FORS

adverbe et préposition

[T-L : fors1 ; GD : fors ; AND : fors1, forsque, dedefors ; FEW (III, 700b) : foras ; TLF (VIII, 1109b) : fors]

I. -[Adv. ou prép.] Dehors, hors.

Donc fisent il sonner leurs trompètes, et s'armèrent et apparillièrent vistement, et ordonnèrent leurs vaissiaus, et misent les arciers devant, et singlèrent fors viers le ville. (Froiss., Chron. L., I, c.1375-1400, 135)

Et se feri moult vassaument en l'oost des Englois, en criant : 'Glas ! Glas !' Et conmenchierent ils et si compagnon a faire une grande envaie, et a coper et mehagnier gens et a abatre, car ce fu sus le point dou premier sonme, et porterent grant damage a l'oost, avant que on peuist estre fors pour euls rebouter. (Froiss., Chron. D., p.1400, 148)

De la ville saillirent fors. (Chr. Piz., M.F., II, 1400-1403, 306)

Fors à / fors de. Hors de.

Il respondoient que ce avoit esté plus pour donner cremeur au roi de France et à son conseil, affin que il ne fuissent mené fors as anciiens usages, que pour autre cose (Froiss., Chron. R., X, c.1375-1400, 18)

Quant je recors Les doulz confors, Les regars fors De ses doulx yeux, Qui m'ont amors Au dolent mors Des amoureux... (Desch., Art dictier R., 1392, 290)

Fay que resjoÿ Et fors de soussy Soit tout le pays (Myst. st Bern. Menth. L., c.1450, 120)

Ma chiere dame, je vous diz Que monseigneur cy est gettez, Feur de prison, et hors botés, Et est a plainne delivrance. (Myst. st Adr. P., c.1450-1485, 117)

Ilz les mectent en prison, puis ilz s'en viennent fors de la porte de la ville. (La Vigne, S.M., 1496, 233)

Mettre fors. Exclure.

Car Prouesse partout s'espée porte, Hardiesse le conduit et enorte, Et Largesse si li ouevre la porte De tous les cuers. A ceaus qui sont bon (je n'en met nuls fuers), Avec euls est com sont freres et suers, Grans et petis, moiens, et a tous fuers. (Mach., J. R. Beh., c.1340, 107)

II. -[Prép. marquant l'exception]

A. -Fors + subst. ou pron. / compl. prép. ou adv. / inf. Excepté, sauf, si ce n'est.

1.Fors + subst. ou pron.

...touz elemens en leur region ont legiereté fors la terre, aussi comme tous ont pesanteur fors le feu. (Oresme, C.M., c.1377, 690)

Tous les chevaulx commencierent a escauchier et a demourer derriere, fors Remondin et le conte, et tant chacierent que la nuit fu obscure. (Arras, c.1392-1393, 19)

...de celle qui ne vouloit souffrir qu'on la baisast, mais bien vouloit qu'on lui rembourrast son bas ; et habandonnoit tous ses membres, fors la bouche (C.n.n., c.1456-1467, 11)

Ainsi disoient trestous, fors l'un d'eulx qui estoit bon compaignon (C.n.n., c.1456-1467, 542)

Et, en oultre, ordonna toutes les impositions qui avoient cours en ladicte ville estre abatues, fors et excepté les denrées de six fermes vendues en gros en icelle ville, c'est assavoir les fermes de la busche, du pié fourché, le drap vendu en gros, le vin en gros, le poisson de mer et... (Roye, Chron. scand., I, 1460-1483, 76)

Tantost saillist aux champs lui et tous ses gens, fors le guet. (Bueil, II, 1461-1466, 118)

Vous louez, ferez vous adoncques, Tel homme de sa predommie, Et quel bien apperceust on oncques En lui, fors toute bigardie ? Je confesse qu'il se humilie, Car il est a cela bien duyt. Mais ne vous y abusez mie ; Tout n'est pas or quanque reluit. (Michault, Doctr. temps prés. W., 1466, 76)

Qui fait venir susides, empruns, tailles, Mouver guerres et susciter batailles, Et aux povres touldre oves et boves, Fors seulement le peché des mauvais ? (Cene dieux, c.1492, 119)

[Après un élément nég.]

Item, est ordonné que, au jour que on se combatera, que li rois sera à cheval et nuls autres fors lui. (Froiss., Chron. R., XI, c.1375-1400, 7)

...et joignant ce dit lac a des estuves chauldes et seiches sans aucun feu, fors la challeur de la montaigne, qui est belle chose a voir, car tout se fait sans artifice. (La Vigne, V.N., p.1495, 265)

Ne ... fors. Ne ... sinon.

...femme ne doit concepvoir lignie fors de son mari (Mir. femme roy Port., c.1342, 149)

Jamais ne vivray fors de ['si ce n'est de, sinon de'] fruiz Et de noir pain. (Mir. st Guill., c.1347, 43)

Et par ce nous voulon signifier que sapience n'est autre chose fors la vertu, perfeccion et excellence de tel art. (Oresme, E.A., c.1370, 341)

Et ainsi il ne convendroit nulz drois en telz cas, fors la conscience du juge. (Oresme, E.A.C., c.1370, 317)

...riens ne desir ne vueil Fors la mort. (Mach., Motés, 1377, 488)

Et dit le dit Gervaise qu'il creoit que ce soit par aucuns meffaiz secrez au monde et desplaisans a Dieu pourquoy il les punist si secretement en ces miseres que nulz n'en a congnoissance fors lui. (Arras, c.1392-1393, 4)

Je desire tant que nulle autre chose plus, d'avoir vostre bonne amour et vostre bonne grace. Par ma foy, dist la dame, a ce n'avez vous pas failly, mais que vous n'y pensez fors toute honneur, car ja homme n'aura m'amour en soingnentaige. (Arras, c.1392-1393, 9)

Et ne seoit nuls a table fors chil qui partir se devoient (Froiss., Chron. D., p.1400, 99)

Car nulz n'osera fors la paix Demander (Chr. Piz., Chem. estude P., 1402-1403, 140)

Il vint veoir qu'on disoit en la cuisine, ou il ne trouva ame, fors seullement ces chemises, couvrechefs, et petiz draps (C.n.n., c.1456-1467, 397)

...par la naissance Dieu, vous n'en arez fors ce qui sera de raison (C.n.n., c.1456-1467, 524)

Encor ne le dis je pas pour me Vanter, mais n'a, au territoire Ou nous tenons nostre auditoire, Homme plus saige fors le maire. (Path. D., c.1456-1469, 48)

2.Fors + compl. prép. ou adv.

a)Fors + compl. prép. Sauf + compl. prép..

Et pour ce soyez secrecte et celant a tous, fors a vostre mary. (Ménagier Paris B.F., c.1392-1394, 108)

Ne ... fors + compl. prép.

Berinus, qui ne entendoit fors a esbanoy et a courtoisie, et qui bien cuidoit estre seür du jeu, promist la convenance de jouer par la condicion dessus dicte (Bérinus, I, c.1350-1370, 43)

L'en ne quiert telles choses fors seulement pour l'operacion et pour user d'elles, et non pas pour elles meïsmes. (Oresme, E.A.C., c.1370, 117)

...et les mors ne sont en ceste vie, fors tant seulement ou memoire des vis. (Oresme, E.A.C., c.1370, 138)

'Ce duc d'Irlande fait en Angleterre et du roy ce qu'il vuelt, et n'est le roy conseilliez fors de mesceans gens et de basse venue ens ou regard des princes...' (Froiss., Chron. M., XIV, c.1375-1400, 19)

Et ne demandoit on riens as moitains ne as petis, fors as grans maistres où il avoit assés à prendre ; et encores eux tout euwireux, quant il peurent escapper pour paiier finance. (Froiss., Chron. R., XI, c.1375-1400, 79)

Ainsi comme vous povez ouïr, fu ly roys Elinas repeuz et si abusez tant du doulz chant que de la beauté de la dame qu'il ne scet s'il dort ou se il veille. Et celle chante tousjours si doulcement que c'estoit grant doulcour a l'ouïr. Elinas en fu tous abusez et si oubliez que il ne lui souvint de nulle chose fors de ce qu'il voit et oit, et demoura la en cel estat moult grant temps. (Arras, c.1392-1393, 6)

L'ystoire nous dit que, quant Presine party de Elinas atout ses trois filles, qu'elle s'en ala atout elles en Avalon, nommé l'Ille Perdue, pour ce que nulz homs, tant y eust esté de foiz, n'y sauroit rassegner, fors par aventure. (Arras, c.1392-1393, 11)

Et estoient les pors et les havenes d'Engleterre si bien gardés a l'encontre de Flandres et de Hollandes que on n'i pooit venir ne entrer, fors par la bataille. (Froiss., Chron. D., p.1400, 72)

...on ne pooit venir a euls fors a grant malaise. (Froiss., Chron. D., p.1400, 329)

...elle predit et magnifeste le secret de la pensee de Dieu, qui n'estoit point revelé ou pronuncié par les sains prophetes, fors par figures et par implicites et obscures paroles (Cleres nobles femmes B.H., t.1, 1401, 68)

...nostre gentil homme ne venoit en son hostel fors a l'occasion de sa femme (C.n.n., c.1456-1467, 331)

...point n'entendez que je veille que me promettez faire et entretenir ce que je vous ay monstré et aprins, fors seulement ou cas que ne pourriez donner resistence (C.n.n., c.1456-1467, 564)

b)Ne ... fors + adv.

...ce temps se met en pluie Et le vent s'est tout au contraire Tourné, si que ne pouons traire Fors la ou mener nous vouldra. (Mir. st Alexis, 1382, 343)

Tant se pena et traveilla Qu'il ot soif, mais aler ne sçot Fors la ou les complaintes ot De celle qui crie et brait la. (Desch., M.M., c.1385-1403, 132)

Ne ... fors quand / fors ainsi que

Mais il ne s'ensuit pas que celui qui fait telles choses soit juste et actrempé fors quant il les fait en telle maniere comme font ceulz qui sont justes et actrempéz. (Oresme, E.A., c.1370, 156)

Lembert, pour toy brief depeschier, Ce mandement reporteras A mes gens, et si leur diras Qu'il ne facent en nulle guise Fors ainsi con je le divise Icy dedans. (Mir. fille roy Hongrie, c.1371, 49)

Lievre n'a nul jugement par le pié ne par les fumees, quar touz jours les gete en une guise, fors quant elle vet en amour, que elle gete ses fumees plus arses et plus menues, espiciaument le masle. (Gast. Phébus, Livre chasse T., 1387-1389, 79)

C'est la cause parquoi les guerres (...) sont depuis incourutes (...) ens ou roiaulme de France. Et en a esté matere li calenges et la desfense, ensi que il vous sera recordé ensievant en l'istore. Mais je n'i puis pas sitos venir, fors ensi que les actions s'i enclinent et ordonnent (Froiss., Chron. D., p.1400, 46)

Ne menger fors quant on a fain (Chart., R. Bal., c.1410-1425, 392)

...et l'autre sera d'un fin gris de Monstierviller, qui sera doublé d'un fin blanchet, pour vestir a tous les jours fors quant vous chevaucherez aprés monseigneur le roy (La Sale, J.S., 1456, 58)

c)Fors tant que. Si ce n'est que.

Ly peres moult s'esmervilla Quant de ce le vit entremettre, Fors tant qu'il trouva en le lettre Que la dame fist ses reffus A title d'escuier sans plus (Dit prunier B., c.1330-1350, 70)

Or parlons de sa fin, dont je parole envis, fors tant que pour sçavoir ou tamps advenir que il devint. (Froiss., Chron. R., IX, c.1375-1400, 77)

...auquel fu leue et recolée sa confession autresfois faite par lui par devant le prevost de Montleheri, cy-devant escripte, lequel l'afferma estre vraye, et en ycelle persevera, fors tant qu'il dist que sa femme ne la femme dudit Jehan Le Camus n'estoient point consentens des larrecins dessus avoir esté faiz, mais bien savoient que ilz avoient esté faiz (Reg. crim. Chât., I, 1389-1392, 509)

Roy Elinas, que vas tu querant aprez moy si hastivement ? Emporté je rien du tien ? Quant Elinas se ouy nommer, si fu moult esbahiz, car il ne congnoissoit celle qui parloit à lui. Si respondy : Tres chiere dame, du mien n'emportez vous rien fors tant que vous passez par my mon pays, et est la villenie a moy, quant vous estes estrangiere, que je ne vous recoif en mon pays plus honnourablement que je ne puis faire ycy. (Arras, c.1392-1393, 8)

Monseigneur, par l'ame de moy, je vieng de devers les marches de Mellumge, mais il s'avale pour venir icy les plus belles gens d'armes que oncques mais je veisse, et ne scet on ou ilz veullent traire, fors tant qu'ilz tyrent le droit chemin pour venir icy. Par foy, dist le duc, je me donne merveille quelz gens ce sont. (Arras, c.1392-1393, 178)

3.Fors (de) + inf.

Sans ... fors de + inf. Sauf de.

...Sanz avoir d'autre riens envie Fors de Dieu servir (Chr. Piz., M.F., II, 1400-1403, 229)

Ne ... fors de + inf. Ne ... sinon de.

...Com cils qui n'a de riens envie Fors de briefment finer sa vie. (Mach., D. Lyon, 1342, 182)

...il n'y avoit fors de l'assaillir, et crierent tuit : 'A la mort' ! (Bérinus, I, c.1350-1370, 75)

Car, aussi comme bestes, il ne curent fors de emplir leur pances. (Oresme, E.A.C., c.1370, 224)

... ilz n'y auroient ja rancon, fors d'estre tous ars en pouldre (Arras, c.1392-1393, 181)

...il ne savoit remede a son cas, fors de soy taire et faire du mort (C.n.n., c.1456-1467, 310)

...après que Mons. vostre frere a veu que, par tous les traittez qu'on faisoit de son appanaige, on ne luy offroit pas qui luy fust propre ne convenable, ne chose dont il se peust bonnement entretenir, il n'a trouvé moyen fors d'avoir recours à vous et mys peine d'avoir vostre bonne grace, et vous a supplié qu'il vous pleust luy bailler le pays de Guienne et autre qu'il a de present (Le Clerc, Interp. Roye, c.1502, 221)

Ne ... fors + inf. Ne ... sinon.

Li contes de Saint Pol et messires Moriaus de Fiennes (...) costioient et poursievoient l'ost des Englès, par quoi li Englès ne s'osoient desrouter, fors aler leur droit chemin. (Froiss., Chron. L., VII, c.1375-1400, 192)

Alez, si me faictes armer une petite galleote de XVJ. rammes, et me querez le meilleur maronnier et le plus sage patron de galee qui nous soit demourez par deca, pour conduire mon frere devers monseigneur. Et cil respond : Par ma foy, ma dame, j'ay un rampin tout prest et tout armé et advitaillié. Il ne fault fors mouvoir. (Arras, c.1392-1393, 216)

...pour nous ne se doit le poeuple fors asseurer, car ne voulons a eulx ne au paiis fors que bien. (Percef. Compl. R., c.1450 [c.1340], 300)

... [son hôtesse] luy ne avoit oncques volu quelque chose accorder fors luy bailler l'une foiz espoir et a l'autre doubte (C.n.n., c.1456-1467, 388)

B. -Fors que. Fors comme

1.Fors que + subst. ou pron. Sauf, si ce n'est.

Si devise du rangier et de toute sa nature. (...) Il a la teste paumee dessus de tres longue et diverse paumeüre, quar il a toute la chevilleüre de la paumeüre darriere, einsi come le cerf a devant, fors que les antoilliers devant, les quieulx sont paumez aussi, quar il n'a point les antoilliers aguz devant, comme a un cerf. (Gast. Phébus, Livre chasse T., 1387-1389, 66)

...il sont tous a chevaus li uns et li aultres, fors que la ribaudaille qui les sievent a piet. (Froiss., Chron. D., p.1400, 126)

CAYPHAS. Enfans, je veulx de vous sçavoir Si ces gens advés despendus. MALQUE. Voere, seigneur, fors que Jhesus, Lequel Josep d'Arimatie A sevelit. (Pass. Auv., 1477, 266)

Ne ... fors que. Si ce n'est.

Je ne say que ce pooit estre Fors que le paradis terrestre. (Mach., D. verg., a.1340, 15)

Le maire de Londres (...) ne prist à ce jour fors que gens d'election (Froiss., Chron. M., XIV, c.1375-1400, 67)

...la ville (...) ne se peut longuement tenir, car il n'i avoit forques ceux de la ville, qui n'estoient que bon homme et gens de mer. (Froiss., Chron. R., XI, c.1375-1400, 95)

Celle haute emprisse de le garder emprist messires Jehans de Jeumont, et le rempara tantos, et fist, Dieu merchi, que par sa garde il n'i ot nul damage fors que toute honneur. (Froiss., Chron. R., XI, c.1375-1400, 113)

Mais le porc tourne et se met au cours par telle maniere qu'il n'y ot chien ne chevalier ne homme qui n'en perdist la trace et veue, fors que le conte et son nepveu Remondin, qui estoit remontez et le suivoit si asprement devant le conte et devant tous que ly contes ot grant paour que ly porcs n'affoulast son nepveu (Arras, c.1392-1393, 19)

Et Gieffroy empoingne l'espee a deux mains et le fiert sur la coiffe d'acier si grant coup qu'elle ne le pot garantir, mais lui embat l'espee jusques a la cervelle et le rue mort. Quant Giron appercoit ce meschief, si fu moult ayrez, car il ne povoit advenir a Gieffroy fors que un au coup, et voit que il n'en y avoit mais que deux devant lui ; si ot grant paour, car il appercoit Gieffroy de grant puissance et de grant hardement plain. (Arras, c.1392-1393, 200)

2.Fors que + compl. prép. ou adv.

Ne ... fors que. Si ce n'est + compl. prép..

...il n'estoit pas en abit d'omme de bien, fors que de vilain. (Froiss., Chron. M., XIV, c.1375-1400, 52)

Cy devise du chevrel et de toute sa nature. (...) Ilz vont en leur amour en octobre, et dure leur ruit environ quinze jours, maiz le ruit n'est fors que avecques une chevrele, que toute la sayson demeurent ensemble le masle et la femelle, comme font les oysiaulx, jusques a tant que la femelle doit faonner. (Gast. Phébus, Livre chasse T., 1387-1389, 74)

Fors que pour + inf.

Et disoient (...) que li contes ne s'i estoit acordés fors que pour ravoir la grant fuisson de nobles chevaliers et escuiers, qui gissoient en grant peril en Audenarde. (Froiss., Chron. R., IX, c.1375-1400, 204)

... nous ne sommes venus en vostre compaignie fors que pour prendre l'adventure que Dieu vous vouldra donner. (Arras, c.1392-1393, 159)

...il avoient ce jour ceminet .XXVIII. lieues englesces, ensi courant conme vous avés oy, sans arester, fors que pour pissier ou pour recengler son cheval. (Froiss., Chron. D., p.1400, 132)

Fors que + compl. de manière.

Et sont moult nettement tenues et gouvernées et moult grandement alumées de belles lampes, non obstant que dedans ycelles oratoires n'a nulles painctures ne ymagineures ne riens paint fors que tout blanc partout (Voy. Jérus., c.1395, 60)

3.Fors que + inf.

Par dela, ens ou pré desous, Trouverés (...) .I. chevalier qui ne redoubte Homme nul, tant soit de hault nom. Vous ne poés, voelliés ou nom, Fors que passer parmi ses mains. (...) Bien le vous vodra calengier, Et moult grandement blastengier, Et savoir que ce segnefie Pour quoi vous l'avés encargie. (Froiss., Méliad. L., t.3, 1373-1388, 164)

Si ne devoit nuls pensser après Gand ne à femme ne enfans que il eusist, fors que tant faire que li honneurs fust leur. (Froiss., Chron. R., X, c.1375-1400, 223)

Il n'est fors que de + inf. Il n'y a qu'à.

Il n'est fors que d'entrer dedens [le bateau] Et nager a toute puissance. (Myst. Pass. Troyes B., a.1482, 958)

4.Fors que + prop. complét. Si ce n'est que.

Oudit temps fut la ville de Parpeignen mise et reduicte en l'obeissance du roy, et s'en alerent ceulx de dedens qui s'en voulurent aler, eulx et leurs biens saufz, fors que l'artillerie, qui dedens estoit, demoura au roy, laquelle estoit moult belle et de grant value. (Roye, Chron. scand., I, 1460-1483, 327)

Ne ... fors que. Sinon que.

Sire, je ne vous demande autre don fors que vous me veuilliez accorder au dessus de la Fontaine de Soif, es roches haultes et es haulx boys et desrubaux, ou il le me plaira a prendre, tant que un cuir de cerf pourra enclourre, et après la clouture, le long de tous lieux en esquairre. Par foy, dist ly contes, ce ne vous doy je pas reffuser. (Arras, c.1392-1393, 32)

...et à quoy ne fut par eulz autrement respondu, fors qu'ilz ne savoient se la chose procedoit de plus haulte main, et qu'ilz conseilloient que l'on envoyast en Angleterre pour ceste matière, combien que desjà mondit seigneur de Sommercet y avoit envoié à ceste cause, dont encores il n'avoit eu responce (Escouchy, Chron. B., t.3, Pièces justif., 1449, 235)

Helas, ma dame, je n'en sçay que dire, fors que il s'en repent (La Sale, J.S., 1456, 13)

Si elle se doubta que la chose allast aultrement, l'ystoire s'en taist et ne fait pas mencion, fors que son mary lui rendit telle qu'elle luy bailla (C.n.n., c.1456-1467, 130)

...[ils] estoient l'un près de l'autre, et n'attendoient fors que le curé les appellast pour espouser. (C.n.n., c.1456-1467, 338)

5.Ne ... fors comme. Si ce n'est, rien si ce n'est.

Cil phillosophe Tholomee Qui sur touz ot la renommee D'estre bon astronomïen Au temps l'emperiere Adrïen Fist d'astronomie maint code En une isle qui a nom Rode Et trouva par prouvable enqueste, Si come il dit en la Mageste, Que toute la terre et la mer Que solon le monde clamer Vers le firmament si poi monte Qu'il n'a vers li raison ne conte Fors com .I. petit point massis Emmy un tresgrant cercle assis (Tomb. Chartr. Trois contes S., c.1337-1339, 101)

Mais c'est tres peu de chose et tres fragile que ce qui est tant seulement ou memoire des genz, et n'est fors comme un umbre. (Oresme, E.A.C., c.1370, 138)

L'en appelle donques du Roy, en la temporalité, conme a celluy qui a l'execucion de la temporalité et qui est ministre et officier, en la temporalité, du Pape et de Saincte Eglyse, non mie conme a celluy qui est souverain de soy, en la temporalité, car, a proprement paller, il n'est for conme vicaire de Saincte Eglyse en la temporalité. (Songe verg. S., t.2, 1378, 93)

Le Chevalier preuve que, se lez Roys n'avoient leur puissance de Dieu mez du Pape, il s'ensievret que ilz ne seroient for come lez ballis du Pape. (Songe verg. S., t.2, 1378, 123)

...qui vous en prenés a moy, qui ne suis fors comme la voix d'ung petit grisillon qui toute jour bat ses elettes et fait grant noise (Chr. Piz., Déb. R. Rose H., 1401-1402, 146)