COPIE

substantif féminin

[T-L : copie ; GD : copie ; GDC : copie ; AND : copie ; FEW (II-2, 1154b) : copia ; TLF (VI, 149a) : copie]

A. -Abondance, grande quantité.

...affin que l'or et l'argent qui sont moult convenables à faire monnoie, ne se puissent de legier avoir en grande copie ou habondance (Oresme, Monnoies W., c.1365, XIII)

...si grant habondance de flateurs et si grant copie que... (Foul., Policrat. B., III, 1372, 238)

Car il luy plaisoit moult combatre contre les geans, desquelz la copie habondoit plus illecques que... (Percef. I, R., t.1, c.1450 [c.1340], 27)

Remarque : MOLINET, Faictz Dictz D., 1467-1506, gloss. ; Myst. process. Lille K., t.3, a.1485, gloss.

Copie de

Ysidore (...) le tiltre De Rethorique volt escripre, Dist que 'science est de bien dire, Pour la coppie d'eloquence...' (Chr. Piz., M.F., II, 1400-1403, 132)

...et grant copie de gens armez (Percef. I, R., t.1, c.1450 [c.1340], 24)

B. -[Idée de double (répétition, reproduction à l'identique...)]

1.Répétition, effet répété.

Oncles, ce dist Tangrés, vécy oevre anemie : Pas ne demeure en vous que n'en ayés copie. (God. Bouillon R.B., t.3, c.1356, 61)

Imitation, reproduction.

...on luy donna ung nain boçu et contrefait, en moy pouez veoir la copie. (Percef. I, R., t.1, c.1450 [c.1340], 418)

2.Reproduction à l'identique d'un texte écrit.

Et s'il vous plaisoit a moy envoier la copie de ce que vous avés fait de vostre livre, je vous en saroie moult bon gré (Mach., Voir, 1364, 508)

Mon chier ami, je vous pri que vous me veuilliez renvoier par ce message le commencement de vostre livre, cellui que je vous renvoiai piece ha, car je n'en retins point de copie, et je l'ai trop grant fain de veoir. (Mach., Voir, 1364, 742)

...les deffiances (...) n'avoient pas esté courtoises, mais hors du stille, usaige et ordonnance des aultres deffiances. Bien est verité que j'en vey aulcunes cedules jettées et escriptes en pappier, et disoit-on que ce en estoit la propre copie (Froiss., Chron. M., XIV, c.1375-1400, 229)

Mez c'est bien vray que, quant l'en procede d'office contre aucun qui soit diffamé d'aucun pechié, le juge, en tel cas, ja soit ce que tel soit trouvé pur et innocent, n'a pas acoustumé de poïer aucuns despens, mez se partie veult avoir copie du procés, il le doit avoir en sez despens. (Songe verg. S., t.2, 1378, 157)

...duquel examen et confession il bailla copie, en requerant audit mons. le prevost avoir descharge et delivrance d'icellui prisonnier. (Reg. crim. Chât., I, 1389-1392, 54)

Si furent lettres escriptes, seelees et donnees, et en prist cascuns des rois ou de lors honmes a ce conmis dou recevoir, les copies. (Froiss., Chron. D., p.1400, 457)

...il faloit qu'il parlast audit duc pour avoir instruction contre ladicte lettre, que requeroit avoir, ou la copie d'icelle. (Baye, I, 1400-1410, 322)

Et comme j'ay sceu par tes premieres lectres a moy envoyees tu desirant avoir la coppie d'un petit traictié en maniere d'epistre de par moy ja envoyé a solennel clerc, mon seigneur le prevost de Lisle (ouquel est traictié et dit au long selon l'estendue de mon petit engin l'oppinion de moy tenue, a la sienne contraire, de la grant louenge qu'il actribue a la compilacion du Rommant de la Rose, comme il m'apparut par un sien dictié adrecié a un subtil clerc docteur, sien amy, contraire a sa dicte oppinion - a laquelle la moye se confere), et pour vouloir emplir ton bon mandement le t'ay envoyé (Chr. Piz., Déb. R. Rose H., 1401-1402, 24-25)

Par toutes bonnes villes de France l'alosée Fu par yaus la copie de la lettre monstrée, En supliant à ceux où la garde est donnée, Qu'il soient leurs aidans (...) Pour mettre le bon roy en ordenanche rieullée Et obvier encontre leur mauvaise pensée De ceux qui le menoient du tout à leur tiestée. (Geste ducs Bourg. K., c.1410-1419, 376)

Point ne sera la lettre maintenant desploïe ; Mais devant le quemun sera dépeupelye. Quant l'autre sera lieute, dont hier vint la copie (Geste ducs Bourg. K., c.1410-1419, 495)

...nous voulons que de nosdictes lectres on ajoute aux copies ou aux vidimus d'icelles faictes soubz le seel de Chastellet ou autres seaulx royaulx et auctentiques, pleine et vraye foy comme l'on feroit à l'original (Doc. 1413. In : MONSTRELET, Chron. D.-A., t.2, c.1425-1440, 360)

...et volt mondit segneur le Dauphin avoir le double ou copie desdiz advis pour envoyer au Roy et gens de son Conseil (Fauq., I, 1417-1420, 80)

...lesdictes lettres dont copie fu rendue à court par le premier compte de Godefroy Le Sauvaige (Comptes Etat bourg. M.F., t.3, 1418-1420, 424)

...desquelles lettres et instructions vous envoyons copie enclose en ces presentes (Escouchy, Chron. B., t.3, Pièces justif., 1448, 204)

...si m'a présenté l'original de la compaignie d'entre ledit Cuer et Jehan de Village, auquel original j'ay collacionné la coppie de mot à mot (Aff. Jacques Coeur M., 1453-1457, 213)

Et ly sire Jaicque Roillenat qui au jour estoit maistre eschevin de Mets ait dit pour droit, par lui et par ces peires, que parmey l'enqueste et le rapport que Jehan Parrerelz l'amant qui fuit prins a pardessoure, en trouvés et rappourtés, ait bien Clement l'Espicier l'amant, a donner coppie et Hainsement l'orfeivre, c'est a ssavoir az despens dudit Hainsement, de l'entree et don clo de la devise de Jaicomin Hainchellin, le merchamps que fuit, et coment ledit Jaicomin fait sa mainbour de Sezeliatte, sa femme, et le datum de ladicte devise par [pour] le tesmoignier em plait et aillour, ensi comme ledit Hainsement le requiert. (Jug. maître-échev. Metz S., t.3, a.1494, [1424], 38)

[Cont. métaph.]

Et se le roy est le livre ou le peuple doibt prendre enseignement de vie et amendement de meurs, quant l'oringinal en est corrumpu, les copies en sont faictez faulsez. (Chart., L. Esp., c.1429-1430, 45)

3.Relation détaillée et authentique d'un fait, d'une action.

Vous avés bien oït du droit fait le copie (God. Bouillon R.B., t.3, c.1356, 32)

Par extension. Ce que l'on peut dire de qqc., ce qu'il en est réellement.

Volés oïr nouvielle qui bien doit estre oye De la femme Hélyas, (...) Cieus chevaliers ychy en set bien la coppie. (Chev. cygne R., c.1356, 138)

...de celui Phelipes sot toute la copie Comment deviers son oncle ot la cose traitie. (Geste ducs Bourg. K., c.1410-1419, 265)

Faites aparlier vo gent et vo maisnie. S'en yrons à Paris à bielle cevaucie ; Et là de vo consail monsterons la copie A ceus de parlement et le grant clergie (Geste ducs Bourg. K., c.1410-1419, 341)

Qui cuidast que jamaiz osasses Passer par la bouche ou tu passes Sans que saulfconduit apportasses Au cuer escript ? Parler d'amant, par Jesus Crist, C'est la copie sans escript De ce qui est ou cuer descript Par passïon (Chart., L. Dames, 1416, 278)

Je suppose Qu'i le suyt, et partout l'espie S'il pourra point avoir copie De quelque meffait qui luy viengne [GD cite le passage corresp. de Gréban, Pass., éd. G. Paris, avec la déf. 'faculté, facilité, permission'] . (Myst. Pass. Troyes B., a.1482, 509)

C. -[Latinismes]

1.Faculté, pouvoir (de faire, d'obtenir qqc.), occasion.

...que l'en soustraie et oste copie de pareille defense a son adversaire (Foul., Policrat. B., V, 1372, 394)

...il tuera son frere se copie de l'assaillir luy est prestee. (Percef. I, R., t.1, c.1450 [c.1340], 50)

Avoir copie de qqn

Disposer de qqn.

...et, se on n'avoit copie de prestre (Jean Golein, Rational B.D., c.1370-1372, 507)

Avoir recours à qqn.

Caÿphe, mon vaillant seigneur, Eust voulentiers, ains qu'il fust nonne, Copie de vostre personne Pour appoincter d'aucuns moyens [L'éd. définit par 'usage', et Jodogne comprend cette loc. 'avoir l'avantage de la visite de qqn'] . (Myst. Pass. Troyes B., a.1482, 525)

Avoir qqn en son pouvoir, se rendre maître de qqn, l'appréhender.

Nous en aurons tantost copie : Je le tien par son palïot. (Myst. Pass. Troyes B., a.1482, 712)

Remarque : GRÉBAN, Pass. J., c.1450, gloss.

Avoir copie de qqc. Disposer de qqc., s'emparer de qqc..

Remarque : Guill. Orange T.H.G., p.1450, gloss.

Avoir copie de + inf.

...estre debouté de son paÿs ne avoir pas copie de retourner pour user de la dignité perdue. (Percef. I, R., t.1, c.1450 [c.1340], 52)

2.Troupe, forces militaires.

Comme donquez il i eust ja jusquez a .XXX. mil hommes detailliez, li consul avoient fait signe de retraire, et si recueilloient leur copiez tout ensamble en faisant grant joie les uns aus autres, quant il virent de loing novelles cohortez d'enemis qui avoient [esté] escriptez et la tramisez par suploiement, et lors fu recommanciee l'occision (...) ...et li autre dient que l'en se departi ygalement de la bataille d'une partie et d'autre et que Postumius en faingnant et dissimulant paour s'en estoit alez par nuit aus montaignez tout secretement et ilecquez mené ces copiez et que li ennemi l'avoient suy et soy logié prés de luy de deuz mylles en lieus seurs et fors (Bers., I, 9, c.1354-1359, 43.17, 81)

Remarque : Hist. prem. destruct. Troie R., c.1470-1480, gloss. (coppies).