DAMNABLE

adjectif

[T-L : damnable ; GD : damnable ; GDC : damnable ; AND : dampnable ; FEW (III, 9b) : damnare ; TLF (VI, 689a) : damnable]

A. -[Domaine religieux]

1.[D'une chose]

a)Qui entraîne la damnation.

Et laisse ceste vie active Qui est perilleuse et dampnable, Et pran la vie pardurable. (Desch., M.M., c.1385-1403, 273)

La couleur de pomme dampnable Moustra a Eve le diable (Desch., M.M., c.1385-1403, 229)

Mais, helas ! j'ay grant doubte que au jour d'uy pluseurs, en lieu de misericorde, ne preignent et reçoivent dedans eulz meismes cruaulté dampnable, hideuse et abhominable. N'est si perilleuse cruaulté ou fureur comme tuer soy meismes, et soy persequuter. (Gers., Purif., 1396-1397, 64)

En oultre que feist Male Voulenté pour oster paix ? Elle affubla ung autre mantel qui se nomme supersticion c'est a dire fole ou dampnable assercion comme des sorcieres (Gers., Noël, p.1404, 307)

Mais tenir la maniere que aucunes goliardes et mauvaises font est chemin dampnable (Chr. Piz., Trois vertus W.H., c.1405, 209)

...Je te prie amoureusement S'il se puet faire bonnement Que celle place soit remplie De toute l'humaine lignie, Que tu creas pour remparer Ce que voient [l. vorent] desemparer Lucifer et tous ses complices Qui sont plains de dampnables vices. (Marcadé, Myst. Pass. Arras R., a.1440, 9)

Vie perverse et desordonnee, Vie a tout mal habandonnee, Vie dampnable, vie dissolue, Vie de vices orde et polue, Par moy seras empoisonnee. (Cene dieux, c.1492, 137)

En particulier. [Du péché]

Mais quant la personne est venue en l'eage qu'elle entend que c'est de commandement et qu'elle peut estre submisse au commandement de la loy, affin qu'elle ne soit menee aux dampnables pechiés, il convient aigrement faire la bataille contre les vices. (Daudin, De la erudition H., c.1360-1380, 282)

Tres peu sont de si grant felicité qui durant le cours de adolescence ne facent pechiés dampnables en plussieurs manieres (Daudin, De la erudition H., c.1360-1380, 283)

...et de ceste matiere, et de leurs grans horribles et dampnables pechiez, j'en ay parlé en autres traictiez et pour ce je m'en passe. (Juv. Urs., Loquar, 1440, 372)

Qui ce commandement fera, Durant qu'il est en ce vil monde, Son corps il puriffïera De peché dampnable et immunde (La Vigne, S.M., 1496, 423)

Qui appartient à l'enfer, maudit.

La, Cerberus vipereux mes crins croque, Le navigueux Charon aussi m'estoque Dessoubz Lethés, lac dampnable, eternel (La Vigne, S.M., 1496, 135)

Peine damnable. Peine qui condamne à l'enfer, à la damnation perpétuelle.

Et dit oultre que, quoyqu'ilz aient apres ceste vie à souffrir paine non mie dampnable mais purgative, et l'un plus, l'autre moins, selon la qualité des pechiez, ilz sont asseur de non estre dampnez. (Chr. Piz., P.V.H., 1416-1418, 41)

b)Qui mérite condamnation, réprobation, mauvais, injuste.

...le propos appensé par eulx de la ville d'Anthoigny venir en icelle ville de Rungy, de jour, et fere leur effort d'acomplir leur dampnable propos, fait soubz umbre de fournicacion et ravissement (Reg. crim. Chât., II, 1389-1392, 245)

...et ceulx [des mouvements de courage] qui nous esmeuvent a trop ou a peu faire, contre les circonstances de raison, sont malvaiz et dampnables. (Evr. Conty, Eschez amour. mor. G.-T.R., c.1400, 567)

...et ne croioit pas la Court, ne ne croit que ledit conte eust volu faire ne perpetrer si mauvais et si dampnable cas (Baye, I, 1400-1410, 284)

Et, en oultre, il menace de feu et de sang tous ceulx qui ne lui aideront ou dissimuleront, qui est chose dampnable, inique et detestable. (Fauq., I, 1417-1420, 33)

Et de tant comme le bien est plus universel et commun, est il plus excellent, et par le contraire le mal plus damnable, comme par une mesme discipline se jugent deulx contraires. (Chart., L. Esp., c.1429-1430, 46)

Car l'offence est si damnable qu'elle forclot toute grace de bien faire, et tout eur de prouffiter en vertu. (Chart., L. Esp., c.1429-1430, 61)

Et a, entre autres choses, remonstré les causes principales que entend traictier et poursuir ledit concil, c'est assavoir: pour remedier et pourveoir à la notoire dampnable entreprise des Boemiens et de leurs adherens, et pour extirper leurs heresies qui pullullent en plusieurs regions de la crestienté (Fauq., III, 1431-1435, 46)

Au regart du premier point ou est a monstrer les tirannies cruelles, dampnables et detestables que seuffre le peuple, il se peut diviser en trois parties. (Juv. Urs., Loquar, 1440, 307)

Nous lysons d'ung evesque de Laon, et aussi d'ung aultre, qui commisrent ung tres ort et detestable cas, tres mauvais et dampnable contre le royr (Juv. Urs., Nescio, 1445, 486)

...la damoiselle (...) luy dist qu'elle advertiroit son mary du pourchaz deshoneste et damnable qu'il s'efforçoit d'[achever]. (C.n.n., c.1456-1467, 48)

JUPITER. J'ay tel honte de voir leur vie dampnable, Que je renonce a plaider plus leur cause. (Cene dieux, c.1492, 116)

...neantmoins, icelluy de Nemours, meu de mauvais et dampnable couraige, eust de tout son povoir induit et seduit aucuns princes et seigneurs de nostre royaulme d'eux eslever à l'encontre de nous [Loys] (Le Clerc, Interp. Roye, c.1502, 242)

En particulier. [D'un écrit] Critiquable, blâmable.

De autant qu'il y a a dire de l'advenement Jhesu Christ entre la predication des angeles et la confession des dyables, autant y a il de difference entre la curiosité des escriptures dampnables et reprouchables et l'auctorité des escriptures des prophetes. (Daudin, De la erudition H., c.1360-1380, 117)

Cedit jour, le procureur du Roy et l'Université de Paris requierent que l'espitre de l'Université de Tholouse envoiée dès l'an CCCC I au Roy, et contre laquelle a ceans esté proposé par l'Université et par les gens du Roy, sine expectatione seu procrastinatione judicetur, attendu qu'elle est dampnable de soy... (Baye, I, 1400-1410, 161)

2.[D'une personne] Qui mérite la damnation.

Qui fut celuy qui me vint requerir Pour la grace Jhesucrist acquerir Et pour casser mes enormes laidures, Les dyvers tours, les oppressions dures Que me faisoyent les dampnables Juïfz, Dont puys aprés, se d'eulx tous je jouys En Espaigne, en France et Alemaigne, Ne fut ce pas par le roy Charlemaigne ? (La Vigne, Ress. chrest. B., 1494, 121)

Ennemi damnable. Diable.

SAINCT MARTIN. Retourne t'en legierement, Ennemy dampnable et faulsaire, Raison pour quoy presentement En ce lieu cy tu n'as que faire. (La Vigne, S.M., 1496, 563)

B. -Qui cause du dommage, dommageable.

Or se puet donq cellui chetif clamer, Et son estat est dolent et dampnable, Qui grieve et nuit et se fait diffamer Et n'aime rien fors d'amour prouffitable. (Chart., B. Nobles, c.1424, 401)

Viens donc, rousee souveraine, Viens donc, tendre fleur et amïable, Secourir la perte dempnable Qui sans toy ne se puet reffaire. (Gréban, Pass. J., c.1450, 36)