DORMIR

verbe

[T-L : dormir ; GD : dormir ; GDC : dormir, dormant ; AND : dormir ; DECT : dormir ; FEW (III, 140a) : dormire ; TLF (VII, 436a) : dormir]

A. -Au propre. [D'une pers., d'un animal]

1.Emploi intransitif.

a)Être en état de sommeil, s'abandonner au sommeil.

Mais vers li mesprist si forment Qu'Adriane laissa dormant Seulette en estrange contrée... (Mach., J. R. Nav., 1349, 232)

Eveilliez vous, eveilliez, dame ; Trop fort dormez. (Mir. marq. Gaudine, 1350, 138)

J'ai sommeil Si grant que toute m'en merveil, Et trop volentiers dormiroie S'une chambre et un lit avoie. (Mach., Voir, 1364, 334)

Uns chambrelains bien l'escouta Qui dedens la chambre gisoit ; Si li respondoit et disoit : 'Hurtez bellement, li roys dort.' (Mach., P. Alex., p.1369, 267)

Car l'en puet bien avoir tel habit senz ce que l'en parface de ce nul bien, ainsi comme quant l'en dort ou repose. (Oresme, E.A., c.1370, 126)

Requis comment, dit que il en prenoit [des ducats] en la bourse de ses compaignons, quant ilz dormoient, de l'un deux, de l'autre un, tant qu'il les assembla et les bailla à garder à son frere et à sa dame. (Reg. crim. Chât., II, 1389-1392, 95)

...eulx IIIJ ensemble (...) alerent couchier sur le port au Fain, en Greve, ouquel lieu ilz trouverent un homme dormant (Reg. crim. Chât., I, 1389-1392, 376)

Et entre les autres moy mesme ne dormi de toute ceste nuit et ne me puiz soustenir de la doleur de la teste (Baye, II, 1411-1417, 173)

Dormir de jour aprèz la table, Sauf paravant un peu veillier Et sans excez y traveillier, Pour haster la digestion (La Haye, P. peste, 1426, 104)

...et en verité, sire, c'est trop dormy, et vous puis bien dire les paroles du Sage... (Juv. Urs., Loquar, 1440, 327)

Tel reveille le chien qui dort Qui gaigneroit mieulx de se taire: Quant il dort, il ne peult mal faire, Mais quant il ne dort pas, il mort. (Baude, Dictz moraulx S., p.1450, 131)

Helas ! et quel devocion Peut avoir celly qui se dort Jusque a mydi ? Son oreyson Si ne teré [l. téré] forque a la mort. (Myst. st Sébast. M., c.1450-1500, 8)

Et dois sauoir que toutes visions ymaginaires comme sont apparicions qui se font en dormant en songes ou mesmes en veillant se font par le ministere des anges... (Cib., p.1451, 214)

Alors Madame se fait devestir sa robe et se met à dormir (La Sale, J.S., 1456, 51)

Qui vous esmeult A croire que [Jésus] filz de Dieu soit ? Come nous mange, dort et boit. (Pass. Auv., 1477, 161)

...ne aussi les passions penibles comme cremir et douloir, ne les corporeles come dormir, mengier et ambuler (Somme abr., c.1477-1481, 161)

Se coucher dormir

...il, par fain de dormir qui le surprint, s'en ala coucher dormir sur un siege estant auprès de l'autel et en la chappelle Nostre-Dame (Reg. crim. Chât., I, 1389-1392, 364)

...et illec se coucha dormir jusques à grant jour (Reg. crim. Chât., II, 1389-1392, 114)

Dormir de l'oeil. Fermer l'oeil.

Car pour voir espouser vous vueil Ains que je dorme mais de l'ueil (Mir. nonne, 1345, 334)

Ma dame est en son lit, Si s'estent, et aprés dist Que dormir ne puet de l'uel. (Devin. R., c.1470, 81)

Dormir à grant repos/à reposee

Quant en un fumier se gisoit, C'estoit sa pais ; c'estoit ses lis ; C'estoit de tous poins ses delis, Ou il dormoit a grant repos. (Mach., J. R. Nav., 1349, 226)

Parle bas, Robechon. L'argille est en ses mains posée, Comment il dort a reposée ! Or ça il le fault esveillier [Et son visage cateillier] De ce festu. (Marcadé, Myst. Pass. Arras R., a.1440, 18)

Par ironie. [Dans le langage d'un bourreau] Mourir.

Or leur va donc froter le front, Pour les faire plus tost dormir [les condamnés à mort] . (Pass. Auv., 1477, 208)

Dieu dormant. Dieu du sommeil.

Yris li dist : 'Dieus dormant, a toy vien De par Juno, deesse de tout bien.' (Mach., F. am., c.1361, 165)

Mais la deesse noble et chiere Tramist Yris sa messagiere Pour moi au noble dieu dormant, Et li douls diex fist son coumant, Car il m'envoia parmi l'air L'un de ses fils, Enclinpostair. (Froiss., Par. am., c.1361-1362, 40)

Ossi Yris, la messagiere De Morpheüs le dieu dormant Par le quel tout li vrai amant Sont conforté, et c'est raisons, En songes et en visions. (Froiss., Par. am., c.1361-1362, 82)

Je me levay de mon siege a demy lassé et desja semons du messagier du dieu dormant pour aler le berchier en son repos. (Ev. Quen. I, c.1466-1474, 94)

b)[Comparaisons]

Dormir comme un loir

Les bources des Dix et Huit Clercs Aront [mes deux pauvres clergeons, deux vieux chanoines de Notre-Dame] , je m'y vueil traveillier ; Pas ilz ne dorment comme loirs, Qui troys moys sont sans resveillier. (Villon, Test. M., 1461-1462, 107)

Dormir comme un sabot. Dormir comme une toupie.

Riant m'assiet son poing [la Grosse Margot] sur mon sommet, Gogo me dit, et me fiert le jambot ; Tous deux yvres dormons comme ung sabot. (Villon, Test. M., 1461-1462, 125)

Dormir comme une souche

Du hanelit aspirant, boursouflé, Trop esronflé, par dormitoire enflé, De voir niflé, assombré, mytouflé, Non desenflé, gisant sur une couche D'avoir le soir Bachus escorniflé, Venus rifflé, Ganimedes befflé, Vulcan soufflé, Midas l'asnyer nefflé Et berniflé son flajolet de rouche, Muet et louche des yeulx et de la bouche Comme une souche dormant, j'oys la couche D'une farouche querelle de reproche, Que contre Mort proferoit la Bazoche. (La Vigne, Compl. roy Bazoche M.R., 1501, 389)

c)Locution.

Ne pas savoir si on dort ou si on veille. Se demander si ce qu'on voit est bien réel.

Ne say, se je dor ou veil, Quant son riant oueil, Son gent corps qui n'a pareil Et son dous accueil Voy et son cointe appareil, Simple et sans orgueil. (Mach., Les lays, 1377, 427)

Lors se quaity au mieulx qu'il pot de menus arbrissiaux, de paour que la dame ne l'apperceust, et entroublia toute sa chace et la soif qu'il avoit par devant, et commenca a penser au chant et a la beauté de la dame, telement qu'il ne scet s'il est jour ou nuit, ou s'il dort ou veille. (Arras, c.1392-1393, 6)

Celui [Raymon] qui doulour forment blesce Tressault, et la dame apperçoit. Lors cuide que fantosme soyt, Il ne scet s'il veille ou s'il dort Il a la couleur d'omme mort (Coudrette, Mélus. R., c.1401-1402, 124)

Ha, Mahommet, dor je ou je vueille ? Pierre et Pol, dont j'ay grant merveille, Sont venus a moy par grant yre. (Mart. st Pierre st Paul R., c.1430-1440, 155)

Ne point laisser à dormir. Ne pas perdre le sommeil, ne pas se tracasser (pour qqc.).

'...N'estes-vous pas yci venuz pour aultre chose dire ? Vrayement vous en soulciez beaucoup. Je vous prie, n'en laissez point à dormir. Mais, se vous saviez aucune chose de nouveau touchant la guerre, si la mettez sur le mestier.' (Bueil, I, 1461-1466, 101)

En dormant ou en veillant. N'importe quand, n'importe comment.

Car, soit en dormant ou veillant, leurs courages sont ravis a folies et a legieretez, a danser, a chanter, a saillir, a luitter, sievyr les dames, par courages effeminez faindre leurs voix pour doulcement avec elles chanter. (Fillastre, Traité Conseil H., c.1472-1473, 207)

Cest vray ien ouy parler A plusieurs qui en flagelloient Et me semble quilz disoient Que cest archeuesque martin Faisoit et fait soir et matin A toutes heures ne scay comment Ou en veillant ou en dormant Miracles et guarist les gens (Myst. st Martin K., a.1500, 366)

Mieux dormir dans un lit que sur le chaume N'être pas très courageux, préférer le confort à l'effort.

Maiz d'une bataille en aspresce Scet bien tirer son cul de presse Et son hëaume Gecter au besoing du royaume. Plus scet aux dez ou a la paulme ; Mieulx dort en lict que sus du chaume. (Chart., L. Dames, 1416, 226)

d)[Prov., sentences]

Assez dort qui rien ne fait.

Assés dort qui rien ne fait. (E. Legris, Anc. prov. fr., p.1400. In : Bibl. Éc. Chartes 60, 1899, 575)

Assur dort qui n'a que perdre. Celui qui rien à perdre dort tranquille.

Assur dort qui n'a que perdre. (E. Legris, Anc. prov. fr., p.1400. In : Bibl. Éc. Chartes 60, 1899, 575)

Ce qui en veillant abonde, en dormant volontiers redonde. Ce qui nous préoccupe quand nous veillons, nous préoccupe autant quand nous dormons.

Or fault, ou de nuit ou de jour, Soit en dormant ou en vellant, On ne s'en voist esmervellant Que les pensees a chief traient Et que leur cours par nature aient ; Et che qui en vellant habonde En dormant volentiers redonde. (Froiss., Joli buiss. F., 1373, 227)

Panse pleine fait dormir

...Je finay comme gormand, Enyvré sans rien cremir : Pance plaine fait dormir. (Molinet, Faictz Dictz D., 1467-1506, 537)

Sommeil ou dormir est image de mort

Et a bon droit est dicte [la mort] sompne eternel car 'sompne ou dormir est ymage de mort', comme dist le philosophe. (Daudin, De la erudition H., c.1360-1380, 346)

Qui trop dort au matin point n'en amenderas, Et s'en pert sa journee, dont il se clame las

Si te couche de jour et matin leveras : Qui trop dort au matin point n'en amenderas, Et s'en pert sa journee, dont il se clame las. (Enfances Doon de Mayence P., c.1450-1500, 458)

[Même idée]

...qui dort de jour, il ne doit estre bien famé et n'en amende pas pourtant son corps (Doolin de Mayence V, P., a.1500, 23)

L'homme, quand il a grace du main-lever, peut bien dormir jusqu'au disner. Celui qui a la grâce du lever matin, il peut se permettre (par exception) de dormir jusqu'au dîner (on ne le considèrera pas comme un paresseux) ; dans le contexte, celui qui a une bonne réputation peut se permettre de trahir, on ne le soupçonnera pas.

Dont .j. proverbes dist, c'on doit bien recorder : Que li homs, quant il a grace du main-lever, Il poet bien, che dist-on, dormir jusqu'au disner. (Baud. Sebourc B., t.1, c.1350, 278)

Tel a bien toute nuit dormi Qui pour tant n'est pas des plus sains

Tel a bien toute nuyt dormy Qui pour tant n'est pas des plus sains (Alecis, Faintes monde P.P., c.1460, 88)

2.[Avec un compl. d'obj. interne]

Ici mourrez tout maintenant, Estre vous feray coy tenant. C'est fait ! Or dormez la voz sommes (Mir. Rob. Dyable, c.1375, 31)

Elas ! chetif, j'ay trop grant somme Dormi. (Mir. Rob. Dyable, c.1375, 46)

...ainsi comme elle ot dormi son premier somme (Reg. crim. Chât., II, 1389-1392, 57)

Et puis le fist dormir un somme, Et de la coste de cel homme Une belle femme en forma, Qui trestoute telle forme a Comme homme et ame raisonnable Et a l'image Dieu semblable (Chr. Piz., M.F., II, 1400-1403, 135)

Mais ou sont eulz de present, ou sont eulz [les hommes qui se croient importants] ? Pense y bien. Ilz ont dormi leur songe. Ilz ont fait leur personnage ; la mort en ung mouvement leur a donne [l. donné] tantost eschec et mat (Gers., Réf. roy. G., 1405, 1163)

3.Emploi pronominal. Se dormir. Être en état de sommeil.

Lors se vint la dame sëoir Dalés l'amant qui se dormoit, Et son dous ami le clamoit. (Mach., F. am., c.1361, 221)

Et songierent que il vëoient De leurs lis ou il se dormoient Nuef solaus de coulours diverses, Blanches, rouges, noires ou perses, Qui luisoient eu firmament. (Mach., F. am., c.1361, 237)

Nulz de mes gens ici n'a point, Touz se dorment a remontée. (Mir. Oton, c.1370, 358)

Mais il puet estre que un homme ait vertuz et se dorme et que il ne oeuvre jamais en sa vie selon celles vertuz. (Oresme, E.A., c.1370, 112)

...en icellui lieu trouverent un homme qui se dormoit, auquel ilz osterent sa robe, sa sainture et son chaperon (Reg. crim. Chât., I, 1389-1392, 374)

...et incontinent qu'ilz orent disné, ledit mons. l'evesque dist à il qui parle que tantost il monstast à cheval et s'en alast devant, pour prendre logis pour icelli mons. l'evesque et ceulx de sadite compaignie en la ville de Compiegne, et entrementieres il se dormiroit un petit. (Reg. crim. Chât., I, 1389-1392, 548)

Et au bruit et conflict qui fut oudit village, ledit Mathurin Chappeau, qui estoit sur son lit en son hostel où il s'estoit dormy, et mis sa jacquette et sa chemise et tout nuz piez, saillit de sa maison en la rue, et en son chemin devant l'estable des ses beufx, trouva une fourche de fer, laquelle il print. (Doc. Poitou G., t.10, 1456, 12)

Qu'es-se cy ? Je croy qu'il se dort : De nous ne fait semblant ne chere. (Myst. st Laur. S.W., 1499, 272)

[Aspect inchoatif] S'endormir.

En faisant celle priere elle se dormi. Si tost comme elle fut endormie, la Vierge Marie (...) apparut a elle (Miélot, Mir. N.D. W., 1456, 45)

Se dormir comme un porc

Je me dours comme ung beau pourc (Pipée R., c.1470-1480, 192)

4.Participe présent en emploi substantival.

[De l'animé] Homme qui dort.

Et pour ce, ceulz a qui ces opinions ne plaisent pas, c'est a savoir que le dormant et l'infortuné soient beneurés, ilz dient que felicité doit plus estre mise en aucune operacion que en habit, si comme il a esté dit devant. (Oresme, E.A., c.1370, 515)

Sompnus est le dieu des dormans (Legrand, Archil. Sophie B., c.1400, 198)

Et quant aucuns luy blasmerent qu'il l'avoit tué tout mort, il dist : ainssy que l'ay trouvé, je l'ay laissié ; repuctant, en ce cas, estre semblable le dormant comme mort. (La Sale, Salade, c.1442-1444, 60)

[De l'inanimé] Sommeil, état de celui qui dort.

Je lo qu'il ait le chief tranchié En son dormant. (Mir. femme roy Port., c.1342, 175)

...En mon dormant J'ay veü une visïom, Cy n'ay nulle chose santue, Cy en suis toute esmeüe Et troublee mon oppinïom Ce a esté depuis le jour. (Pass. Semur D.M., c.1420 [1488], 197)

Raphael, entens a mes dis, Vatent la bas, och que je dis, Dedans Bethleem la cité Qui est de grant auctorité, Y dorment trois roix maintenant Va, se leur dy en leur dormant Qu'ils ne retournent nullement Par Herode, car durement Les a en indignation Accueillis et illusion (Marcadé, Myst. Pass. Arras R., a.1440, 48)

Vous avez veu cy em presence Comme elle a fait sa repetence De ce que luy est advenuz En son dormant, et recognuz Fut par ce noble crestien, Son bon mary, saint Adrien ; Car, après que son oraison A eu faicte et narracion De son fait, cy par devant nous, Sans grant peinne ne grans dolours Elle a randu son esperit. (Myst. st Adr. P., c.1450-1485, 187)

Et le songe de fantosme est quant on songe aulcune chose diverse, ainchois qu'on soit du tout endormy : si comme on voit aulcunes diverses fourmes (...) entre veillant et dormant (La Sale, Sale D., 1451, 229)

En mon dormant, La nuyt passee (La Vigne, S.M., 1496, 274)

Au dormant de qqn. Pendant le sommeil de qqn.

Tre[s] soverain et tres redoubté Prince, oyés donques, par maniere de recreacion et de esbatement, mon songe et la vision laquelle m'est apparue en mon dorment. (Songe verg. S., t.1, 1378, 3)

...mais, en les attendant, s'endormist. Et a son dormant lui fut advis qu'il les en veoit retourner (La Sale, Salade, c.1442-1444, 83)

5.infinitif substantivé. Sommeil.

LE FIL COME FOL. Je perdi le dormir ennuit De songier qu'en estat d'avugle Chevauchoie dessus un bugle... (Mir. parr., 1356, 15)

Mais en tel lieu faire l'espoir Qu'il sera loing de toute noise, Par quoy riens ne bruie ne noise Au lieu, qui son dormir empesche... (Mach., F. am., c.1361, 234)

Quant le dormir apaise la desipience, c'est bonne chose ; maiz ou elle ne le fait, c'est mal. (Saint-gille, A.Y., 1362-1365, 58)

Si prins a palir et a taindre Et mes cuers trop fort a fremir, Si que j'en perdi le dormir Et le mangier, car ne manjoie Se petit non ne ne dormoie. (Mach., Voir, 1364, 86)

Maiz le dormir qu'on fait de nuit Est naturel et porte fruit, Et ce qui est de hault jour fait Griève nature et lui desplaist (La Haye, P. peste, 1426, 104)

...elle en a changié (...) le dormir pour le veillier (La Sale, J.S. E., 1456, 359)

[À propos d'un membre du corps hum.] Engourdissement.

Et ces dormers ne [venont] my al piee quant jeo siu a moustrer ou nule part entour vostre service, tresdouz Sires, car bien envys me tendroit Peresce si longement en vostre service, einz me lesse bien aler (Henri Lanc., Seyntz medicines A., 1354, 80)

Remarque : Var. dormeries ; FEW III, 141a, au sens de 'sommeil' ; AND, s.v. dormir et dormerie (même ex.).

Période de sommeil.

Ne passa sepmaine de caresme que comme tres devote ne alast les pardons gaynier, et maintesfois sans grant compaignie priveement disner, bancqueter et soupper, et aprés son dormir aux regnards et taissons par ces bois et autres deduiz souventesfois chassier (La Sale, J.S., 1456, 258)

Le dieu de dormir. Le dieu du sommeil.

...si ferai chanter et lire De maniere serie et coie Que li dieus de dormir ne l'oie, Car vraiement, pechié feroit Qui son repos empeecheroit. (Mach., F. am., c.1361, 235)

B. -Par analogie.

1.[D'une chose] Être presqu'immobile (comme un animé qui dort).

En fleuve qui dort, En serpent qui mord, N'a point d'asseurance. (Rapp., c.1480, 69)

Aigue dormant. Eau immobile, stagnante.

Et là s'arestèrent, et prisent place à leur avis et pour atendre leurs ennemis, et avoient au devant d'eus un grant plachiet plain d'aighe dormant. (Froiss., Chron. R., X, c.1375-1400, 220)

[D'un mort]

Cy gist et dort Loÿs, filz de Loÿs De Monfalcon, lequel en son jeune eage, Par ung seul mors d'ung chien infect de rage, Fina ses jours, tristes, comme l'ouÿs. (Antitus, Poés. P., c.1500, 62)

Cy gist et dort en ce sollier Qu'Amours occist de son raillon, Ung povre petit escollier Qui fut nommé Françoys Villon. (Villon, Test. M., 1461-1462, 142)

2.Participe présent en emploi adjectival.

[D'une chose concr.] Fixe, qui ne bouge pas.

...sauf à l'usaige de ville ou de cité que les veues soient de six piez et demy de haulteur à fer et à barre dormant. (Cout. instit. Anjou Maine B.-B., t.1, 1411, 579)

Pont dormant. Pont posé sur des pieds fixes, qui ne bouge pas.

Quant les trois compaignons, qui jucques sur le pont dormant du tresbel chastel de Plaisance furent venuz, eurent bien regardé et advisé le riche portal et les deux ymaiges dessusdiz (...) ilz marcherent avant jucques au pont leveys, qui estoit abaissié, et virent la porte fermee qui estoit toute d'yvoire ferree d'or bien et richement. (RENÉ D'ANJOU, Cuer am. espris W., 1457, 160)

...une belle, notable et ancienne place, bien emparée, bastie et ediffiée de belles tours, garites, eschiffes, foussez, pont leveis et dormant, basse court et dangeon et autres fortifficacions et emparemens neccessaires pour la garde de ladicte place (Doc. Poitou G., t.10, 1463, 412)

Verre dormant. Vitre d'une fenêtre scellée et n'ouvrant pas, prenant vue sur la propriété d'autrui.

Et en aprés ces choses ainssi faites, la dite Denise se feust traitte par devers les diz religieus et eust requis et fait requerir a iceulz religieus que, non obstant la dite sentence et condampnacion, ilz les dites veues et fenestres et agoux voulsissent laissier ou point et en l'estat que il estoient lors, c'est assavoir unze fenestres a treilliz de fer sans les autrement haussier, estouper ne mettre voirre dormant ou autre empeschement (Chartes Abb. St-Magl. T.F., t.3, 1365, 303)

...que il les face faire [les archieres] à sept piés de haut du rés de son planchier à voirre dormant. (Industr. Paris F., 1371, 356)

...et sur son voisin se pevent faire fenestres à sept piez de hault qui seront grillées et vitrées à voirre dormant. (Cout. instit. Anjou Maine B.-B., t.3, 1463, 469)

C. -Au figuré.

1.[D'une pers., d'une chose personnifiée]

a)Demeurer inactif au lieu d'agir.

Et li dist : 'Bremont, chiers amis, Nous dormons, et nos annemis Ne dorment pas, mais toudis veillent, Et de nous grever se traveillent...' (Mach., P. Alex., p.1369, 111)

[De Dieu]

...il voit toutes noz pensees Et noz euvres desordenees Comment ilz sunt dictes et faictes. Il n'a que faire d'avoir gaites, Quar il ne dort ne ne sommeille. (Tomb. Chartr. Dix-huit contes K., c.1337-1339, 100)

Dormant. Qui n'agit pas ; qui est, qui est resté inactif.

...aultre chose est entrer en alliance aveucq ung roy possesseur de sa conqueste aprés victoire obtenue, et aultre chose d'un possesseur inlegitime dont les vertus encore ne sont experimenteez. Car proprement le roy trespassé parvint a la possession par longues chevalereuses vertus et labeurs, et son filz sans espreuve de vertu nulle y entra dormant, dont le parobtenir longuement pooit permettre du dangier beaucop en la queue. (Chastell., Chron. IV, D., c.1461-1472, 150)

S'attarder, traîner.

Il ne dormit pas, car en pou de jours, après maintes peines et travaulx, tant fist qu'il se trouva a Romme, et n'eut oncques bien tant qu'il eust trouvé son compaignon, le clerc servant le cardinal. (C.n.n., c.1456-1467, 285)

Ne pas donner signe de vie, ne pas se manifester, ne pas agir.

La n'est il riens qui me conseille, Ne qui me doint Confort dou mal qui me traveille ; La sens je doleur nom pareille ; La Pitez dort ; la Desirs veille Qui trop me point. (Mach., R. Fort., c.1341, 50)

Puis qu'Eürs est contraire à mon desir Et Fortune me grieve nuit et jour Et Pitez dort pour mi faire morir Et de moy plus ne souvient bonne Amour Et ma dame ne chaut de ma dolour, Certes, je doy la mort plus desirer, Qu'einsi languir sans merci esperer. (Mach., L. dames, 1377, 113)

Et Loiauté temprement S'esveillera, car trop dort longuement, Pour li aidier ; n'i voy autre confort Fors seulement en Loiauté qui dort. (Mach., L. dames, 1377, 194)

Fortune dort pour nous quant a present, et a ja fait grant temps, mais elle veille pour les crestiens (Arras, c.1392-1393, 131)

...et vous deussiez faire ce que vostre office requiert, c'est assavoir justice, mais elle dort aujourduy en ce royaulme. (Juv. Urs., Loquar, 1440, 382)

J'appelle aussi, et en bas et amont, Loyal Espoir, mais je pense qu'il dort, Ou je cuide qu'il contrefait le mort (CH. D'ORLÉANS, Rond. C., 1443-1460, 446)

Et pour en dire le vray, entierement, Justice dort et Verité souspire. (Antitus, Poés. P., c.1500, 35)

b)Locution.

Dormir sur qqc. Négliger qqc..

L'empereur, messire Charles de Boesme, ne dormy pas sus ceste besoingne, mais se resvilla tellement que je le vous dyray. (Froiss., Chron. M., XIV, c.1375-1400, 167)

...cez parolez nota et mist en memoire le noble conte d'Artois et conclut d'estre en aide au roy de Castille et ne dormy gairez sur cestuy pourpoz (Comte Artois, c.1453-1467, 47)

Ne pas dormir sur une information. Ne pas garder pour soi (une information).

Le comte de Boulongne, tout esjoÿ de ceste demande [demande en mariage de sa fille] le remercia humblement. (...). Sy ne dormy oncquez sur cestuy pourpoz, ains le declaira a part a la contesse et a sa fille qui en furent d'acord, disans que du fait le chargoient et s'en attendoient a sa bonne discretion. (Comte Artois, c.1453-1467, 16)

Dormir pour + inf. Tarder à faire qqc..

Pencez que je n'ay pas dormy Pour en faire provision. (La Vigne, S.M., 1496, 271)

2.[D'une chose]

Reposer dans l'oubli ; être mis de côté.

Messire Pierre de Savianges disoit que la sentence donnée contre lui pour la dame de Brancion ne valoit, car il disoit (...) que le plait avoit dormy plus d'un an. (Cout. bourg. glosé P.M., c.1380-1400, 123)

Mais on fait mainte fois a maint preudomme tort. Ainsy pres de .IIII. ans yceste cose dort (Jourd. Blaye alex. M., a.1455, 65)

Faire dormir ou cesser qqc. Interrompre ou arrêter qqc..

...et pour ce dit une loy que, se une prescripcion est enconmenciee, se l'age d'un pupille survient qui face dormir ou cesser la prescripcion, neantmoins, aprés, la prescripcion sera continuee et ara son effect, puis que l'enpechement sera cessé. (Songe verg. S., t.1, 1378, 245)

Laisser dormir qqc. Ne pas donner suite à qqc..

...se je laisse dormir ma cause d'appel par an et par jour, sanz proceder en icelle, ma cause est perie et perdue. (Cout. bourg. glosé P.M., c.1380-1400, 187)

[Dans un tour nég. plus ou moins stéréotypé]

Mais Esperence qui a soing D'aidier ses amis au besoing Et qui ne dort pas ne sommeille Pour eaus conforter, einsois veille, A celle heure ne dormi pas... (Mach., R. Fort., c.1341, 112)

Se souvent me pleing et dueil ; Car li maus qui me traveille Ne dort onques ne sommeille Ne n'amenrist, einsois veille Toudis pour croistre mon dueil. (Mach., Les lays, 1377, 314)

Or te reconforte fort, Car le meschief que je port Qui ne sommeille ne dort Verras, sans doubtance, Muer en grant reconfort (Mach., Les lays, 1377, 447)