FORTUNÉ

adjectif

[T-L : fortunerfortuné ; GD : fortunerfortuné ; GDC : fortuné ; FEW (III, 736) : fortuna ; TLF (VIII, 1124a) : fortuné]

A. -[Correspond à fortune A] Dû au hasard ; soumis au hasard.

Des cas soudains et des cas fortunez Qui adviennent a mainte creature, Dont j'ay pluseurs veus puis que je fu nez, Ne se doit nulz mettre a desconfiture (Desch., Oeuvres Q., t.1, c.1370-1407, 179)

Prince, trop est chevance fortunée Quant elle vient comme desordonnée, Et a brief temps retourne a son usage. Mais quant de viez est a paine amassée Et loiaument, tant plus doit estre aimée : A ce mirer se doivent foul et saige. (Desch., Oeuvres Q., t.2, c.1370-1407, 51)

B. -[Correpond à fortune B]

1.Favorisé par le hasard, la chance.

a)[D'une pers.]

Et quant je sui si tres bien fortunez Que puis acquerre Gloire en la fin et bon memoire en terre, Si ne vous doy autre merci requerre Fors tant qu'Amours mon cuer mais ne desserre, Qu'est enserrez En vo prison où il n'a clef ne serre... (Mach., Compl., 1340-1377, 261)

Item, as bonnes fortunes l'en doit aler vers son amy bien fortuné prestement ou cas que l'en y va pour le compaingnier en bien faire et pour bien ouvrer aveques luy. (Oresme, E.A., c.1370, 493)

Dame, dist Remondin, de ce ne vous fault ja doubter, car a ce jour me faille Dieu que je vous fauldray de convenant a mon povoir. Or, mon chier amy, dist la dame, laissons en le parler, car de ma part ne tendra pas que vous ne soiez le mieulx fortunez qui oncques feust en vostre lignaige et tous ly plus puissans. (Arras, c.1392-1393, 42)

LE QUINT CHEVALIER [au marquis] . (...) Et reputons nostre bon eur Que nous vous avons a seigneur ; Maiz une chose desirons, Laquelle, se nous l'avïons, Nous tenrïons pour fortunez Mieux que nulz noz voisins d'assez : C'est qu'au lïen de marïaige Enclinissiez vostre coraige (Gris., 1395, 12)

...luy sembla bien que la femme estoit eureuse et bien fortunée qui de tel mary estoit douée. (C.n.n., c.1456-1467, 407)

Las, a ce povre aveugle né, Tant petitement fortuné, Vueillez quelque denier donner. (Myst. Pass. Troyes B., a.1482, 443)

Fortuné de/en qqc. Qui connaît la réussite, le succès en qqc..

...messires Edowars (...) le plus avoit esté fortunés en grans fais d'armes et acompli de belles besongnes. (Froiss., Chron. R., VIII, c.1375-1400, 224)

On y eslisi (...) monsigneur Bertran de Claiekin (...) pour le plus vaillant (...) et le plus ewireus et fortuné de ses besongnes, qui en ce temps s'armast pour le couronne de France. (Froiss., Chron. L., VII, c.1375-1400, 253)

Emploi substantival.

Et les bien fortunés ont mestier d'amis avecques lesquelz ilz convivent et asquelz ilz facent bien, car ilz veulent bien ouvrer et faire bien a autres. (Oresme, E.A., c.1370, 491)

LE MARQUIS. (...) en servage Chiet grant fortune, ce me semble, Et le plus fortuné plus tramble Et est le plus tost decheü. (Gris., 1395, 80)

...aussi communement fait tout poeuple quant Fortune vire le dos au fortuné. Ainsi que Ovide met en son livre des Tristes, ou dist : 'Donec eris felix, multos amicos habebis, etc.' (La Sale, Sale D., 1451, 77)

b)[D'une chose]

Chanceux, heureux.

Le temps serain, quant on y commence aucune oevre (...) il donne a entendre que le procès de l'euvre sera bien fortuné. (Foul., Policrat. B., I, 1372, 129)

Si diray de leurs aventures Puis bien fortunees, puis dures (Chr. Piz., M.F., III, 1400-1403, 194)

...car les besongnes bien prosperees et bien fortunees ont moins de besoing de humayne ayde, car elles sont soubstenues de la divinité de benivolence. (La Sale, Sale D., 1451, 157)

LE .II. SERGENT. Icy [le chrétien est mort] encontre, Dessoubz les roues du chariot. (...) LE PREVOST. Faulx homme plain de convoitise, Ta mauvaistié icy se monstre. Or est ton ame en danger mise Par ceste fortuné rencontre. (Mir. st Nic. juif, c.1480-1500, 142)

Bien fortunés. Biens matériels.

...habundance de tous vivres et de tous aultres biens en grant largesse, tant biens fortunes [l. fortunés] comme biens moraulz. (Maupoint, Journ. paris. F., p.1465, 94)

Les choses fortunées. Les richesses.

JANICOLA. (...) Trop est chose muable et vaine, Que de cuer de jeunes seigneurs. (...) Moult sont les choses fortunees De ce monde par trop muables, A paine en voy nulles estables ; Si n'a maiz en nul foy certaine. (Gris., 1395, 85)

Par métonymie.

Réservé, destiné aux âmes des bienheureux (dans les Champs Élysées des enfers de la mythologie).

Ilz [Énée et la Sibylle] entrerent aux lieux beaux et jocundes, Champs verdoyans, amenes et fecundes, Boys fortunez et sieges bienheureux. (Saint-gelais, Enéide VI, B., c.1500, 349)

ASTR. [D'une planète ou d'une constellation] Qui porte chance.

Le soleil, selon Massahalat, est une planette fortunee quant il est de soy, maiz par conjonction d'autre, il est aucunesfoiz mauvaiz. (Corbechon, Soleil Lune S., 1372, 345)

...dit ou livre des Jours cretiques : 'Tiengne et sache chacun medicin que, la Lune jointe avecques les estoilles fortunées, les maladies sont terminées à bien, et par la conjuction d'icelles aux estoilles contraires sont faiz et causés effectz opposites et mauvais...' (Simon De Phares, Astrol., c.1494-1498, f° 77 r°)

2.Défavorisé par la fortune, sujet aux coups du sort.

a)[D'une pers.] Malchanceux, infortuné, malheureux, frappé par le malheur.

[L'idée d'infortune est marquée par l'adv. mal]

Je croy qu'il ne soit femme en vie Plus mal fortunée de moy. (Mir. fille roy Hongrie, c.1371, 57)

Desesperez En sui et si forcenez, Quant si mal sui fortunez, Qu'à grief tourment M'ocira vo partement. Dire l'orrés, S'excusé ne m'en tenez Entierement. (Mach., Ch. bal., 1377, 622)

Assés de meschiés ha ci, Eins que joie en puisse attraire. Et aveuc ce si mal sui fortunés Que, pour faire moy plus languir en vie, Mors ne me vuet pour mes maleürtés. (Mach., L. dames, 1377, 72)

Je seray bien mal fortunez s'il me puet desconfire (Arras, c.1392-1393, 59)

Je suis la plus mal fortunee Creature dessoubz les cieulx (Au grey d'amours F.-H., c.1400-1500, 235)

Dieu, qu'ay ge mesfait en ce monde Pour estre si avant fortuné ? (Pac. Job M., c.1448-1478, 362)

Ainsi que vous avez oy, fut tresmal fortuné ce gentil seigneur [Sa virilité lui a fait défaut au moment crucial] (C.n.n., c.1456-1467, 196)

Or suis je bien maleureux ceste foys ; A ceste foys suis je bien fortuné. Fortuné suis. (La Vigne, S.M., 1496, 194)

[Sentence] L'homme est bien fortuné qui est sorti de mauvaise femme

Quant le mary entendy ce, il fut moult esbahi, et puis dist tout courroucé : 'L'omme est bien fortuné qui est sorty de mauvaise femme' (Percef. IV, R., c.1450 [c.1340], 777)

b)[D'une chose]

Estre fortuné par qqc. Être défavorisé par qqc..

Serchez les bien, vous ne trouvez Que prophete de congnoissance En Gallillee ait pris naissance : Le païs en est fortuné. Or, en est cestuy Jhesus né. Si puet consequence estre faicte Qu'il n'est Cristus ne vray prophete (Gréban, Pass. J., c.1450, 182)

Combien qu'il soit de Galilee Et que soyez de son paÿs, Vous estes prince des Juïfz Qui les Escriptures savez. Serchez les bien, vous ne trouvez Que prophete de congnoissance En Gallilee ait prins naissance : Le paÿs en est fortuné. (Myst. Pass. Troyes B., a.1482, 422)

ASTR. [D'une planète ou d'une constellation] Mal fortuné. Qui porte malheur.

Maistre Gervais de Saint Saulveur fut en ce temps moult souffisant astrologien, lequel, en ses prenosticacions sur la revolucion de aucuns ans, vit Jupiter cadens et mal fortuné. (Simon De Phares, Astrol., c.1494-1498, f° 149 r°)