FROIDEMENT

adverbe

[GDC : freidement ; *FEW (III, 798) : frigidus ; TLF (VIII, 1285b) : froidement]

A. -Dans le froid, l'inconfort.

Et fist le duc retirer son armée, que conduisoit le conte d'Estempes et le bastard de Bourgoingne, [ et ] se logerent en la vile d'Ais, qui est à quatre lieues de Lucembourg, auquel lieu certes ilz furent froidement et mal logez, car c'est une petite ville destruicte et au pire pays de la duchié (La Marche, Mém., II, c.1470, 33)

B. -Au figuré.

1.Sans manifester de faiblesse.

Lequel Lyonnel l'assaillit vigeureusement, en gectant plusieurs coups de sa hache à bras tourné contre icellui Pothon, et aucunes fois frappoit de estoc, sans cesser, ne refrener son alaine. Et en ce faisant, Pothon recevoit froidement ses coups sur sa hache, en les détournant à son povoir arrière de lui. (Monstrelet, Chron. D.-A., t.4, c.1444-1453, 153)

Les causes pourquoy je dy qu'en ung passaige on doit saigement et froidement assaillir ses ennemis, est pour ce que voullentiers les passages sont estroits et mauvais et ne y puet on pas assembler à ses ennemys à son aise. (Bueil, I, 1461-1466, 161)

Vous devez courrir froidement et avoir cheval loyal et hardy, qui ait bonne puissance et aille doulces alleures (Bueil, II, 1461-1466, 101)

...mais incontinent qu'il apperceut sa partie sans visiere, tout froidement il leva la sienne, et la recula tout derriere son bacinet, et tellement qu'il avoit le visaige tout descouvert (La Marche, Mém., I, c.1470, 301)

...messire Jaques de Lalain, qui froidement et par grande asseurance soubstint l'assault de l'Angloix, gecta la quehue de sa hache entre la hache et le corps de son compaignon (La Marche, Mém., II, c.1470, 128)

...et ledit Gerard soubstint froidement les premiers coups, et couraigeusement, et rabatoit les copz et le chevaleureux assault de messire Jaques de Lalain, par moult grande asseureté (La Marche, Mém., II, c.1470, 165)

2.Sans émotion particulière, calmement, froidement.

...Remondin fu moult courrouciez en cuer quant il ouy la requeste que ly conte de Poittiers, ses sires, et le conte de Forests, ses freres, lui fesoient, car il amoit et doubtoit tant sa dame que il heoit toutes choses que il pensoit qui lui deussent desplaire. Non pour quant leur respondy il moult froidement : Par ma foy, monseigneur, et vous, mon frere, vous devez savoir que par raison naturelle a qui que je celasse mon secré, a vous deux ne le devroye je pas celer, voire se c'estoit chose que je peusse dire, et aussi que je le sceusse. (Arras, c.1392-1393, 43)

...li dus de Braibant se dissimuloit et se portoit de ces besongnes assés froidement. (Froiss., Chron. D., p.1400, 298)

Et ce est contre ceulz qui veullent que paciemment, attrempement et froidement [o]n oÿe les injures de Dieu, comme en nonchaillant ; et leurs injures, voire celles de l[eu]rs vallez, ilz veullent vengier tres aigrement. (Gers., Concept., 1401, 424)

'Ma dame,' dist il froidement, 'elle se recommande tres humblement a vostre bonne grace et dist que l'avrez briefment' (La Sale, J.S., 1456, 261)

...comme feignant d'estre esbahie de telle requeste, luy respondit tout froidement que lui ne aultre elle ne haioit (C.n.n., c.1456-1467, 386)

Je vous dy que en guerre les entreprises se doivent bien debatre à l'ostel froidement et à loisir et promptement executer aux champs (Bueil, II, 1461-1466, 217)

Et quant ledit Jacotin percheut icellui Mahiot, et qu'il vit que aultrement ne pooit eschapper, froidement, à long trait et de longue pensée, jetta ung petit de gaige devant ledit Mahiot, disant de rechief que faulsement et traictreusement il avoit meurdry et occis son parent, d'aguet et de fait appensé, sans cause raisonnable, et que sur ceste querelle le combatteroit. (Escouchy, Chron. B., t.2, a.1465, 299)

Le fer, ayant froidement oÿ ce que l'argent lui avoit imputé, s'excusa raisonnablement et dist... (Colart Mans., Dial. créat. R., 1482, 120)

3.Fraîchement, avec froideur.

'Haa, ma dame,' dist la damoiselle, 'doncquez, et pour quoy lui avez vous respondu si froidement ?' - 'Cela ne sçay je point,' dist la dame, 'se n'est que je fus si sangmeslee quant je oys que d'amours me requeroit, que je ne sceus que respondre...' (LEFÈVRE (R.), Hist. Jason P., c.1460, 152)

...comme me recorderent les propres chevaliers et les aultres droit la tramis, onques ne furent gens de tel estat ne a tel maistre si froidement receuz comme droit la se trouverent. (Chastell., Chron. IV, D., c.1461-1472, 122)

Ilz [les ambassadeurs] se apperchurent qu'iz estoyent chariéz et froidement recoeulliéz ; par quoy ilz prindrent congiét gracieux et s'en allèrent vers madame Margherité d'Austrice, qui les rechupt honorablement. (Molinet, Chron. D.J., t.2, 1474-1506, 252)

Remarque : Trad. de l'italien tiepidi 'Sans grand courage ?' (Éd.) : Par quoy en pou de heure Arcite, avecques les siens, prindrent ceulx la qui froidement [msW2 : froidement et laschement] se defendoient (Livre de Thezeo B., c.1457-1461, 627).