EXECUTION

substantif féminin

[T-L : execucïon ; GDC : execucion ; AND : execucion ; FEW (III, 290b) : executio ; TLF (VIII, 423a) : exécution]

A. -DROIT

1.Mise à effet (d'un jugement).

...pour certeinnes rebellions faictes ou païz de Guienne et de Languedoc contre l'execution d'un arrest obtenu par Regnault de Murath contre Pons de Cardilhac (Baye, I, 1400-1410, 154)

...le Roy mande et welt que lesdiz appellans ne soient en rien oïz, ne comme opposans ne comme appellans, à dire contre ledit impost ne l'execution d'icellui. (Baye, II, 1411-1417, 12)

Prevoust que l'essecucïon De ceste sentence se face (Oudin, St Genis M.S., c.1490, 96)

Mettre à execution (une sentence)

...ceste sentence ne fu point mise a execucion pour cause de l'appel fait devant. (Renart contref. R.L., t.1, 1328-1342, 291)

Le samedi ensuivant, VIIJe jour dudit mois d'ottobre mil CCCIIIJxx et X, fu ledit Jehannin Rubion mené à son derrenier tourment, et illec, en la presence de Aleaume Cachemarée, clerc criminel juré de la prevosté de Paris, envoyé par mons. le prevost pour ledit jugement faire mettre à excecucion, ledit Jehannin Rubion continua et persevera esdites confessions par lui faites (Reg. crim. Chât., I, 1389-1392, 501)

...afin que les advis dessusdis peussent estre mis à execucion au bon plaisir du Roy et sortir aucun bon effect (Fauq., I, 1417-1420, 79)

Puissance mettoit a execucion la sentence. (Gers., Purif., 1396-1397, 62)

Ainsi se partirent de jugement, et allerent mectre a execution sans sergent la sentence de monseigneur l'official ; car eulx mesmes firent l'execution. (C.n.n., c.1456-1467, 501)

PHEBUS. Vous avés ma sentence ouye, Saturnus, sans la reciter, Vous aussi, Mars et Jupiter, Je vous baille en commicion La mettre a execution Incontinent et sans delay. (Cene dieux, c.1492, 123)

2.En particulier.

a)Mise à effet d'un jugement qui ordonne une saisie.

Et vient le terme qu'il est temps de paier ses creanciers et le pouvre homme ne peut paier et ilz ne le voulent plus atendre et le font executer ou excoumenier, et la dame en oit les nouvelles et voit faire l'execucion, et a l'aventure en a prins les joyaux pour lesquelx la debte est deue. (Quinze joies mar. R., c.1390-1410, 12)

En ensievant aussi la conclusion de Aristote dit Ysocrates, pour les raisons alleguees, que les consaulz doivent longuement durer mais les executions doivent estre briefves. (Fillastre, Traité Conseil H., c.1472-1473, 236)

Ce jour, la Court ordonna que maistre Jehan de L'Espine se transporteroit par devers maistre Jaques Phelippe, notaire de ceans, pour prendre et recevoir dudit maistre Jaques certains inventaires d'aucunes execucions fais par lui par l'ordonnance et commission de la Court (Fauq., II, 1421-1430, 25)

...pour deliberer sur [le] contenu des lettres royaulz impetrées par Husson Queniat, receveur des aides à Lengres, qui avoit appellé de certaine execucion et emprisonnement par vertu d'une commission donnée à cause d'une descharge de la somme de VJc livres ou environ, baillée pour le paiement des gaiges de la Court (Fauq., II, 1421-1430, 333)

...il avoit prins par execucion une jument et ung poulain appartenans a Jehan Deschamps, monnoyer, pour la somme de six salus d'or dix solz moyns (Rouen temps Jeanne d'Arc L., 1427, 121)

Faire une/des execution(s)

Mes jeo croie qe le diable est com le sergeant qe homme appelle cacchepull, qe fait les execucions solonc le forfait. (Henri Lanc., Seyntz medicines A., 1354, 123)

...nous ordonnons que ces sergens praignent salaire atrempé : c'est assavoir ceulx à cheval III solz, ceulx à pié XVIII deniers de la monnoie courant ; et plus n'en pourront prendre par jour pour leur salaire, combien qu'ilz facent pluseurs execucions ou autres procés de leurs offices par pluseurs personnes (Cout. bourg. glosé P.M., c.1380-1400, 81)

...en faisant laquelle exécution, ledit sergant eust prins et exécuté certains biens sur certain héritage, assis en la parroisse de Saint Père de Coustances, que l'en disoit estre subgect, obligé à paier ladite rente (Cartul. Hôtel-Dieu Cout. L., 1395, 202)

...lesquels seront ditz, nomméz et repputéz sergens royaulx et pourront faire toutes prinses et aprehemtions de personnes, executions et vendues de biens meubles, criées de tous heritaiges et biens immeubles et tous autres explois de justice (Hist. dr. munic. E., t.1, 1481, 457)

Faire une execution à l'encontre de qqn/sur qqn/en la personne de qqn

...Phelipot Caro, jadis sergent de nostre tres chier et amé frere le conte de Poictiers, avoit fait certaine execucion sur un sergent du seigneur de Clervaux, et niantmoins avoit pris et emprisonné le corps d'icelui sergent (Doc. Poitou G., t.3, 1358, 268)

...nous vous mandons et enjoignons que (...) vous faictes surceoir et tenir en estat et suspens toutes contrainctes, execucions et autres procedeures que l'on pourroit faire à l'encontre de nostre dit nepveu et cousin (Lettres Louis XI, V., t.4, 1471, 256)

...nostre (...) receveur des amendes et composicions de nostre royaume, a fait ou fait faire certaines execucions et contrainctes en la personne et biens dudit Visdelou (Lettres Louis XI, V., t.7, 1478, 107)

b)Mise à effet d'un jugement qui ordonne une destruction, un supplice, une mise à mort.

Execution de qqc. Destruction de qqc..

Pour la despense du disner des sergens de ladicte ville, qui ont disné ensemble le 5e jour de mars 1459, après ce qu'ils ont esté et assisté à l'execution de 4 muys de vin, qui ont esté deffonsés par justice ce jour, et les vaisseaulx bruslés devant l'Ostel de ladicte ville (Comptes Paris M., t.2, 1458-1460, 204)

Execution (de qqn). Peine capitale, mise à mort d'un condamné.

...à ceste exeqution faire furent present, du commandement le roy, li sires d'Offemont, li sires de Til (Conf. Jug. Parlem. Paris L.L., 1343, 153)

...la duchesse de Bourbon nous a supplié et requis que nostre plaisir soit lui sauver la vie, ce que lui avons accordé, nous voulons et vous mandons que on ne fasse aucune execusion de sa personne. (Lettres Ch. VIII, P., t.2, 1488, 182)

Faire execution (de qqn)

...fu dit, par l'advis conseil et oppinion desdiz conseillers, et ordené que (...) l'en sursserroit quant ad present de fere execucion de la personne dudit prisonnier (Reg. crim. Chât., I, 1389-1392, 68)

Ouquel samedi XIIIJe jour dudit mois de janvier, le dessus nommé prisonnier, en enterinant ledit jugement, fu mené à son derrenier tourment à la justice, et illec, en la presence de maistre Nicolas Bertin, examinateur, et Aleaume Cachemarée, clerc dudit mons. le prevost, et de plusieurs commis à fere faire ladite excecucion (...) diminua sadite confession. (Reg. crim. Chât., II, 1389-1392, 19)

Faictes aporter ces banieres Comme vous sçavez les manieres Qu'on fait aux excecucions De telz murdriers et de larrons. (Marcadé, Myst. Pass. Arras R., a.1440, 179)

En ce temps fut faite justice et grande execucion audit lieu de Paris de plusieurs povres et indigentes creatures, comme de larrons, sacrileges, pipeurs et crocheteurs. (Roye, Chron. scand., I, 1460-1483, 3)

Auquel lieu d'Arras, maistre Antithus, nommé maistre Denis Cousin, fist ungne merveilleuse et grande execution d'aucunes gens, es festes de la Penthecouste, qui se vouloient mettre devant ledit siege dedans laditte ville, et y eut des testes tranchées ung grant et piteable nombre (Le Clerc, Interp. Roye, c.1502, 365)

Mettre qqn à execution (de mort)

Par vertu des quelles lettres, parce que nous sommez acertenez que le dit Jehan Bellon a esté jugié, condempné et miz à execucion de mort pour la traison qu'il avoit faicte à nostre dit seigneur du dit chastel (Doc. Poitou G., t.4, 1370, 55)

LE PREVOST. Congnefestu, il te fault mettre Present a executïon (...) Ce personnage cy present Pour aulcun cas lourd et pesant De larrecin qu'elle a commis (Myst. jeune fille L., c.1413-1445 [c.1530], 54)

LE PREVOST. Congnefestu, il te fault mettre Present a executïon (...) Ce personnage cy present Pour aulcun cas lourd et pesant De larrecin qu'elle a commis (Myst. jeune fille L., c.1413-1445 [c.1530], 54)

3.Par extension. Supplice, massacre.

Mettre qqn à execution

Or vont li champion (...) L'un encontre l'autre joster de telz randon Que pour l'un l'autre mettre a execucion. (Renart contref. R.L., t.1, 1328-1342, 617)

Cis mirent Sairaizin a tel execucion Que tout y furent mort a grant tribulacion. (Lion Bourges K.P.F., c.1350, 591)

S'on vous deust ardoir j'eusse devolcion Plus grande de vous mettre en execucion ! (Renart contref. R.L., t.2, 1328-1342, 984)

Tous les mettray a execucïon, Et le roy Dagobert qui m'a fait mesprison, Et avecques la ville en feu et en charbon. (Flor. Octav. L., t.1, c.1356, 94)

Faire execution de qqn (d'une troupe)

...et desja en estoient lez pluseurs yssus qui n'atendoient que l'eure et, quant ilz furent aux champz, ilz se mirent a la course sans desroy et sy soudainement entrerent entre leurs ennemis que lez plus hardis en furent fort espoëntez et lez Crestiens tant encouragiés et renconforté de cestuy beau secours que, a tout conclure, ilz mirent en fuitte lez payens, dont ilz firent sy terrible execucion que de cent et .X. mille que ilz estoient, quant ilz partirent de Grenade, ilz n'en retourna paz plus de .X. mille (Comte Artois, c.1453-1467, 95)

La treve rompue, la guerre recommencha, et se tyra le duc devant Roye et Nelle et les gaigna par force, et y fist grant execution de Franchois. (La Marche, Mém., I, c.1470, 133)

Et pour secourir iceulx, le duc de Bourgoingne alla en sa personne et mist le siege devant Gransom, gaigna la ville et le chasteau, et fist très dure execution de ceulx qui furent prins dedens. (La Marche, Mém., I, c.1470, 139)

Et advint que en ce temps fut prinse la ville de Granmont, où fut faicte bonne execution de Franchois et de Flamens, et tele perte sus perte receues par les [ Flamens ] rebelles changa beaucoup de corages, les ungs et le plus par crainte, et les autres parce qu'ilz estoient bons et par crainte vivoient avec les mauvais. (La Marche, Mém., I, c.1470, 170)

Remarque : V. aussi secution

B. -Action d'accomplir (la volonté de qqn ou la sienne propre).

1.Action de mettre à effet, d'accomplir (un commandement, une volonté, un conseil...).

Et pour ce, de ceulz qui mectent en fait et font execucion de ce qui est commandé selon les loys, l'en dit que telz genz seulement conversent civilement. (Oresme, E.A., c.1370, 345)

...l'ordonnance que nous avons pieça faite d'oster la superfluité de noz sergens et ramener à souffisant nombre, nous voulons et commandons qu'elle [soit] tenue, gardée et acomplie et mise à execucion (Cout. bourg. glosé P.M., c.1380-1400, 80)

Maistre J. Paris, procureur de Guillaume Sachet, escuier, gouverneur de Montpellier, s'oppose à l'execution et enterinement des lettres de don que se dit avoir obtenu un appellé Grolée dudit office de gouverneur. (Baye, II, 1411-1417, 184)

...mais ou contempt dudit appoinctement, et contre la teneur et l'exécution d'iceluy, avoit détenu et occupé, et encore de présent détenoit et occupoit, luy et ses consorts, les susdits palais et chastel d'icelle ville de Rouen (Chart. J., Chron. Ch. VII, V., t.2, c.1437-1464, 153)

...luy sembloit bien que quand l'heure seroit venue ou elle devroit mectre a execution celle leczon, qu'elle en feroit si bon devoir que son mary se loeroit d'elle (C.n.n., c.1456-1467, 496)

Et, le premier jour d'octobre ensuivant, maistre Jehan Balue fut et ala en la sale du Palais royal à Paris, la court de Parlement vacant, pour ilec aussi faire publier lesdictes lettres, où il trouva maistre Jehan de Saint-Rommain, procureur general du roy nostre sire, qui formellement s'opposa à l'effect et execution desdictes lettres, dont ledit Balue fut fort desplaisant, et pour ceste cause fist audit de Saint-Rommain plusieurs menaces, en lui disant que le roy n'en seroit point content et qu'il le desappoincteroit de son office. (Roye, Chron. scand., I, 1460-1483, 185)

Mettre à execution (un ordre)

...qu'il veuille recevoir ce present et mettre a execution ce qui est ordonné (Percef. IV, R., c.1450 [c.1340], 271)

[Sentence] Les conseils doivent longuement durer mais les executions doivent estre breves

En ensievant aussi la conclusion de Aristote dit Ysocrates, pour les raisons alleguees, que les consaulz doivent longuement durer mais les executions doivent estre briefves. (Fillastre, Traité Conseil H., c.1472-1473, 236)

2.Action d'accomplir les dispositions testamentaires (d'un testateur/d'un testament).

À Messire Jacques Froissart, clerc de Monseigneur et excecuteur de feu Monseigneur Messire Philippe de Navarre (...) que li poia Jehan des Ylles, viconte de Constances, par sa quittance du IIIIe jour de juing CCCLXIX, pour convertir ou fait de lexcecution [l. l'execution] dudit Messire Philippe, et qui sont à recouvrer sur ce que Monseigneur puet devoir à ladite excecution (Compte Navarre I.P., 1367-1371, 324)

Et, par consequant, se l'execucion d'aucun testament vient a aucun prelat, ce n'est nul inconvenient se il fait faire inventoire dez biens de celle execucion, car, puis que a luy appartient le principal, par rayson et l'accessoire luy doit appartenir, car aultrement il ne pourret faire deüement l'execucion. (Songe verg. S., t.2, 1378, 176)

...une autre mictre sur champ d'or, legière, brodée à ymages et à perles ; et fut achetée de l'exécucion de feu messire Guillaume de Craon, jadiz archevesque de Reims. (Invent. mobilier Ch. V, L., 1379-1391, 132)

Inventoire des biens moebles appartenans a l'exequcion de defunct homme honnerable et discret, maistre Jehan de Rochefort, subdiacre, nagare chanoine de l'eglise de Beauvez, trouvez aprés son dechés en son hostel chanonial (Invent. test. beauv. L., 1397, 43)

Sur une requeste baillée en la Court par le prieur et couvent de Nostre Dame du Carme sur ce que demandoient le residu des biens de l'execution de damoiselle Perrenelle de Crepon, par vertu de certain laiz à eulz par elle fait (Baye, I, 1400-1410, 9)

Ce jour, monseigneur le patriarche et autres executeurs du testament de monseigneur de Giac ont requiz que, pour le prouffit et avancement d'icelle execution, soient maistre Philippe de Boisgillou et R. Mauger (...) adjoins avec eulz (Baye, I, 1400-1410, 57)

...à moy Baye, graphier de Parlement, et commiz à faire l'inventoire des biens de l'execution de très reverent pere en Dieu, messire Guillaume de Dormans (Baye, I, 1400-1410, 177)

...et [les seigneurs] empescheront l'execucion de son testament [d'un ecclésiastique] (Juv. Urs., Nescio, 1445, 506)

Et, affin que mesd. exécuteurs puissent mieulx disposer de mesd. biens meubles au prouffit et utilité de mon exécucion et d'eulx mesmes, je vueil et ordonne que mesd. exécuteurs ayent franchement et tiennent mon hostel où je demeure et réside communément en ceste ville de Rouen, onquel sont mesd. biens ou la pluspart, par trois moys après le jour de mon trespas (Invent. test. Surreau Foville F., 1476, 199)

3.Accomplissement, réalisation (d'un désir, d'une intention, d'une volonté, d'un projet).

...et la fin est principe et premiere en intencion, combien que elle soit derreniere en execucion. (Oresme, E.A.C., c.1370, 140)

...vueillez vous reformer, en prouvant et monstrant par reelle excecucion quelle est la voulanté de Dieu (Juv. Urs., T. rever., 1433, 56)

...je vous prie, ma chere espouse, que a l'execution de vostre desir vous vous conduisiez prudentement (C.n.n., c.1456-1467, 563)

...la maniere comment on pourroit actuellement et par effect mettre a execution ses ardens desirs, l'on ne la savoit comment trouver. (C.n.n., c.1456-1467, 503)

Réalisation (d'une action, d'une entreprise...).

Laquelle vertu, selon les docteurs, differe de clemente [l. clemence] en ce que mansuetude actrempe les mouvemens du courage et clemence resgarde l'execucion de punicion et la modere tant comme raison peut endurer. (Oresme, E.A.C., c.1370, 260)

...il [le Pape] doit laissier l'excercisse et l'execucion dez choses temporelles aux seigneurs seculiers, quant aux offices instituer ou destituer, quant a privilieges ottroyer et, generaulment, quant a touz cas qui regardent la temporalité. (Songe verg. S., t.2, 1378, 15)

GABRIEL. Icy jamais temple n'aura, Aultel, ydolle ne chappelle. (Pause.) Pas n'est besoing que l'on te celle, Martin, nostre excecucion. Le Dieu de la gloire eternelle A heu ta deprecacion, Dont tantost, par rigueur cruelle, Avons mys a destruction Le temple, aussi la mencion Des dïeux qui estoient dedens (La Vigne, S.M., 1496, 438)

Activité.

Et il appert par ce, que chascun qui enquiert par conseil comment il ouvrera, il se arreste et cesse son inquisicion quant il a ramené et reduit le commencement de son inquisicion siques a soy meïsme et il a reduit soy meïsme a l'antecedent, c'est assavoir a la premiere chose ou il doit commencier son excecucion. (Oresme, E.A., c.1370, 193)

Action militaire.

Le samedi ensuivant, VIe jour de may, fut pareillement rendue la ville de Roye et s'en alerent les Bourguignons de dedens vies et bagues saulves. Et puis fut aussi rendu le chasteau de Moreul, pareillement que ceulx de Roye. Et, en faisant telles execucions que dit est sur le Bourguignon et son pays par l'armée du roy, qui estoit si noble, telle et si belle compaignie et artillerie que, où elle eust esté menée, y avoit gens assez pour en brief temps prendre et mettre en la main du roy toutes les villes et places dudit de Bourgongne (Roye, Chron. scand., I, 1460-1483, 332)

Passage à l'action.

...et quant ilz vont devers vous, vous dictes de belles paroles, maiz il n'y a aucune execucion, par quoy vostre renommee est fort abessie. (Juv. Urs., Loquar, 1440, 376)

Et quant on voit les advocas prolits en escriptures ou plaidoiees, on leur dit trop bien, mais nul fruit ne s'en ensuit, car il n'y a aucune execucion, et pour ce font ilz tousjours comme devant. (Juv. Urs., Verba, 1452, 336)

Action d'armes. Fait d'armes.

Ainsi ce noble pas fut achevé et soubstenu par le seigneur de Charny et par ses compaignons, en chevaleureuse execution d'armes, en grans pompes d'habitz et d'acompaignemens, et à grande, large et habandonnée despense de mangiers et de festiemens (La Marche, Mém., II, c.1470, 1)

En execution. En actes.

En laquelle Tullez dist qu'il treuve deux manieres de justice, dont l'une est justice en cuer et l'autre est justice en execucion. (La Sale, Salade, c.1442-1444, 9)

Homme d'execution. Homme qui a de l'initiative, qui est entreprenant.

Si fut advisé que Thibault de Neuf Chastel, escuyer, seigneur de Blamont, filz aisné du seigneur de Neuf Chastel, et eagé de vingt six ans, estoit homme de faict, de sens et d'execution et d'emprise, et de soy des plus grans et des plus puissans du pays de Bourgoingne et de grande maison (La Marche, Mém., I, c.1470, 269)

Mettre à execution qqc.

...il luy sembla [à Henri de Lancastre] qu'il estoit temps qu'il mist a exeqution sa mauvaise voulenté et la trahison qu'il avoit pourpensé (Juv. Urs., T. crest., c.1446, 151)

Pour ce se par nous estoit mis Ce fait a execution Sans avoir la collation De Pilate nostre prevost, Pilate nous aroit tantost Devers les Romains accusez, Dont porriesmes estre grevez (Marcadé, Myst. Pass. Arras R., a.1440, 144)

Et en verité je veis a Potiers ou le roy estoit, le siege estant a Orleans, que il vint ung compaignon raporter en ma presence a ung de ceulx qui avoient lors plus grant puissance prez du roy, et lequel me appella, et luy dit une maniere de destruire les Anglois, qui estoit vraye, se il eust mis a execucion ce que il disoit (Juv. Urs., Nescio, 1445, 460)