GENTIL

adjectif

[T-L : gentil ; GD : gentil ; GDC : gentil2 ; DEAF, G 539) : gentil ; AND : gentil ; FEW (IV, 110) : gentilis ; TLF (IX, 197a) : gentil2]

I. -Emploi adjectival.

A. -[D'une pers.]

1.De condition noble, bien né.

Fil estoient le roy, (...) Phelippre de Hongrie, le gentil et le ber. (Flor. Rome W., c.1330-1400, 137)

D'unnes choses et d'autres asséz on devisa, Mais en concluzion li conssaus s'acorda Qu'au gentil Esmeret la tiere demoura (Flor. Rome W., c.1330-1400, 225)

...Et s'est estraiz des plus gentielz Gens qui soient en ce pais. (Mir. ev. arced., c.1341, 125)

...car il m'est avis Que gentilz estes et courtois. (Mir. femme roy Port., c.1342, 156)

«...C'est le plus gentil homme de France proprement...» (Renaut Mont. B.N. V., c.1350-1400, 257)

Il me semble qe qi qe deveroit a droit jugger la gentilesce d'une persone, il lui covendroit a savoir trois choses, avant q'omme lui tenisoit a droit gentil : La primere est de savoir si son pier estoit gentil... (Henri Lanc., Seyntz medicines A., 1354, 27)

Sire, noble estes et gentiex : Quant ferez aux diex sacrefice ? (Mir. Barl. Josaph., c.1363, 274)

Ceulx sont gentil qui sont sans felonnies, Ceulx sont villains qui font les villonnies. (Taillev., Psaut. vil. D., a.1440, 114)

Et vraiement cest escuier en tous ses faiz et en tous ses diz monstre bien qu'il est gentil et qu'il est norry en la court et en l'escole de tout honneur. (La Sale, J.S., 1456, 114)

Jugement (...) que dit que, en les maisons que lez segneurs de Marlei ont en la court de Marlei, puelt li abel de Saincte-Simphorien panre delme dez menuez bestes, ne ne li puelt li seigneurs deffendre come pour dire : que lez maisons de la court que furent au gentil gens n'en doient point et que oncque ilz n'en paiont point. (Jug. maître-échev. Metz S.M.S., t.1, a.1494, [1338], 164)

[D'une chose personnifiée]

Yver, vous n'estes qu'un villain, Esté est plaisant et gentil, En tesmoing de May et d'Avril Qui l'acompaignent soir et main. (CH. D'ORLÉANS, Rond. C., 1443-1460, 482)

Généreux, bon.

...le gentil dieu, lequel au tamps qu'il regnoit au monde fut nommé le Chevalier au Delphin, est sur son autel en chair et en os (Percef. IV, R., c.1450 [c.1340], 71)

Qui a des qualités intellectuelles et/ou morales.

Nostre musnier, qui estoit gentil compaignon, ramentevoit souvent en sa teste la courtoisie que monseigneur luy avoit faicte, et se conduisit si bien et si sagement que oncques mondit seigneur ne se perceut qu'il se doubtast de la tromperie qu'il luy avoit faicte (C.n.n., c.1456-1467, 42)

...ung procureur en parlement (...) avoit ung clerc habile et diligent et bien escripvant, qui tresbeau filz estoit, et, qu'on ne doit pas oblier, pour ung homme de son eage il n'en estoit point de plus subtil. Ce gentil clerc, frez et viveux, fut tantost picqué de sa maistresse (C.n.n., c.1456-1467, 91)

Qui a de grandes qualités intellectuelles.

'Roy des roys en terre, pourvoie nous de roy gentil, car le nostre est sans valeur !' (Percef. I, R., t.1, c.1450 [c.1340], 82)

Qui a la noblesse du coeur et des sentiments, magnanime.

Gentil de coeur

Li dis contes Derbi, (...) fu moult nobles et très gentilz de coer (Froiss., Chron. L., III, c.1375-1400, 52)

Mais lui, comme homme gentil de couraige qu'il estoit, eut compassion de moy (Percef. IV, R., c.1450 [c.1340], 839)

Coeur gentil/gentil coeur

Car de ça mer n'a pas, ne de la mer, Plus gentil cuer, plus franc, n'a meins d'amer (Mach., J. R. Beh., c.1340, 106)

Premierement il met a nonchaloir Tout ce que cuer gentil ne doit vouloir. (Chart., D. Fort., 1412-1413, 167)

Certes, ung cuer gentil et honneste est moult a destroit alors que necessité le constraint de faire sa requeste. (Percef. III, R., t.1, c.1450 [c.1340], 113)

Pourtant je prie et requiers humblement Tout gentil cueur qui tiendra de noblesse, S'il a vouloir, pouoir ne hardement, Qu'a ceste foys il viengne hardyment Soubz ma banyere qui personne ne blesse, Ou je le tien lasche cueur en foiblesse, Irreprouvable jusqu'a Constantinople, Gayne, canart, indigne d'estre noble. (La Vigne, Ress. chrest. B., 1494, 128)

Gentil bachelier

Entour eulx ot assis maint gentil bacheler (Renaut Mont. B.N. V., c.1350-1400, 205)

Gentil chevalier

Segnor, conselliés moi, franc chevalier gentil (Garin Lorr. M., c.1330-1400, 486)

En son tamps il eut toutes les nobles vertus que uns gentils chevaliers doit avoir. (Froiss., Chron. R., X, c.1375-1400, 132)

...elle ne trouvoit en France ne aultre part, nul confort ne qui se vosist ensonniier de ses besongnes, qant li gentils chevaliers messires Jehans de Hainnau emprist le faix et la carge. (Froiss., Chron. D., p.1400, 67)

En son tamps il eut toutes les nobles vertus que uns gentils chevaliers doit avoir. (Froiss., Chron. R., X, c.1375-1400, 132)

...mesires Pieres de Carchasonne uns moult jentils cevaliers (Froiss., Chron. D., p.1400, 413)

...il est bien si gentils chevaliers et si loiaus, que la ou il m'en requeroit ou prieroit, je li acorderoie (Froiss., Chron. D., p.1400, 753)

...il perchurent un gentil chevalier englois, qui n'avoit q'un oel, lequel on nonmoit mesire Thomas de Hollandes (Froiss., Chron. D., p.1400, 692)

En la duché de Bourgoigne eut nagueres ung gentil chevalier (C.n.n., c.1456-1467, 38)

Fille naturelle du roy, nommée Jehanne, qu'il avoit eue d'une dame en Dauphiné nommée madame de Beaumont, lors appellé Felix, fut fyancée à mons. Loys, bastard de Bourbon, bon, gentil et loyal chevalier, lequel fist de bons, grans et aggreables services au roy et à la couronne, et ne donna jamais à avarice une seule demye heure de repos pour dormir en son cueur. (Le Clerc, Interp. Roye, c.1502, 198)

Gentil comte

...le gentil conte Jehan de Blois (Froiss., Chron. M., XIV, c.1375-1400, 155)

Ce gentil conte, de sa bonne et doulce nature estoit et fut tout son temps amoureux. (C.n.n., c.1456-1467, 154)

Gentil escuyer

...[elle] ne fut pas si rigoreuse que a la pryere d'un gentil escuier, qui d'amours la requist, elle ne fust tantost contente qu'il fust lieutenant de monseigneur (C.n.n., c.1456-1467, 110)

Gentil seigneur

...d'ung gentil seigneur qui fut amoureux d'une damoiselle (C.n.n., c.1456-1467, 8)

Gentil roi

Moult bien la seela et ploia, Et au gentil roy l'envoia. (Mach., P. Alex., p.1369, 228)

...li rois Carles fu remariés a la fille l'empereour Henri de Lucembourch et serour au gentil roi de Behagne. (Froiss., Chron. D., p.1400, 173)

...je racompteray de la noble feste que le gentil roy Perceforest estably et ordonna en son royaume (Percef. IV, R., c.1450 [c.1340], 1)

Gentille femme

Si furent les gentils dames sauvées et gardées, sans nul mal avoir. (Froiss., Chron. R., XI, c.1375-1400, 246)

Gentil fame puet bien pledoïer de son doaire en la court le Roy, ou en la chastellerie où elle seroit, ou en la court de Sainte Eglise ; et est en son choays. Et aussi puet faire gentil homme du mariage qui li a esté donné à la porte du monstier. (Cout. instit. Anjou Maine B.-B., t.1, 1385, 19)

Quant son seigneur est mort. Il [le texte] ne dit pas soulement de dame, mes de toutes gentilz fames. (Cout. instit. Anjou Maine B.-B., t.1, 1385, 263)

...il ot entre la dame et le chevalier une riote, ne scay pas bonnement de quoy. Mais elle se party de lui soubdainement, de quoy le chevalier fu moult doulens. Ce non contrestant il croissoit tousjours en grans prosperitez et en grans honneurs. Or advint que les nobles de son pays lui pourveirent une bien haulte gentilz femme, qui estoit sereur du conte de Poictiers qui pour le temps regna. Et en ot pluseurs enfans masles. (Arras, c.1392-1393, 15)

Messires Jehans de Hainnau soupa a Denaing entre les damoiselles de l'abeie, gentils fenmes qui la estoient. (Froiss., Chron. D., p.1400, 60)

...la avoit dedens la forterece une damoiselle gentil fenme, qui enclose s'i estoit pour l'amour de son ami Jehan de Manni (Froiss., Chron. D., p.1400, 398)

A ceulz elle commettra que ilz sachent et enquierent avau la ville et par tout ou elle sara ou sont povres honteux, povres gentilz hommes ou povres gentilz femmes malades ou decheus de leur estat (Chr. Piz., Trois vertus W.H., c.1405, 37)

...de simple et assez belle maniere estoit devant les gens car elle se disoit gentilfemme. (Ev. Quen. I, c.1466-1474, 107)

...car le Roy avoit nouvellement eslevé une povre damoiselle, gentilfemme, nommée Agnès du Soret, et mis en tel triumphe et tel povoir que son estat estoit à comparer aux grandes princesses du royaulme. (La Marche, Mém., II, c.1470, 55)

[Avec une valeur affective positive] Brave, sympathique.

Le gracieux et bon conseil de ceste gentil femme fut mis en oeuvre [Conseil donné par une amie] (C.n.n., c.1456-1467, 165)

...la pouvre gentil femme a cest coup getta ung bien hault et dur cry (C.n.n., c.1456-1467, 198)

...la bonne gentil femme, qui enrageoit toute vive, saillit a la fenestre (C.n.n., c.1456-1467, 211)

Par ironie.

...[force] fut a la bonne gentil femme a tel regret que Dieu scet, de desbourser les dix escuz, affin que l'escuier s'en aille. [D'une chambrière qui, après avoir exigé d'un écuyer de l'argent en échange de ses faveurs, doit le lui restituer] (C.n.n., c.1456-1467, 123)

...nostre gentille damoiselle (...) estoit en sa chambre retraicte (C.n.n., c.1456-1467, 183)

Gentil homme. Voir gentilhommehomme

2.[Idée d'agrément physique et moral]

a)Agréable à regarder, gracieux.

Et s'ot en li Gent corps faitis, cointe, apert et joli, Juene, gentil, de maniere garni, Plein de tout ce qu'il faut a vray ami (Mach., J. R. Beh., c.1340, 62)

Tant qu'il avint qu'en une compaingnie Ou il avoit mainte dame jolie, Juene, gentil, joieuse et envoisie, Vins par Fortune, Qui de mentir a tous est trop commune. (Mach., J. R. Beh., c.1340, 68)

Cils souvenirs, par son engin soubtil, Me ramentoit le viaire gentil Et le gent corps pour qui mon cuer essil, Mès engendrez, Nez et fenis est et continuez Tous en doleur. (Mach., J. R. Beh., c.1340, 96)

Lors m'avansay, et quant je vi Son gentil corps amanevi D'onneur, de grace et de science, En signe de grant reverence Vos jus de mon cheval descendre (Mach., J. R. Nav., 1349, 162)

Esse tout ? Où sont mes suppostz ? Où suis je ? Vient on plus ceans ? Gentilz mignons, gentilz enffans, Devez vous present reposer ? Ne viendrez vous point sur les champs Pour voz gentilz corps exposer ? N'est il pas temps de proposer Chansons et balades nouvelles... (Sots gard., a.1488, 99)

Fringant, entreprenant.

La onziesme joye de mariage si est quant ung gentil , jeune et jolis, s'en va par païs gaiement et est en franchise et peut aller de lieu en lieu a son plesir sans nul empeschement, et va au long de l'an en pluseurs lieux et par especial ou il sceit dames, damoiselles, bourgeoises ou aultres femmes selon l'estat dont il est. (Quinze joies mar. R., c.1390-1410, 82)

Or s'en vient le gentil gallant qui sera mis en la nasse, car la dame le vieult marier, si elle peut, a la demoiselle, car il est tres bien herité et est simple et bejaune (Quinze joies mar. R., c.1390-1410, 85)

b)Gracieux dans ses relations avec autrui, affable, aimable.

Bel et doulx, courtois et gentil, Sage en parler, en sens soubtil. (Chr. Piz., M.F., III, 1400-1403, 35)

On buvoit a luy, il buvoit aux aultres. C'estoit merveille qu'il estoit gentil compaignon. (C.n.n., c.1456-1467, 137)

PATHELIN. (...) Je [m'en] vueil aler a la foire. GUILLEMETTE. A la foire ? PATHELIN. Par saint Jehan, voire, A la foire, gentil marchande... (Path. D., c.1456-1469, 52)

Or adieu donc, jusques a demain, Je vendray dire ma sentence Ou si non en mon absence G'y commectray ung lieutenant Qui sera gentil et plaisant Et amoureux, ainsi m'ai Dieux... (Est., p.1460, 26)

Esse tout ? où sont mes suppostz ? Où suis je ? Vient on plus ceans ? Gentilz mignons, gentilz enffans, Devez vous present reposer ? (Sots gard., a.1488, 99)

Faire du gentil compagnon. Se comporter de manière agréable.

Tantost que graces furent achevées et dictes, monseigneur, pour faire du bon mesnagier et du gentil compaignon, dist a madame : 'Allez tost en nostre chambre...' (C.n.n., c.1456-1467, 281)

Sympathique, brave.

...le gentil folastre s'approucha de Troyes, comme il avoit [devant] dit, et, comme il desiroit, fut prins [Bien que 'demi fol', l'homme est présenté sous un jour agréable] (C.n.n., c.1456-1467, 450)

...une fille (...) fut donnée en mariage a ung bon gentil compaignon (C.n.n., c.1456-1467, 470)

...ou diocese de [Theroenne], avoit (...) ung gentil curé demourant a la bonne ville, qui faisoit du gorgias tout oultre. (C.n.n., c.1456-1467, 530)

[Dans des apostrophes (de salutation)]

FINE. Par sainct Amant, Gentil Temps bien soyez venu. (Sots triumph., c.1475, 44)

CUPIDO. Et vous aussi, mon gentil moyne, Vous soyés le bien arrivé ! (P. moyne, a.1500, 46)

Doué de qualités physiques et morales appréciées de la noblesse.

...beaulx et gentilz a merveilles Furent (Chr. Piz., M.F., III, 1400-1403, 177)

Par ironie.

AFFRICQUEE. Que malle poyson et venin Vous creve ! voicy tresbeau jeu. Si je m'y prens, par le corps bieu, De vous faire dresser devant ! Regarder quel mains, quel neant, Qu'il est gentil deça dela. (P. Jouh. D.R., a.1488, 34)

3.[D'un animal] Gracieux, élégant, racé.

Tele chose doit hon entendre des gentilz chevaux, c'est assavoir biauté, de fierté, et couleur, fourme de biauté (Chir. chevaux P., c.1325-1350, 403)

Et j'un levrier si bel et bon, Si gentil et si netelet, Ay hui encontré... (Mir. roy Thierry, c.1374, 295)

PREMIER VENEUR. (...) A ! gentilz levriere Esperance, Nous faulras tu a ce besoing [l'attaque du cerf] ? (Gris., 1395, 26)

Aimable, plaisant.

Car tout ainsi comme le gentil rousseignol entent a faire son nyt quant il a fait sa prinse entendoient les chevaliers mariés a leurs chasteaulx reparer et reffaire nouveaulx edefices pour monstrer leurs richesses (Percef. IV, R., c.1450 [c.1340], 154)

En particulier. [D'un oiseau de proie] Bien apprivoisé et domestiqué.

Moult bien m'en pos tenir atant, Car j'en apris après assés Tout par moy, sans estre lassés, A l'aïde d'un trés gentil Esprivier cui je par soutil Engin l'amay et le tins près. (Mach., D. Aler., a.1349, 245)

Oiseau gentil a de nature Que de nulle ordure n'a cure (La Buigne, Rom. deduis B., 1359-1377, 437)

[Type de faucon] Faucon gentil

Le faucon gentil est noir et le faucon lannier est le plus tendre. (Ménagier Paris B.F., c.1392-1394, 168)

Emploi substantival.

Li gentil especiaument Le doubtent si parfaitement Que cis qui une aigle verra Ja puis ce jour ne volera, S'on ne le fait voler a force. (Mach., D. Aler., a.1349, 359)

Autres faucons y a qui sont de Flandres et sont diz faucons sacrez, et sont d'un petit moins delyé maille et ont les piez jannes, et sont comme entre le gentil et le villain, et sont bons, comme l'en dit communement, reclamez au loirre, ou d'omme quant ilz reviennent bien au loirre. (Ménagier Paris B.F., c.1392-1394, 168)

[Dans un cont. allég.] Faucon gentil. Faucon bien proportionné.

Le jeune faucon gentil aux blanches helles est prins en figure pour Louys, duc de Touraine, frere du blanc faucon au bec et piez dorez. (Mézières, Songe vieil pèl. C., t.1, c.1386-1389, 110)

B. -Par analogie. [D'une chose]

1.[Avec une idée de noblesse, de perfection, de qualité]

a)Noble.

[D'une terre]

Je suy roys Oriant, (...) Et ceste foriest est du royalme genty (Chev. cygne P., c.1356, 5)

Au gentil pays de Brabant (C.n.n., c.1456-1467, 105)

[D'un métier]

Si ne voisent pas jusques là ne entreprengnent le gentil excercite des armes, s'ilz ne veullent ainsi faire. (Bueil, II, 1461-1466, 81)

[D'un objet]

SECONT BERGIER. (...) puis que la guerre me hette (...) D'un gentilz fouët [['ceinture']] seray ceins, Estroit au desseure des rains, Par dessuz la maille de fer. (Gris., 1395, 44)

b)Pur, de qualité.

Et qui ne s[a]it le cherme, si prengne senevé en gentil vinaigre et batez ensemble en .I. mortier. (Chir. chevaux P., c.1325-1350, 371)

Gemme esmerée, vray rubis, Saphirs clers, dyamant gentis... (Mir. enf. diable, c.1339, 30)

c)[D'un aliment] Exquis.

Quant on les eut serviz de .III. paires de metz de chars gentilles, on les servy aprés de cervotz de presse (Percef. I, R., t.1, c.1450 [c.1340], 609)

Et puis ferez crier de par vous que tous gentilz hommes, dames et damoiselles (...) facent aler leurs sergens a la garenne des chars gentilles, car la trouveront sergens appareilliez qui leur en delivreront a leurs voulentez. (Percef. I, R., t.1, c.1450 [c.1340], 654)

Par ironie.

Or, tien la donc, prophete, tien ; Boy de ce gentil vin paré [du vinaigre] : Ce n'est ypocras ne claré, C'est buvraige d'autre maniere. (Gréban, Pass. J., c.1450, 346)

2.[Avec une idée d'agrément]

[D'un aspect de la pers.] Plaisant à regarder, beau.

Et s'il eüst en son atour, En son gentil corps, fait a tour, Et en son cuer tache ne vice Ou pensée d'aucun malice, Ja ne fust si fort reponnue Qu'en mirëoir ne fust veüe. (Mach., J. R. Nav., 1349, 177)

Et sa maniere asseürée, De tous et de toutes loée, Son biau port, son gentil maintieng Qui pareil n'ont, si com je tieng, Tout aussi com l'enfant le mestre Aprent, m'aprenoient a estre. (Mach., R. Fort., c.1341, 8)

Car sa douceur faisoit tel guerre Par sa force et par sa rigour A moy, que n'os scens ne vigour Que la sceüsse arraisonner, Ne que peüsse un mot sonner, Eins estoie tous estahis Et aussi com tous esbahis, Car au goust de ma chiere dame, Qui a mon cuer, mon corps et m'ame Conquis par son regart soutil, Remiroie son corps gentil Par un gracieus souvenir Qu'Amours faisoit en moy venir. (Mach., D. Lyon, 1342, 186)

Et pense qu'avant ma mort Je verray ton gentil port Et ta contenence. (Mach., Les lays, 1377, 447)

[D'une qualité morale] Aimable, agréable.

LE QUART. (...) J'ay tousjours [joie] maintenu Et maintiendray toute ma vie, Quelque cas qui soit advenu J'ay tousjours maintenu sotie. LE PRINCIPAL. Tu as gentille fantasie, Tu ne fauldras point au besoing. (Sots gard., a.1488, 109)

[D'une qualité propre à une chose] Qui plaît au regard.

Nepple est sans plus une petite ville Assez passable, bien ample, bien unie En sa façon d'apparence gentille, Et ne fut onc de mauvais bruyt ternie, Pour tous passans de vivres bien fournie (La Vigne, V.N., p.1495, 228)

[D'un objet] Beau.

...et après vindrent deux chevalliers, chambellans de mondit seigneur d'Estampes, c'est à savoir monseigneur de Miraumont et monseigneur de Drueul, vestus de longues robes de velours fourrées de martres, et n'avoient riens sur leurs chiefz, et portoient chascun, d'une main, ung gentil chappelet de fleurs (La Marche, Mém., II, c.1470, 343)

[D'un mouvement] Gracieux, élégant.

HERODIADE. Fille, ne me vueillez desdire : Allez vous ent, a ma requeste, Devant le roy, en pleine feste, Faire un sault gentil et mignot (Gréban, Pass. J., c.1450, 162)

[D'un temps] Aimable, agréable.

Au gentil mois que le roy des planettes monte en son plus hault signe pour degaster toutes mauvaises moisteurs (Percef. IV, R., c.1450 [c.1340], 2)

II. -Substantif. Celui qui est noble de naissance.

La n'y ot gentilz, ne villains, Qui de ce faire ne s'abille. (Renart contref. R.L., t.1, 1328-1342, 195)

Il me semble qe qi qe deveroit a droit jugger la gentilesce d'une persone, il lui covendroit a savoir trois choses, avant q'omme lui tenisoit a droit gentil : La primere est de savoir si son pier estoit gentil ; la seconde, si sa miere estoit genti famme ausi ; et la tierce est a savoir s'il se contient en ditz, en faitz, com gentil et ayme la compaignye de gentils (Henri Lanc., Seyntz medicines A., 1354, 27)

Clers et laiz, vilains et gentilz, Qui sont (...) songnieux du bien de ce regne... (Mir. fille roy, c.1379, 37)

S'ilz avoient un pou coustumé Simple cote en leur costé, Ilz nous feroient plus grant guerre Que tous les gentilz d'Angleterre, Mais qu'ilz eüssent ordonnance D'un bon cappitaine de France. (Bouvet, Appar. Meun A., 1398, 27)

Et n'est si grant gentil que, se il est lache, que ung bon varlet ne soit a preferer (Juv. Urs., Verba, 1452, 243)

A tant le gentil que le bourt, Chascun peult Bobance tenir. (Folle Bob. P., c.1500, 26)