CREATURE

substantif féminin

[T-L : crïature ; GDC : creature ; AND : creature ; DECT : crïature ; FEW (II-2, 1297b) : creatura ; TLF (VI, 444b) : créature]

A. -Tout ce qui est créé, engendré, mis au monde.

1.[Domaine religieux] Tout être vivant, toute chose de l'univers, envisagés comme ayant été créés par Dieu.

a)[À propos d'êtres célestes]

[d'anges, de démons]

Creatures de Dieu maudites, Que querez vous [dyables] ci endroit ? (Mir. Pierre Changeur, c.1378, 243)

Et aucune chose est en lieu diffinitivement et non par circonscription mesurable comme l'esperit angelique, qui selon sa nature est creature finie aiant vertu et pouoir determiné. (Somme abr., c.1477-1481, 137)

Il est aussi a dire que Dieu puet toutes choses ou par soy, ou par creature, c'est a dire toutes choses puet qui appartient purement a pouoir ou a puissance. (Somme abr., c.1477-1481, 161)

[du corps du Christ]

Et par ainsi est en lieu par circonscription determinee comme ung corps, et aussi dessoubz l'ostie selon la quantité d'icelle, telement qu'il n'est pas par tout [...], car il est creature, et pour tant quant a ce ne puet estre equal ou appareilliet au createur. (Somme abr., c.1477-1481, 137-138)

[de la Vierge Marie]

Dieu est fait homme, et homme est Dieu, mortel immortel, eternel temporel. La vierge est mere ; la fille conçoipt son Pere, la creature son Createur ! Nous avons Nostre Seigneur a frere, et nostre seur a mere (Gers., Annonc., a.1400, 230)

[de morts montés au paradis]

Verront de leurs yeulx corporelz ce throne imperial et magesté glorieuse avironnée de cherubins et seraphins rendans voix de merveilleuse melodie, beneissant et louant Dieu continuelment, remirant le bel ordre par degrez où sont assises les creatures glorieuses, là estans chascune selon son merite, tous contens et assouvis sans plus querir, vouloir ne desirer, habondans en toute joye permanablement, habitans en celle tres sainte court celeste, de laquelle à bon droit dist Saint Augustin... (Chr. Piz., P.V.H., 1416-1418, 51)

b)[À propos de l'ensemble de la création]

Ceste digne oreison que tu doibtz avoir aprinse contient sept peticions, dont les troys premieres sont attribués a l'onneur et louenge du Createur, et les quatre ensuyvant au secours et salut de la creature. (Chart., L. Esp., c.1429-1430, 163)

[Gén. au plur.]

Tu fus creé par le souverain ouvrier qui point ne chomme, duquel la providence veille pardurablement sur les creatures, et ses beaulx cielx tournent, influent et esclairent sans cesser environ la terre. (Chart., L. Esp., c.1429-1430, 24)

Et tu, qui est plus parfait de toutes creatures ça jus, delaisses ton oeuvre entrerompue, et ton office sans excercite comme vaccant, et par negligence l'ame pardurable cheoit en peril, dont la perte est trop plus grande que du corps mortel. (CHART., L. Esp., c.1429-1430, 25)....et voions clerement que homme est une substance composee et imparfaicte, et qui mendie dehors la congnoissance dez choses par leurs especes, et Dieu si congnoist toutes creatures ains qu'ellez soient faictes, et homme ne congnoist riens s'il ne lui est representé par les sens de dehors (Chart., L. Esp., c.1429-1430, 159)

...le paradiz terrestre ou furent mises toutes les creatures, c'est assavoir l'omme et la femme, et la serpente, et les bestes et les arbres qui furent creez pour la consolation de l'umain lignaige. (Déclar. Hyst. S., a.1449, 148)

c)[À propos des êtres vivants en général]

Entre les autres creatures l'omme a la bouche plus petite selon le corps (Ménagier Paris B.F., c.1392-1394, 44)

[Saturne] , Qui Planète est froide et nocturne Et moult nuisant de sa nature à toute vivant créature (La Haye, P. peste, 1426, 12)

Avise dont bien en toy quy es sur toutes chouses fais en la semblance de Dieu - et non aultres creatures - et que toutes les aultres sont faites pour toy conduire en la joye de paradis, se tu sces d'icelles bien et raisonnablement user. (Crap., Cur Deus, De arrha B.H., c.1450-1460, 261)

Et quar il [Dieu] ne t'a rien donné fors que par sa dileccion, tu ne lui pueux mieulx rendre que dilection. Dieu ait donnez vie es aultres creatures, mais plus il t'a donné signe d'amour quant a toy il a mis plus des choses amees et par lesquelles tu es mieulx amés. (Crap., Cur Deus, De arrha B.H., c.1450-1460, 274)

Creatures mortelles

Car ainsi que par sa conmiseracion en ce monde elle surmonta toutes creatures mortelles, aussi en sa benoite assumpcion, quant elle fu portée ou ciel, elle surmonta touz les anges. (Mir. march. larr., c.1349, 91)

d)En particulier. [À propos de l'être humain, gén. par rapport à Dieu, le Créateur]

...fu requis ausdiz prestres et chappellains le saint baptesme ordonné par Nostre Seigneur Jhesu-Crixst estre fait, prins et donné à sainte eglise à toutes personnes et creatures qui le requierent (Reg. crim. Chât., II, 1389-1392, 52)

Et croy que les merveilles qui sont par universel terre et monde sont les plus vrayes, comme les choses dictes faees, comme de pluseurs autres. Doncques la creature ne se doit pas pener par oultrageuse presumpcion que les jugemens et fais de Dieu vueille comprendre en son entendement, mais y penser et soy esmerveillier (Arras, c.1392-1393, 2)

Et n'y a prestre, curé qui puisse bonnement demourer en leurs esglises, tellement que pluseurs creatures mouroient sans confession et enfans sans baptesme. (Juv. Urs., Aud. celi, 1435, 257)

Mais l'anemy, qui estoit soubtil et qui jour et nuit ne cesse de pensser a decepvoir les creatures et amis de Dieu, sy mist au cuer de l'escuier une telle voulenté de retourner qu'il n'estoit une seule heure de desirer et regrester les grans biens qu'il avoit laissiez (La Sale, Salade, c.1442-1444, 106)

Mon Dieu, ce m'est chose terrible : Le prince change en chavalier, Le seigneur en son escuyer, Le createur change pour creature, Et le paintre pour partraiture. (Pass. Auv., 1477, 221)

Par les choses dessus dittes, il appert que estre a l'ymage appartient au createur et a la creature. Au createur appartient, car au Filz, qui est l'ymage du Pere. A la creature compete quelconques elle soit corporele ou espirituele ou composee de l'une et de l'aultre. Toutevoies a parler proprement, on dist que la creature corporele est comme le pas du piet au regard du piet pour congnoistre le createur. (Somme abr., c.1477-1481, 112)

...où nous voyons qu'ilz [les corps célestes] causent toute generation et corrupcion et qu'ilz inclinent et disposent les corps des creatures à plusieurs passions, les ungs à chault ou à froit, à estre ligiers ou pesans, melencoliques ou joyeulx, sains ou malades (Simon De Phares, Astrol., c.1494-1498, f° 5 r°)

DIEU. Nous qui regnons comme victorïeux Au tribunal du trosne glorïeux, Trois personnes en parfaicte unyté, Des creatures Createur pondeureux (La Vigne, S.M., 1496, 208)

Creature humaine

Veéz chy dont qu'il affiert que nous obeïssons non seulement a cheulx auxquelz nous sommes tenus par commandement, asscavoir aux souverains, mais aussi a nos samblables ou aussi a cheulx qui sont soubz nous, selonc le dit de saint Pierre en sa premiere Epistre ou second chapitre : «Soyés subgés a toutes creatures humaines pour l'onneur de Dieu». (Daudin, De la erudition H., c.1360-1380, 235)

Maudicte soit desobeissance qui tel mal engendra. Bien a icy, o createure humaine, espouentable exemple que les commandemens de Dieu, quelzconques ilz soyent, point ne enfraingnes ou trespasses. (Gers., Concept., 1401, 398)

La fin, la gloire et la felicité de creature humaine est congnoistre Dieu (Gers., Trin., 1402, 152)

Fut aussy signe de la tierce paix qui fut laissee en la terre personnelle de toute humaine creature qui seroit de bonne voulenté. (Gers., Noël, p.1404, 301)

Je tien veritablement que Dieu a toutes creatures creés aultre chouse ne demande ; et ce toutes creatures humainnes le doivent a Dieu, c'est assavoir non point decliner de verité. (Crap., Cur Deus, De arrha B.H., c.1450-1460, 175)

...du quel [Dieu] on specule la grant excellence en bonte, en sapience et en puissance de faire choses tant magnifiques et tant glorieuses auecques creature humaine qui tant est ycy bas enferme. (Cib., p.1451, 190)

Creature raisonnable

La creature de Dieu raisonnable doit entendre, selon que dit Aristote, que des choses invisibles, selon la distinction des choses qu'il a faictes ça jus, et que par leur presence de leur estre et nature le certifie (Arras, c.1392-1393, 2)

Tu ne denoiras pas que Dieu n'ait fait creature raisonnable, juste et pure et pour fruir de l'amour de Dieu et acquerir beatitude. (Crap., Cur Deus, De arrha B.H., c.1450-1460, 176)

La haulteur de la verité theologienne qui est ung ray de la souveraine lumiere esclarcissant l'entendement et comme ung appareil de viandes royales delicieuses repaissant et refectionant le desir affectueux de la creature raisonnable (Somme abr., c.1477-1481, 98)

...toutevoies point n'enseigne comment on doibt et puet acquerir charité pour amer Dieu comme creature raisonnable le doibt amer. (Somme abr., c.1477-1481, 98)

[P. oppos. aux chrétiens, qui se considèrent comme creatures de Dieu] Creatures autres

O crestien, qui tant as d'avantage de grace et de congnoissance sur les creatures autres, et es appellé a si haulte perfection comme a gloire pardurable et aux riches douaires de beatitude de corps et d'ame, comme te peult si alecher la lecherie dez delitz de ce monde et le regret de les perdre tant descouragier que tu me laisses ? (Chart., L. Esp., c.1429-1430, 97)

[Façon humble et soumise de se présenter à Dieu] Pauvre creature

Dame, bien puissez vous venir, Quant a si povre creature Conme je suis, royne pure, Vous estes volue apparoir (Mir. enf. diable, c.1339, 18)

Le roy rompt la cire, et voit le noble secours que le cappitaine lui escript qui vient, et lors tent ses mains vers le ciel en disant : Glorieux Pere Jhesucrist, je te regracie humblement de ce que tu n'as pas oublié moy qui suiz ta povre creature, ne ton povre peuple, qui a longtemps vescu cy dedens en grant doubte et en grant misere. (Arras, c.1392-1393, 96)

O vray Dieu tout juste et tout puissant, monstrez envers moy, vostre povre creature, la doulceur de vostre misericorde, non pas la rigueur et la severité de vostre justice, car en moy n'y a riens qui le peut soustenir. (Gers., Trin., 1402, 164)

e)[À propos d'un animal, être purement corporel, p. oppos. à l'homme]

Certes, comme il a este dit deuant, tu peulx fonder en toutes creatures bonnes meditacions, car en chascune creature reluit la puissance, la sapience et bonte [l. bonté] de Dieu ; mais en homme la semblance de Dieu est plus expresse que en quelconques choses materielles (Cib., p.1451, 184)

...iay dit en mon exces [l. excés] en alienacion de pensee que vraiement tout homme est menconger, cest [l. c'est] a dire en homme ne en creature il ny [l. n'y] a verite [l. verité] se elle nest [l. n'est] de Dieu. (Cib., p.1451, 190)

Se tu ne congnois la dignite [l. dignité] de la condicion humaine tu ne peulx sauoir comme Dieu a mis soubz tes piez toute gloire mondaine et les creatures qui sont soubz toy. (Cib., p.1451, 197)

C'est que pour certain, les cygoingnes qui en l'esté se tiennent en ce pays, sont l'yver, en leur pays qui est environ le mont de Synay, creatures comme nous. (Ev. Quen., I, c.1466-1474, 115)

Creature non raisonnable

Et a ce propos dist Saint Bernard : 'Dieu est es creatures non raisonnables telement que toutesfois ne puet estre comprins d'elles...' (Somme abr., c.1477-1481, 133)

Creature sujette à l'homme

Et dois bien noter que il n'est pas vraiesemblabe a croire que le monde, qui a esté [fait] pour l'omme et pour les creatures subjectes a l'omme, fut oncques vuis en defaillant, tellement que en aucun temps nux de l'umain lignaige ne fut vivans au monde, appartenans a ce pourquoy l'omme a esté fait - c'est assavoir pour remplir les sieges celestes -, car trop grant inconvenient seroit de dire que Dieu eust laissié l'umain lignaige faillir ung tout seul moment, ne les creatures quy sont faittes pour l'usaige des hommes desquelx la souverainne cité doit estre parfaitte, et que de sa perfeccion fust frustree. (Crap., Cur Deus, De arrha B.H., c.1450-1460, 238)

f)[À propos d'une chose]

Certes, c'est bien vray que lez Anemis si tourmantent a la foys aucunes personnes, selon le croissement de la lune, laquelle chose ilz font pour deux causes : primierement, afin que ilz puissent diffamer la creature de Dieu, c'est assavoir la lune (Songe verg. S., t.1, 1378, 381)

2.[Sans arrière-plan religieux explicitement exprimé]

a)Être humain, personne.

Pour ce que riens de ma pensée Ne scet ma dame desirée, Seur toute creature amée Dou cuer de mi, Ne la trés dure destinée Qui m'est pour li amer donnée... (Mach., R. Fort., c.1341, 53)

Compains, vela belle Aude, (...) La creature au monde que j'ay le mieulx amee. (Gir. Vienne D.B., c.1350-1400, 174)

Se chasteté la papelarde Avoit ainsi le monde duit Et a sa cordelle seduit, Jamais ne seroit creature, Et ainsis defaulroit nature. (Desch., M.M., c.1385-1403, 292)

Ma fille, laissiez ester ce dueil, car, en chose qu'on ne puet amender, c'est folie de s'en donner trop grant courroux, combien que c'est raison naturelle que la creature soit doulente de son amy ou de son proesme, quant on le pert. (Arras, c.1392-1393, 120)

Lors vient la damoiselle a la fenestre et regarde le mortel abbateiz et horrible bataille. Lors dist : Vrais Dieux, que fera ceste doulente ? Mieulx venist que je me feusse noyee ou fait mourir d'autre mort cruelle ou que je eusse esté mort nee que tant de nobles creatures eussent esté periz et mors par mon pechié. (Arras, c.1392-1393, 162)

Chiere dame, plaise vous assavoir que je scay et congnois ce pays tout environ, et sachiez que a quatre ou a cinq lieues de cy n'a recest, ne forteresse nulle, excepté celle dont je me suy huy partiz, qui est environ a deux lieues de cy. Et pour tant, m'emerveil je de quel part si belle ne si gracieuse creature que ly corps de vous est, puet estre cy venue, si seule de compaignie. (Arras, c.1392-1393, 7)

Mais, au mieulx que sçay, le rapporte Et ens ou mur, pres de la porte, Avoit on pourtrait fraichement D'or et d'azur moult richement Maintes estranges pourtraitures, Pour aviser les creatures, Qui par la vont passant leur voye (Chr. Piz., M.F., I, 1400-1403, 63)

Si nommeray les creatures, Dont je vi la les pourtraitures, Non pas de tous, car trop seroie Lonc, quant trestout deviseroye, Mais des principaulx grans seigneurs, Qui par elle furent greigneurs, Qui tindrent empire ou regné Et qui ont par elle regné, Et d'autres dignes de memoire, Si com vendra a ma memoire. (Chr. Piz., M.F., II, 1400-1403, 102)

De ceste raison vient et naist discrecion, que aucuns dient prudence, laquelle est si comme servante de raison et ses commandemens envoie et met es cuers des creatures et distribue et depart tout ce que elle ordene. (Chr. Piz., P.V.H., 1416-1418, 34)

...quantes justes et paisibles creatures ont porté la paine et l'angoisse de ceste guerre ! (Chart., L. Esp., c.1429-1430, 48)

...quant le poulz fault, quant la creature est si foible que on ne sent que pouz ne air (Juv. Urs., Loquar, 1440, 12)

En ladicte année, es mois d'aoust et septembre, fut grande et merveilleuse chaleur, au moien de laquelle s'en ensuivy grande mortalité de pestilence et autres maladies, dont et de quoy il mourut, tant en la ville, villages voisins, prevosté et viconté de Paris, quarante mil creatures et mieulx, entre lesquelz y mourut maistre Arnoul, astrologien du roy, qui estoit fort plaisant homme, plusieurs medecins et officiers du roy en ladicte ville de Paris. (Roye, Chron. scand., I, 1460-1483, 165)

...car si petit homme de corps ne fut jamais que ledit roy et poy entendu, mais si bon qu'il n'est possible de veoir meilleure creature. (Comm., III, 1495-1498, 258)

Homme visaige ne vit jamais pourtrait De mabre blanc, d'allebastre ou paincture Si beau, si nect, si gentement extraict Que lors avoit celle humble creature. (La Vigne, V.N., p.1495, 168)

[Var. renforcée.] Creature nee

N'a Dieux la chevance donnée A toute creature née Pour avoir deduit et plaisance ? (Desch., M.M., c.1385-1403, 281)

Mout estoit saint Eustace presié en la contree, Car onquez ne forfist a creature nee (Vie st Eust. 1 P., c.1350-1400, 47)

Trestous y doivent le truage, N'i a roy, ne prince avantage, Tous sont a celle servitude, Combien qu'on mette grant estude A eslongner celle journee, Mais toute creature nee Couvient par celle porte [métaphore de la mort] issir, Combien que sur tout desplaisir C'est cil ou plus chacun aconte, Car payer faut et rendre compte. (Chr. Piz., M.F., I, 1400-1403, 105)

Pour sa force et pour sa beauté, Bien dobt avoir principaulté, Car de haultes tours et murs fors Fu environnee dehors, Et dedens ert si maçonnee Qu'onques mais creature nee Plus bel, ne plus riche edifice Ne pot veoir, ne plus propice. (Chr. Piz., M.F., II, 1400-1403, 259)

La Pucelle de[s]mesuree Y est triumphant que c'este rage, Que james creature nee Ne vit armee de tel coraige. (Myst. siège Orléans H., c.1480-1500, 638)

Creature humaine

Et de tous les biens que Nature Puet ottroier a creature A tant qu'elle est fleur souvereinne Seur toute creature humeinne. (Mach., R. Fort., c.1341, 3)

...mais, qu'il ne vous desplaise, Sachiez que puis la terre d'Aise Ne vi humaine creature Qui vous ressamblast de faiture Si bien conme un que je vi hier (Mir. Amis, c.1365, 5)

Lasse ! je sui en aventure De morir de mort einsi dure Com li biaus Narcisus mori, Qui son cuer tant enorguilli, Pour ce qu'il avoit biauté pure Seur toute humeinne creature, Qu'onques entendre le depri Ne deingna d'Echo, qui pour li Reçut mort amere et obscure. (Mach., Motés, 1377, 496)

Ou est doncques la creature humaine qui puisse raisonnablement maintenir que ung tel homme soit digne de royaulme ? (Juv. Urs., T. crest., c.1446, 146)

Certes humaine creature Eust vescu le cours de nature, Et eust l'en veu mains beaulx enfans Vivre, qui en leurs premiers ans Mouront (Cene dieux, c.1492, 123)

Creature feminine

...Si souffroit mervilleus martyre ; Des yeux pleure, dou cuer souspire. Et certes c'estoit grant durté, Et très grant inhumanité, De creature femenine Faire estendre et mettre à gehine. (Mach., P. Alex., p.1369, 261)

Si que chose ne m'est dure Que pour vous endure, Qu'il n'a dessous le soleil Femenine creature, Où mis ait Nature Si dous vis ne corps pareil. (Mach., L. dames, 1377, 186)

Habiter avec creature Feminine nourrist luxure, La force baille et la maniere Du feu emprandre et la matiere (Desch., M.M., c.1385-1403, 199)

[Avec une nuance de compassion pour des personnes dans le besoin, pour de petits délinquants sévèrement punis...] Pauvre(s) creature(s)

...femme, povre creature, Le monde a touz ses biens te fuit, Fortune a son pouoir te nuit, La mer contre toy s'enorgueille : N'est riens qui nuire ne te vueille (Mir. roy Thierry, c.1374, 289)

Certes de povres creatures ne me chaloit il rien. (Ménagier Paris B.F., c.1392-1394, 24)

Quantesfois sont venues a vous povres creatures humainnes plaindre des griefves extorsions que on leur faisoit, en vous requerant justice, ausquelles n'estoit donnee aucune provision (Juv. Urs., Loquar, 1440, 321)

...en verité ilz n'estoient environ que IIm et Vc combatans, dont la plus grant partie estoient et sont tres mal habillez, et ne savoient plus ou monde que faire, ne trouver moyen de entretenir leurs gens, si non par les mener audit lieu de Lyons en Xantois, ou pour toute vaillance ilz ont ars et brulé une eglise et IIIc povres creatures dedens. (Juv. Urs., Loquar, 1440, 391)

À Jehanne la Bergiere, qui queste les povres creatures, à laquelle mesdits seigneurs pour consideracion du contenu en une requeste lui ont fait bailler par ledit receveur, pour delivrer par elle ès lieux où elle verra le plus necessaire (Comptes Paris V.L.D., t.1, 1456-1457, 913)

En ce temps fut faite justice et grande execucion audit lieu de Paris de plusieurs povres et indigentes creatures, comme de larrons, sacrileges, pipeurs et crocheteurs. (Roye, Chron. scand., I, 1460-1483, 3)

Et oudit temps, par la justice ordinaire de Paris, furent prins plusieurs povres creatures, larrons, crocheteurs et autres malfaicteurs, qui pour lesdiz cas furent les aucuns pendus et estranglez, et les autres batus au cul de la charette par les carrefours de ladicte ville. (Roye, Chron. scand., I, 1460-1483, 156)

Deable qui t'es au corps bouté De ceste povre creature, Affin qu'en soye debouté, De par mon Dieu je [ te ] conjure Que, sans a nully faire injure, Dés maintenant tu voise hors ! (La Vigne, S.M., 1496, 461)

[Dans l'expression d'un sentiment esthétique] Être une belle creature

Nourris y fu songneusement, Car sa femme tout ensement Le nourrissoit, com se sien fust, Ou que grant loyer en receust, Car tant fu belle creature L'enfent et de gente faiture, Tant gracieux et amiable Qu'il n'estoit rien plus agreable. (Chr. Piz., M.F., II, 1400-1403, 193)

Adont fu au roy amenee La belle Hester, la preux, la sage, Qui ebrieue fu de lignage, Et de la loy de Dieu eslite, De qui tant de louange est dicte En la vraye sainte Escripture, Qui tant fu belle creature, Vaillant, prudent, bien renommee, Qui de toute gent fu amee. (Chr. Piz., M.F., II, 1400-1403, 263)

Elle ot un filz, en brief termine, Du roy, qui fu plus que mesure Plaisant et belle creature (Chr. Piz., M.F., II, 1400-1403, 285)

b)Être humain envisagé comme fils ou fille de qqn.

LA BOURGEOISE. Mon filz (...), Mon enffant, ma doulce porture, M'amour, ma joye souverayne (...), Mon sang, ma chair, ma pourtraicture (...), Mon cueur, ma belle creature, Hellas, hellas, qui t'a fait pendre ? (La Vigne, S.M., 1496, 389)

B. -Par extension.

1.Personne qui est l'obligée d'une autre à qui elle est dévouée.

Percevaus le roy entendi, Et sagement li respondi : 'Sire, je sui vo creature, Et si vous aim d'amour si pure Que je ne vous conseilleroie Que bien. Mieux morir ameroie Comment que ne soie pas dignes De savoir vos secrez couvines...' (Mach., P. Alex., p.1369, 61)

Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. De s'obliger en toutes cours est prest, Se doubte avés que bien ne vous contante ; Sans y avoir dommage n'interest, Vous n'y perdrés seulement que l'attente. De prince n'a ung denier empruncté, Fors de vous seul, vostre humble creature. (Villon, Poèmes variés R.H., c.1456-1463, 50)

2.[Sens affaibli]

a)[Sert d'auxiliaire de négation] Personne.

Lors plus de dis fois ou de vint Resgardai entour la haiette, Mais je ne vi riens fors herbette, Arbres, fueilles, fleurs et verdure. Car il n'i avoit creature Fors moy seulet. (Mach., R. Fort., c.1341, 107)

Et pour ce que n'ay pas savoir Tel que bien peüsse a droit dire Les biens, ne la biauté descrire, Qui sont en sa douce figure, M'en tairay ; qu'il n'est creature, Ne fu, ne jamais ne sera, Ja tant n'i estudiera, Qui bien la sceüst deviser, Tant parfont y sceüst viser ; Et pour ce m'en tais et tairai. (Mach., D. Lyon, 1342, 175)

Quant seule fu, sans plus attendre, Ynellement, les saus menus, En sont a Susanne venus Et dirent: 'Li vergiers est clos, N'il n'a creature en cest clos Qui nous puist vëoir n'encuser, Si ne dois mie refuser A faire tout nostre plaisir, Car lieu, temps en as et loisir.' (Mach., C. ami, 1357, 6)

La fu sis jours, que creature Pain ne vin ne autre pasture Ne li donna, n'aus set lions, Plus familleus qu'alerions... (Mach., C. ami, 1357, 41)

Einsi demoura longuement Qu'a creature nullement Ne dist son cuer, ne sa pensée (Mach., P. Alex., p.1369, 19)

...Ou mis aveques les dampnés, En prison ou en chartre obscure, Sans jamais veoir creature. (Mach., P. Alex., p.1369, 252)

De quelconque estat qu'il estrive, Du plus petit jusqu'au plus grant, Li loist et en doit estre engrant : Soit riche, moien, povre ou nu, Est de droit et raison tenu A vivre selon ces deux poins Nettement, que hors près ne loings Ne face a nulle creature Dommaige, deshonneur, injure, Ne qu'il ne mefface a autruy Ne qu'il vouldroit qu'om feist a luy (Desch., M.M., c.1385-1403, 138)

Et au lez [de la forteresse] , vers le hault bois, au dessus de la praierie, est la roche si haulte et si droitte que de ce lez nulle creature n'y pourroit habiter. (Arras, c.1392-1393, 46)

b)[Dans l'expression d'un superlatif] Adj./loc.adj./synt. + sur toute creature (humaine). Adj. ...plus que quiconque, plus que tout.

Car Dieus la volt faire sans per Seur toute creature humeinne. (Mach., D. verg., a.1340, 16)

Car quant Dieus fist ma dame qui me suet Clamer ami, dont li cuers trop me duet, S'il et Nature, Quant il firent sa biauté fine et pure, Plaisant a tous seur toute creature, Eüssent lors en sa douce figure Loyauté mis, Je fusse encor appellez ses amis, Et ses cuers qui tant bien m'avoit promis N'eüst jamais esté mes anemis. (Mach., J. R. Beh., c.1340, 87)

Gens corps, cointe, apert et faitis, Maintieng plein de toute honnesté, Se je vous aim, serf, loe et pris, N'est merveilles, qu'en verité Vous avez si tout seurmonté Que vous estes fleur souvereinne Seur toute creature humeinne. (Mach., Bal., 1377, 559)

Dame, ou il n'a que redire, Belle sur toute creature, Que Dieu forma tout a esture Pour estre, sanz nulle faillance, Fonteine de toute vaillance (...) Tant seroye vostre tenus, Se, par vous, avoie conseil, Par quoy fust terminé mon vueil A mon honneur, sachés de voir Que tant feroye mon devoir Vers vous, qui tout m'ariés acquis Vostre chevalier, serf conquis Qu'aultre ne voudroye honorer Jamais, nul jour, ne demourer (Chr. Piz., M.F., III, 1400-1403, 39)

N'avoit ou monde tel pucelle, Gente sur toute creature, Belle de corps et de faiture, Doulce, courtoise et avenant. (Chr. Piz., M.F., III, 1400-1403, 113)

Faire qqc. sur toute creature/plus que creature nee. Faire qqc. plus que quiconque.

Deffen m'onneur et moustre l'amour qu'as à moy qui t'aim seur toute creature. (Mach., L. dames, 1377, 166)

Pour ce te pri, ne vueilles oublier Moy qui plus t'aim que creature née (Mach., L. dames, 1377, 205)

Dieu pri qu'il vous enort, Si qu'en soiez d'acort, Belle, qu'à vous m'acort Seur toute creature. (Mach., Ch. bal., 1377, 620)

c)[Rare : substitut du pronom pers. anaphorique] Celui dont il est question.

ROY AVENIR. Arachix, partés vous sur heure. Soiez m'ent encore ung prenant Et allez, se Vulcan vous honneure, Pour voir Josaphat, mon enfant. (...). ARACHIX. Tres chier sire, c'est bien raison Qu'on faice vostre volenté Et incontinent partiron Et plus n'y arrons arresté, Et jamais ne retourneré Pour bruit qu'il viengne ne murmure, Par Jupiter le redoubté, Tant qu'aie veu la creature. (Du Prier, Roy Adv. M., 1455, 314)

ROY AVENIR. Que Josaphat soit visité De moy ; certes g'y voel aller ; Je ne me puis plus retarder De voir en quel estat il est, Que c'est de ly, quel chiere il fait. (...) Maistre d'ostel, demourez cy, Tant que je soie revenu. LE MAISTRE D'OSTEL. Tres chier sire, je suis tenu De faire vostre bon devoir, Quoy que j'ay grant desir de voir La creature sans mentir. (Du Prier, Roy Adv. M., 1455, 385)

C. -Création.

Et combien que Dieu ait cure Des especes de creature, Toutesvoies il advise et pense, En amant la divine essence Des choses qui sont disposees (Le Fèvre, Vieille, trad. De vetula H., a.1376, 335)