EXPERIMENTÉ

adjectif

[GDC : experimenté ; FEW (III, 309b) : experimentum ; TLF (VIII, 471b) : expérimenté]

[D'une pers.] Qui est instruit par l'expérience.

...car il estoit bon et saige, et ne mettoit-on point de doubte qu'il ne conduisit bien son fait en ce que possible seroit : car il estoit bien experimenté (Bueil, II, 1461-1466, 246)

Le second qu'est requis en celluy que on doit choisir pour conseillier est qu'il soit homme de grant experience et de long temps experimenté, car longue experience fait les gens resolus et sages. (Fillastre, Traité Conseil H., c.1472-1473, 162)

...et depuis ala en maintes terres pour enquerir la profondité des secrectz de medicine et de astrologie aux hommes qu'il sceut plus experimentez. (Simon De Phares, Astrol., c.1494-1498, f° 74 v°)

...vaillant chevalier et bien experimenté (Comm., III, 1495-1498, 218)

Experimenté de / en / au fait de. Qui est instruit par l'expérience en, dans le domaine de.

Car il fault, premier et avant toutes choses, qu'il soit vray crestien et bien avecques Dieu, et apprès saige, dilligent en armes et attemperé et es battailles experimenté (La Sale, Salade, c.1442-1444, 241)

...et lequel fut de son temps moult beau chevalier, saige, vaillant et redoubté en armes, homme de conduicte, et qui beaucop avoit veu de la guerre, homme experimenté de François et d'Angloix, chevalier de l'ordre de la Thoison d'or, et l'ung des renommés de son temps (La Marche, Mém., II, c.1470, 21)

...et ledit messire Jaques estoit chevallier renommé, duict, apprins et experimenté au faict des armes (La Marche, Mém., II, c.1470, 163)

...nous avons advisé que le mieulx est que entre vous, qui avez auctorité en ladicte ville (...) et que estes assez experimentez en plusieurs choses, en ayez la charge, que autres dont n'avons cognoissance (Lettres Louis XI, V., t.5, 1475, 358)

...par ladicte institution a toujours esté acoustumé eslire les presidens [de la Chambre des enquêtes] gens d'eglise, les plus notables anciens reputez experimentez au fait de judicature, et n'y eust oncques point esdictes enquestes de president lay (Lettres Louis XI, V., Pièces justif., t.9, 1480, 360)

Dieu luy prepara ung ennemy de bien petite force (ce fut le duc de Lorraine), en fort jeune aage, peu experimenté en toutes choses (Comm., II, 1489-1491, 94)

Jehan d'Arques, medicin à Rouen, fut moult experimenté en la judicature des urines (Simon De Phares, Astrol., c.1494-1498, f° 116 r°)

Aussi il y a desjà douze ans qu'il est duc, et l'ay trouvé homme de bien et saige et bien experimenté ès choses d'Italie et douce et amyable personne. (Comm., III, 1495-1498, 111)

Experimenté à + inf.

Cestui estoit fort experimenté à juger sur la revolucion des ans (Simon De Phares, Astrol., c.1494-1498, f° 72 r°)

Emploi substantival. Celui qui est instruit, rendu habile par la pratique de qqc. .

...depputons par ces présentes, appellez avecques [vous] les officiers des barons et chastelains, anciens coustumiers, et autres expérimentez de nostredit païs d'Anjou que verrez estre à faire, à interpréter et déclairer lesdites coustumes, par manière que pour le temps advenir ne puisse avoir ambiguïté ou différance (Roi René vie L., 1458, 287)

Voir aussi expérimenter