COURONNER

verbe

[T-L : coroner ; GD : coroner ; GDC : couronnercouronné ; AND : coroner2 ; DECT : coroner ; FEW (II-2, 1209a) : corona ; TLF (VI, 356a) : couronner]

A. -Au propre. [Correspond au sens propre de couronne]

1.Emploi transitif. Couronner qqn

a)Proclamer qqn roi/empereur en posant une couronne sur sa tête ; l'investir du pouvoir.

Et cilz Eracles dont ge di Avoit de sa fame .i. bel fi Qui Contantin fu apelé. Cil fu après lui queronné (Renart contref. R.L., t.1, 1328-1342, 351)

...c'est m'entente Que (...) a Ays (...) M'en aille faire couronner Et nom d'emperiére donner Publiquement. (Mir. st Lor., 1380, 151)

Et a ses piez avoit en estant une royne d'albastre, couronnee richement (Arras, c.1392-1393, 265)

À tresgrant triumphe et puissance Fu Charles couronné à Rains (Chr. Piz., J. d'Arc, 1429, 37)

Charles le Quint, dit le Sage, vertueux, debonnaire, XL^e roy de France, filz dudit roy Jehan. Cestui fut couronné à Rains le 19^e jour de may l'an mil IIIcLXIIII. (Simon De Phares, Astrol., c.1494-1498, f° 142 r°)

Cestui de Sicille predist la couronnacion de l'empereur Sigismond, qui avoit demouré XXXIII ans sans couronner, et, par bonne ellection, fut couronné par le pappe Eugenne, mil IIIIcIX. (Simon De Phares, Astrol., c.1494-1498, f° 151 v°)

Roi couronné reine couronnée

Et fu royne coronnée D'Espaigne, et Ostes en fu roys (Mir. Oton, c.1370, 363)

Puis que je sui roy couronné, Je vueil (...) Ma voulenté toute a plain faire (Mir. ste Bauth., c.1376, 116)

...avoit esté ordonné, entre autres choses, que après le decez du Roy, son filz ainsné, en quelque aage qu'il feust, seroit Roy couronné, le plus tost que faire se pourroit (Fauq., II, 1421-1430, 66)

Icy s'en vient le deable, en guise d'un roy couronné (La Vigne, S.M., 1496, 539)

[Dans un cont. métaph.]

Arbre imperant, par trois fois couronné (...), En Germanie as si bien germiné Et rachiné que ton doulx fruict est né, Bien destiné, sans vicieux desroix (Molinet, Faictz Dictz D., 1467-1506, 240)

Remarque : V. aussi Triple couronne imperiales.v. couronne .

Couronner roi

Son filz insensé fut couronné roy de France et d'Angleterre à Paris. (Comm., I, 1489-1491, 24)

Et ordonna moult noble baronnie, tant de Poictou que de Chippre, et le maistre de Rodes, lesquelx tous conduiront Guyon en Armenie, et le feront couronner roy et prendre la possession du pays et les hommages. (Arras, c.1392-1393, 142)

L'an de grace mil .IIc IIIIxx VI. ledit Phelippe le Bel fut couronné roy de France. (Honn. cour. Fr. P., 1418-1420, 57)

Si advint que, après ce faict, le duc appoincta avec l'Empereur, ala en son camp et parla à luy ; et disoient aucuns que ledit Empereur luy avoit promis le couronner roy de Frise. (Le Clerc, Interp. Roye, c.1502, 340)

Couronner à roi

Aprés ces choses faites, Berinus espousa Cleopatras s'amie a l'usage du païs, et fu couronné a roy et la damoiselle a roÿne, et furent faictes les nopces moult solennelment. (Bérinus, I, c.1350-1370, 187)

Le jour de la Nativité Nostre Signeur, que on compta en l'an de grasce .MCCC. et vint siis, fu couronnés a roi d'Engleterre Edouwars de Windesore (Froiss., Chron. D., p.1400, 103)

Se il avient que Dieus li donne .I. hoir male, ce que la couronne de France desire a avoir, je vous pri que vous en faites bonne garde et le couronnés a roi, qant il vous samblera que il apertiengne a estre (Froiss., Chron. D., p.1400, 174)

Par ironie. [D'un roi illettré] Asne couronné. Voir Âne

Estre couronné de (+ nom de lieu) Être fait roi de (+ nom de lieu).

Comment les nopces furent faictes de Regnault et d'Esglentine et fu couronné du royaume de Behaigne. (Arras, c.1392-1393, 191)

...lequel fu appellé Louys, duc d'Anjou et de Toureine, qui après fu couronné du reaume de Naples (Chr. Piz., Faits meurs Ch. V, S., I, 1404, 134)

Adont Alixandres requiert Aux arbres, et moult leur enquiert Sçavoir se sa vie sera Longue, et combien reposera Aprés qu'il sera couronné Du monde, et son erre yert finé ? (Chr. Piz., M.F., IV, 1400-1403, 58)

b)Placer sur la tête (de qqn) un ornement de forme circulaire en guise de distinction.

BEAUTÉ. Appollo est jeune et couronné d'or, et a une main tient ceptres et en l'autre une harpe. (Legrand, Archil. Sophie B., c.1400, 157)

... quant Paris fut grant, il ot un toreau le quel il couronna pour sa beauté et pour sa force. (Legrand, Archil. Sophie B., c.1400, 199)

Cil le premier a Romme Fu, qui entrast onques a somme D'onneur, couronné de victoire, Comme depuis, ce dit l'istoire, Couronnerent les glorïeux Chevaliers, quant victorïeux S'en tournoient de quelque emprise, Ou grant terre avoient conquise. (Chr. Piz., M.F., III, 1400-1403, 189)

Moult y ot eu belle victoire Marïus, pour celle memoire, Sur le char doré, qu'on clamoit Triumphe, que moult on amoit, Couronné de lorier entra (Chr. Piz., M.F., III, 1400-1403, 271)

Ci dit du debat d'entre Julius Cesar et Pompee, et comment Julius Cesar fu couronné. (Chr. Piz., M.F., IV, 1400-1403, 24)

Par ironie.

Ton chief, qui est gros et testuz, De ce chappellet de festuz Vueil coronner. (Mir. parr., 1356, 48)

Et aras pour ton hautain fet Le chief couronné d'ung truvet Rouge et boullant comme metal. (Molinet, Myst. st Quentin C., c.1482, 299)

Par dérision. [Le compl. désigne le Christ] Couronner (d'espines). Coiffer (de la couronne d'épine).

Vezci la couronne en presence De quoy le doux roy couronnastes, Et en quoy boire li donnastes, Au roy tout puissant et devin, Velin amer et aigre vin. (Jour Jug. R., c.1380-1400, 252)

Jhesus, qui de la vierge est fiex, Qui d'espines fu coronné, Pour ce don que m'avez donné Vous doint de tout pechié victoire Et es cieulx couronne de gloire En la parfin. (Mir. st Alexis, 1382, 330)

...ung gros court pillier de marbre, ouquel Nostre Seigneur Jhesu Crist fut liez et assis sus, quant les Juifz le couronnerent d'espines et de jongs marins, et le adorerent en le moquant pour roy (Voy. Jérus., c.1395, 29)

Tes membres furent estendus En la croix et si les clouoient, Et d'espines te couronnoient, Miserere mei Deus. (Régn., F.A., 1432-c.1465, 149)

c)[Symbole de la noblesse du combattant ou le désignant p. méton.] Heaume couronné

A ce temps ne faisoient les grands seigneurs compte de gens d'armes s'ilz n'avoient les heaumes couronnez (Le Bel, Chron. V.D., t.1, 1352-1356, 126)

...les heaumes couronnés, dont on se souloit parer, les plates, les tourniquès d'armes de congnoissance sont alez à neant (Le Bel, Chron. V.D., t.1, 1352-1356, 127)

...le roi d'Engleterre (...) passoit la mer a mille hiaumes couronnés (Froiss., Chron. D., p.1400, 257)

Et le serviroient [le roi d'Angleterre] casquns a une qantité de hiaumes couronnés, car, pour lors, on ne parloit point de lances ne de bachinés, fors de hiaumes. (Froiss., Chron. D., p.1400, 259)

...et portoit on devant luy [le roy d'Engleterre] ung heaume couronné d'une couronne d'or pour cognoissance (Journal bourgeois Paris T., 1420, 139)

2.Participe passé en emploi adjectival.

a)Ceint ou surmonté d'une couronne (ou de la représentation d'une couronne).

[Le compl. n'est pas exprimé]

... ung très bel ymage de marbre, assis ou temple, d'un roy [Picus] qui sur son chief portoit ung pyvert couronné. Si demandoy quel roy c'estoit qui sur sa teste portoit cellui pivert (Ovide mor. B., 1466-1467, 359)

...une grolle d'Allemaigne d'or à couvercle couronné (Comptes Lille L., t.2, a.1467, 37)

[À propos d'une lettre majuscule ornée] F. tu as, entre plusseurs postilles, Ton C. real noblement couronné, Plaisans cadiaux, flourettes fort subtilles, Textes, caïers, gloses de divers stilles Sy que tu es livre bien fortuné. (Molinet, Faictz Dictz D., 1467-1506, 206)

[Enseigne] Boeuf couronné

Du dessus nommé Nicot, pour une court derriere ladite maison du Boeuf, et est de present encorporée dedens ledit hostel du Boeuf couronné, audit terme 16 d. p. (Comptes Paris V.L.D., t.1, 1447-1449, 554)

Item, a Jehan Trouvé, boucher, Laisse le Mouton, franc et tendre, Et ung tacon pour esmouchier Le Beuf couronné qu'on veult vendre, Et la Vache, qui pourra prendre Le villain qui la trousse au col : S'il ne la rend, qu'on le puist pendre Et estrangler d'un bon licol ! (Villon, Lais R.H., c.1456-1457, 21)

[Le compl. est exprimé] Couronné avec. Surmonté de.

Et pareillement au costé dudict grand hostel en avoit ung aultre préparé des ornemens de la Chappelle à ladicte dame, c'est assavoir de drap d'or, ymage de la rembrance du crucefis, armoyez de fleurs de lys et d'ermynes couronnées avecques certaines lettres de M et de A (La Vigne, Sacre Anne Bret. S., 1505, 279)

[Dans un cont. métaph.]

Pour ce de moy vueil hors joie bouter Et renoier Amours d'or en avant, Sa loy, son fait et son faulz convenant, Quant tu portes soubz viaire de fée Cuer de marbre couronné d'aymant, Ourlé de fer, à la pointe asserée. (Mach., L. dames, 1377, 223)

b)En particulier. HÉRALDIQUE

[Du lion ou de l'aigle] Portant couronne.

Puis s'en vint à le banière son frère, qui estoit d'or à un lyon de sable couronnet et endentet de geules, et le prist par le hanste et le leva contremont. (Froiss., Chron. L., IV, c.1375-1400, 120)

...car en armes nulle beste ne oysel ne doit estre couronné si non l'aigle et le lyon et ceulx qui les portent couronné est signe que ce fut pour grant fait de vaillance et par auctorisement de haulx princes car couronné ne appartient a porter sy non a roy mais est tolleré et souffert en aucuns lieux pour les causes dessusdictes et non ailleurs. (Best. hérald. H.E., c.1435-1450, 476)

Messire Jehan du Gavre, qui portoit les plaines armes de Gavre, qui estoient de gueulles a trois lyons d'argent coronnez et armez d'or, et crioit 'Gavre !' (La Sale, J.S., 1456, 191)

Le sire de Beauvau, d'argent a quatre lyonceaux de gueulles et coronnez d'azur, langués et armés d'or, et crie 'Beauvau !' (La Sale, J.S., 1456, 194)

Et porta icelle ducesse de Massen de gheules à une aigle d'argent membrée, couronnée et lyée d'or, à la poitrine de l'aigle ung croissant de mesme. (La Marche, Mém., I, c.1470, 31)

...pour Lembourg, d'argent au lyon de gheulles, armé, langhé et couronné d'or, la queuwe fourchue, croisée en saultour (La Marche, Mém., I, c.1470, 106)

[Dans un cont. hérald.] Surmonté d'une couronne.

... il avoit envoyé nagures certains blancs ou pays de Normandie, seellez de son seel dont il use, ouquel est empraint un escu escartelé des armes de Coucy et de Bethune, que tiennent deux lions rampans, sur lequel escu est un timbre couronné à un col de heron et un penas, et son nom et surnom autour (Doc. 1412. In : L. Mirot, Le Moy. Âge 19, 1915, 106)

...il perdit en la rue de Verrerie un signet de leton gravé et escrit en ceste maniere, c'est assavoir au milieu de la teste dudit signet avoit un cuer couronné, et autour d'iceluy cuer estoit escript son propre nom et seurnom (Doc. 1415. In : L. Mirot, Le Moy. Âge 19, 1915, 110)

Item, ung ciel de satin blanc à 1 K couronné, brodé à fleurs de liz. Item, une coustepointe (...) et en icelle coustepointe, en v lieux, a ung K couronné (Doc. 1422. In : J. Guiffrey, Bibl. Éc. Chartes 48, 1887, 87)

Et après luy, et tout le plus prochain du roy par devant, estoit Joachim Roault portant l'armet royal, couronné et timbré de fleurs de lys d'or bien riches. (Chastell., Chron. K., t.4, c.1456-1471, 83)

...ung personnaige d'argent à une cote d'armes d'Angleterre, (...) une espée en son costé, une salade d'argent, couronnée à ung timbre, dessus ung liépart avec deux petis ganteles (Comptes Lille L., t.2, a.1467, 128)

[Dans un cont. métaph.]

Timbré de piteuses clameurs, Couronné d'amere destresse, Escu d'ennuy, semé de pleurs, Bordé de sable et de foiblesse (Au grey d'amours F.-H., c.1400-1500, 235)

Fleur de lys couronnée

...fu ordonné que ou poinçon des orfevres de Paris où il n'y avoit paravant que une fleur de lys, aroit des lors en avant une fleur de lys couronnée (Industr. Paris F., 1401-1500, 385)

...et furent lors forgez doubles tournois blans à une fleur de liz couronnée (Fauq., II, 1421-1430, 31)

...et leur sera baillié le poinçon de Paris à la fleur de lis couronnée et au contreseing d'iceulz orfevres. (Fauq., II, 1421-1430, 306)

c)MONNAIE Frappé d'une couronne.

...quant il fu prins et admené prisonnier ou Chastellet, il fu trouvé mussé en ses chausses trois escus couronnez neufs. (Reg. crim. Chât., I, 1389-1392, 89)

... [il] regarda qu'il avoit dedens ledit drappellet, ouquel il trouva trois escus couronnez de XVIIJ s. par. la piece (Reg. crim. Chât., I, 1389-1392, 91)

...le dit seigneur de Thors estoit tenu et obligié à rendre et paier à Jehan Allonnea six cens deniers d'or, appelez Guyennoys coronnez, du coing du roy d'Angleterre, par certaines causes justes contenues en ladicte obligacion (Doc. Poitou G., t.5, 1390, 420)

3.Participe passé en emploi substantival. par ellipse. Tête couronnée.

...Et pource de m'espee, qui est enrouillee a present, je n'en pourroie ouvrer. Et se par vostre commandement il vous plaise que je lieve ma forge, il conviendra que m'espee soit desroillee par grant effusion de sang, dont plusieurs couronnez perdront la vie. (Mézières, Songe vieil pèl. C., t.1, c.1386-1389, 361)

B. -Par analogie.

1.Emploi transitif. [Clergé] Conférer la tonsure (à un clerc) comme insigne de l'état ecclésiastique.

Sé je me marioie, li prestrez couronnés Me feroit fiancher, che est la véritez, A tenir à ma femme et foy et loïautez (Baud. Sebourc B., t.2, c.1350, 160)

...et fut envoié à Paris par le concille ung evesque qui estoit venu avec le cardinal à Corbeil, lequel fist le divin office la sepmaine peneuse, comme d'assoultes, comme du cresme, prebstres, dyacres, soubz-dyacres, acolites couronnés (Journal bourgeois Paris T., 1433, 293)

...pour se faire raser Et couronner prestre portant la haire (La Vigne, S.M., 1496, 224)

[D'une femme]

Il fault veoir les aultres s'elles sont coronnées aussi. [Pour entrer plus aisément dans un couvent, deux femmes se sont fait tonsurer] (C.n.n., c.1456-1467, 376)

Par ironie. [À propos d'une blessure]

...et la coiffe du haubert fut despecee et entra l'espee en la chair si avant qu'elle emporta ung tronson de l'os (...). Et quant Doolin le vit ainsi adoubé, il commença à rire et lui dist : 'Herchambault, vous estes couronné comme ung prestre nouveau...' (Doolin de Mayence V, P., a.1500, 54)

2.En forme de couronne.

Le livre ou .IIe. chappitre dit que une grant ombre couronnee estoit establie pour admenistrer au grant ymage sa nourriture et tout l'environnoit, laquelle dicte ombre se puet prendre pour Nature, que nous pouons appeller ombre. (Chr. Piz., Avision R.D., 1405, 4)

[D'un arbre] Taillé (?) en forme de couronne.

Ma dame, seez vous cy soubz ce bel aubepin coronné, et serez nostre juge. (La Sale, J.S., 1456, 280)

[Du genou d'un cheval]

Apres ce que dit est, doit l'en adviser que le cheval ait maigres jambes, larges et plates, et qu'il n'ait pas les genoulx couronnez, et que les joinctes de dessus les couronnelles ne boutent mye devant. (Ménagier Paris B.F., c.1392-1394, 138)

[De la tête du cerf]

Et quant il [le cor du cerf] est tout en tour dessus chevillee comme une couronne, il s'apelle couronnee. (Gast. Phébus, Livre chasse T., 1387-1389, 61)

[D'un diadème]

Et comme roÿne et dieuesse [Dame Perfection] Portoit de fin or esmeré .I. dÿademe couronné, Mais par courous jetté l'avoit Contre tierre, et si fort crioit Que mierveille à regarder fu. (Jean De Le Mote, Regr. Guill. S., 1339, 153)

ART MILITAIRE Tour couronnee. Tour dont le sommet est doté d'un bon système de défense semblable à une couronne.

...et lui [à Geoffroy] sembla bien que par la pourroit elle bien estre prinse d'assault [la forteresse] . Car les murs estoient bas, et n'estoient point les tours guerlandees ; mais il ot sur la porte une grosse tour et assez haulte, et estoit bien couronnee, et monstroit grant deffense ou lez febles et bas murs estoient. Mais Gieffroy avisoit de venir pourveu de manteaulx et de cloies pour les pierres de faiz. (Arras, c.1392-1393, 199)

C. -Au figuré.

1.Accorder une récompense céleste.

Ceindre de la couronne (de gloire, de grâce, ...).

Dame, Vierge et Mere appellée, En ciel, en terre, en mer loée, En gloire de Dieu couronnée, De joie adresse et sente, Fleur de tous biens enluminée Estes, dont nostre vie est née. (Mach., Les lays, 1377, 398)

Que rien n'estoit que [Griseldis] tant amast Que simplesce et humilité ; Pour quoy Dieu, qui est Verité Haultement l'a guerredonnee, Et l'a dessuz nous couronnee, Vueillant lui son bienfait merir. (Gris., 1395, 40)

...je vouloie plus avant declairer les offices de ces trois vertus ou damoiselles treffamilieres a Nostre Dame, et dire comment chascune ame devote qui veult finablement estre couronnee es cieulx la sus, qui peult auxi par foy ou par grace estre mere de Dieu espirituelment (Gers., Annonc., a.1400, 233)

Et pour ce a l'ame tous temps vie, Qui par la loy et par baptesme Et par l'onction du saint cresme, Quant elle s'est bien gouvernée, Est en paradis couronnée (Desch., M.M., c.1385-1403, 329)

Veez la dame digne d'estre emperesse et royne couronnee. (Gers., Concept., 1401, 392)

Tellement lui puist prouffiter Ma priere que confortee Soit son ame, sans point tarder, Et de ses bienfais guerdonnee, En Paradis et couronnee Comme la plus loyalle Dame Qu'en son vivant j'aye trouvee : Je pry a Dieu qu'il en ait l'ame. (CH. D'ORLÉANS, Ball. C., c.1415-1457, 84)

...et premiers, elle [la largesse] coronne l'ame de gloire pardurable (La Sale, J.S., 1456, 75)

De ces deux parle le PSALME : 'Dieu te corone', c'est a dire advironne en coronant, 'de la corone de grace et de misericorde' (Somme abr., c.1477-1481, 179)

Ceindre de la couronne du martyr.

URIEL, angel. (...) Vous qui cy attendés la mort (...) Jhesus par moy vous fait savoir Que, se vous faictes vo debvoir, Ainsi comme avez commencier, Coronnez vous serez ou ciel De la coronne de martirs (Myst. st Adr. P., c.1450-1485, 154)

Je vous promés (...) Que tousjours mes demourerons Lassus au ciel out nous serons Coronés avec les martiers (Myst. st Sébast. M., c.1450-1500, 103)

...tous ceulx qui estoient mors pour la foy crestienne au temps que il avoit regné, qu'il feussent saulvez et que la poine que il avoient prise leur feust coronné de martirs en gloire pardurable. (Bagnyon, Hist. Charlem. K., c.1465-1470, 216)

2.Honorer, récompenser (d'une couronne réelle ou symbolique).

JEUX

Et pour ce, aussi come es Olimpiades, les tres bons et les tres fors ne sont pas coronnés, mais ceuls qui bien besoignent, qui se exercitent et labeurent tant que il ont victoire. (Oresme, E.A., c.1370, 126)

HISTOIRE ROMAINE

...cellui qui passoit premiers le fossé ou le palis de l'ost aux ennemis estoit coronné de la coronne valere (La Sale, J.S., 1456, 4)

[Dans une compétition littéraire]

[D'une personne]

Princes, veuillés d'un chapiaus de soucie, Flouri de plours et boutonné d'amer, Moy et mon chant, s'il vous plaist, couronner, Pour moy faire plus triste et plus dolent, Car bien affiert à moy si fait present. (Mach., L. dames, 1377, 65)

...ceste histoire fut translatee par maistre Francoiz Petrac, pouete couronné a Romme (Ménagier Paris B.F., c.1392-1394, 72)

...du triumphe que les dames luy firent, des dictiers et rondeaulx qu'elles dirent en le couronnant d'un chapelet de violettes (La Vigne, V.N., p.1495, 163)

Par métonymie. [D'une oeuvre]

Serventoys couronné au dit puy. (Mir. nat. N.S.J.C., c.1343, 244)

...se en icelles balades y avoit vice de fausse rime, reditte trop longue ou trop courte ligne en la balade couronnée ou chapelée, on les reporteroit de rechief à icelles dames [de la Cour d'Amour] qui les rejugeroient de nouvel. (La Charte de la Cour d'Amour, éd. Ch. Potvin, 1401. In : B. de l'Ac. royale des sc., des lettres et des beaux-arts de Belgique 3e série 12, 1886, 210)

...les fleurs d'icelui je ay cueillies et appliquees yci a ton propos pour faire d'une sorte ung gracieux chapel avec les ditz des sains docteurs pour ton livre a la fin comme victorieux couronner. (Chr. Piz., Avision R.D., 1405, 136)

[Sans complément] Estre couronné. Être comblé d'honneur, être mis à l'honneur.

Et mandoit a sa fille qui estoit la mainnee, Margalie la belle qui tant fut coronnee, Qu'elle soy gardast bien du fort roy d'Orbendee. (Flor. Octav. L., t.1, c.1356, 341)

C'est le plus beau chasteau que j'aye veut. Pourtant serat d'or en avant nommeiz Monroialz en nom de Dieu, car sur tous aultrez doit estre couronneit. (JEAN D'OUTREM., Myr. histors G., a.1400, 141)

Proverbe. La fin couronne (une oeuvre). Le résultat confère sa valeur à (une oeuvre, une action).

Et, combien que ceulx de qui je parle, especiallement Alexandre, ait acquis grant renommée et grant los envers le monde, touteffois dit-on communement que la fin couronne ou advillist l'euvre. Et, en parlant veritablement, veu qu'il voulloit avoir le sien et l'autruy, on le povoit plus amplement appeller persecuteur ou tirant que empereur ou triumphant. (Bueil, I, 1461-1466, 122)

J'ayme mieulx estre reclamé Moyne sur une povre couche, Vivant sans faire a Dieu reproche Qu'estre pape ne cardinal Qui trop aux biens mondains se couche. La fin tousjours couronne mal D'estre en degré seigneurïal. (La Vigne, S.M., 1496, 405)

3.Estre couronné de ( + subst. désignant une manière d'être, une qualité morale...)

Car il est vrais, fins, loiaus et secrez, Frans et gentis, ne dire ne saroie La riche honneur dont il est couronnés Ne le haut bien : si ne say tour ne voie, Comment peüsse finer Dou remerir. (Mach., Bal., 1377, 544)

...elle est coronnée De toute valour (Mach., Ch. bal., 1377, 588)

De bonté, de valour, De biauté, de douçour Ma dame est parée ; De maniere, d'atour, De scens, de grace est couronnée. (Mach., Ch. bal., 1377, 591)

...comme nous lisons de Scypion, l'un des princes de Romme, acquist nom et grant louenge à cause de la cartagiene guerre, mais de plus glorieuse louenge fu couronné de ce qu'il ne fut pas tant seulement à l'obseque d'un sien annemi mortel, ains porta d'une part la biere à ses propres espaules (Chr. Piz., Faits meurs Ch. V, S., I, 1404, 64)

Ainsi fu le commencement de celle noble nacion françoise couronnée d'ancienne noblece (Chr. Piz., Faits meurs Ch. V, S., I, 1404, 13)