ENTRER

verbe

[T-L : entrer ; GD : entrer, entrant1, entrant3 ; GDC : entrer ; AND : entrer1 ; DECT : entrer ; FEW (IV, 773, 774a, 775b) : intrare ; TLF (VII, 1248a) : entrer]

I. -[Sens spatial, idée de changement de lieu, de franchissement d'une limite d'intériorité]

A. -Au propre.

1.[D'une pers.]

a)Emploi intransitif.

Entrer à/dedans/en qqc./un lieu. Pénétrer dans....

[Un bâtiment, une ville ou tout espace présentant des ouvertures pour y pénétrer]

Si entra en son oratoire Pour le souverain Dieu de gloire Aourer, loër et prier, Ne riens nel peüst detrier Qu'a genous trois fois la journee Ne fust s'orison presentee (Mach., C. ami, 1357, 37)

...il, de nuyt, entra ès estables des chevaulx mons. le connestable (Reg. crim. Chât., II, 1389-1392, 168)

Et environ heure de prime, vint Remondin, a noble compaignie (...), et entra dedens les lisces (Arras, c.1392-1393, 61)

Cedit jour, n'a point esté plaidié pour ce que l'en ne povoit entrer ou Palaiz, obstant un grant conseil que faisoit le Roy en la sale Saint Loiz (Baye, I, 1400-1410, 305)

Gieffroy chevaucha tant qu'il vint a Mailleres et entra a l'abbaye. (Arras, c.1392-1393, 250)

Quant le seigneur de Saintré et celle noble et chevalereuse compaignie furent venus a Saint Denis, et faites en l'église leurs devocions, pour entrer a Paris, au devant d'eulz furent les trois seigneurs ducz dessudiz (La Sale, J.S., 1456, 223)

...si voulut entrer en la chambre (C.n.n., c.1456-1467, 195)

Il saulta jus du chariot, entra dedans l'ostel, et monta en haut (C.n.n., c.1456-1467, 344)

[Dans un contexte métaph., du Saint-Esprit] Pénétrer (dans l'âme pour la remplir).

Chascun jour, voir presque chascune heure, le Saint Esperit quiert entrer dedens l'ostel de nostre ame. (Gers., Pent., p.1389, 76)

[Un lieu naturel (chemin, forêt...)]

Si trouva une voie a destre Et entra en un sentelet Sëant dessus un ruisselet Qui descendoit d'une fonteinne. (Mach., D. Lyon, 1342, 174)

Puis entra ou chemin, si print une charriere (Hern. Beaul. D.B., c.1350-1400, 64)

Le roy entra au boys et tous ses chevalier. Ung porc ont eslevé grant merveilleux et fier (Gir. Vienne D.B., c.1350-1400, 206)

Vous enterés en ce chemin Qui s'en va devers Carmelin (Froiss., Méliad. L., t.1, 1373-1388, 108)

Et quant Remondin le scot, il monta a cheval tout seul et yssy de Poictiers, et entra en la forest pour venir tenir convenant a sa dame. (Arras, c.1392-1393, 29)

Ilz entrerent en une moult belle prarie, et ilz virent ung chastel moult bien seant en ung moult bel tertre (Chev. papegau H., c.1400-1500, 50)

Assez en parlerent les uns et les autres, en especial le roy Oethés. Si vint a lui [Jason] a son retour du temple de Dyane et lui desconseilla l'entrer en l'isle de Colcos, lui affermant qu'il y morroit s'il y entroit et qu'il avoit illec esté envoyé cauteleusement pour le faire perir. (LEFÈVRE (R.), Hist. Jason P., c.1460, 202)

...et ancrèrent son navire, pour ce que la mer estoit retirée, et ilz ne povoient entrer au havre, mais au plus près de la ville qu'ilz peürent. (Comm., I, 1489-1491, 203)

Entrer en/dedens un lieu par tel passage

... [il] dreça ladite eschelle, et entra par une fenestre en la chambre du clerc de leans (Reg. crim. Chât., I, 1389-1392, 20)

Or i avoit auquns hostels, en ces fourbours ou li signeur estoient herbegiet, qui avoient issue par derriere. Si s'en aviserent li signeur et entrerent par la dedens lors hostels (Froiss., Chron. D., p.1400, 117)

Les Englois, qui estoient entré par les palis en la ville, entendirent a ouvrir la porte (Froiss., Chron. D., p.1400, 587)

Je voel entrer en Calais par la porte toute ouverte. Je n'i enterai ja par le guichet (Froiss., Chron. D., p.1400, 866)

En particulier. Pénétrer (dans un pays) avec des vues belliqueuses.

...et contenoient icelles lettres, si comme il se recorde, que il qui parle se tenist bel et bien, ainsi qu'il avoit acoustumé de faire, et se gouvernast et gardast ses forteresses au mieulx qu'il pourroit et sauroit, et que, les treves faillies, il passeroit la mer et entreroit ou royaume de France à très-grant puissance, sanz aucune faulte. (Reg. crim. Chât., II, 1389-1392, 196)

Mais Gieffroy les suivoit si asprement qu'il entra pelle melle dedens la ville, a bien Vc. hommes, avec les Sarrasins. (Arras, c.1392-1393, 225)

...nouvelles vinrent en l'ost (...) que les gens d'armes qui estoient establi ens es garnisons de Saint Omer (...) enteroient en la vallee de Cassiel, et destruiroient le pais (Froiss., Chron. D., p.1400, 444)

Et vint entrer oudit pays de Bourbonnoys, où ilec, environ le jour d'Ascension Nostre Seigneur, la ville et chastel de Saint-Amant l'Ailler fut prinse d'assault. (Roye, Chron. scand., I, 1460-1483, 43)

Oudit temps, ledit seigneur de Bourgongne, au moien desdictes treves à lui baillées par le roy, esquelles n'estoient aucunement comprins lesdiz Liegois, entra oudit pays du Liege avecques toute son armée, en persecutant lesdiz Liegois. (Roye, Chron. scand., I, 1460-1483, 193)

Cestui vesquit moult longtemps et vint en France, quant le roy Phelippe entra en Normandie et fut à la prinse de Evreux et de Conches et d'autres lieux (Simon De Phares, Astrol., c.1494-1498, f° 120 r°)

[D'un grand personnage, d'un vainqueur...] Faire une entrée solennelle (dans une ville).

...il volt ordonner une grande feste a estre a Paris a sa bien venue, car encores il n'i avoit point entré conme rois. Et qant il i entra, ce fu a tres haute solempnité. (Froiss., Chron. D., p.1400, 181)

Le consule sage, A grant triumphe, entra en Rome, Atout de tresor moult grant somme. (Chr. Piz., M.F., III, 1400-1403, 238)

Entrer dedens/en (la) mer/en un fleuve

S'embarquer.

Et lors prist Gieffroy congié de son pere et de sa mere et entra en mer, et furent les voiles levez et se commanderent a Dieu, puis s'esquippent en la mer, et en pou de heure ot on perdu la veue d'eulx. (Arras, c.1392-1393, 213)

Briefment, quant elle [Didon] vit qu'il [Enée] entroit en la mer et que elle ne povoit en ce remede mettre, elle monta en une haulte tour pour le conduire a l'oeil sy loing que elle pot oncques, en regardant ses voiles et ses nefs. (Evr. Conty, Eschez amour. mor. G.-T.R., c.1400, 431)

Et fissent tant par l'esploit dou vent que il entrerent en la riviere de la Tamise, et prissent terre au Kai a Londres. (Froiss., Chron. D., p.1400, 279)

...le bon marchant fut mandé de ses compaignons pour entrer en la mer. (C.n.n., c.1456-1467, 566)

Et, ce fait, ledit de Waruic acompaigné comme dessus, entrerent en mer et orent vent propre et à gré, tel que en peu de temps ilz vindrent arriver oudit royaume d'Angleterre, et descendirent et arriverent iceulx navires à Plemue et Dertemue à heure de nuit. (Roye, Chron. scand., I, 1460-1483, 245)

Si devez dont prandre coraige D'entrer en mer joyeusement Pour restablir vostre heritaige Par le vostre gouvernement. (Myst. siège Orléans H., c.1480-1500, 108)

S'engager à pied (dans la mer).

Quant li bons roys cuida descendre, Li Sarrasin, sans plus attendre, Entrerent jusques au nombril Dedens la mer plus de XX. mil (Mach., P. Alex., p.1369, 68)

Entrer en/dedens un moyen de locomotion

Toutefois il entra dedens le dromont, qui moult estoit nobles et gens et plains de grans richesses, sy les regarda moult doulcement et volentiers. (Bérinus, I, c.1350-1370, 245)

Et toute sa gent ensement Entrerent ordeneement Dedens leurs vaissiaux, sans atendre. (Mach., P. Alex., p.1369, 50)

Li sires de Lesparre vint, O li gens d'armes plus de vint, Et voloit entrer en galée. Li roys li deffendi l'entrée, Et dist que ja n'i entreroit Avec li, einsois demorroit, Car des gages estoit quassez, Et s'avoit gens d'armes assez. (Mach., P. Alex., p.1369, 225)

Adont entra la roine ou char la contesse de Hainnau (Froiss., Chron. D., p.1400, 65)

Et entra dedens une barge grosse assés (Froiss., Chron. D., p.1400, 88)

Tous nous y devons employer. Entre en se bateau ! (Pass. Auv., 1477, 157)

Entrer dans un piège. Tomber (dans un piège).

Si tost que chil Englès furent entré en leur embusche, il furent happet, dont li chevaliers heut grant joye, et leur demanda de quel part il venoient. (Froiss., Chron. R., IX, c.1375-1400, 38)

infinitif substantivé. À l'entrer en qqc./qq. part. Au moment de pénétrer dans qqc./qq. part.

... et a l'entrer en la mer s'entrebaisierent les deux freres. (Arras, c.1392-1393, 143)

...quand a l'entrer en la maison la vit ainsi foible, luy dist... (C.n.n., c.1456-1467, 577)

Entrer + adv. de lieu

Entrer dedans/ens/leans/y entrer

...a l'entrée d'un vergier Me fist aventure aporter. S'entray ens pour moy deporter, Pleins d'amoureuse maladie... (Mach., D. verg., a.1340, 14)

Mais si tost com j'y fu venu, Il me fu si bien avenu Que la nacelle vers moy vint, Si que riens plus ne me couvint Fors entrer dedens (Mach., D. Lyon, 1342, 234)

...le cappitaine se party des deux freres, avec lui XXX. chevaliers de noble affaire, et vint en la cité, ou on lui ouvry les portes liement, et il entra ens (Arras, c.1392-1393, 114)

Lequel roy d'Ausay en a eu tel despit qu'il a deffiee la damoiselle et son pays, et y est entrez a force (Arras, c.1392-1393, 150)

... le tiers jour après, Gieffroy au grant dent arriva soubz le Limacon, mais le maistre du port ne le laissa pas entrer dedens. (Arras, c.1392-1393, 215)

... nulz ne pourroit jamais entrer leans s'il n'estoit de leur lignaige (Arras, c.1392-1393, 266)

Ne demoura gueres après que ung aultre gentil homme entra dedans (C.n.n., c.1456-1467, 181)

...nostre mary, qui a l'huys n'actendoit aultre chose, entra ens. (C.n.n., c.1456-1467, 497)

Emploi absolu.

Et lors dist le chevalier (...) : Laissiez nous entrer (Arras, c.1392-1393, 215)

...ainsi qu'il vint vers la chambre d'elle, il entra et la trouva toute seulle (C.n.n., c.1456-1467, 389)

Entre ! Tu ne sauldras jamaiz [de l'enfer] . (Pass. Auv., 1477, 252)

Entrer à/devers/vers qqn. Pénétrer chez qqn.

...en la fin (...) el est contente qu'il entre vers elle [Une femme accepte de recevoir un galant chez elle] (C.n.n., c.1456-1467, 107)

Si fist le guet par pluseurs nuiz ; et le veoit entrer vers elle (C.n.n., c.1456-1467, 229)

...affin que vous sachez que je sçay qui en est, je vous ay veu entrer devers elle par pluseurs foiz (C.n.n., c.1456-1467, 229)

Maulditz, alés vous en trestous A la porte [de l'enfer] ! Sarrés la fort Et gardés qu'il [Jésus] non entre a nous, Affin que ne perdions nul mort. (Pass. Auv., 1477, 226)

Entrer dans qqn. Heurter, percuter qqn (sans le faire exprès).

Pour ce que il estoit nuis, il demandèrent en passant : 'Et qui est là ?' et, en entrant l'un dedens l'autre : 'Je sui Stafort.' - 'Et je sui Hollandes.' (Froiss., Chron. R., XI, c.1375-1400, 262)

Entrer dans/sur un ennemi/entrer l'un en l'autre. Attaquer (un ennemi).

Cuida que la parolle fust pour bien recordee ; Mais c'estoit a la fin qu'il euist le penssee D'entrer si fort avant sur celle gent dervee Que ja mais a nul jour n'en fezist retournee. (Flor. Rome W., c.1330-1400, 184)

Sitost comme il se porrent congnoistre et appercevoir, comme cil qui se tenoient à ennemi li un l'autre et qui se desiroient à avanchier et combatre, en esporonnant leurs chevaux et en abaissent les glaves, en escriant leurs cris, entrèrent l'un en l'autre. (Froiss., Chron. R., IX, c.1375-1400, 9)

Quant ilz nous veirent, ilz furent touz confortez et mistrent piet à terre et se ordonnerent en bon arroy, et nous aussy d'aultre part. Nous entrames l'un dedens l'autre. Là ot grant poussieu et boutois de lances (Froiss., Chron. M., XIV, c.1375-1400, 7)

...les Englois (...) monstrerent desfense tres bonne ; mais il ne porent durer longement, car les François entrerent tantos en euls et les espardirent. (Froiss., Chron. D., p.1400, 654)

Et estoient chil de la bataille dou roi acosté par derriere de une grose haie, et ne pooit on venir ne entrer sus euls fors que par devant. (Froiss., Chron. D., p.1400, 735)

Et aussi, quant ils veyrent au dessus de ladicte montaigne une si grosse compaignie de leurs ennemis qui se ralioient l'un avec l'aultre, ilz doubtèrent d'entrer en eulx et attendirent leurs aultres compaignons, en hardiant l'un contre l'autre. (Monstrelet, Chron. D.-A., t.5, c.1444-1453, 236-237)

infinitif substantivé. [De deux navires ennemis] À l'entrer l'un dans l'autre. Au moment de venir au contact.

Qant Englois et Normans s'encontrerent, il i ot grant hustin ; et a l'entrer l'un dedens l'autre, il abaisierent tous lors voilles. (Froiss., Chron. D., p.1400, 405)

Par extension. Entrer dans une armure, un équipement

'Il est vray, dist le Chancellier, car ilz engressent trop ; s'ilz sejournent plus, ilz ne pourront plus entrer en leur harnoix ; et fauldroit que vous leur en donnassez de tous neufz.' (Bueil, II, 1461-1466, 165)

b)Emploi transitif. Pénétrer dans (un lieu).

Quant li conte de Flandre sot l'oevre pervilheuse, Vers Galles chevalchat, la citeit deliteuse, Qui fut Lutesse dite, entrat moult avyeuse [l. awireuse (Éd.)] , Maintenant le nomons [l. nome ons (Éd.)] Paris la savereuse. (JEAN D'OUTREM., Geste Liège B.B., t.1, a.1400, 621)

DANDO. De quoy servent telz doreslotz ? Doyvent ilz entrer ceste salle ? (Sots Magn., a.1488, 204)

...et luy disné, il alla voir le Chasteau Nove, aprés que les Allemans et autres nacions furent dehors. Et entra le chasteau a telle compaignie qu'il luy pleut. (La Vigne, V.N., p.1495, 255)

Pénétrer (dans un pays) avec des intentions belliqueuses.

...le Cont de Cork C[ork] ad fait et eeu beaucoupe des journees, a un desqueux il occist pluis de C. enemys (...) et a une autre il entra un fort paijs a grand hardivesse sur ses enemys ou S. fait sa demeore (Lettres agn. L., 1394, 208)

Emploi factitif. Entrer qqn qq. part. Faire pénétrer qqn qq. part.

...il convendroit [pour prendre le chateau] que de nuyt, et à eschieles, l'en entrast XX ou XXX personnes en la basse-court dudit chastel, laquelle n'estoit aucunement gardée (Reg. crim. Chât., II, 1389-1392, 191)

c)Emploi pronominal. [Valeur d'intrans.] S'en entrer. Pénétrer dans.

Dedens Rochefort s'en entrairent, Et a Anthipater compterent Le meschief qui leur advenoit (Renart contref. R.L., t.1, 1328-1342, 193)

Si s'en alerent, Tout en parlant, la ou il les menerent, Par les degrez de marbre qu'il monterent, Tant qu'en la chambre au bon roy s'en entrerent. (Mach., J. R. Beh., c.1340, 112)

Remond (...) s'en entre dans sa chambre et se couche en son lit (Arras, c.1392-1393, 243)

Elle saillit sus bien a haste, et si reprint son atour et s'en entra en une aultre chambre (C.n.n., c.1456-1467, 239)

[D'un navire] S'en entrer à fond. Sombrer, couler.

...c'estoit grant pitié a lle veoir et a oÿr lez cris et les complains que toux les bones gens foysoient comme ceulx qui veoient le mort davant eulx et ne regardoient l'eure que le nef s'en entrast a ffons. (Caumont, Voy., p.1420. In : Chrestom. R., 72)

d)Participe présent en emploi substantival. Personne qui arrive dans un lieu.

...toutes fenestres estoient garnies de dames et de belles damoiselles de la ville, dont l'aornement et la specieusité ammusoit les yeulz des entrans, car en y avoit si grant nombre et de si diverse beaulté que les yeulz ne s'en pooient ravoir ne les ceurs distraire. (Chastell., Chron. IV, D., c.1461-1472, 220)

2.[D'une chose]

a)[D'un objet pointu] S'enfoncer, pénétrer.

Entrer entre qqc. et qqc.

Lors prent l'estrié qui pendoit a l'arcon de la selle, liquelz avoit trois pointes bien acerees, chascune de sept poux de long, et au retourner que Olivier cuida faire, il le fery sur le bacinet, qui fu durs et bien trempez, et l'une des pointtes coula aval et entra entre la coupe du bacinet et la vosiere. (Arras, c.1392-1393, 62)

Entrer avant/dedens

L'espee glissa et vint descendre sur le col du destrier et lui entra si avant qu'il lui trencha les deux maistres nerfs qui soustenoient la teste du cheval. Le destrier s'encline, qui ne se povoit plus soustenir. (Arras, c.1392-1393, 138)

Si fu ferus d'un fier de piqe, qui li coula et avala desous le bachinet et li entra tout dedens ; dou quel cop il morut (Froiss., Chron. D., p.1400, 179)

[Le soldat, qui doit percer le côté de Jésus, adresse la parole à sa lance] Je non ay pas aux bras la goute. Or va, va, entre bien advant ! Et qu'est cecy, par mon serment ? Je cuide que je l'ay actaint. (Pass. Auv., 1477, 231)

Entrer en terre

Et Gieffroy traist l'espee, et vint au jayant qui le cuidoit ferir de la mace d'acier sur la teste. Mais Gieffroy, qui fu fort et legier, tressault. Le jayant fault, et le coup chiet a terre par telle vertu que la teste de la mace entra plus d'un pié en terre. (Arras, c.1392-1393, 247)

b)[D'un élément, d'une substance] Pénétrer à l'intérieur de qqc..

Jamais de pain en ceste gorge N'enterra ne ne mengeray Tant que de li vengié seray (Mir. Theod., 1357, 106)

Adonc fu li feus aportés avant et trais par bombardes et par kanons en le basse court ; et si prist et monteplia telement que toutes ardirent, et entra en le couvreture d'une grosse tour, qui estoit d'estrain. (Froiss., Chron. L., V, c.1375-1400, 11)

Et pluseurs cuident prime face Que ventouser adont la place De la boce peut conférer, Qui vouldroit de ce s'engérer, Pour attraire le venim hors, Et le garder d'entrer ou corps (La Haye, P. peste, 1426, 120)

Item, au plus hault d'icelui lieu, estoit une ymage de cuyvre, tenant en sa bande une trompe, laquelle, touttefois que le vent de Auster ventoit, par certain object entroit en icelle et par ce se tournoit, qui portoit grant prouffit aux voyageurs par mer. (Simon De Phares, Astrol., c.1494-1498, f° 69 v°)

...par tiranie le fist pendre et non estrangler et depuis fendre son ventre et bruller ses entrailles devant lui et l'executeur noa les espiraux affin que le vent n'y entrast (Simon De Phares, Astrol., c.1494-1498, f° 150 r°)

c)ASTR. [D'un corps céleste] Entrer dans (un autre corps céleste). Se trouver (par rapport au point d'observation) sur la même droite ; se superposer visuellement l'un à l'autre.

Cestui predist les signes horribles que se monstrerent ou ciel et aussi le grant yver et la famine subsequente qui fut en France et les impressions de feu qui se monstrerent et la signifficacion d'une estoille que plusieurs virent entrer dedans la Lune, comme il sembloit. (Simon De Phares, Astrol., c.1494-1498, f° 98 r°)

d)[D'une figure géométrique] S'introduire dans qqc..

...cel angle .b. descriroit une ligne circulaire et entreroit en wide espace et lesseroit apres soy wide espace - et c'est ligier a entendre. Et ainsi seroit il de quelcunque autre figure angulaire. (Oresme, C.M., c.1377, 388)

B. -Au figuré.

1.[D'une pers.]

a)S'engager dans un état, une situation, un mode de vie, une activité....

Entrer en/à religion. Consacrer sa vie à la religion, prononcer ses voeux.

Les femmes sont deffendues et ne peuent vouer, ne faire veu de continence, se n'est par pareil consentement et voulenté l'un de l'aultre, ne acceder ne approcer a religion puet l'un sans la voulenté de l'aultre. Et se l'un d'eulz entre en religion qui s'entent de ceulz qui sont alliéz par mariage sans le consentement de l'aultre, l'un, c'est le mary ou la femme, puet son mary revoquier qui est entrez en religion sans son consentement. (Sacr. mar., c.1477-1481, 52)

...mais devant la copule charnele, jassoi ce que mariage soit contrait entre eulz par paroles de present, l'un puet entrer en religion sans le consentement de l'aultre, et l'une des parties demourant au siecle porra contraire mariage. Le serviteur aussi ne puet entrer a religion non vueillant son seigneur, ne eslire vie monastique, ne vie de moyne, ne de religieux. (Sacr. mar., c.1477-1481, 52)

Item homme ou femme de pensee allienee, c'est quant ilz ne sont pas en bon sens, ilz ne peuent vouer d'entrer en religion. (Sacr. mar., c.1477-1481, 52)

Devenir membre d'un ordre de chevalerie.

...ainsi cestui duc, coffre vray de leaulté et d'honneur, ne s'estoit pas avancié de mettre l'ordre [de la Toison d'or] sus contre l'onneur des portans (...), mes pour les bons faire relyer et astraindre en honneur et vertus plus estroites par obligation de serment. Et n'estoit pas bien ymaginé a ung roy que celui qui onc ne fit faulte en francise ne par avant veu solempnel, que, aprés estre entré en religion pour maintenir honneur plus pur, il s'asservist et obligast a faire mescief. (Chastell., Chron. IV, D., c.1461-1472, 124)

Entrer in sacris/aux saints ordres. Entrer dans les ordres.

Ha, creature humainne qui veulx entrer es saintes ordres, regarde ce que on te baille: se tu as esté paresseux a aler a l'eglise, soies eveillié, se glous en beuvant et mangant, soiez sobres, se luxurieux, chastes, et vous demonstrés telz que vous puissiés plaire a Dieu. (Juv. Urs., Aud. celi, 1435, 241)

Ne vous chaillie, car sains arest Ordre prendré, et in sacris Entrerés. Mon seignieur a pris Au jour de huy [mesme] de feyre orde. (Myst. st Bern. Menth. L., c.1450, 75)

Entrer en mariage. Se marier.

Lors pluseurs pensées li viennent Qui de neccessité couviennent, Pour li entrer en mariage Par le conseil de son lignage. S'elle le fait, ce n'est pas fais Dont cils doie enchargier tel fais Comme de lui desesperer ; Eins doit penser et esperer Qu'elle y a profit et honneur, Quant en la grace d'un signeur Seroit de droit nommée dame. (Mach., J. R. Nav., 1349, 223)

Pour che le jovenceau ou adolescent, qui pour la convenienche de son eage veult entrer en mariage, doit estre instruit d'ichelui estat et singulierement de trois choses, asscavoir de la fenme qu'il doit avoir, de la lignie qu'il doit rechepvoir et du gouvernement de la maison et de la famille ou il doit faire son devoir. (Daudin, De la erudition H., c.1360-1380, 307)

Moult grandement se repentit l'arcediacre de Therouenne qui, pour entrer en mariage, lessa le previlege de clerc et se maria a une femme vefve, en laquelle, selon qu'il racompte, il demoura en servage moult longuement (Quinze joies mar. R., c.1390-1410, 3)

Entrer en contemplation

Et prent grande exultation en ceste admiracion et si arreste assez longuement et ainsi en meditant il excede meditacion et passe et entre en contemplacion. (Cib., p.1451, 182)

Emploi transitif. Entrer l'état de. Passer dans l'état de.

...se tu veulx entrer lestat [l. l'estat] de perfection, il te propose virginite [l. virginité] , il te propose toute voluntaire chastete [l. chasteté] , il te propose renunciacion au monde par religion (Cib., p.1451, 188)

b)[Idée d'engagement envers qqn]

Entrer au service de qqn

...vous [le duc de Bourgogne] entendés bien que à l'advenement du roy à sa couronne il ne tint point à moy que je [le conte de Dampmartin] n'entrasse en son service, et de ce faire fit mon leal debvoir (Le Clerc, Interp. Roye, c.1502, 261)

Entrer en foi de qqn. Prêter serment de fidélité à qqn.

...entrez en la foy dudit arcevesque et lui faites ledit hommaige et tous autres services deubz (Comté Champ. Brie L., t.1, 1332, 490)

...le chevalier et sa femme sont mors et laissent pluseurs enfans, dont il y a une fille aagée et les autres enfans sont soubz aagiéz, qui aura le gouvernement de ces enfans ? Certes, sires, la fille qui est aagée entrera en foy du seigneur de qui le fief est tenu, pour le toutage, soy disant heritiere de son pere et de sa mere, seule et pour le tout (Cout. bourg. glosé P.M., c.1380-1400, 218)

Entrer en l'obeissance de qqn

«...s'elle avoit véu de vo corps la samblance, Et amours l'en volsist donner la congnoissance, Qu'elle volsist entrer en vostre obéissance, Tout c'on aroit brasset et toute l'ordonnance Aroit tantos deffait et dit une ariérance Dont elle accompliroit toute sa souffisance.» (God. Bouillon R., t.2, c.1356, 393)

c)Entrer dans/en une chose abstr.

Pénétrer par l'esprit dans qqc..

...ceste matere estoit si perplexe que a grant peine se savoit mettre pour y entrer (Chastell., Chron. IV, D., c.1461-1472, 54)

Entrer en comparaison. Comparer.

Et se nous voulons entrer en compareison, quelle chose peult estre plus divine en contemplation, plus juste a bien vivre, plus honneste en humanité, plus riglee en meurs, plus proufitable a chacun, plus paisible pour tous, plus garnie de bonne esperance et tendant a souverain guerdon, que sainte crestienté ? (Chart., L. Esp., c.1429-1430, 127)

d)Emploi absolu. Entrer plus avant. Aller plus loin (dans un raisonnement, une démonstration).

Et, se tu veulx responce à tes chargans parolles qui touchent des places habandonnees sans gueire de defense, je te dy, pour plus avant entrer, que aussi en trouveras tu qui moult puissamment ont esté defendues sans point de secours, et est force que en guerre si entremeslee et dangereuse ait des biensfaiz et des faultes (Chart., Q. inv., 1422, 43)

2.[D'une chose]

a)[D'une chose concr.]

Trouver place, être placé à l'intérieur.

... [il] pria et requist icelli Bechopois que la somme de XL s. t. en blans de VIIJ d. parisis qu'il tenoit en sa main, et lesquieulx ne povoient entrer en sa bourse, pour l'autre argent qu'il portoit sur lui, icelli Bechopois voulsist mettre oudit gueulle. (Reg. crim. Chât., I, 1389-1392, 562)

Être employé dans la confection de qqc..

...ung cent de gris1. d'Aulmusse, qui est entré en deux cornètes de damas gris fueilleté, l'une pour le roy, et l'autre pour monseigneur (Comptes roi René A., t.2, 1478, 100)

Participe passé en emploi adjectival. [De pièces de fourrure] Employé dans la confection de qqc..

...dix sept martres sebelines entières et bien brunes, entrées, tant au collet et bors des manches, que ou bas d'une robe noire longue (Comptes roi René A., t.2, 1451, 153)

b)[D'une chose abstr.] Pénétrer dans qqn/le coeur/l'esprit/l'âme de qqn.

...Dedens mon cuer venirent doubtes Qui y entrerent par folie Et par droite merencolie. Car j'estoie trop esbahis Et aussi com tous estahis Et d'erreur telement temptez, Que je cuiday estre enchantez. (Mach., J. R. Nav., 1349, 182)

Dont ou livre de Sapienche ou premier chapitre est dit que «en l'ame mal veullant n'entrera sapience», pour les vices espirituelz, «et ne habitera en corps subget aux pechiés», c'est a dire es gloutons et luxurieux. (Daudin, De la erudition H., c.1360-1380, 32)

Sans departir est en mon cuer entrée Nouvelle amour par si noble maistrie Que la millour et la plus belle née Qui onques fust amée ne servie Vuet que mette sens, temps, cuer, corps et vie, Penser, desir en son tres dous demainne Et qu'elle soit ma dame souverainne. (Mach., L. dames, 1377, 216)

Ces paroles entrerent tellement ou coer le roi d'Engleterre qui estoit jones, que onques depuis elles ne li porent issir (Froiss., Chron. D., p.1400, 183)

'Laquel chose, pour certain,' (...) 'n'est pas sans admiracion que si haulte consideracion peust entrer en cervel de femme ; mais moult fu chose plus merveilleuse,' ce dit il, 'de le mettre a excecucion.' (Chr. Piz., Cité dames C., c.1404-1407, 726)

...si tost com la dame le vist premierement, s'amour luy entra si parfont au cuer qu'elle ne pot penser a autre chose (Chev. papegau H., c.1400-1500, 20)

II. -[Dans le temps, idée de commencement de qqc.]

A. -[D'une pers.]

1.[Le compl. désigne un état, une situation] Se mettre dans, commencer à être dans.

...Il ist d'iver, s'entre en esté, De povreté entre en richesse Et de flesve hostel en fortresse, De tenebres vient a clarté... (Mach., D. Aler., a.1349, 298)

Mais il fust entrez en mal an, Se Dieus ne l'eüst secouru, Car si anemi acouru Y sont pluseurs qui le gaitoient Et qui mortelment le haoient... (Mach., C. ami, 1357, 38)

Si ordonna li dis messires Carles chapitainne a Vennes et bonnes gens d'armes pour le garder, et puis se traissent devant la ville de Craais, qui aussi sus quatre jours entra en trettiet et se rendi. (Froiss., Chron. D., p.1400, 549)

Ausquelles parties dessusdictes a esté dit que, s'il vouloient, pour occasion de ce que dit est, entrer en procès l'une contre l'autre, la Court les ourroit voulentiers (Fauq., I, 1417-1420, 174)

...sur lequel cas ilz fussent en voie d'entrer em procès, qui longuement povoit durer, pour lequel escheveir leurs coustages et missions, eussent appointié par entre eulx ainssi qu'il enssuit (Cartul. Hôtel-Dieu Cout. L., 1453, 282)

J'estoye entrée en ung songe qui m'a [tenue] ainsi longuement. (C.n.n., c.1456-1467, 266)

Se Dieu m'eust donné rencontrer Ung autre piteux Alixandre Qui m'eust fait en bon eur entrer, Et lors qui m'eust veu condescendre A mal, estre ars et mis en cendre Jugié me feusse de ma voys. Neccessité fait gens mesprendre Et fain saillir le loup du boys. (Villon, Test. R.H., 1461-1462, 33)

Le conte de Warvic entra en different avec son maistre ung an devant que le duc de Bourgongne fust devant Amyens (Comm., I, 1489-1491, 192)

Mais saigement entra en possession du royaulme ; car il ne mua riens des pensions pour celle année, qui avoit encores six moys à durer, osta poy d'offices et dist qu'il vouloit tenir tout homme en son entier et estat (Comm., III, 1495-1498, 313)

[Le compl. désigne une maladie]

Comment le conte Willaume de Haynau entra en frenesye et perdy sens et memoire (Le Bel, Chron. V.D., t.1, 1358, 243)

Or venoit le froit du matin qui les happoit et les trenchoit de ventrainement, dont ilz entroient en fievres et en maladie (Froiss., Chron. M., XIV, c.1375-1400, 98)

Il se desfrit et entre en plus grant pencee et espie et enquiert, dont il fait que foul, quar noble cuer de homme ne doit point enquerir du fait des femmes, car si le bon home sceit une foiz la faulte sa feme, il entrera en telle maladie car jamés nul medicin ne l'en guerira. (Quinze joies mar. R., c.1390-1410, 55)

Qant mesires Lois de Craneson vei che, si fu si confus que il en entra en merancolie et maladie, et en morut (Froiss., Chron. D., p.1400, 319)

2.[Le compl. désigne une action, une activité]

En la queste de toute honneur Entera qui en aura goust Le .XIIII^e jour d'aoust (Froiss., Méliad. L., t.1, 1373-1388, 83)

Jugement don maistre des bollengier et de ces compaignons d'une pairt, et de Jehan-Berbis le bollengier d'autre pairt, que dit que ung bollengier ne puelt faire pain chailloir, c'il ne vuelt entrer on mestier des bollengier. (Jug. maître-échev. Metz S.M.S., t.1, a.1494 [1357], 361)

DOYEN. (...) En oroison veillons entrer Et prions Dieu devostement. (Pause prolixe et ilz se mectent a genoulx, la face contre terre, et puis se lievent.) (La Vigne, S.M., 1496, 395)

Entrer en oeuvre. Commencer à travailler.

Sy mandat en Allemangne par tout tant qu'il oit III^c ovriers et les fist entreir en ovre a redifier Ays le Grain. (JEAN D'OUTREM., Myr. histors G., a.1400, 68)

infinitif substantivé.

Action de débuter (dans un métier).

...se aucuns nouviauls drappiers marchans venoit de nouviel drapper en no dicte ville, il pairoit et sera tenus dou paiier pour les frais, damages et pourchas, que nous et li drappier dessus dit avons eut et encourut à l'entrer et commencement, quarante s., desques li motiés appartenra à nous et à no pourfit et li autre motiet sera as drappiers de le dicte ville, qui pour le tamps y seront ; et se il en estoit rebelles dou paiier, il n'ara nul drap sailet en nostre dicte ville. (Hist. industr. drapière Flandre E.P., t.3, 1372, 408)

À l'entrer ens. Tout de suite, d'entrée de jeu.

JUDAS. ...Celuy que baisier me verrez, A l'entrer, me saisirez : C'est le signe que je vous don. (Gréban, Pass. J., c.1450, 247)

Entrer en son chemin. Se mettre en route.

Maiz finablement il est entreit en son chemin a cent milz hommez (JEAN D'OUTREM., Myr. histors G., a.1400, 69)

En particulier. S'engager dans (une action militaire).

Et se fait on les chevaliers Armez aus chams, sus leurs destriers, Quant on vuet entrer en bataille, De ceste espée qui bien taille, Pour garder raison et justise, Orphenins, vefves et l'Eglise. (Mach., P. Alex., p.1369, 16)

Li roys yssi de sa galée, L'espée eu poing, la teste armée, Et entra dedens la bataille. (Mach., P. Alex., p.1369, 71)

De viespres jusques a la nuit, tous frés et tous nouviaus, entroient en l'asaut li Limosin, chil de Villai, de Cevaudem, d'Auvergne, de Poito et de Saintonge, Et s'aquitoient toutes gens tres loiaument. (Froiss., Chron. D., p.1400, 661)

...il (...) entra dedens la bataille, et i fist d'armes ce que il peut (Froiss., Chron. D., p.1400, 733)

...dont le duc fut en grant dangier d'entrer en guerre contre le Roy Charles, pere dudit daulphin (La Marche, Mém., I, c.1470, 103)

3.[Le compl. désigne une période]

Or avient que li temps trespasse Tant que li petis jouvens passe ; Se montent ses branches au vent Pour entrer en secont jouvent Qui est moiens temps appellez. (Mach., J. R. Nav., 1349, 221)

Il ist d'iver, s'entre en esté, De povreté entre en richesse Et de flesve hostel en fortresse, De tenebres vient a clarté... (Mach., D. Aler., a.1349, 298)

4.[Le compl. désigne une chose abstr.]

a)[...un acte de communication]

Entrer en la/une matiere. Aborder le sujet en question/tel sujet.

Qant tout furent venu, li dis rois d'Engleterre les remercia des services que il li faisoient ; et puis entra en la matere moult sagement et leur dist : 'Biau signeur (...) C'est li intension de moi et de ceuls qui ont desfiiet le roi de France que nous nos departirons...' (Froiss., Chron. D., p.1400, 317)

...mais pour obeir il conmenca a entrer en la matiere, en disant ce qui s'ensuit. (Juv. Urs., D. Tours, 1468, 435)

Et se je vouloie plus enquerir, il nous convendroit entrer en plusieurs aultres matieres tres esloignans de nostre pourpos. (Crap., Cur Deus, De arrha B.H., c.1450-1460, 245)

Mais, premièrement et avant toute oeuvre, fault entrer en la matière principalle et reciter comme après la rencontre faitte par le Jouvencel et sa compaignie ou logis dessus dit, qui estoit à XII lieues ou environ loing dudit Crathor, après aussi que le chief des ennemis fut prins et mené en la ville prisonnyer, les nouveaulx victoriens firent grant joye et menerent grant feste et triumphe pour cause de ceste destrousse. (Bueil, I, 1461-1466, 112)

Entrer en la matiere de qqc. Commencer à traiter (tel sujet).

Nous nos cesserons a parler dou roi d'Engleterre, tant que temps et lieus retourneront que il en apertenra a parler, et enterons en la matere des gerres de Bretagne (Froiss., Chron. D., p.1400, 461)

Entrer en la droite matiere. S'engager dans le vif du sujet.

Et ne vous vueille desplaire se je vous ay ceste adventure amenteue, car c'est pour raison de l'istoire de quoy je pense a traictier, de quoy j'ay dessus parlé. Et desormais vueil entrer en la droicte matiere de la vraye histoire. (Arras, c.1392-1393, 14)

Entrer en devises/en parole(s). Commencer à parler.

Et conmença li rois a aler de l'un a l'autre et entra en parole joieuses, tant a ses gens conme as François (Froiss., Chron. D., p.1400, 873)

Puis la, presens tous, entrerent en autres parolles jusques a l'eure du soupper. (La Sale, J.S., 1456, 225)

...nous estions au soupper, en mon hostel, un grant tas de bons compaignons. Et comme l'on entre en devises, je commençay a compter comment... (C.n.n., c.1456-1467, 408)

Entrer en un debat. Engager une discussion.

Si com vous orrez orendroit. En un debat sommes entré Dont nous devons de fait outré, Sire, devant vous plaidïer, Mais qu'il ne vous doie anuier. (Mach., J. R. Nav., 1349, 188)

Mais puis que vient a entrer ou debat De ce propos qui entre nous s'embat, Tel compte hault qui depuis en rabat. (Chart., D. Fort., 1412-1413, 179)

b)[...un acte intellectuel]

Car ce fu de cause apensée Que j'entray en une pensée D'amours et d'amie et d'amant Qui sont norri en bien amant, En pensant que, s'uns vrais amis Qui tout son cuer en dame a mis Vuet autres amans frequenter (Mach., D. Aler., a.1349, 246)

Quant d'Amours me vi conseilliez, Mes cuers, qui estoit travilliez En pensée de grief tristesse, Se mist tantost a une adresse D'entrer en un courtois propos Qui estoit voie de repos, Non repos, quant a reposer, Mais mettre a point et disposer Mes souvenirs et mes pensées Pour guerpir les choses passées (Mach., D. Aler., a.1349, 292)

c)[...un état psychologique]

Adont entra li rois en telle jalouzie (Flor. Rome W., c.1330-1400, 151)

...Ont de son ravaller paour Et en entrent en tel frëour, Quant vers euls le voient venir, Ils ne scevent que devenir. (Mach., D. Aler., a.1349, 326)

Las ! que dira la terriienne De Montgriès, quant elle sara Que li siens peres pris sera Et desconfie sa gent toute ? Elle ent[r]era en double doute. (Froiss., Méliad. L., t.1, 1373-1388, 38)

...pour celi cause pluisseur en Engleterre entrerent en doubte et en soupeçon mauvaise (Froiss., Chron. D., p.1400, 172)

...en venant ceans faire son dit voiage s'avisa ou chemin qu'il s'estoit party de son pere de sa femme et de ses enfans sans riens leur dire ne parler a eulx. Et entra derechief en son erreur, pource qu'il luy estoit advis qu'il avoit commis grant cas de s'estre mis au chemin sans parler a eulx (Mir. ste Cath. Fierbois C., 1470-1483, 133)

Et fust compté tout cecy audict duc, qui soudainement y adjousta foy, et entra en une grant collère, disant que le roy estoit venu là pour le tromper. (Comm., I, 1489-1491, 132)

D'autre part, le roy Charles, son père, quant il print la maladie dont il mourut, il entra en ymagination que on le vouloit empoisonner à la requeste de son filz, et se y mist si avant qu'il ne vouloit point manger: par quoy fut advisé, par le conseil des medecins et de ses plus grandz et especiaulx serviteurs, que on le feroit manger par force. (Comm., II, 1489-1491, 283)

d)Entrer en telle disposition psychologique de/en qqn/les uns aux autres

[...disposition hostile] Avoir à affronter, à subir (les effets de tel sentiment).

...monseigneur de Berry (...) vous prye que vous vueilliez (...) avoir cognoissance telle de vostre estat et affaire et que duc de Bretaingne doit avoir à son naturel seigneur, le roy de France ; pour quoy vous n'entrez en son indignation et mal voulense (Froiss., Chron. M., XIV, c.1375-1400, 235)

Ces choses et noz autres defaulx ne sont pas a raconter pour entrer en contempcion les ungs aux autres, ains seroient du tout a traire a qui n'en vouldroit plus user pour correction que pour reprouche. (Chart., Q. inv., 1422, 61)

[...disposition bienveillante]

Ensi petit à petit entra il en l'amour de chiaus de Paris, et tant que il avoient plus de faveur et d'amour en lui, que il n'euissent ou regent le duch de Normendie. (Froiss., Chron. L., V, c.1375-1400, 98)

Sitost que Piètres dou Bos ot dist ceste parolle, Phelippes d'Artevelle entra en toutes manières de gens si en corage que on dist tout de une vois : 'On le voist, on le voist querre ! Nous ne volons autre.' (Froiss., Chron. R., X, c.1375-1400, 85)

Emploi absolu. Entrer ens. Devenir populaire.

'Vous estes en la boucherie uns des notables, des ainnés et des cremus qui i soit : si porés tout secretement parler et remonstrer vostre corage à vos plus grans amis. Et quant vous verés que il i entenderont, petit à petit vous enterés ens.' (Froiss., Chron. R., XI, c.1375-1400, 287)

5.Entrer à + inf. Commencer à faire qqc..

Maiz par l'imperfection des choses creez doit on entrer a congnoistre la perfection du Createur, qui leur foiblesse soustient, et leurs erreurs corrige, et se tu voulloys ceste humble ordre tenir en nostre procés, je te donneroy tres clere solution a ce que tu demandes. (Chart., L. Esp., c.1429-1430, 39)

Et en parlant de leurs besoingnes et affaires, entrerent a parler comme ilz pourroient finer a Jehan de Hennot dit Colombie (Chancell. Henri VI, L., t.2, 1433, 246)

B. -[D'une chose]

1.[D'une période de temps]

a)Commencer.

Li yviers estoit entrés, et si avoient li Escoçois tous leurs biens, bleds et avainnes, mis et bouté en leurs forterèces. (Froiss., Chron. L., II, c.1375-1400, 118)

b)Nuit entrant. Au début de la nuit.

...il et sa dite femme, (...) avec Jehan Baussay, dit Vente, leur vallet, et une femme leur chamberiere, et aucuns autres en leur compaignie, (...) alerent à leurs dites maisons et y vindrent à jour faillant, nuyt entrant (Doc. Poitou G., t.2, 1346, 334)

2.[D'une chose destinée à durer un certain temps] Commencer à courir.

Et commenchoient leurs gages à entrer sitos comme il estoient arivet à Calais, tant de gens d'armes comme d'archiers. (Froiss., Chron. R., IX, c.1375-1400, 237)

[D'un traité] Entrer en vigueur.

Là fu acordée une triewe à durer une anée entierement, et devoit entrer tantost entre ces signeurs et ces gens qui là estoient d'une part et d'autre ; et entre chiaus qui guerrioient en Escoce, en Gascogne, en Poito et en Saintonge, elle ne devoit entrer jusques à quarante jours. (Froiss., Chron. L., II, c.1375-1400, 82)

C. -Locution conjonctive. Entrant que. Pendant que.

Dont se dresse Lion, ver le duc est alléz ; Forment lez assault comme lion crestéz. Mais entrant qu'il estoit en la chambre merlér Avint a cez baron trop grande crualteit (Lion Bourges K.P.F., c.1350, 381)

Entrant que son marit s'an alloit porchessant Aulcune chamberiere honneste et souffisant Amblerent li lairon la dame au corpz plaisant (Lion Bourges K.P.F., c.1350, 580)