DECLARATION

substantif féminin

[T-L : declaracïon ; GDC : declaration ; AND : declaracion ; FEW (III, 26a) : declaratio ; TLF (VI, 837a) : déclaration]

I. -[Correspond à déclarer qqc.]

A. -Éclaircicement, explication, explicitation.

Ne sont pas mos de cabarès, Car chascuns mos porte sa glose Grant et fiere, qui bien la glose. Si que la declaration Saras, sans nulle fiction. (Mach., C. ami, 1357, 32)

...pour plus grant declaracion nous devons savoir que aucunefoiz telle froideur est par dehors (Saint-gille, Comment. A.Y. L., 1362-1365, 365)

Aucunes fois aussi j'ay usé des tesmoignages des escriptures au proffit de l'explanacion et la declaracion de la sentence (Foul., Policrat. B., I, 1372, 97)

...cest livre est apres Politiques aussi comme pour suppleement et pour declaration et perfection de ce que fu traicté ou premier livre de Politiques (Oresme, Ycon. Arist. M., 1374, 808)

Pour la declaracion desquelles choses il est expedient de cy ramentevoir aucunement la composicion du monde. (Evr. Conty, Harm. sphères H.P.-H., c.1400, 3)

Et pour plus grande desclaracion de ce present chappitre devez savoir que en toutes regions de tous climas qui sont tous d'une longitude, c'est a dire qui ont ung mesmes meridien et qui aussi pres d'orient et d'occident sont l'un comme l'autre, nonobstant qu'elles ayent diverses latitudes, aussi tost est-il midi en l'une comme en l'autre, tousjours telle heure qu'il est en l'une est-il en l'autre (Fusoris, Astrolabe P., c.1407-1412, 123)

Chy s'ensuit la declaracion de .III. noms en poetrie [Atropos, Proserpine, Mercure] (Règles sec. rhétor. L., c.1411-1432, 97)

Ceste conclusion m'est obscure. Foy. La declaration entendras par ceste proposition : qui veult discerner les estatz des creatures par le Createur, il commence trop hault, et ne peult a son commencement fournir, ne jucquez a fin achever. (Chart., L. Esp., c.1429-1430, 38)

...et s'il advenoit que sur le contenu des chappitres dessus declairiez, et au furnissement et acomplissement d'iceulx ou d'aucuns d'eux, aucune question naissoit, sur laquelle il convinst faire aucune interprettacion ou plus ample declaracion, la congnoissance et jugement en sera et appartendra aux commis et depputtez, qui pour ce y seront ordonnez par ledit très puissant prince monseigneur le duc de Bourgoingne. (Doc. 1448. In : ESCOUCHY, Chron. B., t.1, c.1453-1460, 271)

Et pour avoir briefve declaracion de ceste neccessité, debvons savoir que nous trouvons distingués deulx manieres de neccessités et en deulx manieres en pouons bien parler, c'est assavoir [...] une quy se nomme neccessité subsequent. (Crap., Cur Deus, De arrha B.H., c.1450-1460, 244)

Exemple pour plus grant declaracion des choses devant dictes sont adjoustez cy troys nombres comme appert en la marge (Nic. Chuquet, Triparty M., 1484, I, 594)

Interprétation.

Dame, dis je, plaise vous de me faire aucune declaration de ce tant mervilleux signe que je vous vey sieuvir ? (Percef. IV, R., c.1450 [c.1340], 575)

...car personne ne veille une nuit en ce temple que ains le jour en son dormant ne lui viengne declaration de son songe se devant a songié (Percef. IV, R., c.1450 [c.1340], 1017)

Manifestation, fait d'apparaître clairement.

De toutes choses devisées, Faites, dites et repliquées, à plus grant déclaration De s'onneur et punition, Il prist lettres de no saint pere, Ad fin qu'à tous jours mais appere Qu'il estoit purs et innocens... (Mach., P. Alex., p.1369, 245)

À declaration. Clairement, avec évidence.

Le nombre de .VI., qui parfait Est en ses parties, nous fait Cognoistre la perfection Du monde a declaracion (Chr. Piz., M.F., II, 1400-1403, 115)

Sans declaration. Sans que ce soit explicité.

...car j'aime mieulx que en ceste matiere tu laisses les aultres raisons sans declaracion que se tu les cuidoies declairier et en les declarant tu ne deisses rien qui fut de bon entendement et esquelles on ne puet prendre entendement de vraie probacion. (Crap., Cur Deus, De arrha B.H., c.1450-1460, 235)

B. -Exposé.

Trois vertus doit avoir en conversatïon : Proëce et hardement et scïence a fuison. Hardement en prendant sans hide et sans frachon, Proëche pour mener a exsecutïon, Sens por faire du bien la declaratïon. (Bris., Restor paon D., a.1338, 101)

Et pour ce que savés que le temps est brief qu'il fault que la declaracion soit faicte de la treve ou de la guerre (...) nous envoirons (...) ung chevaucheur qui vous portera toutes certaines nouvelles. (Lettres Louis XI, V., t.3, 1465-1469, 247)

...sur la declaration de la finance deposée sur pluseurs marchans et changeurs de Paris de par la Court de Parlement (Baye, II, 1411-1417, 27)

S'ensuivent les Declarations de troys hystoires qui ne sont pas de l'Orloge de Sapience et est la premiere des X commandemens. (Déclar. Hyst. S., a.1449, 200)

De leurs mez, ne entremez ne joyeusez dansez ne quiert l'istorien ja faire declaracion pour ce que ce luy seroit chose impossible, trop longue et penible. (Comte Artois S., c.1453-1467, 18)

[le roi] envoia le bailli de Berry à Dijon, là où estoit le duc pour celle heure, et lui bailla ses lettres de crédence avecques la déclaration de ce que avoit à dire et à faire en ce cas de par lui (Chastell., Chron. K., t.3, c.1456-1471, 23)

Item fist une nouvelle declaracion sur la theorique des planetes. (Simon De Phares, Astrol., c.1494-1498, f° 133 v°)

Description.

Dou lieu dont j'eus entention A faire declaration Des parties de sa biauté Et de sa grant jolieté, Je mis premiers en mon avis Que j'en feroie un lonc devis... (Mach., D. Aler., a.1349, 255)

CY APPRÈS S'ENSUIT LA DECLARATION DES SAINS LIEUX DU MONT DE SYON. (Voy. Jérus., c.1395, 21)

Cy apres s'ensuit le nombre de [l. et ?] la declairacion des vaynes qui sont sur le corps de la personne et ont elles gisent et pour quelle maladie prouffite la saignee de chacune vayne (Le Lièvre, Traité saignée W., a.1418, 15)

De leurs mez, ne entremez ne joyeusez dansez ne quiert l'istorien ja faire declaracion pour ce que ce luy seroit chose impossible, trop longue et penible. (Comte Artois, c.1453-1467, 18)

Et sans muser trop longuement à la topografie ou declaration de la maison là sus nommée, je, pour tout vray la regardant d'oeil soingneux et de ferme entente, la jugeay (Saint-gelais, Séj. honn. J., c.1490-1495, 176)

Inventaire précis, détaillé.

...aussi conme en espousailles sont faites aucunes arres de don, de l'espoux declaracion et du douaire determinacion... (Mir. fille roy, c.1379, 7)

...et a fait le dit Benoyt le dit accors, combien qu'il n'y feust tenu, actendu que les biens du dit de Modon soient mis en declaracion entre ses creanciers (Doc. 1435. In : L. Caillet, Le Moy. Âge 12, 1908, 387)

Item dit ledit Jehan Surreau que son dit feu père a ung hostel à Paris en la rue de la Huchette, onquel a du mesnage et linge dont il ne scet la déclaracion. (Invent. test. Surreau Foville F., 1435, 162)

[Titre] De la declaracion des biens fecte au prouffit de la trespassee (Hautev., Conf. Test. am. tresp. B., c.1441-1447, 52)

Les grenetier et contreroleur du grenier à sel de ceste ville de Bourges, ausquelx avoie chargé m'apporter au just et au vray la déclairacion du sel descendu oudit grenier par Raoulet Tostain (Aff. Jacques Coeur M., 1453-1457, 589)

Énumération explicite.

...aussi qui ne feroit declaracion des armes des ungs comme des autres, j'en pourroye estre en male grace (La Sale, J.S., 1456, 218)

C. -Affirmation expresse ; déclaration.

Et pour tant que cil doi se contrarioient, li princes mist le cose en arrest jusques à tant que il fuissent revenu en Engleterre, et que nulle declaration n'en seroit faite, fors devant le roy son père. (Froiss., Chron. L., V, c.1375-1400, 69)

Seigneurs, il convient c'on me face Par declarracion savoir Qu'est devenu (...) le tresor que pot laissier, Après sa mort, mon devancier (Mir. st Lor., 1380, 159)

En particulier. [Émanant de la puissance politique ou judiciaire]

...sur quoy le Roy avoit fait certeinne declaration contenue en certeinnes lettres au jour d'ui presentées ceans (Baye, II, 1411-1417, 61)

...et leur sera intimé que, lesdiz VIIJ jours passez, s'ilz n'ont acompli reaument et de fait ce que dit est, l'en procedera à la declaracion et execucion desdictes peines (Fauq., II, 1421-1430, 205)

...et n'est ja necessité de declaration quant les crismes et delitz sont notoires comme publicquement faire guerre a son souvrain seigneur. (Juv. Urs., T. crest., c.1446, 83)

...et a tousjours souffist la declaracion de confiscacion de corps et de biens. (Juv. Urs., Exort., 1458, 414)

Et pour ce que savés que le temps est brief qu'il fault que la declaracion soit faicte de la treve ou de la guerre (...) nous envoirons (...) ung chevaucheur qui vous portera toutes certaines nouvelles. (Lettres Louis XI, V., t.3, 1465-1469, 247)

Au moyen et par vertu duquel povoir icelluy nostre cousin exposant s'est transporté esditz pays et aussi es terres et seigneuries que soloit tenir Jehan, nagueres conte d'Armignac, et en iceulx a fait et fait faire plusieurs reformations, executions, condemnations d'amendes, compositions, sentences, declarations, jugemens, confiscations et autres exploix de justice et de guerre, selon la teneur de sondit povoir, et icelles excecutées et fait excecuter, ainsi que en tel cas apartient. (Le Clerc, Interp. Roye, c.1502, 254)

Lettre de declaration

...en ensuivant nosdictes lettres de don, avons donné certaines autres lettres d'interpretacion et declaracion de noz vouloir et entencion sur ce [don] (Lettres Louis XI, V., t.6, 1475-1478, 33)

DROIT Déposition.

Et n'avoient aucuns biens, sauf lesdis Cousin et Jaquet Auguier, lesquelx ont esté baillez au retenir par declaration. (Reg. crim. Chât., I, 1389-1392, 112)

...furent fais venir et attains des prisons dudit Chastellet Girart Le Bouvier, Robin Cossin, Jehan Pegin, Perrin Houssaut, Phelipot Le Vachier et Maceot Beauté, tous prisonniers detenus oudit Chastellet, et accusez de plusieurs crimes, excez et delis, bailliez par desclaracion par les curé, marguliers et habitans de la ville de Rungy (Reg. crim. Chât., II, 1389-1392, 222)

Jugement (...) que dit coment que ons ont a ffaire declaration de plusseurs chose que on demande en qualitei. (Jug. maître-échev. Metz S., t.3, a.1494 [1450], 125)

Aveu (?).

Le sezisme chappitre declaire que selon du pechié la quantité et declairation convient estre la satisfacion, laquelle l'omme par soy faire ne puet en nulle saison. (Crap., Cur Deus, De arrha B.H., c.1450-1460, 164)

II. -[Correspond à se declarer] Fait de se prononcer en faveur de qqn, de se declarer pour qqn.

A ceste cause, je vous prye remonstrez à Sa Sainteté ce que dessus, et que, en mectant camp contre lesdicts Coulonnoys, il le mect contre moy et mon armée, qui seroit par trop grande declaracion et faveur pour dom Alphonce, et qu'il se vueille à tout le moins monstrer neutre, comme la raison le veult. (Lettres Ch. VIII, P., t.4, 1494, 98)