GENEVOIS

adjectif et substantif

[AND : geneveis ; *FEW (IV, 112b) : Genua]

A. -(Habitant) de Gênes, (personne) originaire de Gênes.

...Messire Pierre de Gresille, Qui het le temps, quant il gresille ; Jehans de Saus, Robert Baillida ; Ces IJ. furent chevalier là, Et pluseurs autres Chypriens, Genevois et Venitiens, Qui estoient vaillans et bons, Dont je ne say nommer les nons. (Mach., P. Alex., p.1369, 141)

Et si avoit un Genevois Qui deüst or estre noiez, Car faus estoit et renoiez ; Devenus estoit Sarrazins, Et s'avoit à nom Nassardins. (Mach., P. Alex., p.1369, 182)

Quant les messagiers Chypriens Avecques pluseurs Crestiens, Et ceuls dou roy Arragonnois, Et les messagiers Genevois, Et les IIJ. signeurs sarrazins Furent descendus de leurs lins, De leurs barges et de leurs naves (Mach., P. Alex., p.1369, 188)

...un varlet Genneuoiz (Reg. crim. Chât., II, 1389-1392, 527)

...un joine homme Genneuoiz nommé Jaquemin (Reg. crim. Chât., II, 1389-1392, 531)

Et se rafresqissoient chil esqumeur de mer normant, genevois et piqart (Froiss., Chron. D., p.1400, 344)

Puis y est la conté de Venise, et celle de Provence, qui sont très bons païs, et s'estant du Daulphiné au long de la mer jusques à la terre des Genevois, depuis une cité nommée Cestron jusques à icelle terre de Provence. (Le Bouvier, Descript. pays H., p.1451, 55)

A Franc d'Albengue, jennevoys, pour deux grans touailloles et ung petit bonnet rouge d'escarlate (Comptes roi René A., t.2, 1479, 124)

Au féminin.

...deux cannes de noir, prins par Jehan Le Paige, et baillé à une génevoise (Comptes roi René A., t.2, 1417-1480, 55)

Quoy qu'on tient belles langaigieres Florentines, Venicïennes, Assés pour estre messaigieres, Et mesmement les ancïennes, Mais soient Lombardes, Roumaines, Genevoyses, a mes perilz, Pimontoises, Savoysïennes, Il n'est bon bec que de Paris. (Villon, Test. R.H., 1461-1462, 119)

Qui appartient à Gênes.

Aprés que ce fu fait arriva a nous le nostre barque que encore n'estoit tournee avec l'escrivain de leur nef et a ly fut demandé se le nef estoit genevoise ou secilliane coment helle dizoit. (Caumont, Voy. N., p.1420, 71)

Le Turc et ses gens enfoncèrent une nef genevoise de huict cent bottes où estoient quatre-vingt et dix mille ducast (Chart. J., Chron. Ch. VII, V., t.3, c.1437-1464, 30)

Petre Saincte est une petite ville Aux Florentins, qui comment qu'il en voyse Par quatre foys a esté genovoyse Par sa malice et cautelle subtille. (La Vigne, V.N., p.1495, 196)

Emploi adverbial. [Avec le verbe parler] Génois.

Sy me sembloit qu'ilz parloient une foiz genevoiz, l'autre fois provenceaulx et l'autre foiz chattellans. (La Sale, Salade, c.1442-1444, 153)

B. -(Mercenaire, arbalétrier) originaire de Gênes.

Par mer en fut Venice assise Des Genevois sanz estre prise (Desch., M.M., c.1385-1403, 361)

...lui estant ou Perche en la compaignie des Genneuois, print et embla (...) un cheval (Reg. crim. Chât., II, 1389-1392, 461)

...et n'oyt oncques dire elle qui parle, ne ne sceut que icelle Colete fist pechié de son corps, exepté à un Genneuois, duquel on disoit que l'enfant est sien (Reg. crim. Chât., II, 1389-1392, 527)

...pour porter les armeurres de 1400 jennevoiz d'Aguillon jusques a Poitiers, par mandement du dit monseigneur l'admirail. (Clos galées Rouen M.-C., t.2, 1347, 122)

...il [le Roy] pourverra aus autres chasteaux et forteresses qui sont occupées par le conte de Savoye, par les Génevoys et par les autres que l'en dit qui en tiennent, au mieulx que il pourra. (Ch. VI, D., t.1, 1385, 66)

Et sachiés que celle cité de Limeso, qui est la pluspart deshabitée, fut jadis ainsi destruicte par les Genevois pour le temps qu'ilz firent guerre au roy de Chippre, et encore en tiennent une moult fort cité et bon port qui est appellée Famagost en Chippre. (Voy. Jérus., c.1395, 81)

Et avoient establi sus la mer une qantité de nefs normandes et grant fuisson de Genevois et de gens marins que on apelle 'esqumeurs de mer'. (Froiss., Chron. D., p.1400, 306)

Tout s'asamblerent, et vinrent a Saint Quentin grant fuisson de nobles signeurs, tels que le conte Raoul d'Eu et de Ghines (...) et moult d'autres, et tant que il estoient bien quatre mille esporons dorés [et] douse mille armeures de fier, sans les Genevois arbalestriers. (Froiss., Chron. D., p.1400, 374)

...si ne porent durer contre ces arbalestriers genevois et ces gens d'armes. (Froiss., Chron. D., p.1400, 495)

...et quant fumes bien a XXIe milles a l'avant veymes une nef, ne savyons don estoit, et entre les Catalains et les Genevois estoient les treves qu'ilx avoyent entreux rompues et avoient guerre, si que penssa le patron de nostre nef et lez autres que ceste nef fussent de leurs henemis genevois (Caumont, Voy. N., p.1420, 70)

...cinquante arbalestriers genevois (Monstrelet, Chron. D.-A., t.1, c.1425-1440, 101)

...et la seconde [bastille] fut baillié à ung routier de Boulenois, nommé Kanart, avec lequel furent ordonnés aucuns arbalestriers Génevois, Portingalois, et autres d'estrange pays. (Monstrelet, Chron. D.-A., t.4, c.1444-1453, 403)

C. -MONNAIE Denier de Gênes.

Remarque : Cf. F. Möhren, Renforcement nég., 1980, 143.

Remarque : Cf. LA CURNE, VI, 386a ; Cf. la rubrique étymol. de TLF IX, 187a s.v. génois