DESOLER

verbe

[T-L : desolé ; GD : desolé ; GDC : desoler ; FEW (III, 54a) : desolare ; TLF (VII, 5a) : désoler]

I. -[Idée de solitude, de dépeuplement, et conséquemment de ravage, de destruction]

A. -Desoler qqn

1.Laisser qqn seul, l'abandonner (et conséquemment le ruiner, le détruire).

Voelt donc Karles li roys mes enffans dizoler ? (Renaut Mont. B.N. V., c.1350-1400, 804)

(Estre) desolé. Laissé seul, abandonné, perdu.

Monseigneur, se ne feust la grace de Nostre Seigneur et la puissance de monseigneur vostre frere et de vous, ceste povre orpheline estoit desolee et perdue, lui et son pays, et cheue en grant adversité entre les mains des Sarrasins. (Arras, c.1392-1393, 192)

Sire, je ne suy point digne de ta consolacion ne d'espirituele visitacion, et, pour ce, tu fais avec moy justement quant tu me delaisses diseteux et desolé. (Internele consol. P., 1447, 229)

Et puis alloit et venoit d'ung costé et d'aultre per le boys comme femme desolee, et escoutoyt se elle pourroyt riens ouyr prés ne loing. (Belle Maguel. C., 1453, 37)

Helas, doulce Vierge Marie et Mere, (...) qui estes conseillere des desolez, plaise vous consoler ceste pouvre pucelle. Je retourne a vous de bon cueur et de bonne voulenté, que je ne voise ainsi perdue et desolee per le monde. (Belle Maguel. C., 1453, 39)

(Estre) desolé de qqn. Qui a perdu qqn (en partic. par la mort).

...vostre très chère et très honnorée dame et nièpce (...) estoit venue en son pays désolée de son seigneur qu'elle a perdu (Monstrelet, Chron. D.-A., t.1, c.1425-1440, 62)

Participe passé en emploi substantival. Celui qui est laissé seul, qui est abandonné.

'O tres doulx et tres begnin Saint Esperit, protecteur certain et conforteur des desolez, pere des povres, tuteur des orphelins (...) maintenent devant les yeulx de vostre misericorde, devant le throne de vostre haulte majesté, je fais ma complainte et ma querelle...' (Gers., Pent., p.1389, 74)

...car, aprés ce que la cité de Jherusalem ot esté par traïson destruite, prinse, pillee et arse a grant et lamentable occision, et le peuple en servitute et dispertion, Mathathias et ses enfans, qui se estoient retraiz es montaignes, recueillirent les fuitiz et les desolez (Chart., Q. inv., 1422, 48)

2.Ruiner, ravager, malmener, maltraiter qqn.

...maudit chevalier, tu me as bien destruit par ta mauvaise traÿson (...) ...tu as autruy desolé par ta mauvaise subtillesse (Percef. III, R., t.2, c.1450 [c.1340], 174)

Bien doibs mauldire ta cautelle, Ta faulce et mauldicte sequelle Qui tant a me desoler tence ! (La Vigne, S.M., 1496, 488)

Desolé. Qui a subi un revers (militaire).

Ledit duc fuyt jusques en Bourgongne, bien desollé, comme raison estoit, et se tint en ung lieu appellé la Rivière, où il rassembloit des gens ce qu'il povoit. (Comm., II, 1489-1491, 122)

Desolé de. Ravagé pour ce qui est de.

Las, je suis pouvre desoulee De corps, de biens et de mon arme. (Pass. Auv., 1477, 130)

B. -Desoler une collectivité, un lieu habité... Dépeupler ; d'où ravager, détruire.

Mais ceulz qui prennent bien grans choses de la ou il n'appartient pas et choses qu'il ne doivent pas prendre ; comme sont les tyrans qui par violence desolent et gastent les cités et qui ravissent et pillent les choses saintes ordenees pour le divin honeur, nous ne dison pas que il soient illiberals (Oresme, E.A., c.1370, 240)

Item, que excedente quantité de monarchie ne soit pas convenable encor appert par ce que combien que pluseurs royalmes aient longuement duré ce ne a pas esté en grandeur excedente, mes assés tost, comme il estoient devenus si tres grans, il estoient destruiz et desolés ou commençoient a decliner. (Oresme, Pol. Arist. M., c.1372-1374, 292)

Leur office [celui des nobles] aussy est de soustenir le peuple et de le garder d'oppressions, et toutevoie ilz le pillent, desolent et destruisent, et ne demeure laboureur ou ilz frequentent (Juv. Urs., Aud. celi, 1435, 246)

Et depuis que ledit conte de Charrolois eust esté une pièce duc de Bourgogne et que la fortune l'eust mys plus hault que ne fut jamais homme de sa maison et si grand qu'il ne craignoit nul prince pareil de luy, Dieu le souffrit cheoir en ceste gloire et tant luy diminua du sens, qu'il mesprisoit tout autre conseil du monde sauf le sien seul. Et aussi tost après fina sa vie doloreusement, avecques grant nombre de gens et de ses subjectz, et desola sa maison comme vous voyez. (Comm., I, 1489-1491, 79)

[D'une collectivité, d'un lieu habité...] (Estre) desolé. (Être) déserté, ravagé.

Ensi estoit li pays foulés et desolés de tous lés, ne on ne savoit auquel entendre. (Froiss., Chron. L., V, c.1375-1400, 137)

...la Campine, I paiis dissoleit (JEAN D'OUTREM., Geste Liège B.B., t.2, a.1400, 618)

...et tandem le demourant desdictes eglises et personnes ecclesiastiques demouroient desolées, sans faire le divin service et les prieres à Dieu (Fauq., II, 1421-1430, 144)

...les povres gens ont esté tuez, prins, enmenés, pillez, robez et tirannisez et ont perdu tout leur bestail, et est le paiz tout destruit et desolé (Juv. Urs., Loquar, 1440, 302)

Car ou France souloit estre plaine de justice elle est plaine de tirannie, et par ce l'avez en effect mise desolee et consummee (Juv. Urs., Loquar, 1440, 364)

...je suis de nouvel venue en ceste terre, laquelle je tenoie estre en grant prosperité, mais je l'ay trouvee tant desolee que jusques a present je n'y ay trouvé homme ne femme du tamps de la destruction ne maison en estant. (Percef. IV, R., c.1450 [c.1340], 673)

...ladicte ville de Begny est pieça totallement destruite, desolée et inhabitée pour causes des guerres (Comté Porcien R., 1459, 298)

Et maintenoient plusieurs depuis que ce fut grace de Dieu, et que, s'ilz s'en feussent alez et departis, ladicte ville estoit perdue et destruicte et que lesdiz de devant Paris y feussent entrez par ladicte Bastide, et par ce demourée ladicte ville destruicte et du tout desolée. (Roye, Chron. scand., I, 1460-1483, 116)

...voz domiciles et voz maisons seroient inhabitées et, de quelque estat que vous soyez, vous seriez en neccessité et le lieu de vostre nourriture seroit desolé et perdu et tous voz amiz en neccessité comme vous. (Bueil, II, 1461-1466, 166)

En somme, ne sembloit pour lors aux subjectz de ceste maison que nul prince fust suffisant pour eulx, au moins qui les sceust confondre. Et en ce monde n'en congnois aujourduy une si desolée, et doubte que les pechéz du temps de la prosperité leur face porter ceste adversité. (Comm., I, 1489-1491, 14)

De tous costéz ay veü ceste maison honnorée, et puis tout à ung coup cheoir ce dessus dessoubz et la plus desollée et deffaicte, tant en prince que en subjectz, que nul voysin qu' ilz eussent. (Comm., II, 1489-1491, 158)

C. -Desoler qqc.

1.Abandonner qqc. (p. ex. à la mer).

A celle heure que la povre Ysiphile fu jettee contre la nef, Herculés et Jason monterent en hault pour prendre l'aer et veyrent ce desolé corps (LEFÈVRE (R.), Hist. Jason P., c.1460, 217)

[Une chose plus abstr.] Délaisser qqc..

Et [la dame] li dissoit (...) Que nul des fais d'amours n'alast point desolant,Mais eüst cuer loial fermement en amant (Brun de la Mont. M., c.1350-1400, 108)

Desolé de. Délaissé de.

...dont est avenu que pour ce la terre est deserte, destituee de peuple, desollee de science et de pluseurs autres vertuz, et par consequent y regnent pechiez et vices. (Quinze joies mar. R., c.1390-1410, 2)

2.Dévaster, ruiner, anéantir (une construction, une terre...).

Et ce fait, ladicte fortresse fut désolée, mis en feu et ruée jus de fons en comble. (Monstrelet, Chron. D.-A., t.4, c.1425-1440, 85)

[D'un animal] Ravager, détruire.

...Jehan Poilbelant, (...) homme de male cole, à un certain jour après ce que il fu venu de son labour, meu de ce que les bestes avoient cellui jour desolé et gasté son laborage, se courroça à sa femme, en lui surmettant que par sa mauvaise garde leurs bestes propres avoient gasté leur labourage (Doc. Poitou G., t.5, 1377, 33)

...le lyon avoit ja desollé Parc et avoir (Du Prier, Songe past. D.-M., c.1477-1508, 101)

[D'une chose] Se desoler. Se détériorer, se dégrader.

...les viez chievrons et l'autre ouvraige de bois estoient alé à ruyne, tellement que la couverture s'etoit desolee et par piece effonsé et du tout cheu à terre (Comptes Etat bourg. M.F., t.3, 1418-1420, 586)

(Estre) desolé. (Être) détérioré, ravagé.

Et voians la navire ainsi desolee, dirent qu'elle avoit porté tourmente (Percef. III, R., t.2, c.1450 [c.1340], 153)

[Des membres du corps humain] (Être) épuisé, (être) accablé par la fatigue.

La raison est car nature, qui est sage, envoie les esperilz et les humeurs as membres qui sont desoléz et desconfortéz. (Oresme, E.A.C., c.1370, 273)

[En méd.] Détruit, profondément atteint.

...trop grande sollicitude seche les corps humains en donnant desolacion aux esperiz de vie, et les esperitz ainsy desolés et marris sechent les os. (Rég. santé corps C., 1480, 1)

II. -Par métonymie. Éprouver un sentiment d'affliction devant une telle situation ; p. ext. s'affliger.

A. -Emploi intransitif ou pronominal. (Se) desoler. S'affliger.

Alons m'amie consoler Que la voy forment desoler. (Mir. marq. Gaudine, 1350, 151)

Est il temps de se desoller Et cheoir en tribulacion, Ne fust il pas present saison De mener tout esbatement Actendu que le temps est bon ? (Sots gard., a.1488, 99)

B. -(Estre) desolé (de qqc.). (Être) affligé (de qqc.).

...conment elle est pour son espoux afflicte et desolée (Mir. ev. arced., c.1341, 103)

...on dit qu'a marïage [le marquis] Prent une tresbelle pucelle Qui est moult noble damoiselle Et sera ci dedans brief temps, Et la bonne dame vaillans Sera de tous poins deposee ; Si ques, s'elle en est desolee, Ce ne sera pas de merveille. (Gris., 1395, 79)

La pouvre fille, en cest estat, marrie, Dieu le scet, et desolée, part de sa cruelle et fumeuse mere (C.n.n., c.1456-1467, 69)

Madame, veez cy vostre desolé couvent si tresdesplaisant que jamais maison ne fut si desolée ne troublée qu'el est (C.n.n., c.1456-1467, 144)

...chacun s'efforça de faire aultre chere de semblant et de bouche que le desolé cueur ne faisoit. (C.n.n., c.1456-1467, 168)

Trop fu troublé Jason quant il vey sa dame ainsy trebuchier morte. Il la cuida relever, mais l'ame lui party du cors. Adont les larmes desriverent de ses yeux en grant habondance, et fu tant anoyé, tant desolé, tant triste qu'il n'est possible de le descripre. (LEFÈVRE (R.), Hist. Jason P., c.1460, 238)

...j'ay la teste Toute rompue et esservellée De crier et mener tempeste Pour avoir robe ! mais je suis desolée ['malheureuse à cause de'] De mon mary (Sav. Calb. T., c.1475-1500, 151)

J'avoye esté bien asseuree Et advisee Que mal fariés de le jucger. Pour ce fus triste et desolee, Quant reportee Me fut la crie pour aler Le bon Jhesus accompaignher Cruxiffier. (Pass. Auv., 1477, 277)

Troublee suis et hors d'entendement, Desollee (suis) et toute fantasticque. (Sots mal., c.1480, 86)

Participe passé en emploi substantival. Celui (ou celle) qui est affligé(e) de qqc..

Mere Dieu, de grace plaine, Des desolez conforterresse... (Mir. enf. ress., 1353, 72)

...puis est ses mestiers D'accorder les familïers Du marquis s'ilz se sont mellez, Puis conseille les desolez, Et les desconfortez conforte (Gris., 1395, 48)

Vierge digne, pure et sacree, confort des desolez et esperance des bien creans, tens moy la main de ta saincte misericorde, si me tire hors du palu de pechié et d'iniquité. (Chr. Piz., Trois vertus W.H., c.1405, 22)

Tu es une garce avollee Qui contrefaitz la desolee Pour mieulx a tes fins parvenir. (Myst. jeune fille L., c.1413-1445 [c.1530], 33)

...c'est soulas a ung desolé d'avoir compaignie en sa maleureté (Percef. III, R., t.2, c.1450 [c.1340], 216)

Helas, doulce Vierge Marie et Mere, (...) qui estes conseillere des desolez, plaise vous consoler ceste pouvre pucelle. (Belle Maguel. C., 1453, 39)

Le pouvre désolé cognoissant son cas (...) ne savoit que dire. (C.n.n., c.1456-1467, 29)