DRAPIER

substantif masculin

[T-L : drapier ; GDC : drapier ; AND : draper ; FEW (III, 155b) : drappus ; TLF (VII, 499a) : drapier]

A. -Celui qui fabrique le drap, marchand de drap, drapier.

En toutes amistiés de personnes dessemblables ou non pareilles, faire retribucion a chascun selon proporcion est ce qui fait equalité et par quoy amistié est sauvee en la maniere que il fu dit devant, que justice est gardee en communicacion politique quant l'en fait au cordouennier retribucion condigne pour ses chaucemens et au drapier pour ses draps et ainsi as autres. (Oresme, E.A., c.1370, 452)

Et là devant lui tout premiers furent decollé chil qui en sa compaignie estoient, et en i ot un que on nommoit Nicollas le Flamenc, un drappier, pour qui on offroit, pour lui sauver sa vie, soissante mille frans, mais il morut. (Froiss., Chron. R., XI, c.1375-1400, 81)

Las ! or est de pité nue, Et si fust moult bien tenue De ma dolour alegier. S'en sui vallés à drapier. (Mach., L. dames, 1377, 190)

...que nuls drapiers ne drapiere (...), ne drapece ne ne face draper par lui ne par autrui, en appert ne en couvert, soit pour sen user ou aultrement, nulz draps enthirs ne piece de draps quelzconques, que, apres che que il aront esté rapparilliet, il soient raporté à l'eswart des maieurs de le perche en le maniere acoustumée (Hist. industr. drapière Flandre E.P., t.3, 1384, 26)

...il, à l'aide d'aucum de ses gens et serviteurs, tendi le drap entier de XVIIJ aulnes, duquel icelles quatre aulnes et demie sont yssues, et ont esté coppées, ès poulies communes estans à lui et autres drappiers, en la ville de Saint-Marcel, et le atacha et estendi au mieulx qu'il pot (Reg. crim. Chât., II, 1389-1392, 113)

...lui estant logié en la ville de Viriau en Bourgoigne, en l'ostel d'un drappier et retondeur de draps (Reg. crim. Chât., II, 1389-1392, 136)

Je vuil que vous en irez à mon draper, et vous achaterez de lui dousze verges de fin escarlet, sis verges de rouge, huit verges de pearce, noef verges de sanguin et atant de violet et bronnet (Man. lang. G., 1396, 47)

Et plus grant honte y a a pluseurs : c'est des debtes que souvent font aux cousturiers, drapiers et orfevres (Chr. Piz., Trois vertus W.H., c.1405, 158)

...Hanse Requise, cellier (...) Gobin Le Cosson, marchant et mercier, (...) Colin Olivier, lormier, (...) Jehan Noisette, drappier (Comptes Etat bourg. M.F., t.1, 1419, 82)

Item, à conseiller l'arrest dessusdit d'entre les drapiers et taillandiers de Paris contre les frepiers (Fauq., III, 1431-1435, 7)

Il fist hucher le drapier et le parmentier, si fist tailler une robe. (C.n.n., c.1456-1467, 531)

GUILLAUME JOCEAULME, DRAPPIER. Et Dieu vous doint joye ! (Path. D., c.1456-1469, 56)

LA FEMME Aussi bien feray les manieres Que la femme de Pathelin. Mais vous n'estes point assez fin Pour proprement patheliner. LE CRESTIEN. Oncques Pathelin affiner Ne peult son drappier si a point Que l'affineray [le juif] , car a point Ay son or par pathelinaige. (Mir. st Nic. juif, c.1480-1500, 96)

Aux champs se mist le prevost des mestiers, Acompaigné de mille gentilz rustres Comme filleurs de soye, tissutiers (...), Drappiers, merciers, tondeurs fors et robustes (La Vigne, V.N., p.1495, 165)

En apposition.

Et vinrent les lainnes en Flandres, a l'Escluse, au Dain et a Bruges ; et la les venoient querre et açater li marceant drapier de Braibant (Froiss., Chron. D., p.1400, 285)

La Court a prorogué le delay donné aux marchans drapiers de Brouxelles de la Trinité prouchaine au landemain de la Magdaleine (Baye, I, 1400-1410, 196)

B. -[Dans l'ordre des Hospitaliers à Rhodes] Administrateur de la nation de Catalogne, chargé en outre de l'habillement des membres de l'Ordre.

Et chascune aulberge a ung bailly, qui est sr et chief de ladite aulberge, lequel administre les vivres de sa nacion. Celuy de Prouvence est appellé le grant commandeur ; [...] celuy de Catholongne, le drapier ; celuy d'Englecterre, tricopplier ... (Deables Enfer V.V., 1480, 166)