature ne le puet souffrir, ne ilz ne pourroient tant y digerer, toutesfoiz quant a leur volunte ilz ne vouldroient faire autre. Car ilz ont fait de leur ventre leur dieu, sicomme dit saint Paul. (Mézières, Songe vieil pèl. C., t.1, c.1386-1389, 245)

Dieu commande a jeuner, et la gloute dit : 'Mengeray'. (Ménagier Paris B.F., c.1392-1394, 35)

Mais regarder on doit souvent De Godeffroy l'enseignement, Par lequel il vitupere Les glous et les acompere A l'ours, au chien et a la truie. (CH. D'ORLÉANS, L. péché C., 1404, 548)

B. -Personne mauvaise, méchante, canaille, crapule.

Et le glout, qui bien congnut la pensee de son seigneur, enmena les messagiers. (Bérinus, I, c.1350-1370, 304)

Moult se hasta le glout d'entrer en la mer, pour ce qu'il avoit grant paour que quel que feust ne le chassast pour la grant traïson qu'il avoit faicte, et qu'il ne feust gaitiez et espïez (Bérinus, I, c.1350-1370, 324)

Dont vindrent devers lui moult fierement en disant : 'Fil a putain, glout, or vous convient mourir'. (Bérinus, I, c.1350-1370, 378)

...si m'aidiez Ceste glote mettre en tel point Qu'eschaper ne nous puisse point Ne nul mot dire. (Mir. Berthe, c.1373, 175)

...tout le vin des tables le glout envenima (Cip. Vignevaux W., p.1400, 87)

Et le glout chevaucha (...) Jusques au tref Marsilles ne voult finer de brocher. (Galien D.B., c.1400-1500, 94)

[En apostrophe]

Et Ogier s'escriat adonc : 'Faux glos, putain yssut de bastardie...' (JEAN D'OUTREM., Myr. histors G., a.1400, 48)

Tais toy, glous desloyal, assés advient et advenra que ung pou de pluye abat grant vent. (Hist. seign. Gavre S., c.1456, 46)