CONVOITISE

substantif féminin

[T-L : covoitise ; GDC : covoitise ; AND : coveitise ; DECT : covoitise ; FEW (II-2, 1551b) : cupiditas ; TLF (VI, 134a) : convoitise]

A. -Désir effréné, très forte envie.

Quant Agrevain l'oÿ, s'abaisse le menton ; Couvoittize le fist avoir opinion D'entendre la parolle dou traïttre felon, Et puis y tent l'oreille, lui vint temptation De mauvaise volente par infourmation. (Flor. Rome W., c.1330-1400, 188)

Et vraiement, si com je cuit. Qui plus couvoite qu'il ne doit, Sa couvoitise le deçoit. Et demander de couvoitise Est engenrez contre franchise (Mach., R. Fort., c.1341, 139)

...ceus qui (...) suyvent leur mouvement de cuer et de char et la convoitise de leur cuer (Foul., Policrat. B., II, 1372, 190)

Or y vueillez si regarder Que par convoitise ou envie Pour li ne perdez pas la vie, Se fais que sage. (Mir. fille roy, c.1379, 96)

...et gardés que point ne soit ars et bruis cest hostel, l'ostel Dieu et l'ospital du Saint Esperit, par les donmageuses flammes des faulx desirs et convoitises afin que tousjours mon ame vive avec vous sanz departir (Gers., Pent., p.1389, 75)

...la maniere et cause de convoitise qui mouvoit et a meu icelle prisonniere de proferer les parolles dessus escriptes, par elle dites contre icellui seigneur de Nouvion (Reg. crim. Chât., II, 1389-1392, 129)

Si n'y a meilleur que soustenir par ung peu de temps la doleur de penitence, qui maine a garison, affin que on ne languisse pas ainsy par mauvaise convoitise et male arsure jusques a la fin. (Gers., Déf., 1400, 243)

...Sen y pansser mal nullement Ne sen pansser a cowoitize. (Prières saints R., t.2, 1400-1500, 265)

Vierge (...) Refroide en moy et amenuyse L'ardeur de toute convetise. (Prières saints R., t.2, 1400-1500, 328)

On la garde [l'âme] que elle ne trebuche en la fosse d'orgueil (...), que elle ne soit roingneuse par paresce, arce par luxure, engelee par convoitise, et ainsy des autres vices. (Gers., Noël, p.1404, 297)

...comment approuvera-il la maniere du fait qui fu par aguet, par fait pourpansé, par trayson, par flaterie, par ambition, par convoitise, par envie, par feintise et simulation (Baye, II, 1411-1417, 261)

Mes anciens ennemis et adversaires me guerroient au dehors par feu et par glaive, et vous par dedans me guerroiez par voz couvoitises et mauvaises ambitions. (Chart., Q. inv., 1422, 12)

Bon renon est son tresor, son avoir Et la chose que Proesce a plus chiere, Ne ja homme n'y fera bien devoir, Qui en armes quiert praie la premiere, Car Couvoitise est tousjours coustumiere D'amer honneur assez escharcement Et tout a coup par son aveuglement Entrerompre l'ordre de bon ouvrage. (Chart., B. Nobles, c.1424, 400)

Convoitise de qqc.

En cest degré de fortitude peuent estre contenus souldoiers et tous ceuls lesquelz convoitise de pecune contraint a combatre. (Oresme, E.A.C., c.1370, 211)

...du pechié d'ambicion et de couvoitise de honneur (Foul., Policrat. B., V, 1372, 269)

Ainsi appert-il clèrement par cest article de saint Jehan qu'il est trois manières de convoitise qui encloent en elles tous péchez. C'est assavoir convoitise de honneur vaine, convoitise de richesse mondaine, et convoitise de délectacion charnelle. (Doc. 1408. In : MONSTRELET, Chron. D.-A., t.1, c.1425-1440, 186)

...lors que les biens et les richesses multiplioient par le royaume et que les finances y habondoient comme sourse d'eaue vive, voz pompes desmesurees, voz oisivetez aouillees de toutes delices et la descognoissance de vous mesmes vous avoit ja et a bestourné le sens, si que ambicion d'estaz, convoitise d'avoir et envie de gouverner, vous commençoient a mener a la confusion ou vous estes. (Chart., Q. inv., 1422, 38)

...elle ne fut pas si fole, non pas par convoitise de la verge, qu'elle ne trouva bonne gracieuse fasson de la regarder et bouter en son doy. (C.n.n., c.1456-1467, 178)

Convoitise de + inf.

Car, pour ce que ilz ont convoitise de donner et de despendre, il ne font force ne difference en quelle maniere de quel part il prennent. (Oresme, E.A., c.1370, 238)

...qui se vodroit tant avanchier et travillier que on peuist trouver les Escos, chils qui les premieres nouvelles certainnes en raporteroit, li rois li feroit delivrer, en deniers apparilliés, cent livres d'estrelins. Adont se missent en qeste auqun esquier dou pais, chil qui mieuls le congnissoient, pour le convoitise de gaegnier celle pronmesse. (Froiss., Chron. D., p.1400, 138)

En lor compagnie avoit .I. jone esquier de Limosin, neveut dou pape Clement, mais au prendre il fu ocis. Li auqun dient que ce fu par envie ou pour ses belles armeures pour la convoitise de l'avoir, car il estoit armés tres ricement (Froiss., Chron. D., p.1400, 372)

Qui veist la gens abandonner vies et corps, et aprocier le pont pour la convoitise des cent esqus gaegnier (...) il se peuist grandement esmervillier. (Froiss., Chron. D., p.1400, 667)

Et telle convoitise de desirer telles apparicions est curieuse, et descent de petite foy. (Gers., Déf., 1400, 242)

...et les aultres [ecclésiastiques] sont en commissions et vont dehors pour convoitise de gaignier. (Juv. Urs., Verba, 1452, 334)

B. -En particulier.

1.Cupidité.

...un pape qui, par sa convoitise, vendi le basme dont on servoit deux lampes en la chappelle de saint Pierre (Mir. pape, 1346, 355)

Garde t', amis, qu'aus dez ne joues Et que pas ton temps n'i aloues, Car c'est chose trop deshonneste A prince qui quiert vie honneste ; Car il ne vient pas de franchise, Eins est fondez seur couvoitise, Et s'i moustre on si sa maniere Que maint en parlent en derriere. (Mach., C. ami, 1357, 138)

Et la deffaute est illiberalité et est avarice et convoitise. (Oresme, E.A., c.1370, 165)

Et tel juge est corumpu par convoitise ou par paour. (Oresme, E.A.C., c.1370, 315)

...il qui parle, par convoitise, print oudit hostel une houpelande à homme, courte, de drap vert, et doublé de sarge vert, laquele povoit lors valoir quatre frans (Reg. crim. Chât., II, 1389-1392, 169)

Jouer aux dez par convoitise (...) Est ce chose qui leur aviengne ? (Chr. Piz., M.F., II, 1400-1403, 34)

Vostre vaillance et courage que avés n'est point par ambicion, convoitise ou avarise, mais par ung vaillant corage (Juv. Urs., Prop. I, c.1438, 289)

...y avoit ung homme ancien et une femme vieille qui grand chevance et foison de richesses avoient, et par convoitise et grand desir de plus avoir avoient promis foy et loyaulté l'un a l'autre (C.n.n., c.1456-1467, 338)

Le bon mary orfevre estoit tant alumé et ardent en convoitise qu'il ne dormoit heure ne bon somme pour labourer. (C.n.n., c.1456-1467, 492)

Bien est vray que plusieurs princes et chevaliers faillent plus par convoittise qu'ilz ne font par folle largesse. Et touteffoys il n'est rien plus malseant à ung bon chevalier que convoitise, ne les aultres vices ne nuysent pas tant au peuple ne aux subgectz comme l'avarice du seigneur et du prince (Bueil, II, 1461-1466, 75)

Cestuy roy estoit à large plus que autres, que par convoitise et escharceté se sont faiz destruire. (Simon De Phares, Astrol., c.1494-1498, f° 63 r°)

2.Concupiscence.

En celle annee establi furent Doi juge ancien qui se deçurent Par luxure et par couvoitise Qui maint mal engendre et atise... (Mach., C. ami, 1357, 4)

Il avoit [beu] bon vin qui le fist fort aller, Et convoitise ossy le fasoit moult pener. (Hugues Capet L., c.1358, 215)