DEVOT

adjectif

[T-L : devot ; GD : devot ; GDC : devot ; AND : devout ; FEW (III, 61b) : devotus ; TLF (VII, 131a) : dévot]

A. -Dévoué, respectueux, soumis.

Aÿ, Charles de France, con tu deviens rados Assëurés m'aviés tout par devant les vos, Mais point n'avés esté paisibles ne devos (Huon Bordeaux B., c.1400-1450, 34)

Quant Gualien l'entend, la chere a suslevee, Contremont a reguardé par devote pensee (Galien D.B., c.1400-1500, 76)

A ceulx, par son aumosnier que elle aura sceu devot, charitable preudomme et sans convoitise ains qu'en cel estat l'ait mis (...) par ycellui ou par un aultre ad ce commis envoyera a yceulx bonnes gens tout secretement (Chr. Piz., Trois vertus W.H., c.1405, 37-38)

Maintenant ostee ta folle presumption et vaine complainte, je retourne a ta demande : ferme en ta memoire par devote consideration que cil qui tout fist sans besoing de aide et sans requeste d'autruy conseil, maiz pour espandre la largesse de sa bonté, a la cure et gouvernement universel dez royaulmes et dez personnes, et que sa providence adresse toutes choses aux fins pour quoy il les crea, se leur desordonnance ne les en destourne. (Chart., L. Esp., c.1429-1430, 34)

Je me contente de ceste submition devote. Maiz pour quoy Dieu seuffre sa sainte Eglise et sez sacrez ministres ainsi desoler, violler et mespriser, vouldroye je bien encor, s'il ne te desplaisoit, enquerir. (Chart., L. Esp., c.1429-1430, 54)

Et se son exemple et son enseignement ne te suffisent, vise comme l'Escripture te conforte sur la longue demeure des soulaigemens et secours de Dieu, en comparant la tollerance divine a ung long dormir. En ceste similitude l'ame devote troublee par le monde appelle son espoux, lui disant : 'Sire, pour quoy dors tu ? Esveille toy, et n'oublie pas nostre povre et foible impotence besongneuse de ton secours.' (Chart., L. Esp., c.1429-1430, 97)

...l'abbesse (...) nagueres se acoucha malade. Ses bonnes soeurs, devotes et charitables, tantost la vindrent visiter (C.n.n., c.1456-1467, 139)

SATURNE. Juno, ma fille et ma mignotte, Vien souldain, il te fault complaire A ton pere, comme devotte, Et le vouloir des dieux parfaire. (Cene dieux, c.1492, 130)

De coeur devot

De cuer devost, a humble chiere, Encommensai ceste priere, En eaus merciant doucement De leurs biens tout premierement... (Mach., R. Fort., c.1341, 117)

Se vous suppli de cuer devost, Chiere dame, puis qu'elle vost Et vuet encor que sans partie Aiés mon cuer, mon corps, ma vie, Que vous ne la vueilliez desdire De ce qu'elle m'a volu dire. (Mach., R. Fort., c.1341, 134)

Estre devot à + inf. Être empressé à.

A faire la folie ne fustes pas devotz (Hern. Beaul. D.B., c.1350-1400, 26)

B. -Pieux.

1.[D'une pers., de son âme, de son coeur] Dévoué, soumis à Dieu, pieux.

...les meilleurs nouvelles c'on puist dire a personne devote, si sont quant on li dit que Dieu veult habiter avecques li (Mir. nat. N.S.J.C., c.1343, 206)

...et sont les paroles de la devote ame parlant a son espoux (Mir. ev. N.D., c.1348, 59)

Et le saint patriarche qui moult devos estoit Ala dire le messe (Renaut Mont. B.N. V., c.1350-1400, 677)

LE BOURGOIS. (...) Et la nostre dame prïez Humblement et de devot cuer (Mir. enf. ress., 1353, 2)

Tant par est devot et benignes Que de t'aidier est trop plus dignes Que moy (Mir. parr., 1356, 35)

Et se porta le conte moult honnourablement avecques sa femme et moult en paix, car elle estoit belle dame, bonne et saige, devote et preude femme (Froiss., Chron. M., XIV, c.1375-1400, 152)

Et sachiez qu'ilz furent layens cent moines par my l'abbé. Mais se lors orent joye de la venue Fromont, depuis en orent grief doulour, ainsi comme vous orrez cy avant. Mais sachiez que ce ne fut mie par le fait de Fromont, car il fu moult devot et de moult saincte vie, mais fu par une moult merveilleuse adventure que je vous diray ci avant en une histoire. (Arras, c.1392-1393, 248)

...la roine (...) est serour dou roi de France et une vaillans dame, sage, humle et devote (Froiss., Chron. D., p.1400, 54)

...une personne devote, qui a acoustumé de orer et prier Dieu de grant desir ou devocion (Juv. Urs., Aud. celi, 1435, 147)

L'en dit que vous estes devot et dictes voz heures (Juv. Urs., Loquar, 1440, 375)

Quant lame deuoste se sera excercitee a mediter les creatures et choses diuines elle en ara ycy double fruict. (Cib., p.1451, 180)

Car onques dame d'onneur ne peust amer homme envieux, se ne fust sur les bonnes vertus : pour en estre le meilleur, comme a l'eglise le plus devot, a table le plus honneste mangant (La Sale, J.S., 1456, 20)

La bonne fille, comme sa mere simple et devote... (C.n.n., c.1456-1467, 99)

Or cognois je bien qu'ilz [les cordeliers] sont beaucop plus devotz qu'ilz ne semblent. [P. iron., p. antiphr.] (C.n.n., c.1456-1467, 219)

...le très devost roy Loys, vostre feu pere (Simon De Phares, Astrol., c.1494-1498, f° 3 r°)

Cestui Pitagoras fut moult bon et devost et adreça plusieurs à la congnoissance d'un vray Dieu (Simon De Phares, Astrol., c.1494-1498, f° 45 v°)

Remarque : JEAN GOLEIN, Rational B.D., c.1370-1372, gloss.

[D'une collectivité]

Maintenez vous doncques maintenant, o devot pueple crestien, a grant reverence, a grant paix, a grant silence, a saincte, humble, pure devocion, autant ou plus comme vous feriez en la presence du benoit corps Jhesu Crist (Gers., Trin., 1402, 151)

...vous requier (...) que me facez avoir mon pain en quelque monastere devot (C.n.n., c.1456-1467, 94)

Devot en. Qui éprouve une croyance profonde pour.

Peuple devost en Jhesucrist, Ayant en ses faitz cueur entier (La Vigne, S.M., 1496, 420)

Emploi substantival. Les Devotes. [Nom qui désigne les Filles Dieu de Paris].

Item, aux Freres mendïans, Aux Devotes et aux Beguines, Tant de Paris que d'Orleans, Tant Turlupins que Turlupines, De graces souppes jacoppines Et flans leur faiz oblacïon, Et puis aprés, soubz ces courtines, Parler de contemplacïon. (Villon, Test. R.H., 1461-1462, 97)

[Sens péj.] Bigot.

Aucuns pour echever le parler des gens, et afin que on ne les juge devos, se abandonnent a paroles et vie mondaine, et a boire et a mengier, et souvant trebuchent en pis. (Gers., Pent., p.1389, 82)

2.[D'une chose]

Qui est inspiré par la dévotion, qui manifeste la dévotion, pieux.

Le penancier que je queroie, M'est avis que je le voy la, Selon l'estat devot qu'il a. (Mir. parr., 1356, 31)

Et lors commensa sa priere Humble et devote en tel maniere... (Mach., C. ami, 1357, 52)

...ce devost pelerinage Qu'on apele le saint voiage (Mach., P. Alex., p.1369, 12)

Dont ce fu pitez et damages, Car li sains et devos passages En fu tous au recommencier (Mach., P. Alex., p.1369, 23)

...la predication (...) fu moult humle et moult devote (Froiss., Chron. L., VI, c.1375-1400, 83)

...che saint cardinal fut ung homme en son temps de très noble et bonne vie et devote, et fist touttes euvres plaisans à Dieu. (Froiss., Chron. M., XIV, c.1375-1400, 183)

Un seigneur de devoste guise Voy la. Il fault que m'y conseille. (Vie st Fiacre B.C.P., c.1380-1400, 21)

Et [Mélusine] fu regretee de tout le peuple, grant et petit, noble et non noble, en faisant plours et lamentacions. Et le clergié en disoient oroisons et messes moult devotement. Et Remond en fist faire mainte noble priere et devote. (Arras, c.1392-1393, 261)

Pleure pour moy, mon tres chier enfant, en devote oroison, et je te afferme que l'eaue de tes larmes, se elle est pure et nette sans laydure de pechié mortel, estaindra tout ou en grant partie l'ardent feu qui me travaille et brule. (Gers., Déf., 1400, 227)

A tout le colliege femenin et a leur devote religion soit notifié le sermon et la lecçon de Sapience. (Chr. Piz., Trois vertus W.H., c.1405, 9)

...et après fu dite par les chanoines, chappellains et choriaulz d'icelle eglise la grant messe de saint Barnabé (...) dite et celebrée à la devote priere desdis habitans (Fauq., II, 1421-1430, 279)

...ung prelat chante la messe, et ung autre face une briefve collacion, en hortant le peuple a faire devote oroison (Juv. Urs., Aud. celi, 1435, 275)

Or quant tu te conuertis a actuelle consideracion de dieu et des choses diuines par saincte meditacion en deuote contemplacion tu formes en toy en ton entendement vne concepcion verbal en ta pensee (Cib., p.1451, 203)

...je vous recommende nostre eglise, et en voz plus devotes prieres ma pouvre ame... (C.n.n., c.1456-1467, 141)

...ilz ont volunté, Dieu devant, dedans bref temps de faire une belle procession et devote a la loange de Nostre Seigneur Jhesucrist (C.n.n., c.1456-1467, 222)

... [le curé] luy bailla l'absolucion, après ceste devote confession (C.n.n., c.1456-1467, 298)

...la nouvelle mariée (...) se va mettre en son siege pour oyr la devote messe que le bon curé vouldra dire. (C.n.n., c.1456-1467, 301)

...fist faire le service moult hounorable et prières dévotes par toutes les églises de son obéissance (Raoulet, Chron. Ch. VII, V., c.1461-1467, 173)

Ilz ont veu sa devote vie [de Jésus] (Pass. Auv., 1477, 122)

Se Dieu qui est a toute heure propice Les mouvemens celestes ne destourne, Prenant en gré leur devot sacrifice Dedens brief temps a la mort les adjourne. (Cene dieux, c.1492, 140)

En ung devost pellerinage (La Vigne, S.M., 1496, 374)

[D'un lieu] Consacré à la dévotion, propice à la dévotion.

Item je vuil, ordene et comant que [a ?] mon obit par la mayn de mes executours cy desouz nommez vint et cinc livres soient donees et distribuees en plusours leux devoz et pydoux, selonc ce que bons lour sambleray, por chanter mil messes pour le [le re]mede de moy, de mon seignour et de noz ancessours deanz l'annee de mon obit. (Test. Besanç. R., t.1, 1335, 342-343)

LE MARI. (...) En un lieu moult devot c'on dit Nostre Dame de Sainte Terre (Mir. enf. ress., 1353, 77)

...il ne veulent fors c'on leur livre Un lieu devot ou puissent vivre Leur temps religieusement (Mir. ste Bauth., c.1376, 156)

Remond, ou avez vous intencion d'aler ? Par ma foy, Pere Saint, j'ay ouy dire et retraire qu'il a une moult bonne et devote place et lieu a Montferrat en Arragon. (Arras, c.1392-1393, 271)

...une petite chapelle mout devote. (Ponthus Sidoine C., c.1400, 136)

...il va tres voulentiers en pellerinage es lieux devosts, tout a pié, en grant devocion (Bouciquaut L., 1409, 399)

...ou fut jadis le riche palais du cruel empereur Neron, est a present la devote eglise du tres debonnaire et humble pescheur saint Pierre. (Chart., L. Esp., c.1429-1430, 32)

Et commença soy informer se au pays avoit aulcun lieu devot ou elle peust bien servir Dieu. (Belle Maguel. C., 1453, 41)