DOUTER

verbe

[T-L : doter2 ; GD : douter ; AND : duter1 ; DECT : doter2 ; FEW (III, 169) : dubitare ; TLF (VII, 472b) : douter]

I. -[Idée d'incertitude, de conjecture, d'hésitation] Douter/se douter + prép./+ prop. sub.

A. -[Idée d'incertitude]

1.Douter/se douter à/de

Douter/se douter à/de qqc. Être dans l'incertitude à propos de la réalité, de l'authenticité, de la nature de qqc., avoir un doute sur qqc., se poser des questions à propos de qqc..

Mais malice est voluntaire, ou autrement il convendroit doubter des choses devant dites et ne devroit l'en pas dire que homme est principe et cause ou faisëeur de ses operacions, aussi comme il est cause et pere de ses enfans (Oresme, E.A., c.1370, 196)

Neantmoins ne doubte point de ces bonnes nouvelles ! Elles sont escriptes par le divin secretaire saint Jehan l'euvangeliste (Gers., Pent., p.1389, 71)

...environ un mois après, il ouy dire que icellui Pierre ala de vie à trepassement ; mais de ce ne se doubta en aucune maniere, pour ce que icellui Pierre estoit homme de grant aage, et qu'il lui estoit advis que les gens disoient qu'il estoit alez de vie à trespassement de sa mort naturele (Reg. crim. Chât., I, 1389-1392, 180)

'...Car jassoit ce que je ne puisse riens congnoistre, se non par la congnoissance de l'estre divin, neantmoins je ne puis plus plainement congnoistre quel est cest estre de Dieu, fors que je scay qu'il est, et en pourroye moins doubter que je doubteroye que je fusse et ne fusse mie ensemble.' (Gers., Trin., 1402, 159)

JOSEPH. Je viens devers vous, chiere dame, Humilïant de corps et d'ame, Requerre mercy de l'offense Que j'ay fait a vostre ignocence ; Et confesse que j'ay doubté Fort a vostre virginité Quant ensaincte vous ay choisie. (Gréban, Pass. J., c.1450, 61)

S. THOMAS. Je m'esbahÿs et doubte fort Du faict de Jesus, nostre maistre, Comme il s'est tant voulu soubzmectre D'estre prins si cruellement. (Michel, Myst. Pass. J., 1486, 293)

Se douter de qqn. Avoir des incertitudes au sujet de qqn, ne pas avoir confiance en qqn.

...dist que ledit prestre avoit haine à lui pour ce que il li avoit deffendu que il ne alast ne venist en sa meson, pour la cause de sa femme dont il se doubtoit (Conf. Jug. Parlem. Paris L.L., 1334, 113)

Douter de + inf. N'être pas sûr de.

Quant la royne ot ouy dire Ceste chose, moult la pesa Et durement lui en pesa, Et d'en venir a chief doubta, Car son seigneur tant redoubta Qu'a peine en osera parler (Chr. Piz., M.F., II, 1400-1403, 266)

Ne pas douter de. Être sûr de.

Or venez en ma chambre ça Seurement : nul n'y venra, Je n'en doubt mie. (Mir. abbeesse, 1340, 72)

Li lieus d'entour est odorans, Par tout, est si souef flairans Qu'il samble à tous, n'en doutez mie, Qu'on soit en une espisserie Pour les fruis et pour les jardins, Plantés de mains de Sarrazins (Mach., P. Alex., p.1369, 210)

De l'autre part y avoit maint homme, Car la feurent, n'en doutez mie, Les communes de Pikardie (Heraut Chandos, Vie Prince Noir T., c.1385, 55)

Et lors ledit hermite lui respondi : Ne t'en doubte point, l'en ne se prendra jà garde de toi. (Reg. crim. Chât., I, 1389-1392, 472)

[Griseldis au marquis] Que des aguillons molester Tu ne vueilles ceste espousee, Dont tu as l'autre aguillonnee ; Car ceste est, je n'en doubte mie, Delicïeusement nourrye Et plus jeune assez et plus tendre (Gris., 1395, 94)

Si se couchierent et aiserent A leur aise, je n'en doubt mie, Si com fait amant et amie. (Chr. Piz., M.F., III, 1400-1403, 42)

Parmy l'air diverses matières, Lesqueles en l'air espandues Si furent par lui corrompues, Et la prouchaine occasion De la dicte corruption Est Jupiter, n'en doubtez mie, En accroissant la villanie. (La Haye, P. peste, 1426, 28)

FINE. Pas longuement ne durera, Le Temps a Chacun en ce point. TESTE VERTE. Le Temps a nous retournera, En la fin, je n'en doubte point. (Sots triumph., c.1475, 47)

Ne pas douter/se douter de + inf. Être sûr que.

...je suis apprise D'un tel tour que je ne doubt pas Du voir savoir ysnel le pas. (Mir. abbeesse, 1340, 73)

Quant il avoient espiiet et avisé un chastiel ou une forterèce, com forte qu'elle fust, il ne se doubtoient point de l'avoir. (Froiss., Chron. L., V, c.1375-1400, 121)

2.Douter qqc. S'interroger, se poser des questions sur qqc..

...Pour ton oppinion [de Jésus] avoir, Devers toy venons a sçavoir S'on doit les tribuz a Cesar Ou se nous n'en devons point, car Plusieurs doubtent les choses dites. (Gréban, Pass. J., c.1450, 227)

3.Douter que. Être dans l'incertitude sur le fait que, avoir des doutes sur le fait que.

Comme il fu dit ou premier et en le .VIIIe. chapitre du premier livre, il est aucune fin souveraine principal et derreniere et de telle fin ne fait l'en pas conseil, car nul ne doubte que elle est a poursuir. (Oresme, E.A.C., c.1370, 191)

Se en ung tel cas on jugoit clerement que ce seroit miracle de Dieu, non pas vertus ou oeuvre d'omme mortel, n'est nul qui doye doubter que ceste conversion que fist saint Pol en si brief temps et par tant de pays, maugré tous contredisans qui estoient sans nombre, fut par singuliere grace de nostre Seigneur (Gers., P. Paul, a.1394, 495)

Nous ne croions Jusques a ce que nous voions, Maiz je doubt que bon eur n'aions Tant que plains de pechié soions. (Chart., L. Dames, 1416, 284)

...dont nul doubter ne doibt Que Dieu pouoit procreer ung enffant (La Vigne, S.M., 1496, 337)

Ne/n'en pas douter/ne pas se douter que. Être sûr, assuré que.

Je croy bien et si ne doubt pas Qu'il vous fist mal au departir, Car cuer humain ne peut mentir Ou vraie amour est et habite, Mais fait son devoir et s'acquitte Envers ce qu'il aime, c'est voir, Soit de douleur ou joie avoir, Dame, ou il fault. (Mir. fille roy, c.1379, 14)

'...Nous irons veoir nos ennemis. Et ne me doubte mies, selonch ce que il se tiennent pour tous assegurés, que nous ne les desconfisons et recouvrons nos damages et nos gens.' (Froiss., Chron. L., IV, c.1375-1400, 42)

Beaulx seigneurs, dist Remondin, prengne qui vouldra bataille pour soy, car je auray ceste a ma part, et n'en doubte point que je n'en viengne a bon chief, avec l'aide de Dieu et le bon droit que je y ay, et la bonne justice que le roy me fait en sa court. (Arras, c.1392-1393, 60)

'Tais-toy, ne te doubte que je te feray bien obeïr au roy nostre sire ' (Paris domin. angl. L., 1424, 139)

...et ne doubtes que traictier et faire paix sera ta destruction (Juv. Urs., Aud. celi, 1435, 219)

SALOMEE. Ne vous doubtez Que j'ay le cueur de dueil party De veoir mon frere en ce party, Mais je ne le puis admender. (Gréban, Pass. J., c.1450, 111)

...ne fault doubter qu'il n'y eust pluseurs devises qui longues seroient a racompter (C.n.n., c.1456-1467, 377)

4.Douter + prop. interr. indir. S'étonner.

Et pour ce que aucun pourroit doubter comment en un homme peuent estre choses contraires, a ce il respont. (Oresme, E.A.C., c.1370, 468)

5.Emploi absolu. Être dans l'incertitude.

...et si ne sçavois quelle conclusion le roy prendroit, car je veoie des conseilz en l'oreille qui me faisoient doubter. (Comm., III, 1495-1498, 202)

6.Estre douté. Être dans l'incertitude, être distrait.

Je voy ung prestre effrontez (...) Qui est trop malement doutez Quand il va son service faire ; Car il vient tousjours estourdi (Bien avisé Mal avisé B., c.1487-1490 [1396], 224)

B. -[Idée de conjecture]

1.Douter/se douter de qqc. Supposer qqc. possible, probable, pressentir, deviner qqc..

En celle cace qui dura jusques oultre le Bourch la Royne, y furent pris neuf chevaliers (...) et se li Englès et Gascon qui les porsievoient ne se fuissent doubté de l'issue de chiaus de Paris, jà nulz n'en fust escapés qu'il ne fuissent tout mort ou pris. (Froiss., Chron. L., V, c.1375-1400, 234)

Ceulx de la ville entendirent l'effroy, si coururent aux armes et chascun a sa garde, car fort se doubtoient de trahison. (Arras, c.1392-1393, 162)

Lors le murdrier adversaire sailly hors d'un buisson tout a cheval et pas pour pas vint vers le chevalier qui de riens ne se doutoit, et lui darda sa lance d'entre les espaulles au travers du cuer (Percef. IV, R., c.1450 [c.1340], 170)

...le seigneur de Humières (...) garde et capitaine de la ville et chasteau (...) avoit mis la place et la ville en la main d'aucuns de ses frères accompagniés de bonnes gens de guerre, bon nombre, lesquels, non doubtans de la secrète conclusion que avoient prise ceux de la ville à l'encontre de eux, se trouvèrent boutés dehors confusément et en la loge des champs (Chastell., Chron. K., t.2, c.1456-1471, 29)

...oncques mondit seigneur ne se perceut qu'il se doubtast de la tromperie qu'il luy avoit faicte (C.n.n., c.1456-1467, 42)

Si se commença a fumer, et coleur changer, et se doubta de ce qui estoit, combien qu'il n'en sceut oncques rien (C.n.n., c.1456-1467, 281)

Si manderent au sire de Roqueton qu'il se rendist à la Vannaiz à jour couchant et qu'il ne venist point devers eulx à Luc, de paour qu'on ne se doubtast d'aucune chose. (Bueil, I, 1461-1466, 83)

2.[Parfois renforcé par l'adv. bien] Se douter de + inf./se douter que. Soupçonner, pressentir, deviner que.

a)Se douter de + inf.

...se doutant bien d'estre en la malveuillance de sondit père, pour cause de ce qu'il s'estoit ainsi retiré du royaume et absenté si soudainement de luy (Chart. J., Chron. Ch. VII, V., t.3, c.1437-1464, 58)

Mais quant [Morgane] ne l'apperceu [Passelion] , elle douta tantost que Zephir l'avoit emporté (Percef. IV, R., c.1450 [c.1340], 724)

b)Se douter que

Douter/se douter que + indic.. Soupçonner, pressentir, deviner que.

Je me doubt bien, par nostre dame, Que, se nous a mort la mettons, Que nous ne nous en repentons Au paraler. (Mir. roy Thierry, c.1374, 279)

Mais garde soy cellui veneur, Qui fist, a si grant deshonneur, Par ses cors et ses huys sonner, Aux chiens leur seigneur malmener, Que, se ma dame un peu se tourne, Je me doubt bien que mal l'atourne, Car de mal faire mal avient (Chr. Piz., M.F., II, 1400-1403, 22)

Or se doubtent les matronnes que les deesses point ne furent, a la nativité de la pucelle, par aventure receues en telle maniere que elles eussent voulu, dont toutes trois ou les deux ou l'une d'elles seulement est troublee, pourquoy ce meschief est advenu. (Percef. III, R., t.3, c.1450 [c.1340], 70)

Et pour ce il doubta que ce Zephir estoit celui qui l'avoit mis en la tour (Percef. III, R., t.3, c.1450 [c.1340], 97)

...et ce pour mieulx couvrir son fait et aveugler les jaloux yeulx de celuy qui pas tant ne se doubtoit qu'on luy en forgeoit bien la matere. [Un clerc est très dévoué à son maître pour mieux courtiser sa femme] (C.n.n., c.1456-1467, 93)

L'escuier, qui estoit subtil, ce voyant, se doubta tantost que ce bon chevalier vouloit aller courre (C.n.n., c.1456-1467, 208)

...et, en eulx retournant, approucherent le plus pres de Verset qu'ilz peurent ; car ilz se doubtoient bien que on les guetteroit plustost loing que pres. (Bueil, I, 1461-1466, 37)

'...Je ne vueil pas mettre la guerre entre vous et le Mareschal : car je scay bien que l'amour y est grant. Je me doubte, mon filz, que vous lui en avez laissé faire à sa guise.' Et, ad ce mot, le Regent ne dit riens ; et assez accorde qui mot ne sonne. (Bueil, II, 1461-1466, 221)

NOSTRE DAME. ...Mon ame se veult departir De mon tendre corps qui la grefve Et, si la promesse [L'annonce faite par Jésus qu'il mourrait bientôt] s'acheve, Je doubte que ainsi en sera ! (Michel, Myst. Pass. J., 1486, 230)

Bien me doubtoye, je vous promectz, Que ce grant bien reffuseroit. (La Vigne, S.M., 1496, 408)

Et quant ledit Reilhac ouyt qu'il se disoit avoir esté serviteur dudit conte Dampmartin, si se doubta bien qu'il estoit venu en court pour aucunes affaires, car il scavoit bien que le roy l'avoit en hayne du temps qu'il estoit daulphin, jaçoit ce que il l'eust bien et loyaument servi, sans y espargner crainte de vie en plusieurs lieux (Le Clerc, Interp. Roye, c.1502, 148)

Par antiphrase. Être sûr.

'Certes, je suis bien liés que je vous ay trouvé pour ce que j'ay juré de vous mettre au jour d'hui a mort, doubtant de estre trouvé menteur. - Nostre maistre, dist Troÿlus, encore le pourrez vous bien estre, car je me doubte que vous y morrez premier !' (Percef. III, R., t.3, c.1450 [c.1340], 222)

Douter/se douter que + subj.

Et se Pité me vuet estre piteuse Et bonne Amour par pensee amoureuse Li ramentoit ma doleur dolereuse, Je ne doubt point Qu'elle n'en soit vers moy plus gracieuse Et de savoir mon estat plus songneuse (Mach., F. am., c.1361, 170)

Certeinnement je ne doubt mie Que cil ne doient acourir Qui vuelent à honneur venir. (Mach., P. Alex., p.1369, 105)

JOSEPH. Nous doubtons [Joseph et Marie, inquiets de ne pas voir leur jeune fils Jésus, qui était à Jerusalem avec eux] qu'aucun bon voisin L'ait ramené sans nostre sceu. (Gréban, Pass. J., c.1450, 127)

...les pouvres aveuglez cuidoient bien seulz estre empeschez de leur besoigne, et ne se doubtoient gueres qu'on en tenist conseil ailleurs (C.n.n., c.1456-1467, 164)

...car jamais ne se fust doubté qu'il y eust quelque ung (C.n.n., c.1456-1467, 307)

...de tant plus croissoit le fruit de son ventre et avoit de trois a quatre mois, pourquoy elle pallissoit par la tendreté de sa deliee nature et perdy comme tout apetit et bien se donna garde le conte de sa maladie, non mie qu'il se fust jamais doubté que ce fust mal d'enfant, mais ainsi que lez hommez ne sont paz tousjours en bonne disposicion de leurs corps, sy luy enquist de sa santé par telle voie : 'Trop faittez matte chiere, Phlipot,' fait il, 'et bien sçay et voy que mie n'estez a vostre aise...' (Comte Artois, c.1453-1467, 137)

3.Se douter + interr. indir. Soupçonner, deviner.

...[ils] furent bien esbahiz, car ilz ne se fussent jamais doubtez qui leur eust fait ceste courtoisie. (C.n.n., c.1456-1467, 401)

4.Emploi absolu. Soupçonner, deviner, avoir des soupçons.

Un autre contë ausi dist D'un riche, qui son sergant mist A question, pour ce qu'avoit Oui que ses biens dissipoit. Le quel sergant, qui se douta, Cauteleusement en ouvra A fin que, se hors mis estoit, Assez ëust de quoi vivroit (Guill. Digull., Pèler. J.-C. S., 1358, 227)

L'aultre, combien qu'il se doubtast, n'osa contredire ne repliquer, mais s'en alla (C.n.n., c.1456-1467, 242)

Si fut la compaignie bien troublée, monseigneur tout le premier, qui se doubtoit assez, et madame, qui se trouve affolée (C.n.n., c.1456-1467, 272)

Par ces deux mains, dist une autre vielle, j'en ay eu sept espousez qui tous m'ont wyhotté comme je doubte. (Ev. Quen., II, c.1466-1474, 144)

C. -[Idée d'hésitation dans l'action]

Douter à/de + inf. Hésiter à.

LE SERGENT DU MARQUIS. Sire, je doubte grandement A lui [Griseldis] faire tel desplaisir [lui enlever son fils] (Gris., 1395, 65)

Vous avez de gens hardis a frapper et espoir moins que ne cuidez, mais ilz ne doubtent point a faire choses deshonnestes (Juv. Urs., Loquar, 1440, 405)

'Sire chevalier, vous pouez bien voir que je ne suis point aimé de chascun, et pour ce ne soiez point esbahi se je doubte a vous dire aucune chose de mon estat' (Percef. II, R., t.2, c.1450 [c.1340], 172)

Et, sur l'oppinion de son conseil, delibera d'attendre ce que ses ennemyz feroient. Mais tellement attendit que leur ennuya pour la charge qu'ilz donnoient à leur payz et pour la doubte qu'ilz avoient que le roy Amydas y entrast. Aussi doubterent d'entrer au sien ; maiz vindrent prez de lui et sur ses limittes. (Bueil, II, 1461-1466, 231)

Sans douter. Sans hésiter, à coup sûr.

Fils et mére sanz douter Bon fait servir et loer. (Mir. enf. diable, c.1339, 52)

LE PAPE. (...) Mes clercs voulsisse ici avoir, Si que feissent leur devoir De bien chanter. PREMIER SERGENT D'ARMES. Je les vois querre sanz doubter (Mir. emper. Romme, 1369, 312)

'Cuidez vous savoir, sans doubter, Par un regart tant seulement,' Se dis je, 'du tout son penser, Ou par un doulx acointement ?' (CH. D'ORLÉANS, Ball. C., c.1415-1457, 23)

Par quoy, sans plus doubter, je crois qu'il [Joseph] est de ceulx de sa cordelle [de Jésus] (Gréban, Pass. J., c.1450, 371)

Sans doubter bien le pouvés croire. (Pass. Auv., 1477, 223)

...Les vices doibt emputer Hors bouter, Tousjours les persecuter Sans doubter, Car Dieu du tout les conjure. (Meschin., Lun. princes M.-G., c.1461-1465, 78)

II. -[Idée de crainte] Redouter.

A. -[Le compl. désigne une chose]

1.Douter qqc. Craindre qqc., avoir peur de qqc..

Et elle, qui la mort doubta, Qui elle estoit li raconta. (Mir. mère pape, c.1355, 387)

Pensons la merveille de ceulx qui ne doubtent la mort (Gers., Pent., p.1389, 78)

...afin d'avoir très-grant honeur et prouffit en ce monde, et pour ce que elle craingnoit et doubtoit plus la honte et deshonneur de ce monde que celle de l'autre, elle avoit donné audit Haussibut, pour venir en son ayde et secours, son arme et un des dois de sa main (Reg. crim. Chât., II, 1389-1392, 290)

Hervy de Leon (...) fu en sa jeunesse moult de chaude colle. Et sachiez que il ne doubtoit ne cremoit chose que nulz homs esprins et plain de feu de jeunesse et de hardement deust doubter ne cremir en regardant honneur. (Arras, c.1392-1393, 48)

Et le conte avise une fenestre qui yssoit sur le toit, et monte sus, et Gieffroy le suit, l'espee traicte, et le cuide ferir. Mais le conte, qui moult doubta la mort, cuida saillir en une petite garite qui estoit prez. Et le pié lui failly, et tumba tout contreval le rochier, et fu tous desroez et mort avant qu'il venist aval. (Arras, c.1392-1393, 268)

Mais je respon avec saint Jehan Crisostome que doubter la mort ou les tourmens n'est pas pechié ou blasme (Gers., P. Paul, a.1394, 499)

...car amour ne doubte riens, jusques a tant que elle se joingne a Dieu (Gers., Trin., 1402, 171)

...desquelz la plus grant partie estoient gens de petit estat, doubtans la fuite ou delivrance desdis prisonniers et conte d'Armaignac (Fauq., I, 1417-1420, 136)

...si vous ne vous avancez, ce que trop je doubte en adviendra. (C.n.n., c.1456-1467, 123)

...doubtans les grans perilz et inconveniens qui en povoient sourdre, fut prinse conclusion par eulx tous ensemble que chacune d'elles aroit habit de religieux [Des femmes quittent à l'aube le monastère où elles sont venues retrouver leurs amants] (C.n.n., c.1456-1467, 373)

Au second cas, il samble qu'il doibve acomplir le mandement du seigneur, ce n'est que probablement il doubte le peril de adultere pour la dilation. (Sacr. mar., c.1477-1481, 50)

Ilz sont aussi deux manieres de paour. L'une chiet aucune fois en homme constant et ferme, qui ne doubte riens, et tel paour exclut le consentement matrimonial. (Sacr. mar., c.1477-1481, 68)

Cestui ne doubta la puissance d'Alexandre, ainçois lui remonstra plusieurs choses, voyant qu'il ne se vouloit corriger (Simon De Phares, Astrol., c.1494-1498, f° 55 v°)

Douter + inf. Craindre de, redouter de.

...et estoit grant et vraissamblable presumption qu'ilz ne fussent gens crimineux et sorciers, dont ledit prevost n'osoit mais doubtoit s'entremettre d'en faire ou entreprendre cognoissance (Baye, I, 1400-1410, 221)

...il apperceut sur le bout de la cuve ung tresbeau dyamant et gros qu'elle avoit osté de son doy, doubtant de l'eaue le gaster. (C.n.n., c.1456-1467, 43)

...si elle ne doubtast mettre male paix entre monseigneur et madame, il ne luy chauldroit guere de la desloyaulté de monseigneur (C.n.n., c.1456-1467, 116)

Douter + prop. inf.

Le marchand de blé faindit retourner de son voyage avecques [son] chariot de blé, pour certaines adventures qu'il doubtoit luy advenir ou estre advenues. (C.n.n., c.1456-1467, 442)

...on doubtoit fort lesdiz Bourguignons et Bretons retourner devant Paris (Roye, Chron. scand., I, 1460-1483, 83)

Douter/ se douter (que)...ne + subj. Craindre que, redouter que, soupçonner que.

Salomé, je me doubt qu'en ire Dieu contre vous meu ne soit Pour aucun pechié qu'en vous voit (Mir. nat. N.S.J.C., c.1343, 216)

Je doubt que ce ne soit folour, Fille, mais ne le vueil debatre. (Mir. st J. Cris., c.1344, 255)

Et aucuns font aussi comme font ceulz qui se doubtent que les autres ne les catoillent. (Oresme, E.A., c.1370, 391)

...car je doubt ne m'emporte En enfer l'ennemi touz vis. (Mir. fille roy Hongrie, c.1371, 22)

Le duc d'Irlande, quant il oy ces nouvelles, se doubta que de fait il ne fuist pris et livrez à ses ennemis. (Froiss., Chron. M., XIV, c.1375-1400, 74)

Sy le commencha le pays grandement à doubter que le duc de Bourbon ne voulsist entrer à force dedens et tout reconquerir (Froiss., Chron. M., XIV, c.1375-1400, 122)

Mais pour ce qu'il se doubtoit que icelli Courtaillon ne l'accusast des choses dessus dites, il envoya en la ville d'Orliens une procuracion à un sien ami, duquel il n'est record du nom, et li manda qu'il se consentist à la delivrance dudit Courtaillon, lequel, assez tost après, fu mis hors de prison (Reg. crim. Chât., I, 1389-1392, 515)

Nous prierons pour l'Eglise : que Dieu par sa grace y veille envoyer pais et misericorde, car je me doubte que cruauté ne s'y embate pour nos pechiez (Gers., Purif., 1396-1397, 68)

...et doubtoit on que ilz ne voulsissent introduire à Paris gens d'armes pour grever et dommagier ledit de Bourgongne et bourgois de Paris (Fauq., I, 1417-1420, 131)

Pareillement lesdis bourgois doubtoient que mondit seigneur de Bourgongne ne fust consentant d'icelles entreprinses (Fauq., I, 1417-1420, 158)

Car pour ce que le senat de Cartaige ne avoit ordonné a cellui Hanibal, fors a gaster Ytalie sur les rives de la mer et non pas a combattre, il se doubta qu'il ne fust pugny de ceste desconffiture. (La Sale, Salade, c.1442-1444, 33)

Et quant Alixandre vit la grant cruaulté de Cleopatra sa mere, qui doubta que Ptholomee son filz ne prist l'ayde de Cirydonus (...) envoya Agrippus qui guerroit Cirydonus grant ayde de ses gens. (La Sale, Sale D., 1451, 110)

GUILLEMETTE. Par l'ame qui en moy repose, Je feray tres bien la maniere. Mais, se vous renchëez arriere Que justice vous en repreigne, Je me doubte qu'il ne vous preigne Pis la moitié que l'aultre fois. (Path. D., c.1456-1469, 90)

Monseigneur, je doubte beaucop que madame ne vous oye et ait oy (C.n.n., c.1456-1467, 118)

...pource qu'elle avoit trouvée la lance de son champion si grosse, ne luy avoit osé bailler l'escu, doubtant qu'il ne la tuast, comme elle encores en doubtoit [Cont. érotique] (C.n.n., c.1456-1467, 501)

[Avec prolepse du sujet de la sub.]

Mais le duc Baudouin n'avoit amy dehors ne homme qui grevast ne guerroyast ses ennemiz ; aussi se doubtoit de ceulx de la ville de Cap, qu'ilz ne lui feussent pas bien seurs ; et je croy qu'il n'avoit pas tort. (Bueil, II, 1461-1466, 149)

(Il) est à douter que

Dont n'est point a doubter (...) que se vous estes bien avec Dieu, que il ne soit assez mieulz avecques vous (La Sale, J.S. E., 1456, 309)

...estoit a doubter que, par le moyen dudit pays [le Dauphiné] et des places et fortresses d'iceluy, ilz eussent peu faire et entreprendre des choses au desplaisir du roy et prejudice de mondit seigneur et du pays (Chastell., Chron. IV, D., c.1461-1472, 67)

2.Douter/se douter + prép.

Douter/se douter de qqc. Redouter qqc., s'inquiéter de qqc..

...et pour ce l'en se doubtoit d'assemblées de gens d'armes. (Baye, II, 1411-1417, 163)

Et dissoient que, avoecques l'aide et le confort des Escos, il aroient une bonne saison et feroient un grant esploit d'armes sus leurs ennemis en Engletière ; et sachiés que li Englès, qui estoient enfourmé de che voiage, s'en doubtoient grandement. (Froiss., Chron. R., XI, c.1375-1400, 199)

Et quant il vist la longue response du roy, [Saintré] doubta moult de reffus, lors lui dist : 'Hee ! Sire, pour la premiere requeste d'armes que onques je vous fiz, pour Dieu veullez la moy accorder.' (La Sale, J.S., 1456, 86)

...pource qu'elle avoit trouvée la lance de son champion si grosse, ne luy avoit osé bailler l'escu, doubtant qu'il ne la tuast, comme elle encores en doubtoit [Contexte grivois] (C.n.n., c.1456-1467, 501)

De cela ne vous doubtez plus : Je pense sy bien le livrer Qu'il ne s'en saura delivrer Se vous avez gens bien habilles ; Je say tous ses faicts et ses stilles, Et ou il tient sa compagnye. (Myst. Pass. Troyes B., a.1482, 624)

Se douter de la vie de qqn. Craindre pour la vie de qqn.

'Sire, dist la dame, Dieu vous gart de mal, car bonne voulenté doit estre reputee pour oeuvre. Et au regard de moy, je y vouldroye avoir beaucoup mis pour la raison d'un jenne chevalier qui est mon filz et qui est assez preu de son corps, qui l'aime tant que je me doubte de sa vie se la pucelle meurt.' (Percef. III, R., t.3, c.1450 [c.1340], 63)

Il est à douter de qqc. Il faut craindre qqc..

Car aujourduy il y a plus à faire entre les marchands d'estre d'accord du pris de la Monnoie et la évaluacion, qu'il n'y a de marchandise dont il traictent. Par quoy l'or et l'argent sont à present venuz à si hault pris, que, si de brief n'y est pourveu de remède, il est à doubter de plusieurs inconveniens grans et moult dommaigeables en la tollerance et souffrance d'icelle, comme des matières, à savoir, or et argent, estre transportez ès pays voisins, là où le cours est plus hault (Oresme, Monnoies W., c.1365, III)

Douter/se douter de + inf. Craindre de.

Mais je me doubt d'estre malade, Tant ay le cuer pesant et fade (Mir. abbeesse, 1340, 75)

...c'estoit le pechié que oncques il eust fait dont il se doubtoit plus encourir en l'indignacion de nostre seigneur Jhesu-Crist. (Reg. crim. Chât., I, 1389-1392, 114)

Assez tost aprez fist le roy cueillir son paveillon, et entra en mer, et s'en va le plus droit qu'il puet en son pays, pensant de triste cuer aux paroles que Melior, la dame du chastel de l'Esprevier, lui ot dictes. Et moult se doubta d'avoir perdu son bon eur. Mais il se garde bien de soy en descouvrir a sa gent. (Arras, c.1392-1393, 306)

...quand il fut en sus d'elle, il se doubta beaucop de point parvenir a son intencion [Un homme veut obtenir un baiser d'une femme] (C.n.n., c.1456-1467, 316)

...pour ce que tresfort doubtoit de le perdre [l'oeil] (...), manda le cyrurgien de monseigneur le duc (C.n.n., c.1456-1467, 502)

...je doubte de dire chose qui ne soit bien dicte (Chastell., Chron. IV, D., c.1461-1472, 34)

Pour ce fus triste et desolee, Quant reportee Me fut la crie pour aler Le bon Jhesus accompaignher Cruxiffier. Dobtant d'avoir punicïon, Je vous en fis bien adviser, Car mespriser Veoye nostre nacïon. (Pass. Auv., 1477, 277)

Douter/se douter à + inf. Craindre de.

Et puis s'en vinrent devant le cité de Poitiers et jurent une nuit ens es vignes, de quoi cil de le cité estoient moult esbahi ; et se doubtoient à avoir le siège, mès non eurent tant c'à celle fois. (Froiss., Chron. R., VIII, c.1375-1400, 51)

Qant li compagnon qui ou chastiel estoient, veirent que (...) les Englois (...) mettoient lor entente a euls prendre de force (...) si doubterent a tout perdre et tretierent as Englois (Froiss., Chron. D., p.1400, 680)

Mesmes derrenierement, Gabriel de Bernes y estant, le roy luy dist que s'il [le dauphin] luy disoit ou feist dire chose par quoy il se doutast ou craignist a venir vers luy, qu'il y pourverroit tellement que ce luy devroit suffire. (Chastell., Chron. IV, D., c.1461-1472, 48)

Se douter de qqc. à + inf. Craindre de + inf. qqc..

Chil qui dedens estoient, qui veoient mort lor chapitainne, et ne lor apparoit seqours de nul costé, se doubterent de lors corps et de lors biens a perdre. (Froiss., Chron. D., p.1400, 472)

Se douter de soi-mesme de + inf. Craindre qu'il n'arrive à soi-même de.

Si se doubterent de euls meismes de esceir en ce dangier (Froiss., Chron. D., p.1400, 691)

B. -[Le compl. désigne une pers.]

1.Douter qqn. Craindre, redouter qqn.

Et que telle soit [cette personne] que la doubte La compaignie d'enfer toute. (Myst. Adv. N.D. R., c.1360-1365, 63)

Et moult redoubtoient Gieffroy pour sa fierté ; mais pour neant le doubtent, car il les gouvernera bien et doulcement. (Arras, c.1392-1393, 274)

Et par celle ordenance fist li sires de Biaugeu ce jour tamainte apertise d'armes, et n'i avoit honme qui ne le doubtast. (Froiss., Chron. D., p.1400, 425)

...et par ce estoient moult crains et doubtez oudit pays (Chancell. Henri VI, L., t.1, 1425, 251)

Et il avra affaire a un si grant homme si fort et si puissant que il n'est nul qui doubter ne le doye (La Sale, J.S., 1456, 150)

Elle [Madame] n'a garde de venir, non, dit monseigneur ; elle dort au plus fort. - Helas ! monseigneur, je la doubte tant que je n'en scay estre asseurée. (C.n.n., c.1456-1467, 118)

Il fut bien mal content de ce qu'il convenoit qu'il retournast a sa maison, doubtant les sergents [La nuit, dans une ville] (C.n.n., c.1456-1467, 509)

Proverbe.

...il n'est si petit ennemy que on ne doibt doubter. (Froiss., Chron. M., XIV, c.1375-1400, 181)

Faire à douter. Être redoutable.

Là trouva le soudant, qui moult fist à douter, Qui XV fieux avoit, tous jouènes baceler (God. Bouillon R., t.2, c.1356, 71)

En nom Dieu, dist Uriiens, amours a bien tant et plus de puissance que de faire ceste emprise faire. Et sachiez, puis que le soudant a ceste emprise encommencee par force d'amours, tant fait il plus a doubter, car amours a tant de puissance qu'elle fait aux couars faire grans emprises, et de telles que ilz n'oseroient penser. Donc est il tout visible, a ce que le soudant est tout, sans ceste vertu, hardiz et entreprenans, que telz homs fait bien a ressoingnier. (Arras, c.1392-1393, 94)

Par mon chief, dist l'escuier, vecy bonne contenance de gens d'armes ; ilz ne sont pas apprentiz de leur mestier. Telz gens font fort a ressoingnier et a doubter. (Arras, c.1392-1393, 178)

Sire, certainement ce sont les gens que je veisse oncques qui plus font a prisier et a doubter. (Arras, c.1392-1393, 179)

Éprouver pour qqn (une personne investie d'une autorité, une personne aimée) un sentiment mêlé de crainte et de respect.

Vous avés vostre servant mort A trop grant tort, Qui tous jours vous a tant amé Servi, obey et doubté Et foi porté. (Froiss., Par. am., c.1361-1362, 67)

...touz jours seult honneur venir A l'enfant qui se veult tenir Obediant et doubtant pére (Mir. Barl. Josaph., c.1363, 280)

Très-chier et grant ami, le roy m'a commandé que je vous die de par lui, comment sur quanque vous le doubtez , que vous faciez mettre à question Le Breton, son chevaucheur (Reg. crim. Chât., I, 1389-1392, 523)

...ne vous faigniez mie De servir, chierir et doubter Le marquis, que devez amer (Gris., 1395, 87)

...se vous perdés vostre hiretage par estre trop mols (...) vous en serés mains prisiés et doubtés (Froiss., Chron. D., p.1400, 229)

Doubté en sera de sa gent, Quant ilz le verront diligent Aux choses propices parfaire, Sage, eloquent en tout affaire. (Chr. Piz., Chem. estude P., 1402-1403, 220)

...d'Artevelle estoit tant doubtés et cremeus ou pais de Flandres que, au fort, nuls ne l'euist osé courouchier ne desdire de ses volentés. (Froiss., Chron. D., p.1400, 635)

...estoit sa personne seule [du duc de Bourgogne] plus cremue et plus doubtee entre ses ennemis que tel avoit empire entre mains et fierté de C mille hommes a sa queue. (Chastell., Chron. IV, D., c.1461-1472, 144)

Luy meismes [le duc de Bourgogne] (...) avoit multitude de pays et de grandes seigneuries a gouverner, et desquelz trestous tant en France comme en l'Empire, des haulz et puissans vassaulx qui y estoient, des puissantes et magnificques villes qui y habondoient (...), voloit et desiroit a regner sur eulx princiaulment, estre doubté et obeÿ comme seigneur, non restivé par les puissans ne par les orguilleux (Chastell., Chron. IV, D., c.1461-1472, 156)

[ Il ] vint et accepta la gouvernement de France, et si vaillamment, agreablement et bien se porta en sa commission, qu'il fut doubté et amez par sa valeur. (La Marche, Mém., I, c.1470, 20)

...pour aymer et doubter Mon Redempteur (La Vigne, S.M., 1496, 258)

[Dans une formule d'adresse] Douté. Redouté, vénéré.

...mes très-honorés et doutés seigneurs, je vous supplie et requiers humblement, que pour ceste fois il vous plaise vous vouloir déporter de vostre emprise, et me vouloir commettre et souffrir en vostre lieu (Faits Lalaing K., c.1470, 46)

Le douté/la doutee

Signour, ceste pucielle, (...) Avoit à nom Florie en la païéneté ; Puis ot-elle a mary Godefrois le douté, Ensy que vous orés en ceste auctorité. (God. Bouillon R., t.2, c.1356, 263)

Justice fu, la doutee, Verite, la bien loee, Misericorde, la douce Qui rigueurs tendans adouce. (Guill. Digull., Pèler. J.-C. S., 1358, 336)

2.Se douter de qqn

a)Avoir peur de qqn.

Qant chil archier veirent que (...) on les maneçoit encores (...) si se doubterent dou roi et de sa justice (Froiss., Chron. D., p.1400, 121)

La fille, voyant et sentant celuy dont elle se doubtoit emprisonné, poursuyvoit roiddement le prevost qu'il luy feist justice (C.n.n., c.1456-1467, 159)

b)Avoir peur, être inquiet pour qqn.

'Chiere soeur, ne vous doubtez nullement de moy, car je n'ay paour de lui ne de ses enchantemens non plus que d'un autre homme...' (Percef. III, R., t.2, c.1450 [c.1340], 106)

Quant le Tors vey qu'il ne oyoit point son cousin, il s'apensa qu'il retourneroit a la fontaine, car il se douta de lui pour le lieu qui tant estoit mesaventureux (Percef. IV, R., c.1450 [c.1340], 172)

Mais son maistre, qui de luy se doubtoit, ne le sceut si tost suyr qu'il ne le trouva pas [Un serviteur est allé affronter un danger contre l'avis de son maître] (C.n.n., c.1456-1467, 430)

C. -Emploi absolu. Douter/se douter. Éprouver de la crainte, avoir peur, s'inquiéter.

Quant les nouvelles furent venues ad ce archevesque d'Yorth, il se doubta, car point ne se sentoit bien en la grace ne amour des oncles du roy (Froiss., Chron. M., XIV, c.1375-1400, 81)

...laquelle courroie ledit homme prisonnier saingny dessus lui, malgré l'autre homme, qui ne vouloit pas qu'il portast ladite sainture ; et ledit homme prisonnier disoit que il ne se doubtast, et que il la porteroit seurement. (Reg. crim. Chât., I, 1389-1392, 558)

Lors se arriverent et ancrerent au port, et manderent a l'abbaye que ilz ne se doubtassent pas, car c'estoient amis, et estoit le maistre de Rodes avec. Et quant ceulx sceurent les nouvelles, si furent moult joyeux, et avalent le chief Saint Andrieu, et firent moult grant joye a noz gens (Arras, c.1392-1393, 91)

Sire, point nous ne demandons ta sapience, ta justice et ta puissance, car plus doubtons que desirons, nom pas sans cause (Gers., Purif., 1396-1397, 62)

Car jamaiz n'aresteray jour D'y aler, point ne vous doubtez. (Myst. st Adr. P., c.1450-1485, 143)

..sa mere luy disoit que doubter ne craindre n'en devoit. [Une jeune mariée découvre que son mari a une virilité excessive] (C.n.n., c.1456-1467, 501)

...sa crainte [du dauphin] s'enforcist de plus en plus, et a esté en telle frayeur aprés qu'il a esté arrivé es pays de mondit seigneur le duc qu'a grant peine en est il hors de present et qu'il doubte plus que jamés ne fit. (Chastell., Chron. IV, D., c.1461-1472, 45)

C'est sauvaige chose d'avoir telle crainte sans fondement. Au moins devroit dire la cause, et n'est pas a presumer qu'il doige ainsi craindre s'il n'a cause de soy doubter. (Chastell., Chron. IV, D., c.1461-1472, 48)

[Le seigneur de Simay, ambassadeur du duc de Bourgogne, au roi de France] Parquoy il me samble que il n'estoit pas bien asseuré, ne n'est encoire, me doubte. Sire, c'est vostre filz. Vous l'avez norry. (Chastell., Chron. IV, D., c.1461-1472, 59)

Nous en serons de Dieu hays, Si me dobte, bons et maulvaiz ! Souvent les bons portent le faiz Et la punicion des pecheurs. (Pass. Auv., 1477, 269)

Il fist aussi prandre et tuer Joachin et le corps trayner aux champs, affin que les chiens le mengeassent. Puis fist roy de Judée le filz dudit Joachin, nommé Joathan, mais, à trois mois de là, il se doubta et le mena avecques sa mere en Babillone. (Simon De Phares, Astrol., c.1494-1498, f° 44 r°)