GENT

adjectif

[T-L : gent2 ; GD : gent ; AND : gent2 ; DECT : gent2 ; FEW (IV, 103a) : genitus ; TLF (IX, 196a) : gent2]

A. -[D'une personne]

1.Noble, bien né.

...Soies loyaus a toutes gens, Si en seras tenus pour gens, De bon renom et de bon fame. (Froiss., Dits Débats F., 1363-1393, 112)

...Ne vient pas seul Floire le gent, Ains amaine foison de gent Qui sont d'estat et de valour (Mir. Berthe, c.1373, 247)

Aurelian, li preuz et gens, S'en vint a moy (Mir. Clov., c.1381, 268)

Or estoit-il gent chevalier et de grand courage (Chastell., Chron. K., t.5, c.1456-1471, 471)

2.Avenant, qui fait preuve d'élégance et de distinction, beau, gracieux.

[Dans toute sa personne]

...madamoiselle Jehane (...) lors estoit la plus belle, la plus gente, la plus frice et mieuls aians toutes nobles manieres que nulle jone dame dont on euist la congnissance (Froiss., Chron. D., p.1400, 267)

...le temps sera Q'une vierge gente et plaisant Doit concevoir ung bel enfant (Gréban, Pass. J., c.1450, 119)

Ceste tant gente pucelle tenoit en sa main dextre l'espee du bacelier. (Percef. IV, R., c.1450 [c.1340], 1)

A l'ostel d'un grand baron du païs demouroit et residoit ung jeune, gent et gracieux gentilhomme (C.n.n., c.1456-1467, 163)

...il choisit et enoeilla une tresbelle jeune et gente fille a marier (C.n.n., c.1456-1467, 293)

...elle estoit belle et gente et en bon point (C.n.n., c.1456-1467, 431)

[Dans son corps]

Le roy, la roÿne au corps gent Demourerent a pou de gent. (Renart contref. R.L., t.1, 1328-1342, )

...Puis repaira la serve vers la dame au corps gent (Tristan Nant. S., c.1350, 154)

Haa, Remond, la journee que je [Mélusine] te vy premiers fu pour moy moult douleureuse. Las ! Mal vy oncques ton gent corps, ta facon, ne ta belle figure, mal convoitay ta beauté, quant tu m'as si faussement trahie. (Arras, c.1392-1393, 256)

Et lors trouvay une autre dame Gente de corps et bonne d'ame (Livre amour. all. F., c.1398-1430, 33)

Car tant fu belle creature L'enfent et de gente faiture (Chr. Piz., M.F., II, 1400-1403, 193)

Je prens tel plaisir a l'oÿr Que de riens qu'oncquez mais oÿs, Tant en cueur ne me resjoÿs, Tant est gent de corps et de voix. (Gréban, Pass. J., c.1450, 123)

Quant la royne le vey sy gent de corps et sy ben formé, elle dist... (Percef. III, R., t.2, c.1450 [c.1340], 351)

Tant fu a Assuere belle Et avenant celle pucelle Qu'il l'a choisye devant toutes, Car on amenoit, a grans routes, Pucelles devant Assuere, Gentes de corps et de viaire, Sages et de noble lignee, Pour choisir la mieulx enseignee, Et celle, qui mieulx lui plairoit. (Chr. Piz., M.F., II, 1400-1403, 263)

...je plains et complains mon gent et jeune corps qu'il fault pourrir sans avoir eu ce desiré plaisir. [L'amour] (C.n.n., c.1456-1467, 348)

Le pastourel, de moult gente facture (...) le fier lyon regarde (Du Prier, Songe past. D.-M., c.1477-1508, 98)

Se faire gent. S'embellir.

Pour m'abiller et faire gent Tout mon avoir y despendoye (Poés. lyr. court. XVe I., c.1454-1456, 179)

[Dans son comportement]

LE SECRETAIRE. Tost m'en delivreray sanz faille. Dame, tenez. LA MÉRE. Vous estes clerc gent et senez (Mir. fille roy Hongrie, c.1371, 46)

...[elle] esprouva la loyauté du gentil homme par une merveilleuse et gente façon (C.n.n., c.1456-1467, 7)

...l'achevement de sa gente chasse luy estoit plus grand eur et trop plus desiré que nul aultre quelconque bien [Cont. amoureux] (C.n.n., c.1456-1467, 183)

Vif.

Prince gent comme esmerillon, Saichiez qu'il [Villon] fist au departir : Ung traict but de vin morillon, Quant de ce monde voult partir. (Villon, Test. M., 1461-1462, 151)

[D'un animal] De bonne mine, de belle apparence.

Pallefroix ont et beaulx et gent (Dupin, Mélanc. L., c.1324-1340, 53)

...tenez cy en ceste boursecte cent et soixante escus que je vous donne pour acheter un gent, frisque et fringant cheval de compaignon qui soit bien vif et saillant (La Sale, J.S., 1456, 69)

[D'un aspect de l'animal]

Et là fu trouvés en la base court li plus biaux blans chevaulx et de plus gente taille que on euist point veu en toute l'anée. (Froiss., Chron. R., XI, c.1375-1400, 127)

3.[Sens moral]

Bon.

LE FILZ CLAUDE LA GENTE. Allons y, car vostre adversaire Est deliberé, en substance, De tresmal voz besongnes faire ; Pour ce, faictes y deligence. (La Vigne, S.M., 1496, 518)

Aimable.

Avoec les amoureuses gens Estoie haitiés, liés et gens (Froiss., Espin. amour. F., c.1369, 8)

Emploi substantival féminin. [Comme qualificatif donné à la Vierge Marie] Gentille.

[Dans une formule de serment]

...par saincte Marie la gente (Path. D., c.1456-1469, 136)

SAINT MARTIN. I'aymasse trop mieux par la gente Que des solz eust cousté [[ce vêtement]] cinquante Et qu'il eust esté grand et lay (Myst. st Martin K., a.1500, 315)

B. -[D'une chose]

1.[D'un état] Noble, distingué.

...puis que Mahom mis En estat si noble et si gent Vous a... (Mir. st Lor., 1380, 153)

2.[D'une chose concr.]

[D'un objet, d'un élément] Beau, bien fait.

La mére Dieu servi avoit De gens chapiaux qu'il li faisoit (Mir. march. larr., c.1349, 116)

...Et lluec nous mesins en mer (...) En une nef grans, gente et fors. (Froiss., Espin. amour. F., c.1369, 122)

...Par l'avision d'une estelle Luisant en l'air, gente et isnelle, En ceste cité arriverent (Gréban, Pass. J., c.1450, 121)

Bien fait.

...Par saiges gens fut dit et advisé Qu'on renvoyroit chariot et charrettes (...), Car on se fust lourdement abusé De les mener jusques dessus les metes Des mons d'Ambrun, car a peine brouettes Tant soyent gentes y ont chemin et voye (La Vigne, V.N., p.1495, 146)

[D'un lieu] Plaisant, agréable.

Vecy chambrette belle et gente Pour Dieu, mon crëateur, servir (Gréban, Pass. J., c.1450, 51)

...esquelles maisons avoit gentes sales, chambres, garderobes (La Sale, J.S., 1456, 175)

Au gent et plantureux païs de Hollande avoit, n'a pas cent ans, ung gentil chevalier (C.n.n., c.1456-1467, 502)

En une gente petite ville cy entour, que je ne veil pas nommer, est nagueres advenue adventure (C.n.n., c.1456-1467, 507)

...faictes devoir De faire vostre hostel bien gent (Colin loue dép. Dieu T., c.1485, 156)

Lequel jour il partit pour aller a Montcailler, qui est une tres gente petite ville et bien troussee, assise en ung hault lieu, et au bas d'icelle passe la belle et bonne riviere. (La Vigne, V.N., p.1495, 301)

[D'un aliment] Agréable.

A trois tournois y arons vin Et bon et gent. (Mir. march. juif, c.1377, 179)

3.[D'une chose abstr.]

Remarquable.

PAIX. ...En voz ditz [de Sapience] n'y a riens perdu, Tant sont faiz par maniere gente. (Gréban, Pass. J., c.1450, 46)

Beau, aimable.

Parlez de faire bon potaige ; Car ce parler n'est beau ne gent (Colin loue dép. Dieu T., c.1485, 127)

C. -Emploi adverbial.

D'une belle façon, avec goût.

Et pour li servir ne li bailles Mais que femmes bien acesmées Et pucelles gentes parées Qui soient avec li touz jours Et touz temps de nuiz et de jours. (Mir. Barl. Josaph., c.1363, 288)

Vous les manoiiés si tres gent [les boucles, les agrafes] , Et par si courtoise maniere, Que pucelle ne camberiere n'i saroit avenir vers vous. (Froiss., Méliad. L., t.2, 1373-1388, 86)

Convenablement.

...Et pour verité, g'i prenoie Plaisance [à Cointise] en tant, qu'entre la gent Me faisoit contenir plus gent (Acart, Prise am. H., 1332, 39)

Bel et gent

Convenablement.

Mais par sa grant devocion Et qu'en Dieu s'esperance ot mise Ne volt unques lesser s'emprise Pour ce qu'il avoit pou de gent, Ainz les ordenna bel et gent (Tomb. Chartr. Trois contes S., c.1337-1339, 77)

À souhait, à satiété.

Se nous ne sommes fortunéz A ce que le temps s'apareillie, Nous devrïons faire merveille D'avoir du poisson bel et gent Et, par consequent, de l'argent, S'il est que maree se vende. (Gréban, Pass. J., c.1450, 420)