CONVENANT

substantif masculin

[T-L : covenant ; GD : covenant ; AND : covenant ; DECT : covenant ; FEW (II-2, 1126b) : convenire ; TLF (VI, 115a) : convenant]

I. -Ce qui convient à qqn ; manière d'être ou de se comporter (habituelle ou occasionnelle).

A. -Ce qui convient à qqn.

...il a a son conmand Et pain et char et vin et or et argent tant Qu'il appiertient a lui et a son couvenant (Flor. Rome W., c.1330-1400, 153)

B. -Manière d'être, situation dans laquelle on se trouve.

1.Manière d'être, manière de se comporter (habituelle ou occasionnelle).

...certes pas n'avez a faire a ung enfant, Mais a bons chevaliers et de bon convenant (Gir. Vienne D.B., c.1350-1400, 136)

...fols fu et légiers et de sot convenant, Car ains croire ne vot cousin n'apiertenant. (God. Bouillon R.B., t.3, c.1356, 341)

...ly contez est fel et de faus convenent (Hugues Capet L., c.1358, 33)

Nous avons peu de gent à gueriier Soudant Qui mon pere a ochis, par sen faus convenant (Hugues Capet L., c.1358, 42)

Mais ainchois que de chi me voise departant, Yray jouster d'un fer contre ce soudoyant Qui orains nous ochist le nostre apertenant, Le conte de [Grant] Pré, au hardy convenant. (Hugues Capet L., c.1358, 135)

Bien perchoi par leur couvenant Qu'il se tiennent pour decheü Dou grant loisir que j'ai eü De parler a ma droite dame. (Froiss., Joli buiss. F., 1373, 207)

Si se veirent assegiet de tous costés. Ensi que gens de bon couvenant et de grant arroy, il ne furent de riens esbahi, mès entendirent à leurs gardes et à leurs deffenses. (Froiss., Chron. L., III, c.1375-1400, 63)

Et estoient li contes de Bouquighem et ses consaulx trop esmervilliet dou duc de Bretaigne (...) car de tout en tout il trouvoient et avoient trouvé en li foible convenant. (Froiss., Chron. R., X, c.1375-1400, 21)

...ceulx de Bruges (...) comme lasches gens et plains de mauvais convenant (...) laissièrent les Gantois entrer dans eulx sans deffence (...) et tournèrent le dos. (Froiss., Chron. R., X, c.1375-1400, 226)

Lors chevauchièrent (...) et vinrent jusques as Parisiiens, que il trouvèrent en arroi, et convenant de une belle bataille et bien ordonnée (Froiss., Chron. R., XI, c.1375-1400, 77)

Pour ce de moye vueil hors joie bouter Et renoier Amours d'or en avant, Sa loy, son fait et son faulz couvenant. (Mach., L. dames, 1377, 223)

Si tost qu'il vit l'abbé, se le va enclinant, Et li abbes, qui vit noble son convenant, A tost tiré sur frain et les va regardant (Huon Bordeaux B., c.1400-1450, 5)

Or s'en va le ber Hue o hardis convenant (Huon Bordeaux B., c.1400-1450, 86)

Disposition d'esprit.

Ernault s'assist les lui [la pucelle], lors lui va demandant Son cuer et son pensé et le scien convenant. (Hern. Beaul. D.B., c.1350-1400, 20)

On doit ung trayteur, quant on le voit pulent, En fausse vollenté et en mal convenent, Guerver en tous estas sans nul detriement (Hugues Capet L., c.1358, 220)

Chil de Gaind, qui savoient bien tous ces convenans et comment li contes voloit poissanment aler devant la ville de Ippre, regardèrent que il asambleroient leur poissance. (Froiss., Chron. R., X, c.1375-1400, 53)

2.Situation dans laquelle on se trouve, circonstance.

Signeur, or oés men samblant : Nous somez trestout frerez et prochain atenant, S'alons véoir no pere en povre convenant (Hugues Capet L., c.1358, 102)

Li princes de Galles et ses batailles (...) veirent bien une partie dou couvenant de chiaus de Thoulouse que, se on les assalloit, il se deffenderoient. (Froiss., Chron. L., IV, c.1375-1400, 162)

...bien ont sceu, en France, le roy et son conseil tout nostre convenant et en quel estat nous gisons (Froiss., Chron. M., XIV, c.1375-1400, 45)

...nous avons veu le convenant du duc d'Irlande, et sont tous rengiez et ordonnez sus les champs en bonne maniere (Froiss., Chron. M., XIV, c.1375-1400, 69)

'Ditez à monseigneur de Persi le convenant où vous nous laissiés, et comment li Escot sont enclos ou chastiel et n'en pueent partir, fors au saillir hors pardessus les murs.' (Froiss., Chron. R., IX, c.1375-1400, 30)

En convenant pour + inf. En situation de.

Quant cil qui gardoient le pas, qui n'estoit point si fors adonc comme il est ores, veïrent venus les Gantois en convenant pour asaillir, si furent tout effraé. (Froiss., Chron. R., IX, c.1375-1400, 188)

Par bon convenant. Par une situation favorable.

La ditte bataille de Creci commença au vespre tout tart, sans arroi et sans ordenance, et ceste de Poitiers matin, à heure de prime, et assés par bon couvenant, se eur y euist eu pour les François. (Froiss., Chron. L., V, c.1375-1400, 43)

...ensi par bon couvenant la grosse bataille dou roy s'en vint assambler as Englès. (Froiss., Chron. L., V, c.1375-1400, 43)

Situation dans laquelle se trouve un pays.

...je ne treuve pas mon païs ou convenant où il estoit quant je envoiai en Engletière, dont il me desplaist grandement (Froiss., Chron. R., X, c.1375-1400, 3)

Bien savoient li Escot tout le convenant d'Engletière, et ossi faissoit li dus (Froiss., Chron. R., X, c.1375-1400, 124)

Par métonymie. Lieu où se trouve qqn (dans telle ou telle situation).

'Chevauciés avant plus priès dou couvenant des Englès, et avisés et regardés justement leur arroi, et comment il sont, et par quel manière nous les porons combatre, soit à piet, soit à cheval.' (Froiss., Chron. L., V, c.1375-1400, 20)

C. -Par extension. Manière, façon.

Or vous ay dit la maniere comment Amours me fist estre loial amant, L'estat, la guise et tout le couvenant, Ce qui m'avint, Comment pris fui, comment on me retint, Comment de moy ma dame ne souvint, Les biens, les maus qu'endurer me couvint Jusqu'au jour d'ui... (Mach., J. R. Beh., c.1340, 89)

S'on vous meffaisoit riens, (...) Ou en fais ou en dis par aucuns couvenans, Ne soiés si hastieux de vous estre vanjans (Renaut Mont. B.N. V., c.1350-1400, 202)

...de sa doulce mere ly vient ramenbrement, Qui li avoit prié a son departement Que s'on li meffaisoit par aucun convenant Qu'il s'en plaindist au roy sans prendre vengement (Renaut Mont. B.N. V., c.1350-1400, 206)

Comment ossés venir en sifait convenant Veïr .J. vostre ami ou vostre apertenant ? (Renaut Mont. B.N. V., c.1350-1400, 244)

Honneur n'y puis avoir par nes .I. convenant (Renaut Mont. B.N. V., c.1350-1400, 297)

Et Regnier en jura le Pere omnipotent Que s'il peust esploitter par aucun convenant, Roy Sorbrin de Venise destruira temprement. (Ren. Gennes D.B., c.1350-1400, 96)

Et s'il avenoit cose par acun convenant Que ly dus me tolist tout quanques j'ay vaillant, Je ne l'aroye pas pierdut por ung mesquant. (God. Bouillon R., t.2, c.1356, 38)

Tenez vos bataille en bon convenant. Nous arons huy une belle journée, s'il plaist à Dieu (Froiss., Chron. M., XIV, c.1375-1400, 70)

Quant messires Gossiaux de Saint Aubin et Engerans Zendekins voient le convenant que cil Gantois montoient par escielles as crestiaux (...) si furent tout esbahi. (Froiss., Chron. R., XI, c.1375-1400, 220)

Par (i)tel convenant (que)... De telle manière (que)....

En l'escu de son col le fery tellement Que parmy le passa par ytel couvenant (Hugues Capet Lab., c.1358, 216)

L'archier y enbara par itel couvenent Que toute le cervelle ly abat et estent (Hugues Capet Lab., c.1358, 217)

...l'espeë volla hors du poing Amauri Par itel convenant qu'a le terre flatri. (Huon Bordeaux B., c.1400-1450, 17)

Remarque : Consol. Boèce C., c.1350, gloss.

Façon de qqc..

On li fist voie, che fu raisons. Il s'aresta sus le rivage et regarda volentiers le convenant et le chavance de che bacquet. Adont dist li sires de Saimpi : 'Sire, il vous plaist que nous passons ?' (Froiss., Chron. R., XI, c.1375-1400, 11)

II. -Accord, promesse.

A. -Accord.

LA ROYNE. Ma cousine, je vous requier (...) Qu'avec mon seigneur vous couchiez En lieu de moy encor ennuit (...). Certes bien le desserviray (...) de toute ma royauté Serez a vostre voulenté Dame emprès moy. LA NIEPCE. Ma cousine, je vous ottroy Par ces convenans le feray. (Mir. femme roy Port., c.1342, 183)

Car adonques il ne veulent tenir les conventions ou convenans qui avoient esté faiz devant et les veulent depecier, aussi comme se la cité ne les avoit pas faiz mes le tirant qui avoit prinse ceste auctorité. (Oresme, Pol. Arist. M., c.1372-1374, 117)

Si se departirent dou duc, et sus bon convenant, li sires de Duras et li sires de Rosem, en l'entente que pour raller en leurs païs. (Froiss., Chron. R., IX, c.1375-1400, 14)

Et fisent un secret traictiet devers les François que volentiers il se renderoient, saulve le leur et leurs biens. Et les gens d'armes qui dedens Saint Makaire estoient perchurent ce convenant ; si se doubtèrent des hommes de la ville. (Froiss., Chron. R., IX, c.1375-1400, 19)

...car mariage puet estre sanz douaire et sanz heritage, et est le convenant qui se fait de douaire pur temporel, et non mie espirituel. (Songe verg. S., t.1, 1378, 29)

Derechief, la loy dit que, quant le fieu doit venir a fame par convenant, se celluy qui fait tel convenant va de vie a trespassement et laisse deux filles sanz aucun malle, se l'une dez fillez ait un filz malle, celluy filz exclurra et deboutera hors de la succession l'autre fille (Songe verg. S., t.1, 1378, 251)

Ce couvenant mal a gré a Le roy, touteffoiz l'agrea Sus son pis (Chr. Piz., M.F., III, 1400-1403, 241)

Et [celui qui est jaloux] se clame d'Amours mal assené Et baraté, Et se complaint de sa grant loyauté ; Ou il maudit sa dame et sa beauté, Et la blasme de sa desloyauté Mal advenant. Et se soucie et va entreprenant La ou il n'a ne foy ne couvenant, Ottroy, seurté, droit ne le remenant, N'oncq n'y advint. Et croit de vray ce qui oncques n'avint Et jure Dieu des fois ou quinze ou vint Qu'el ayme tel dont onq ne lui souvint. (Chart., D. Fort., 1412-1413, 184)

Sy furent d'accord par convenant que cestui yroit le premier ; car es aultres dangiers et jusques la le prebstre y estoit tousdiz allé, comme cellui qui les avoit asseurez de toutes choses. (La Sale, Salade, c.1442-1444, 87)

Par convenant de + inf. À condition de, en s'engageant à.

...se en cellui temps vous n'avez trouvé aucun chevalier ou escuier de nom et d'armes sans repreuche qui pour acomplir vostre emprise a cheval ou a pyé le [le bracelet] vous ait osté, par couvenant de le vous rendre (La Sale, J.S., 1456, 80)

Par convenant que... A la condition que....

A lui vous a donnee Charlon le conquerant, Et vo terre a tenir par itel convenant, Que le bon chevalier (...) Si vous doit garentir Sorbrin le conquerant. (Ren. Gennes D.B., c.1350-1400, 98)

Pour convenant que. Moyennant que, à condition que.

Et pleust a Dieu que oures fust il icy avecques moy, et puis si Dieu eust ordené que je deusse tantost mourir, je prendroye en gré la mort pour convenant que je luy puisse parler et dire tout mon talent. (La Cépède, Paris Vienne K., 1432, 129)

REDEVANCE Les convenants de Pasques

...XL s. t. pour ples annuis, avecques certaines redevances et faisances comme advaines, guélines ou eufs, garbes et tourteaux et rentes d'argent apellées les convenans de Pasques, deubz à plusieurs termes de l'an. (Hector De Chartres, Cout. R., 1398-1408, 99)

En particulier. Region. (Bretagne) Bien rural concédé suivant un régime contractuel défini.

Item au regard de ceulx qu'aulcuns veulent exempter soubs ombre d'estre leurs metayers, quels demeurent en convenants ou estages près leurs manoirs, estant d'un mesme faict et gouvernement des aultres convenanciers et estagers qui paient et contribuent es tailles et fouages, dont y a aulcuns d'eux qui auroient faict faire lesditz edifices, et aultres qui ont acquis le droit es edifices où ils demeurent de ceulx à qui ils estoient, par quoy conviendroit poyer leurs edifices avant de les pouvoir mettre hors (Très anc. cout. Bret. P., Textes divers, 1456, 435)

B. -Promesse, engagement.

...a moy dire vous playse Qui m'a ce fait que ne venistes Dès le convenant que me fistes Premiére foiz. (Mir. nonne, 1345, 330)

...pour l'amour Tangré son convenent tenray (God. Bouillon R.B., t.3, c.1356, 197)

Mais chascun est tenu a savoir les choses de droit oÿes et cogneües, comme que l'en ne doit riens embler et que l'en doit tenir covenant, etc. (Oresme, E.A.C., c.1370, 198)

...un chevalier nommé Rogier du Chastel de Rousset, en la province d'Auxci, qui trouva une faee et la voult avoir a femme. Elle s'i consenty par tel convenant que jamais nue ne la verroit. (Arras, c.1392-1393, 4)

O mes amis, Anges polis - a Dieu servans, Quant Guabriel vis, Et concepvis, - joyeux, risans Estions en seans. Tout ce revire ! Tes convenans, Guabriel, seans - müent leur rire [Il s'agit des paroles de l'archange Gabriel à Marie, lors de l'Annonciation, cf. Luc 1, 26-38] . (Pass. Auv., 1477, 246)

Si m'est venu en pensement Ung faict que voulentiers vous deisse, Mais que certainement je veisse, Et que convenant me ferez Que secret vous me le tiendrez Sans le reveler nullement (Myst. st Laur. S.W., 1499, 172)

Par droit convenant. Sur la foi d'un sincère engagement.

[Le marquis à Griseldis] ...ou cas que je te prendray A femme et espouseray (...) Savoir vueil par droit convenant Se, de ta franche voulenté, Le corage as entalenté Et vuelz encliner et soubzmettre A ma voulenté, sanz demettre, Par tel maniere que de toy Et de ta personne, par moy, Et de ce qui te touchera, Soit fait tout ce qui me plaira, Sanz repugnance ou contredit (Gris., 1395, 37)

Avoir convenant à qqn. Être engagé envers qqn, avoir fait une promesse à qqn.

Dame mere, dist il, allés joie menant. J'ay trouvé la plus bielle en ce siecle vivant (...) S'en feray ma moullier, je lui ay couvenant. - Biaux fieux, dist Matabrune, bien te voy ignorent. Vous euissiés eüt la fille au roy Morghant Et le royalme oussy et trestout l'apendant (Chev. cygne P., c.1356, 7-8)

Avoir (à qqn) convenant que

M'a convenant que je jerray Avecques li quant me plaira (Mir. femme roy Port., c.1342, 169)

'Vous fustes presens où je li heuch couvenant que il seroit servis et aidiés.' (Froiss., Chron. R., IX, c.1375-1400, 103)

Avoir qqc. en convenant (à qqn). Promettre qqc. à qqn.

Melusigne appella Remondin, et lui dist : Mon tres chier seigneur, je vous remercy de la tres grant honneur qui m'a aujourd'uy esté faicte de vostre noble lignie, et aussi de ce que vous celez si bien ce que vous m'avez en convenant a nostre premiere accoinctance. (Arras, c.1392-1393, 42)

Lors prist Anthoine les hommages de ses hommes et de ses fiefvez. Et donna le roy d'Ausay a ses hommes congié d'aler en leurs pays et demoura avecques Anthoine a privee mesgnie, pour acomplir ce qu'il avoit en convenant au traictié de la paix. (Arras, c.1392-1393, 171)

La nature des Englés est telle que tousjours il se crienment a estre decheu et (...) ce que il averont en convenant .I. jour, il le deliieront l'autre. (Froiss., Chron. D., p.1400, 189)

Avoir en convenant de + inf. Promettre de.

E ! doulce amie, en convenant M'aviez d'estre a moy venue (Mir. nonne, 1345, 330)

Et trouva le cappitaine qui avoit admené les gens qu'il avoit en convenant d'amener, qui furent venus. (Arras, c.1392-1393, 104)

Avoir en convenant que... Avoir promis que....

Et je vous ay en convenant Que je n'avray autre mari (Mir. femme roy Port., c.1342, 162)

'Dame,' (...) 'j'ay Dieu en convenant Que je m'en partiray demain prouchainement...' (Hern. Beaul. D.B., c.1350-1400, 1)

Là eut li dus de Bretaigne en convenant et jura sur sa foi solempnellement et sus saintes evangilles que il venroit à tout son pooir devant Nantes. (Froiss., Chron. R., X, c.1375-1400, 8)

Faillir de convenant. Ne pas tenir un engagement, une promesse.

Et quant il pleust à Nostre Seigneur que je fus prest pour faire mondict pellerinaige, ledict truchement me faillit de convenant. (La Broquière, Voy. Outr. S., c.1455-1457, 26)

Faillir à qqn de (son) convenant. Manquer à la promesse qu'on a faite à qqn.

Or alez, mais de convenant Ne me failliez. (Mir. st Lor., 1380, 136)

Mon amy, puis que je me sui mise si avant, il m'en fault attendre la voulenté de Dieu et moy confier en vostre promesse. Or gardez que vous ne me failliez de convenant, car vous seriez cellui qui plus y perdroit après moy. Dame, dist Remondin, de ce ne vous fault ja doubter, car a ce jour me faille Dieu que je vous fauldray de convenant a mon povoir. (Arras, c.1392-1393, 42)

...de mon convenant mie ne te fauldray, car aussi bien pueux tu faillir comme j'ay fait (Saladin C., c.1465-1468, 140)

Jurer convenant que. Jurer que.

...le jour si sera demain Que le convenant de ma main Li juray que son serf seroie Ou cas que ne le paieroie. (Mir. march. juif, c.1377, 203)

Tenir (son) convenant (à qqn). Accomplir la promesse faite à qqn.

Je te tenray bien convenant, Par ceste teste. (Mir. emp. Julien, 1351, 180)

Et ses messages li manda, Et au partir leur commanda Qu'il li deïssent qu'il venist, Et que couvenant li tenist, Et venist à tout son effort Pour li faire aïde et confort, Car il est venus comme amis, Einsi comme il li a promis. (Mach., P. Alex., p.1369, 216)

...il veoit bien que il ne pooit tenir son convenant as Englès de che que il leur avoit proumis, se il ne voloit perdre son païs. (Froiss., Chron. R., X, c.1375-1400, 40)

Mesmement il puent cognestre de chascune action personele, pour cause du pechié lequel aucun fait quant il ne tient [son] convenant et sa promesse (Songe verg. S., t.2, 1378, 148)

Remondin (...) monta a cheval tout seul et yssy de Poictiers, et entra en la forest pour venir tenir convenant a sa dame. (Arras, c.1392-1393, 29)

'Jouvencel, le Roy, vostre maistre, m'a bien tenu convenant et j'ay esperance que aussi ferez-vous. Les roys doibvent tenir leurs promesses devant tous aultres hommes...' (Bueil, II, 1461-1466, 182)

Mais on ne leur a mye bien tenu conuenant, ainsi comme vous orrés plus applain ci apprès desclaré. (Béthencourt, Canarien G., c.1490, 10)

Par convenant. Je vous assure, assurément.

Je fui moult liés par couvenant Quant je le vi a moi venant (Froiss., Joli buiss. F., 1373, 154)