ENCOMBRIER

substantif masculin

[GD : encombrier1 ; AND : encumbrer ; DECT : encombrier ; FEW (II-2, 939b) : *comboros]

A. -Obstacle, embarras, encombre.

Quar pas ne vueil quë empeschie Soies en fanc ne en bourbier, Ne que tu aies encombrier. (Guill. Digull., Pèler. vie hum. S., c.1330-1331, 118)

Jamais ne devez a nul tour A sa voulenté contredire, N'a chose qui lui plaise a dire Mettre encombrier. (Mir. nonne, 1345, 337)

DIGULLEVILLE à DIEU. T'es avalé, pour li [l'homme] aidier, Et pour tel force li baillier Que Sathan ne li face tort ; (...) Que boreas, nothus et nort Ne le traient a mauvaiz port, Et ne li facent encombrier. (Guill. Digull., Pèler. J.-C. S., 1358, 123)

Item, en ce temps l'en ne pourroit pas faire queste es vignes, pour ce que l'en y feroit trop de dommaige a ceulx a qui les vignes sont, et aussi les perdriz y avroient trop d'avantaige et l'esprevier trop d'encombrier pour les fueilles et eschallas. (Ménagier Paris B.F., c.1392-1394, 160)

Si se advisa de la piece de ladicte saincte croix qu'il avoit emblée et adont se fist mettre en la barque de la nafve et voguer a terre, et retourna en l'eglise de Saincte Croix en la montaigne dessus dicte, et illec laissa sa bource de soye et la piece de ladite saincte croix, et s'en retourna a ladicte nafve au plus tost qu'il pot, et entra dedans : et de la en avant se party la nafve d'icellui lieu et port sans fortune ne sans encombrier, et vint en France. (Voy. Jérus., c.1395, 83)

Et estoit avis au peuple que il estoient quite d'un grant encombrier et delivré d'un pesant faix, qant il se veoient delivré dou roi et de son consel. (Froiss., Chron. D., p.1400, 94)

Et les fist li rois aconvoiier et acompagnier de messire Thomas Wage, marescal d'Engleterre, pour la doubtance des archiers de Lincole, car il les convenoit rapasser parmi lor pais ; et ne trouverent, Dieu merchi, nul encombrier. (Froiss., Chron. D., p.1400, 154)

...mais pour la belle et sage ordennence, en pou de temps et sanz encombrier fu l'Empereur et les roys au Palais, dont maintes gens moult prisierent la prudence du roy, qui avoit sceu mettre ordre en si grant quantité de gent, en tel maniere qu'il n'y avoit nul desroy de presse. (Chr. Piz., Faits meurs Ch. V, S., II, 1404, 103)

Et se lui priez humblement Qu'il nous veulle amoureusement Envoier ung bon saufconduit Pour passer de jour et de nuit Par son pays sans encombrier. (Marcadé, Myst. Pass. Arras R., a.1440, 37)

...dont, pour mieulx et plus seurement vaincre la cité d'Auffricque, avant que nul emcombrier lui venist de secours ou d'aultre ennuy, il mist ses mandaglores en vaisseaux de vin (La Sale, Salade, c.1442-1444, 52)

Bien soit venu le vaillant chevalier qui nous a delivré d'un tant pesant encombrier. (Percef. IV, R., c.1450 [c.1340], 121)

Et fut ledit de Lalaing si bien tenu à Nostre-Seigneur qu'à grand honneur, sans avoir nul encombrier à luy, ni à nul de ses gens, retourna en grand louange par devers son très-redouté et souverain seigneur le duc Philippe de Bourgongne (Faits Lalaing K., c.1470, 162)

Je vous requiers tres humblement Que je puisse en mon repairier Retourner tout paisiblement, Franc et quitte, sans encombrier. (Molinet, Myst. st Quentin C., c.1482, 115)

Proverbe.

À meschant ouvrier fait petite chose encombrier

Icy ne fault point enquerir S'il est vaincu sans coup ferir: Tousjours a ung meschant ouvrier Fait petite chose encombrier. (Barbes brayes A., a.1450, 257)

Entre bouche et cueillier, Pour ung petit de fait, Vient souvent encombrier. Il y a loin de la coupe aux lèvres.

Tel cuide estre à son aise, Asseuré de son fait, Quil se treuve a malaise En peu d'heure et deffait, Car on voit par effait Qu'entre bouche et cueillier, Pour ung petit de fait, Vient souvent encombrier. (Prov. rimes F.M., c.1485-1490, 76)

B. -En particulier. Enfermement, maintien en prison.

...icelli mons. le prevost dist, ordonna, appointa et commanda audit maistre Dreue d'Ars que il se transportast devers icelle dame et l'examinast sur les choses dessus dites, circonstances et deppendences d'icelles, au mieulx et plus diligenment que bonnement pourroit et tout ce que par elle trouveroit, il rapportast le plus brief que bonnement pourroit, afin de proceder oultre à la delivrance ou encombrier dudit prisonnier, comme ou cas appartendroit. (Reg. crim. Chât., II, 1389-1392, 361)

Pour laquelle detenue et encombrier il escript au dit souldan que il le voulsist delivrer (Bouciquaut L., 1406-1409, 359)

C. -Par extension.

1.Désagrément, situation fâcheuse, ennui.

Mais grant encombrier lui advint [au moine en train de plumer une oie] Qu'a celle heure son abbé vint En sa chambre ne sçay quoi querre (Renart contref. R.L., t.1, 1328-1342, 24)

Ceulx que g'y ay, Dieu les gart touz De mal, d'annuy et d'encombrier, Et vous, chier sire, le premier, Pour tant que moy vous a pleu, Ce me semble, avoir receu En vostre grace. (Mir. fille roy Hongrie, c.1371, 26)

...aura la grace et benivolence de ses parens - qui moult lui pourra valoir et garder de mains aultres perilz et encombriers -, et plus seure sera quant elle aura la faveur des parens de son seigneur, car on a veu maint mal a femmes maintes fois par les parens de leurs maris. (Chr. Piz., Trois vertus W.H., c.1405, 58)

...sur mer, à garder les passaiges continuellement y tenoit le bon admiral Monseigneur Jehan de Vienne, à tout XXV. ou XX. galées tres bien garnies de gens d'armes de trait et de quanque il convient, sans les autres barges et autres vaisseaux qui, courant la mer, maint encombrier faisoient aux ennemis. (Chr. Piz., Paix W., 1412-1413, 111)

En ma Dame j'avoye mon secours, Plus qu'en autre, car souvent d'encombrier Me delivroit (CH. D'ORLÉANS, Ball. C., c.1415-1457, 83)

Bien soit venu le vaillant chevalier qui nous a delivré d'un tant pesant encombrier (Percef. IV, R., c.1450 [c.1340], 121)

...et furent parmy les eglises et aillieurs pour garder d'encombrier et de violance les femmes et les laboureurs. (Le Bouvier, Chron. Ch. VII, C.C.J., c.1451-1455, 241)

Lors la nonnain a tellement disposé son atour qu'elle s'en est retournée à son cloistre. Ne oncques puis n'en peut estre tirée hors se le deable ne lui feist quelque encombrier (Miélot, Mir. N.D. L., 1456, 110)

2.Dommage, difficulté.

Diex gart de mal et d'encombrier Ma dame et mon seigneur aussi Et toute la gent autressy Que ceens voy. (Mir. nonne, 1345, 339)

Atant le portier leur ouvry la porte et dist : 'Beaux seigneurs, a Dieu vous commant, qui par sa grace vous vueille garder de mal et d'encombrier'. (Bérinus, II, c.1350-1370, 115)

...car tost en pourrons cheoir en dangier et en dommage, se nous ne nous guetons encontre le malice des gens de cy aval, et bien pouez savoir que pou en y a qui ne nous heent et qui ne soient tous desirans de nous faire encombrier, et bien l'avez trouvé en eulx. (Bérinus, I, c.1350-1370, 137)

...Dieu les gart touz De mal, d'annuy et d'encombrier (Mir. fille roy Hongrie, c.1371, 26)

Encores n'estoit point venus Ens ou vregier Pynoteüs, Dont trop mal en vint a la belle, Car s'il euïst la esté, elle N'euïst pas rechupt l'encombrier Qui li sourvint (Froiss., Pris. am. F., 1372-1373, 86)

Environ ce temps, leur avint Un aultre encombrier, dont mal vint : Devant la cité de Mayence, Orent Rommain grant dommagence (Chr. Piz., M.F., III, 1400-1403, 255)

Puis que sçay, - louez soit Dieux -, Qu'encombrier n'a ne dommage, (...) ce m'est suffrage Grant (Chr. Piz., Cent ball. amant dame C., c.1409-1410, 91)

CELSIDON (un des marchands du temple dont Jésus vient de renverser la table). Voicy bien pour enraiger d'ire, a brief dire. Mais qui nous fait cest encombrier ? (Gréban, Pass. J., c.1450, 154)

Gêne.

Adont Zellandine commença a toussir sans avoir encombrier en l'estomacq et le fist tant hault que les deux chevaliers l'ouirent plainement (Percef. IV, R., c.1450 [c.1340], 250)

Qui treuve la trannine a quatre fueilles, il est eureuz et riche toute sa vie ; mais qui passe dessus, il gaingne les fievres ou autre encombrier lui vient. (Ev. Quen. II, c.1466-1474, 125)

Situation périlleuse, danger.

A nostre nef donna un tour Tel que bien cuiday que soubz mer Plungiast, mais ne me fust amer Le mourir, quant j'ouÿ l'escry Des maronniers, qui, a hault cry, Braÿrent, quant virent plungier Cellui en mer, qui allegier Souloit la nef et jour et nuis De tous encombriers et d'ennuis. (Chr. Piz., M.F., I, 1400-1403, 48)

Mortel encombrier

PREMIER CHANOINE. Faites tost, levez sus, levez, Si vous en venez au mostier. Certes, un mortel encombrier Vous y est sours. (Mir. ev. arced., c.1341, 114)

La ducesse laissa sus ou palais plegnier, Qui pour ses enfans priie (...) Que Jhesu Crist les garde de mortel encombrier Et qu'encore les voie a Karle repaysier (Renaut Mont. B.N. V., c.1350-1400, 240)

A Corbadas son père ala tout dénoncier Dou soudant qui ly fist sy mortel encombrier Comment à l'Ampatris le couvient campyer. (God. Bouillon R., t.2, c.1356, 84)

Et pour ce aloit il lyement devers le royaume de l'Estrange Marche, mais il n'estoit point adverty du mortel encombrier qui lui pendoit as yeulx. (Percef. III, R., t.2, c.1450 [c.1340], 215)

3.Souffrance, douleur.

'Prenés en pacïence la mort et l'encombrier, Paradis vous actent...' (Galien D.B., c.1400-1500, 93)

Quant la dame eut veu celle vision [de son mari tué] en son travail d'enffantement, le second martyre lui survint, que plus grief lui estoit que le premier. Car combien que nature reposast tandis que le corps traveillast, ce second encombrier ne peut nature endurer, car elle print a crier soudainement en soy esveillant (Percef. IV, R., c.1450 [c.1340], 158)