ERRANT

adverbe

[GD : errant1 ; FEW (IV, 824b) : iterare²]

Sur le champ, immédiatement.

Et pour ce nulz, s'il arrestoit A Samblant n'a Espoir, saciés Que errant en fust enlaciés. C'est la rois qui toute gent lace ; C'est ce qui tous cuers fraint et mace ; C'est ce qui raison absorbist Et les mieus vëans aorbist (Acart, Prise am. H., 1332, 15)

'Aiglente, dist soudant, par ma barbe florie, Vous serés en ung feu errant arse et bruÿe' (Tristan Nant. S., c.1350, 192)

...le ber va esrant un varlet appeller, Et fist sen dromadaire esranment enseller (Renaut Mont. B.N. V., c.1350-1400, 733)

Agnesot, sanz plus faire attente, Alon m'en au moustier errant, Faire crestïen cest enfant, Car au naistre a eü tant paine, Que je ne suis mie certaine Que gueres vive. (Mir. enf. ress., 1353, 24)

Le haro conmança si grant Que la justice y vint errant. (Mir. enf. ress., 1353, 57)

Or sus, hastivement en la mer le gettez ! Je veul qu'il soit errant affrondés et gettés. (Flor. Octav. L., t.1, c.1356, 198)

Quant le franque royne fu le noise escoutans, À ung de cez barons fu errant demandans : 'Pour coy crient no gent, ont il assault pesans ?' (Hugues Capet L., c.1358, 69)

Baptizier me vois faire errant. (Mir. st Panth., 1364, 319)

Et mist errant piet jus a terre (Froiss., Méliad. L., t.2, 1373-1388, 189)

Quant il entendi ce que les Compagnes voloient par force entrer en son pays, si fu durement courouciés et escrisi errant tout le fait au prince. (Froiss., Chron. L., VII, c.1375-1400, 3)

Et le roy lui respond : Sire duc, Cellui le vous merisse qui souffry la mort en la croix pour nous rachater de l'infernal servage. Puis prent congié du duc et de la duchesse et de Regnault et de toute la baronnie, et monte a cheval, et s'en va errant avec sa mesgnie, tant comme il puet, vers son pays d'Ausaiz, doulens de sa perte et joyeulx du secours que le duc Anthoine lui a promis faire pour secourir le roy Fedric, son frere. (Arras, c.1392-1393, 173)

...fist errant crier (...) Que (...) Fussent trestous adz tentes garnis et conraé Pour entrer au navire qui estoit ordonné. (Cip. Vignevaux W., p.1400, 51)

... et il lez ocist errant s'il en y avoit cent (Chev. papegau H., c.1400-1500, 81)

Tres chier sire, nous revenons D'acomplir vostre vueil errant. Nous avons pris le demourant Des vïandes cy assemblees, Mais douze mandes bien comblees Nous en avons ja rapporté. (Gréban, Pass. J., c.1450, 175)

Ains s'escrient esrant a leur vois haut et cler : ... (Jourd. Blaye alex. M., a.1455, 21)

Si l'ont esrant mené en se hebbergerie (Jourd. Blaye alex. M., a.1455, 110)

Errant que. Aussitôt que.

Le Calife salue errant qu'il l'avisa. (Bris., Restor paon D., a.1338, 83)

Tout errant que

Car je sui tous ciertains que j'arai des langées, Trop plus des soterielles que des femmes senées, Tout esrant que mes rimes leur seront révélées (Gilles Le Muisit, Poésies K., t.2, c.1347-1353, 34)

Remarque : V. aussi errer1.