DIFFAME

substantif masculin et féminin

[T-L : difame1 ; GD : diffame ; AND : diffame ; FEW (III, 73a) : diffamare]

A. -Fait de diffamer ou d'être diffamé, allégation, imputation diffamatoire, déshonorante, outrage, opprobre.

Bien est hontez par grant diffame, Qui soffre et consent a sa femme Qu'a nulx autre homme soit commune. (Dupin, Mélanc. L., c.1324-1340, 198)

Et pour ce nous touz avon paour des malx, comme sont mauvais opinion ou diffame de nous et souffrecté ou povreté et maladie et inimitié ou estre haÿ et la mort. (Oresme, E.A., c.1370, 204)

Et toutes teles besoingnes, il les font pour cause de gaaing et en soustiennent pluseurs reprouches et diffames. (Oresme, E.A., c.1370, 241)

...jamais Pour honneur que j'aye ou diffame Homme ne le sara ne fame, Au mains par moy. (Mir. Berthe, c.1373, 183)

...les gens dudit seigneur de Novion avoient dit et deffendu à icelle prisonniere que doresenavant ne venist en l'ostel dudit sire de Nouvion, et par maniere de desrision, et pour faire blasme et diffame audit sire de Nouvion, avoit mis sur le bras dudit enfant un rolle ou escriptiau ouquel avoit escript : Cest enfant est filz messire Jehan Le Mercier, sire de Novion. (Reg. crim. Chât., II, 1389-1392, 120)

Et finablement yceulx freres, venuz à Paris, ont esté prins et emprisonnez, et a nostre dicte court telement procedé contre eulx qu'ilz ont confessé le dit cas. Par quoy ilz sont en voye de souffrir paine publique ou autre punicion ou diffame de leurs personnes (Doc. Poitou G., t.6, 1392, 69)

...par elles maintes diffames Sont mises sur hommes et femmes (Chr. Piz., M.F., II, 1400-1403, 93)

La premiere, pour ce que de tant est plus grant maistresse, son honneur ou deshonneur est plus renommee par tout païs que de une aultre simple femme : pour ce fait pis qui la diffame, car cellui diffame puet aler en maintes contrees (Chr. Piz., Trois vertus W.H., c.1405, 145)

Ne scey a qui moy retourner. Si fort prens en cuer ce diffame Que j'en pers du tout le parler. (Pass. Auv., 1477, 208)

Écrit propre à ruiner la réputation de qqn.

Et la .II^e. pugnicion sera par diffames qui seront publiés par toutes pars (La Sale, Sale D., 1451, 43)

B. -Mauvaise réputation ; déshonneur, honte, infamie.

Certes ne le disons pas tant Pour lui blamer que vous pensez, Mais pour ce que par vous tensez Soit nostre hostel d'avoir diffame (Mir. abbeesse, 1340, 79)

Se pour miex garder de diffame Mon honneur et mon pucellage Vous me voulez par mariage Prendre... (Mir. nonne, 1345, 321)

Sus ce point a un grant debat, Car quant cils se joue et esbat Et requiert merci par regars, Lors vient uns avisez esgars De la partie de la dame Qui, pour li garder de diffame, La boute dedens l'oseroie Ou ses cuers dit : 'Je n'oseroie Ce que je desir acomplir Pour le gré d'amant raëmplir.' (Mach., D. Aler., a.1349, 373)

Elle [Bonneürtez] appert en mains esbanois, Tant en joustes comme en tournois, Pour chevalerie essaucier Et les fais des bons avancier A la congnoissance des dames. La croist honneurs ; la chiet diffames. (Mach., J. R. Nav., 1349, 272)

...a honte sui et a diffame A tort menée. (Mir. marq. Gaudine, 1350, 163)

LE MARI. (...) je ne puis plus attendre Que ne voise vëoir ma femme, Puis que Dieu de si grief diffame L'a delivree. (Mir. enf. ress., 1353, 73)

...ma tresdouce dame chiere, Que Dieus gart en corps et en ame De villenie et de diffame (Mach., Voir, 1364, 42)

Tenez, regardez ma poitrine : G'y ay mamelle conme fame ; Du monstrer n'est point de diffame. (Mir. Oton, c.1370, 386)

Dou chastiel d'Escauduevre estoit chapitainne et souverains messires Gerars de Sassegnies, qui devant ce n'avoit eu nulle reproce de diffame. (Froiss., Chron. L., II, c.1375-1400, 19)

'Et, se nous faisions, procurions ou souffrions sciamment le contraire estre fait (...) nous volons estre tenu et reputé (...) pour faulz, mauvais et desloyaus parjure, et encourre en tel blasme et tel diffame comme roy sacré doit encourir en tel cas.' (Froiss., Chron. L., VI, c.1375-1400, 31)

...an tel point avons mis le monde Qu(ar)[e] il n'y a nulle riens monde, Mais tuit sont nostre, hommes et femme, Trop po en vit sanz grans diffame. (Jour Jug. R., c.1380-1400, 218)

Et seroit grant merveille que, en demandant l'ayde et le secours du dyable, on eust l'ayde de Dieu, et oncques telle tache ne vint en l'ostel de France ; et me doubte que elle ne viengne pas seule. C'est grant pechié et moult grant diffame a ceulx qui en sont cause. (Gers., Purif., 1396-1397, 64)

Ce leur tourne a trop grant diffame. (Chr. Piz., M.F., III, 1400-1403, 86)

Et [Amour] tient sur eulx sa court et sa justice Et leur oste la bejaunie nice, Et les retrait de maint oultrageux vice Et de diffame. (Chart., D. Fort., 1412-1413, 176)

Et qui plus est, sces-tu quelz reliques et fumée après d'eulx il demeure au monde, à non Dieu ? Diffame et despris et male renommée. (Chr. Piz., P.V.H., 1416-1418, 24)

...se fut a luy [Edouard d'Angleterre] ung grant deshonneur, diffame et mocquerie d'avoir voulu maintenir le contraire, et soy porter roy de France (Juv. Urs., T. crest., c.1446, 48)

Vecy que j'ai advisé ; s'il vous plaist, je l'acheveray. C'est que soiez ma femme ; par ce nous garderons de pechié, blasme et diffemme, que l'en doit monlt doubter. (Nouvelles inéd. L., p.1452, 11)

Honnestes [les fillettes] si furent vrayement, Sans avoir reprouches ne blasmes. Sy est vray qu'au commencement Une chacune de ces femmes Lors prindrent, ains qu'eussent diffames, L'une ung clerc, ung lay, l'autre ung moyne, Pour estaindre d'amours les flasmes Plus chaudes que feu saint Anthoyne. (Villon, Test. R.H., 1461-1462, 61)

SATHAN. Elle [l'âme du chrétien] est mienne. RAPHAEL. On te le nye, Dyable d'Enfer plain de diffame. (Mir. st Nic. juif, c.1480-1500, 145)

Seigneurs, ne prenez en diffame Nostre petit esbatement. (C. Riffl., c.1480-1520, 61)

Remarque : JEAN LE LONG, Voy. Odoric A.M., 1351, gloss. ; FOUL., Policrat. B., I, 1372, gloss. ...

A honte et à diffame

...et requier Dieu qu'il te pardonne ton aveuglement et ta folie, non pas qu'il pugnisse les autres, qui pour icelle erreur seuffrent avecques toy et dont tant de preudommes ont esté tant horriblement es champs enfouyz et es villes mors par aucuns des tiens a pluseurs et diverses fois et sans misericorde, tant que l'esclande en est es autres royaumes a la perpetuelle honte et diffame du peuple françois, qui es temps passez estoit renommé de toute benignité. (Chart., Q. inv., 1422, 28)

[Leçon de Villon aux enfants perdus] Ce n'est pas [l'action de voler] ung jeu de troys mailles, Ou va corps, et peult estre l'ame. Qui pert, riens n'y font repentailles C'on n'en meurre a honte et diffame, Et qui gaigne n'a pas a femme Dido, la royne de Cartaige. L'omme est donc bien fol et infame Qui pour si peu couche tel gaige. (Villon, Test. R.H., 1461-1462, 129)

Diffame de qqc. Honte que vaut qqc..

Car tant het d'orgueil le diffame Que sa char destruit et diffame Pour s'ame honnorer par penance (Mir. parr., 1356, 44)

Et ne pooit nulz entrer en celle compagnie, se il n'avoit le consent dou roy et de la grignour partie de compagnons, et se il n'estoit sans diffame de reproce. (Froiss., Chron. L., IV, c.1375-1400, 127)

Se jeter en un diffame. Tomber dans le déshonneur.

Aucuns homs sara que sa fame Se gettera en un diffame Par sa folie et son outrage, Dont elle ara honte et damage... (Mach., D. Aler., a.1349, 388)

En particulier. [À propos de relations sexuelles non permises]

Je sui femme, Qui d'omme n'oy onques diffame Par charnel copulacion (Mir. fille roy, c.1379, 112)

Par le conseil de ses barons Mon pére avoir me voult a femme, Et je, qui doubtay cest diffame, Ne me voulz a ce consentir (Mir. fille roy, c.1379, 112)

Sans diffame

Locution adjectivale. De bonne réputation.

A Nicossie ot une dame Qui estoit bonne et sans diffame, Fille de monsigneur Henri, Suer au vallet dont je vous di, Qui mariée estre soloit. (Mach., P. Alex., p.1369, 259)

Locution adverbiale. Dans le respect de l'honneur et de la réputation.

Comme cils de qui j'ay conté, Tant en grace comme en bonté, Et de toutes autres parties En honneur a point departies, Amera aussi une dame Sans mal penser et sans diffame ; Et se li fera a savoir. (Mach., J. R. Nav., 1349, 170)

Mis avons sans point de diffame Les autres deux corps des martirs Avecq ceulx que de treshault pris Avez desja fait appourter N'a gaires, sans nous reposer. (Myst. st Adr. P., c.1450-1485, 168)

C. -Par métonymie.

Action honteuse, comportement infâme.

De par moy li di que nul mal Ne laist faire a sa preude fame, Car tout le mal et le diffame Qu'elle a fait, ç'a esté par li (Mir. femme roy Port., c.1342, 196)

...il [Pilate] vous mandes Que Jhesus que icy menions pris, Que l'on appelle Jhesucrist, Soit par vous jugier a mort, Quar es Juïfz a fait grant tort, Et aussy il vous destruit vostre royalme. Bien en avés ouyr le diffame. (Pass. Autun Biard F., 1470-1471, 93)

Propos diffamatoire.

Ayme Dieu de toute ton ame Et ton prochain sans nul diffame (Myst. st Clément Metz D., p.1439, 559)