DESHONNESTEMENT

adverbe

[T-L : desonestedesonestement ; GDC : deshonestement ; AND : deshonestement ; FEW (IV, 462a) : honestus]

A. -D'une manière inconvenante (au regard de la pudeur, de la morale, du code d'amour...).

...onneur et honnesté toudis En tous tes fais, en tous tes dis Aies et en cuer et en bouche, Car c'est villenie et reproche Et deshonneur certeinnement De parler deshonnestement. (Mach., C. ami, 1357, 102)

Bien avez oÿ comment li mauvais roy renoiez exploita et comment il fu de mauvaise condicion, car il fist tant que tuit si home habitoient deshonnestement contre nature li uns a l'autre, par tout son païs. (Bérinus, I, c.1350-1370, 119)

Et ne prent pas la minor proposicion ou la singuliere souz la premiere universele, laquelle selon raison deffent gouster deshonnestement ; et devroit dire ou penser: gouster a present ceste chose est deshoneste. Mais il ne advertist pas a ce pour concupiscence qui l'empesche. (Oresme, E.A.C., c.1370, 374)

Car le Deable mesmes qui pourchasse icellui pechié en a honte quant on le fait. Et aussi quant une personne se corrompt par lui tout seul en veillant, et scet bien que c'est contre nature ; ou deshonnestement en faisant atouchemens mauvaiz par quoy personne soit esmeue, et en aucunes autres manieres qui ne sont honnestes a dire fors en confession. (Ménagier Paris B.F., c.1392-1394, 39)

Ouvrez les yeux de cognoiscence, entre vous, miserables femmes donnees a pechié tant deshonnestement (Chr. Piz., Trois vertus W.H., c.1405, 211)

...mon bon amy, vous m'avez parfectement et de bonne amour amée, non pas deshonnestement, comme j'avoie presumée de vous amer. (C.n.n., c.1456-1467, 578)

D'une manière contraire à la morale naturelle.

Cestui Machareus filz du roy Eolus ama deshonnestement sa suer Canaces. (Premierfait, Cas nobles hommes G., 1409, 220)

B. -D'une manière non conforme à la probité, malhonnêtement.

...on peult bien honnestement et deshonnestement marchander, maiz est fort que le pechié ne soyt en marchandant. (Juv. Urs., T. rever., 1433, 79)

...la generacion des marchans est encline a gaigner et a ouvrer deshonestement. (Juv. Urs., Aud. celi, 1435, 248)

...il en y a aucuns qui se peuent gouverner si deshonnestement qu'i ne sont mye dignes d'estre pasteurs, voire mercennaires, car seulement ilz ne ont regard que a avoir proffit, et contempnent toutes choses qui sont du commandement. (Juv. Urs., Verba, 1452, 397)

D'une manière qui porte atteinte à l'honneur (de qqn).

...et toy et les tiens villainnement et deshonnestement avoir esté desconfis (Juv. Urs., Aud. celi, 1435, 197)

Et comment ont ilz polu deshonnestement vostre nom, car de vous ne tiennent compte, et ne vous font obeissance ne reverence ! (Juv. Urs., Loquar, 1440, 369)

Et c'est ce que Lucain parle si deshonnestement contre celle lignee... (La Sale, Sale D., 1451, 133)

Gardez vous bien que dame ou damoiselle ne soit blasmee pour vous, ne quelque autre femme, quelle qu'elle soit ; et se vous trouvez en compaignie que l'en en parle deshonnestement, montrez par vostre gracieux parler qu'il vous en desplait, et vous en partez. (La Sale, J.S., 1456, 46)

C. -D'une manière indigne, vile.

L'enfant, qui tout coi se gesoit, A terre deshonnestement Geterent et tres lourdement, Et son bers (...) Prirent et enfardelerent (Guill. Digull., Pèler. J.-C. S., 1358, 151)

...maistre Sansieu Leleu et le messager de Pierre de La Lune qui avoit apporté au Roy la lectre dessusdicte, tous deux Arragonnois, mitrez et vestus de habillemens où estoient figurées les armes de icellui Pierre de La Lune renversées, furent amenez moult honteusement et deshonnestement sur ung tumbereau, du Louvre en la court du palais. (Monstrelet, Chron. D.-A., t.1, c.1425-1440, 264)

Par lesquelles corrupcions soubz umbre de compassion et aussy trop de crudelitez, se sont trouvees maintes seignouries venir a mains et mainteffoiz deshonnestement finir. (La Sale, Salade, c.1442-1444, 9)

Qu'esse que de vïe mondayne, Quant on meurt deshonnestement ? (La Vigne, S.M., 1496, 320)

Ou aultrement j'ordonneray Ta mort et te condampneray A mourir si villainement Que tu seras deshonoré Et après ta mort devoré De bestes deshonnestement. (Myst. st Laur. S.W., 1499, 238)