DESTOURBIER

substantif masculin

[T-L : destorbier ; GD : destorbier ; FEW (III, 102a) : disturbare]

A. -Trouble, perturbation, empêchement, embarras, obstacle.

...leur ferai tout l'anui et tout le destourbier que je porrai, et tout en despit d'Amours qui tant de maulz m'a fait. (Mach., Voir, 1364, 674)

...nous avons tousjours amiablement escript l'un à l'autre comme cousins et amis, ne nulle guerre ne destourbier, par mer et ne par terre, ne luy avons faicte (Froiss., Chron. M., XIV, c.1375-1400, 115)

...sanz y mettre ou souffrir estre mis ores ne ou temps avenir aucun destourbier ou empeschement (Ch. VI, D., t.1, 1382, 27)

Lequel son cousin, par tant qu'il ot sesdiz biens ainsi par lui mal prins, le lessa aler où il voult, sanz lui fere autre dommage ou destourbier. (Reg. crim. Chât., I, 1389-1392, 5)

Et requist que, pour Dieu et en aumosne, l'en ne lui volsist faire ou donner pour ce aucun destourbier, tourment ou empeschement de son corps. (Reg. crim. Chât., I, 1389-1392, 446)

...sans leur faire ne souffrir estre fait en ce aucun destourbier ou empeschement (Trés. Reth. S.L., t.2, 1394, 387)

Qui bien donc soubtillement considere les choses dessus dictes, il semble, quant aucun aucune euvre commence en mauvaise heure et en mauvaise constellacion, que ce n'est pas merveille s'il lui seurvient aucun mauvaiz encontre et aucun destourbier qui son fait empesche (Evr. Conty, Harm. sphères H.P.-H., c.1400, 34-35)

...li contes de Flandres avoit mis et establi garnison de gens d'armes en l'ille de Gagant, liquel fissent pluisseurs destourbiers et grans anois a ceuls qui voloient par mer venir prendre port a l'Escluse (Froiss., Chron. D., p.1400, 273)

...il (...) se missent au retour (...) et n'eurent encontre ne destourbier nul, et rentrerent en Hainbon. (Froiss., Chron. D., p.1400, 553)

Et certes, c'est une mauvaise et laide coustume d'ainsi s'entre envoier la paix a la messe comme on fait et un grant destourbier et empeschement de devocion : car tel l'envoye a un autre qui auroit grant despit s'il la prenoit. (Chr. Piz., Trois vertus W.H., c.1405, 162)

Jeudi, XXVIJe jour de ce mois [d'avril], vindrent certaines nouvelles par lettres et messages de la venue du Roy à Calais, qui avoit prochainement à grant compaignie de gens d'armes passé la mer, sans empeschement de maladie ou autre destourbier sur mer. (Fauq., II, 1421-1430, 338)

Recorde toy de Virgile, qui en sa tres delicieuse poesterie raconte les destourbiers et desesperez meschiefz ou ledit Ennee fut par sept ans degetté en sa fuicte ennuyeuse : la lecture de divine eloquence dudit Virgile te vauldra experiment. (Chart., L. Esp., c.1429-1430, 14)

...pour le plus empescher et bailler destourbier, elle respandit sur buffet, sur papier et sur sa robe, son cornet a l'encre. (C.n.n., c.1456-1467, 151)

... [Fortune] nous menace, advise, et forge et prepare encores plus grand destourbiers si ne pourveons a l'encontre (C.n.n., c.1456-1467, 166)

...ces bons religieux ne pevent venir en voz hostelz querir leur disme, ce leur seroit trop grand peine et trop grand destourbier (C.n.n., c.1456-1467, 224)

...mais ce jour ceulx du pays avoyent rompu ung pont par ou il falloit passer l'artillerie, qui fut ung grant destourbier et empeschement pour l'armee. (La Vigne, V.N., p.1495, 292)

Remarque : WAUQUELIN, Belle Hélène Const. C., c.1448-1452, gloss. ; Guill. Orange T.H.G., p.1450, gloss. ; Percef. I, R., c.1450 [c.1340], gloss. ; Jourd. Blaye alex. M., a.1455, gloss. ; Chasse am. W., a.1509, gloss. ...

Par destourbier. Dans le trouble.

...Dont ta mére par destourbier, Pour le veu que par moy brisa, Au dyable le fruit donna (Mir. enf. diable, c.1339, 26)

Sans destourbier. Sans empêchement.

Item, je laisse a mon barbier Les rongneures de mes cheveux Plainement et sans destourbier (Villon, Lais R.H., c.1456-1457, 26)

...premièrement, [il convient que] justice soit gardée entre nous et loyaulté tenue tant à amys que à ennemys, en tant que touche les saulfconduitz et sceuretés, qui seront baillez de par nous ou à nostre asseurance, adfin que les marchans et gens de labeur puissent aller et venir entour nous sans destourbier. (Bueil, I, 1461-1466, 95)

Ça, messeigneurs, la mercy Dieu, Vous estes a port arrivez Sans du vostre avoir riens perdu, Ne sans nul autre destourbier. Dont devez Dieu remercyer Que n'avez [eu de] nulle tourmente, Qu'i nous ait donne encombrier, Mais avez eu la mer plaisante. (Myst. siège Orléans H., c.1480-1500, 109)

B. -Par métonymie. Dommage, désordre, dégât ainsi causé.

...et y avoit pluseurs Escots qui trés souvent faisoient grands destourbiers à l'ost des Angloys (Le Bel, Chron. V.D., t.2, 1358, 218)

...deffendra que on ne prengne riens sur le peuple malgré eux ; et que ce ne soit a juste pris et tantost payé, et non mie faire aler les pouvres gens des villages et d'ailleurs a leur grant coust, destourbier et fraiz, cent foiz ou plus a tout une cedule en sa chambre aux deniers ou a ses receveurs ains qu'ilz puissent estre paiéz. (Chr. Piz., Trois vertus W.H., c.1405, 75)

...se je trouvoye personne vivant qui voulsist mal au noble roy Perceforest ou feist aucun grief ou destourbier aux chevaliers de son hostel... (Percef. III, R., t.1, c.1450 [c.1340], 138)

Nous ne vous ferons villanye Ne en voz pays destourbier, Et de ce n'en veuillez doubter A voz subgectz n'a vostre terre, De par nous serons conservez De toute fortune de guerre. (Myst. siège Orléans H., c.1480-1500, 103)

Or est il que cinq mois entiers Vous estes devant ceste ville Pour y faire des destourbiers Chacun jour a cent et a mille. (Myst. siège Orléans H., c.1480-1500, 272)