CONTRAIRE

adjectif et substantif masculin

[T-L : contraire1 ; GD : contraire ; GDC : contraire ; AND : contraire1 ; DECT : contraire ; FEW (II-2, 1120b) : contrarius ; TLF (VI, 66a) : contraire]

I. -Adjectif.

A. -[D'une chose] Qui est de situation, de direction, de propriété opposée à autre chose.

1.Qui est à l'opposé de (au propre ou au fig.).

[De choses concr. ou abstr.]

Ne Diex et homme, se me semble, Ne pot il oncques estre ensemble (...) Car ce sont deux contraires choses (Mir. Barl. Josaph., c.1363, 285)

...semblablement a il [celui qui est ainsi malade] mouvement qui tendent a parties contraires en l'ame de ceuls qui sont incontinens. (Oresme, E.A., c.1370, 143)

Mais je vous pry et requier, o devot peuple, qui yci estes assemblez pour ouyr demonstrer et plaidoyer la contraire verité, la verité de nostre foy, je vous pry, ne creez pas tous Plaisir mondain (Gers., Déf., 1400, 222)

Et car n'est chose qui plus soit contraire a justice, et qui plus la face departir, que tollir a son droiturier seigneur et souverain ce qui luy est deu pour sa part (Gers., Noël, p.1404, 302)

...il n'est si riche maison, si noble ou ferme cité, et puissant royaume, si estable empire que ceste beste infernale qui est composee de deux vices qui semblent contraires, c'est assavoir de prodigalité et de rapacité, ne perde et abate, ne degaste (Gers., Noël, p.1404, 309)

Quant a une femme lui escopist la gorge, ce lui sont bonnes nouvelles que brief yra aux nopces ou a relevee faire grande chiere. Mais quant la teste lui escopist, c'est signe contraire, car elle pourra bien estre batue de son mari. (Ev. Quen. I, c.1466-1474, 110)

Pour quoy il est a dire que Dieu congnoist le bien par ung seul moyen, c'est par sa propre essence. Le mal congnoist par double moyen, car par son essence il congnoist l'abit opposé et contraire a malice, et par le moyen de cest habit estant en lui congnoissant, congnoist le deffect et deffaulte (Somme abr., c.1477-1481, 165)

Temps est il d'un aultre estat prandre, Qui a cestuy sera contraire. (La Vigne, S.M., 1496, 256)

[D'un contenu prop., d'un dire, d'une croyance, d'une opinion...] Qui est contradictoire ou incompatible avec autre chose.

...et luy direz bien, de par nous, que il ne croye nulle information contraire (Froiss., Chron. M., XIV, c.1375-1400, 76)

En especial ung advocat, que je puis nommer Plaisir mondain, a mis et bouté presques tout le monde en erreur et contraire creance. (Gers., Déf., 1400, 221)

Quant pour le tier enseignement contre supersticion fole et sorcerie contraire a Dieu [contraire aux enseignements de Dieu] et a nostre foy, je diray ce que j'ay sceu d'un bien grant qui a esté de vostre court (Gers., Noël, p.1404, 312)

...afin que de lors en avant aucun des conseilliers dudit Parlement n'eust occasion de dire opinion contraire à ladicte deliberacion (Fauq., II, 1421-1430, 184)

Fut aussi dit que l'evesque de Calin, lequel estoit de l'ordre Saint Benoist, pour ce qu'il avoit esté d'oppinion contraire audit Parlement et qu'il avoit dit en plain Parlement que l'on ne povoit justement fere tel jugement (...) pour ceste cause fut il mis en prison de ce pas à Saint Alban (Simon De Phares, Astrol., c.1494-1498, f° 149 r°)

Et autres des chefz de la guerre furent d'oppinion contraire (Le Clerc, Interp. Roye, c.1502, 257)

En fait contraire. D'opinion opposée.

Li aucun li consilloient dou rendre, et li aultre non, et furent plus de deus jours en fait contraire. (Froiss., Chron. R., VIII, c.1375-1400, 248)

[D'une pers.] (Estre) contraire en ses paroles. (Être) contradictoire dans ses propos.

Et il respondit audit Ginot Acquest qu'il venoit de Gyen, puis dist qu'il venoit de Saint-Fergeau. Dont ledit Voyau luy dist qu'il estoit contraire en ces parolles (Le Clerc, Interp. Roye, c.1502, 177)

DROIT Parties contraires. Parties qui posent des faits opposés, qui sont adverses.

Et depuis le dit conservateur par sa sentence dit et declaira que, autant que touchoit le principal, les parties estoient contraires et feraient leur fait et enqueste, et, icelle faicte et raportee par devers luy, il leur feroit droit. (MART. D'AUV., Arrêts Am. R., c.1460-1466, 28)

LE JUGE. (...) Contraires vous veult appointier ['établir par un arrêt que les parties sont adverses'] , Et viendrés voz fais apporter, Par escript, samedi au soir (Coquill., Oeuvres F., 1478-p.1494, 54)

Locution prépositionnelle. Contraire à / de + dét. + subst. À l'inverse de.

Dont l'exemple par trois fois eschu [les batailles d'Azincourt, de Crécy et de Poitiers] , et qui est trop, doit bien estre perpétuel miroir aux François de fuyr outrecuydance et de cognoistre que Dieu, les hommes et fortune espient et aguettent les orgueilleux pour les inféliciter, et les humbles esvigourent et exaulcent, contraire à peine de leur espoir ['à l'inverse quasiment de leur espérance'] (Chastell., Chron. K., t.1, c.1456-1471, 335)

À l'encontre de, contre.

Ces mots droit-cy poignoient et donnoient fraeur souverainement à aucuns ses serviteurs qui emprès lui estoient contraire du gré du roy son père ['contre le gré de'] (Chastell., Chron. K., t.3, c.1456-1471, 169)

...et le mettre en possession du pays de Frise, contraire de son oncle le duc de Bourgongne. (Chastell., Chron. K., t.3, c.1456-1471, 175)

...et maintenoit la guerre contraire à ceux de Calais (Chastell., Chron. K., t.4, c.1456-1471, 484)

...comment se porra contenir mon coer doncques contraire de [var. contraire à] sa passion ? (Chastell., Temple Boc. B., 1463-1464, 103)

Remarque : Attesté uniquement chez CHATELL.

2.Qui est en direction opposée (de), qui agit en direction opposée (de).

Item, se le mouvement qui est hors nature est contraire a celui qui est selonc nature, et une chose est contraire seulement a une chose, il s'ensuit par neccessité que le mouvement simple circulaire, se il est d'aucun corps et non selonc nature, que il soit de celui corps hors nature. (Oresme, C.M., c.1377, 70)

Vent contraire. Vent qui souffle face au navire.

Mais le vent contraire ne nous laissa (Voy. Jérus., c.1395, 89)

...li voiages est lons de chi en Gascongne, et si avons le vent contraire pour nous, et vous ne poés aler avant ne esploitier fors que par le vent (Froiss., Chron. D., p.1400, 675)

Il eut grand tourmente et vent contraire, et retourna à Dyeppe (Comm., II, 1489-1491, 234)

...et, entre autres choses, lui predist les vens contraires qui le firent demourer et tout son bernage devant le nord, XI jours (Simon De Phares, Astrol., c.1494-1498, f° 144 v°)

3.Dont les propriétés sont opposées.

...ilz [les colériques] sont moult enclins et sont hastifz et ardans comme le feu du quel ilz ont les qualitez cestassauoir chault et sec. Le flegmatique qui est au colerique contraire pour ce quil a les qualitez de leaue qui sont froideur et moiteur (Cib., p.1451, 219)

MÉDECINE Dont les propriétés sont opposées, qui est propre à s'opposer à une maladie, à la contrer.

Les melancoliques doivent estre purgiez par dessoubz, en mettant les medecines contraires. (Saint-gille, A.Y., 1362-1365, 72)

Mais quant ung precheur doit enseigner autres gens par paroles ou par escript c'est necessité souvent user de diverses manieres, a l'exemple du bon medecin qui baille diverses receptes et souvent contraires, selon les varietez contraires des maladies. (Gers., P. Paul, a.1394, 503)

4.Par extension.

a)Différent (de), qui présente des aspects différents (de).

Sy compare ceste chose au chant du lousseignol, lequel, tandis comme il pretent de complaire a sa dame, est doulx et melodieux, mais quant il en a jouy, ne fait que siffler de haye en buisson, querant la pasture pour donner a ses faons, combien que ces oeuvres qui sont tant contraires font moult a louer, pour ce qu'il appartient en la fin de etendre a reformer son samblable... [ces attitudes, quoique très différentes, ont en commun de viser la survie de l'espèce et sont ainsi très louables] (Percef. IV, R., c.1450 [c.1340], 147)

Et par contraire en la predestination sont trois choses contraires. Mais en ce est difference, car predestination ordonne la glore selon le bon plaisir, mais reprobation prepare et appareille la paine selon la requeste des merites ou demerites. (Somme abr., c.1477-1481, 171)

b)Différent de ce qui se présente habituellement, inhabituel, insolite.

Mais vous orrez merveilles (...) ...la chose lui estoit tant contraire qu'il ne s'y sçavoit conduire. (Percef. III, R., t.2, c.1450 [c.1340], 284)

B. -[D'une pers. ou d'une chose ; idée d'opposition ou de dommage] Qui s'oppose (à), qui est défavorable (à), qui est hostile (à).

1.[D'une chose] Opposé à, défavorable à.

a)Qui fait obstacle à (une chose nég.).

Aussi peut l'en user de poiz, Au mains la sepmaine une foiz, Et de lentilles orendroit, Qui de bonnes en trouveroit Pour leur sèche complexion, Contraire à putréfaction. (La Haye, P. peste, 1426, 94)

b)Défavorable, préjudiciable, nuisible (à une chose positive / à qqn).

[Pour le guérir de sa plaie, un médecin conseille à son patient] ...que il se gardast de boire fort vin et de menger viendes contraires [une nourriture trop riche qui ferait obstacle à la guérison] , et especialment de compaignies de femmes et de fere autres excès (Phil. Vi Valois, Doc. paris. V., t.2, 1347, 303)

...et lui avoient li maistre deffendu les baings, car il lui estoient contraire et perilleux. (Froiss., Chron. R., IX, c.1375-1400, 47)

Ainsi le fol peuple, qui ne desire que mutation, quiert souvent et convoite ce qui plus lui est contraire. (Chart., Q. inv., 1422, 26)

...lequel, interrogué sur ce que dit est, a dit en effect qu'il n'a poursuy ne accepté, ne acceptera aucune charge pour l'Université ne pour autre, contraire ou prejudiciable à la poursuite ou à la charge qu'il a de la Court (Fauq., III, 1431-1435, 133)

Et à ceste cause furent ceulx de Paris contrains de vendenger les autres vignes partout autour de Paris, qui n'estoient pas à demy meures, et aussi le temps leur fut fort contraire. (Roye, Chron. scand., I, 1460-1483, 103)

...par naturelle industrie tous hommes, et mesmement les bestes, sont inclinés à leur utillité et singulier prouffit et appettent naturellement leur perfection et (...) de leur propre condition scevent et sentent ce qui leur est utille et aussi ce qui leur est contraire (Bueil, I, 1461-1466, 57)

...elle [Foy] te donra courage et fermeté en toute affliction contraire (Chastell., Temple Boc. B., 1463-1464, 179)

...toutes choses luy survindrent contraires et tumba en adversité (Comm., I, 1489-1491, 94)

2.[D'une pers. (ou d'un être personnifié, ou bien d'un animal)]

a)Qui s'oppose à qqc..

...c'est plus grant merveille et fait de plus grande puissance, convertir et justifier ung pecheur que de former ung monde de neant, car en creant ung monde n'y a quelconque resistence, mais le pecheur est contraire a sa justificacion (Gers., P. Paul, a.1394, 495)

Il [Jean-Baptiste] faisoit les gens virtüeulx. A tout malheur estoit contraire, Pour complere Au souverain Dieu glorïeux. (Pass. Auv., 1477, 107)

b)Hostile (à), ennemi (de).

Et du Sathan contraire Par qui li bon sont empeschié Le gart (Mir. emp. Julien, 1351, 214)

En tous mes fais je le treuve contraire [Dangier] (CH. D'ORLÉANS, Ball. C., c.1415-1457, 37)

...ce n'a pas esté au prouffit des habitans que leurs despens ont esté faiz, mais des ennemis, car les vivres venoient du paiz contraire, et si l'ont employé a la raençon de leurs gens (Juv. Urs., Loquar, 1440, 316)

...car il en y a pou en l'obeissance du party contraire qui aient terre hors des marches qui doyvent demourer a vosdis ennemis (Juv. Urs., Loquar, 1440, 423)

...mais de tant estoient contraires, que de longtemps avoient esté en guerre et controverse pour tres petite occasion (Bueil, I, 1461-1466, 20)

Il est fait de toy ceste foys ! ' C'est Pernet, du party contraire...' (Fr. arch. B., c.1468-1480, 39)

(Estre) contraire à

...je suis dampnez, Puis que la vierge m'est contraire, Qui aus autres est debonnaire. (Mir. ev. arced., c.1341, 137)

...tu viz (...) Conme personne a Dieu contraire. (Mir. parr., 1356, 12)

Nequedont que chil de Bruges, d'Ippre et de Courtrai lor fuissent contraire et rebelle, il pensoient bien tant a esploitier, et dedens briefs jours, que li pais seroit tous en une unité (Froiss., Chron. D., p.1400, 262)

Les loups, dist-il, vouldrent une fois faire telle acordance et aliance avec les pastours, que tous les chiens, qui estoient contraires aux loups, ilz leur bailleroient, et ainsi seroit paix entre eulz (Chr. Piz., Faits meurs Ch. V, S., II, 1404, 74)

Las, j'ay peché devant ta face, Vray Dieu (...) Et suis a moy mesmez contraire. (Pac. Job M., c.1448-1478, 331)

...pour dire et advertir le roy que plusieurs cappitaines et chefz de guerre de son ordonnance et retenue estoient à lui contraires (Roye, Chron. scand., I, 1460-1483, 78)

...les lyepars, les senglers et toutes autres terribles bestes qui sont contraires au sang humain. (Rob. Herl., Déb. fauc. lévr. H., c.1470-1500, 35)

Ha, si au diable n'estoye [Jésus] contraire, Tantost s'en tourneroit retraire Es corps desqueulx je le mectz ors. (Pass. Auv., 1477, 165)

Et les Allemans, Espaignolz et Napolitains contraires au roy qui resterent du dit assault se retirerent dedens le dict chasteau. (La Vigne, V.N., p.1495, 251)

...en laquelle course ilz prindrent plusieurs prisonniers et gasterent beaucop de pays contraire au roy (Le Clerc, Interp. Roye, c.1502, 375)

[De la Fortune]

Lors print a Remondin grant pitié de lui, et lui demanda, sur le peril de l'ame de lui, s'il savoit riens de la trahison que Jossellin, son pere, avoit faicte. Et cil dist que non, et que il n'estoit pas encores pour le temps, et que, comment qu'il eust pleu a Dieu que fortune lui feust pour le present contraire, si tenoit il son pere preudomme et loyal, et non coulpable de ce fait. (Arras, c.1392-1393, 64)

...et, pour ce, vous de tout vostre cuer requerez le conseil, la force et l'ayde de Dieu, si ne pourrez mal finer, et se Fortune vous estoit contraire (...) ne vous en souciez (La Sale, J.S., 1456, 81)

...Fortune luy fut si contraire et sa dame si mal gracieuse, qu'enfin il abandonna sa queste (C.n.n., c.1456-1467, 207)

Se former contraire de. S'opposer à.

...plus affecté à la louenge de la maison de Bourgongne, je me forme contraire de celle de France par luy imputer note. (Chastell., Chron. K., t.4, c.1456-1471, 394)

...soy eslevant en roy et soy fourmant contraire de son souverain... (Chastell., Temple Boc. B., 1463-1464, 93)

II. -Substantif masculin. Ce qui est contraire.

A. -Ce qui est à l'opposé (de qqc.), en direction opposée (de qqc.), de propriété opposée (à qqc.).

1.Ce qui est à l'opposé (de qqc.) ; en partic. proposition contradictoire ou incompatible avec une autre.

a)Le contraire / au contraire / du contraire / par le contraire

Car vertu encline tousjours a eslire bien et vice au contraire. (Oresme, E.A.C., c.1370, 184)

Et nous voions le contraire, quar aucunes choses tendent en bas et les autres en haut. (Oresme, C.M., c.1377, 128)

Sy comme aucuns qui sont si affichiéz et si ahurtéz a leurs oppinions que il heent et leur desplest et ne veullent oïr raysons au contraire. (Oresme, C.M., c.1377, 178)

Car le principe ou commencement du mouvement journal et de celui des planetes sont au contraire l'un de l'autre, pour ce que les mouvemens sont contraires, en tant que par ce avient et est ainsi que nous sommes vers le commencement et vers le destre du mouvement des planetes, et les autres sont vers la fin et vers le senestre de ce mouvement. (Oresme, C.M., c.1377, 352)

Mais consideré tout ce que dit est, l'en pourroit par ce croire que la terre est ainsi meue et le ciel non, et n'est pas evidant du contraire (Oresme, C.M., c.1377, 538)

Item, pourquoy il dist à son retour qu'il avoit esté devers mons. de Berry. Car il confessa depuis à Courcelles qu'il n'y avoit point esté, pource qu'il avoit perdu ses bouges en un bois, dont il n'est pas à croirre, car l'en trouvera le contraire. (Reg. crim. Chât., I, 1389-1392, 516)

Pertes peut donner et victoires, Honneur, chevance et le contraire (Chr. Piz., M.F., I, 1400-1403, 10)

...afin qu'ilz soient tenuz et gardez en leurs drois, privileges, usages et possessions, gardées et observées de si long temps qu'il n'est memoire du contraire. (Fauq., II, 1421-1430, 299)

...faictes donc le contraire de guerre, c'est assavoir paix (Juv. Urs., Loquar, 1440, 399)

...et a vne ame qui veult prouffiter a vertu il est moult vtile sauoir a quoy on est enclin par complexion affin que on se conuertisse a user de raison au contraire et que on ne se donne pas a ensuiuir la mauuaise inclinacion se elle est en la personne. (Cib., p.1451, 218)

...la fuyoit comme tempeste ; car, s'il l'eust sceue en une place, jamais n'y eust tiré, mais tousjours au contraire. [À propos d'un homme qui a renoncé à amender la 'mauvaiseté' de sa femme] (C.n.n., c.1456-1467, 489)

LE DRAPPIER. Jamais ne me fusse doubté Qu'il n'eust huy esté a la foire. GUILLEMETTE. Vous le cuidiez ? LE DRAPPIER. Saint Jaques, voire ! Mais j'aperçoys bien le contraire ! (Path. D., c.1456-1469, 132)

Et si dist plus que, au plaisir de Dieu, le lundi ensuivant, il retourneroit derechef à l'encontre de sesdiz ennemis et qu'il mourroit en la poursuite ou que brief en aroit le bout : dont il ne se fist riens, pour ce qu'il fut conseillé pour le mieulx du contraire, avecques ce qu'il fut laschement servy de ses gens de guerre ; et ne tint point à lui, car il est assez et trop vaillant (Roye, Chron. scand., I, 1460-1483, 69)

Car ce qu'ilz gaignent, ilz le tiennent de Dieu et de l'espée, et est franchement leur. Mais l'omme de court est par le contraire ['c'est l'inverse'] ; car il est tousjours soubz la main des commissaires et en dangier (Bueil, I, 1461-1466, 44)

Et pareillement il est a dire que par la premiere maniere on congnoist le bien et ce qui est bon. Par la seconde le mal, car par la forme de l'habit opposite, c'est a scavoir par le contraire. Car mal n'est aultre chose que privation de bien. (Somme abr., c.1477-1481, 165)

Cestui en son temps fist choses esmerveillables de la myniere et roche que l'on dit estre de sel en Sicille, qui a merveilleuse proprieté, car, mise en eaue, crepite et, mise en feu, flue, qui est l'opposite et le contraire à tout sel. (Simon De Phares, Astrol., c.1494-1498, f° 82 v°)

Et oultre plus, pour leur erreur distraire, A telle loy qu'il vouldroit se joindroient, Sans jamais jour eulx ayder du contraire. (La Vigne, V.N., p.1495, 208)

Dieu me fait il en ce poinct conforter ? Nenny, vrayment, mais c'est tout le contraire. (La Vigne, S.M., 1496, 481)

N'avoir qu'un contraire (c'est-à dire le contraire)

Et une chose n'a que un contraire et le mouvement qui est droit en haut et celuy qui est droit en bas sont contraires. (Oresme, C.M., c.1377, 70)

Tout le contraire / tout au contraire

Or puet advenir aprés sa mort moult de transmutacions en ses filz ou neveus et puet estre que aucune fois soit bons et riches et en grans honneurs et en grans dignités, et aucunes fois avient tout au contraire. (Oresme, E.A., c.1370, 131)

Messire, qui la gist mort, me dist, se telle adventure m'avenoit, que je seroie ly plus honnourez de mon lignaige. Mais je voy bien tout le contraire, car je seray ly plus maleureux et ly plus deshonnourez, et certes c'est bien droit. (Arras, c.1392-1393, 22)

Disoit aussy qu'il estoit le premier entre les pecheurs, et qu'il ne se jugoit riens scavoir fors Jhesu Crist crucifié. Et ailleurs il se loue, ce samble, tout au contraire. (Gers., P. Paul, a.1394, 502)

Disoit aussy qu'il estoit le premier entre les pecheurs, et qu'il ne se jugoit riens scavoir fors Jhesu Crist crucifié. Et ailleurs il se loue, ce samble, tout au contraire. (Gers., P. Paul, a.1394, 502)

Il est du contraire. C'est l'inverse.

Car d'enfant avoir j'esperoie Que me venist solaz et joie. Mais, dame, s'il vous a pleü Que j' aye cestui cy eü Si voy je qu'il est du contraire (Mir. enf. ress., 1353, 70)

Et vous pri, quant l'orrez retraire, Que dites qu'il est du contraire Hardiement (Mir. femme, 1368, 184)

Dire / penser / savoir / prouver... le contraire

...je dy certes que tu mens Et te prouveray le contraire A m'espée que je vueil traire. (Mir. marq. Gaudine, 1350, 165)

...je repute ceste histoire et la cronique a estre vraye, et les choses faees. Et qui dit le contraire, je dy que les secrez jugemens de Dieu et les punicions sont invisibles a congnoistre a entendement humain, car il est trop gros pour entendre l'espite espirituelle, ne comprendre que c'est. (Arras, c.1392-1393, 311)

...si tenoit il son pere preudomme et loyal, et non coulpable de ce fait. Et quant Remondin, qui bien savoit le contraire, l'ouy, si fu moult doulens, et lui debaty tant les temples du poing atout le gantelet, qu'il fu si estourdiz qu'il ne veoit, ne ouoit, ne entendoit, ne se sentoit chose que on lui feist. (Arras, c.1392-1393, 64)

Point je ne pense le contrayre. (Oliou, Mess. Arg. A., c.1470, 476)

Faire le contraire

Et aussy pour quelles causes unes policies euvrent bien civilement et autres font le contraire. (Oresme, E.A., c.1370, 540)

Et sachiez de certain que, se vous le tenez desormais ainsi, que vous serez ly plus puissans et ly plus honnourez qui oncques feust en vostre lignaige. Et se vous faictes le contraire, vous et voz hoirs decherront petit a petit, et la terre que vous tendrez alors que vous ferez la faulte, se il est ainsi que vous le faciez, ce que Dieu ne veulle ja consentir, ne sera jamais tenue par nul de voz hoirs ensemble. (Arras, c.1392-1393, 42)

...il disoit a sa dame qu'il vouloit doresenavant servir Dieu (...) Or fist il tout le contraire, quand il se vit desarmé d'elle (C.n.n., c.1456-1467, 416)

Et fut tout ce que dit est ainsi promis par lesdiz quatre seigneurs au lieu de Moissac, près dudit Riom. Et, pour plus ample promesse, ilz s'en obligerent es mains de deux notaires apostoliques, voulans et accordans estre incontinent excommeniez, se par eulx ou l'un de eulx estoit fait le contraire. (Roye, Chron. scand., I, 1460-1483, 55)

Et, par avant ces choses, ledit de Bourgongne avoit fait et fait faire moult de guerre ou royaume de France à la faveur de mondit seigneur de Guienne, feignant à ceste cause de lui donner et bailler sadicte fille, dont il ne fist riens, mais fist tout le contraire, en abusant iceulx seigneurs et plusieurs autres soubz umbre dudit mariage. (Roye, Chron. scand., I, 1460-1483, 266)

Dire / alleguer / informer / parler... au / du contraire. Dire / alléguer... l'opposé (de ce qui a été dit précédemment ou de ce qui est vrai...).

Il m'en convient plus d'un avoir ; Et des sengliers (...) Nul n'en doit parler au contraire : Pourvez nous ent. (Mir. femme roy Port., c.1342, 171)

...mais frere Thomas susdit leur prouva et monstra si vivement par raisons et par exemples la vérité de la foy que Crist fust vrais dieux et vrais homs que ces mescreans ne savoient que dire au contraire. (Jean Le Long, Voy. Odoric C., 1351, 73)

Et croy, monseigneur, se il vous plaist a ouïr monseigneur mon mary en ses excusacions, que vous trouverez que ceulx qui vous ont informé au contraire de lui n'ont pas dit verité ; et, monseigneur, je me faiz forte sur ma vie que vous le trouverez ainsi. (Arras, c.1392-1393, 209)

Si ne me devés pas estre rebelles, ne aleghier dou contraire, que je ne soie dus de Bretagne, car la succesion m'en vient de par monsigneur mon frere le daarain mort (Froiss., Chron. D., p.1400, 469)

Vous estes dus de Bretagne, et ja l'avés vous relevé de nous, et vous en tenons a duch et a hiretier, et qui vodra dire dou contraire, nous le verons, et le vous aiderons a desfendre et a garder contre tout honme (Froiss., Chron. D., p.1400, 475)

L'Université dit au contraire que lesdiz prisonniers sont jà requiz par leur ordinaire, car ilz sont gens d'eglise (Baye, I, 1400-1410, 233)

...je vous ay ja dit comment il en va, et je ne pense pas qu'elle dye au contraire (C.n.n., c.1456-1467, 161)

La bonne dame (...) laissoit tout convenir ; car de donner conseil au contraire ne s'osoit avancer (C.n.n., c.1456-1467, 446)

Au contraire conclusivement a parler, erreur de condition deteriore ou male et servile empesche le mariage, mais erreur de condition de pareille ou meilleur condition ne l'empesche pas (Sacr. mar., c.1477-1481, 50)

Faire au contraire. Faire l'opposé de ce que l'on a promis ou de ce qu'il faudrait.

...Constantin voulant esprouver la loyaulté de ceulz qui le servoyent faignyt ung mandement publique que tous ceulz qui vouldroyent regnier leur loy crestienne demourroyent a honneur avec luy, les autres a desonneur s'en partyroient. Aucuns tantost la renierent, les autres non. Lors Constantin feit au contraire. Car les constans et loyaulz en la foy et commandement de Dieu il retint, les autres il rebouta comme traittes (Gers., Concept., 1401, 410)

...Souvienne vous de ces trois poins (...). Mais si vous faictes au contraire, soiez seur que vous trouverez que la doctrine de vostre pere vous vaulsist mieulx avoir tenue. (C.n.n., c.1456-1467, 330)

b)[Dans des loc. adv. ou prép.]

Au contraire. À l'opposé (de ce qui vient d'être dit).

...mais quant il fut bien informé et conseillié, n'en fist riens, mais au contraire il donna et admortist pluseurs terres et rentes à l'Eglise et y fist pluseurs biens. (Fauq., III, 1431-1435, 104)

...et de ce n'est aulcune doubte et au contraire n'a quelque apparence... (Juv. Urs., T. crest., c.1446, 99)

Cassidoires dist ou livre des loanges saint Pol que la condicion de mauvaitié est telle que d'elle mesmes ou elle n'a nulz contredisans si dechiet elle et se publie a l'apparant de tous, mais au contraire est la condicion de verité, car elle est si tres estable et si ferme que tant plus a de contredisans se eslieve elle plus et croist. (La Sale, J.S., 1456, 45)

Ja ne vous fault en tel dueil traire, Car nouvelles tout au contraire Apportons a vostre plaisance. (Myst. Pass. Troyes B., a.1482, 907)

...laquelle chose ne croyés pas si ne voyez au contraire meilleur oppinion (Le Clerc, Interp. Roye, c.1502, 355)

Inversement.

Quar nous voions que terre est haut par violence et est bas par nature, et, au contraire, feu est bas par violence et haut par nature. (Oresme, C.M., c.1377, 128)

Tiercement ay entencion de comparer l'un à l'autre, et de monstrer que l'un puet sans l'autre et non au contraire. (Bueil, I, 1461-1466, 46)

Les peres lairront orphelins Leurs enfans, ainsi que le treuves, Maris feront leurs femmes vuefves, Et au contraire povres femmes Leurs maris veufz pour les infames Pechez, en quoy les humains vivent. (Cene dieux, c.1492, 123)

Au contraire de. À l'inverse de.

Demande. De quoy a le connin en tout temps le plus grant paour ? Response. C'est d'une grise barbe, et au contraire d'une noire. (Devin. R., c.1470, 163)

Le contraire. À l'inverse.

Et supposé que telz gens [qui ont ces qualités] ne fussent de generacion eslevé, si sont ilz a prisier et a amer plus que les nobles soyent le contraire ['plus que les nobles ne devraient l'être à l'inverse (s'ils n'ont pas les mêmes qualités)'] , pour quant richesses ilz puissent avoir (La Sale, Sale D., 1451, 42)

Par (le) contraire. En revanche, inversement.

Par le contraire trop est espouentable et horrible a merveille la mort des pecheurs, tant semble honneste, - Mors peccatorum pessima etc. - car ilz trebuchent en ung mouvement a pardurable dampnacion. (Gers., P. Paul, a.1394, 491)

Je vueil soustenir la contraire partie de Plaisir mondain et prouveray que maudis sont ceulz qui l'ensuivent. Et par le contraire Ceulz yci sont bieneureux Qui les cuers ont doloreux. (Gers., Déf., 1400, 222)

...prenons qu'elle n'ait jamais volunté d'amer lui ne autre par amours, si veullent nature, droit et raison que elle l'en doit trop mieulz amer, priser et honnorer, et tellement que de son bien, de son honneur et de tout son avancement elle en sera joyeuse, et, par contraire, doulente de son desplaisir, quelque dame qu'elle soit. (La Sale, J.S., 1456, 29)

...le rencontrer au matin d'un blanc moisne est tres mauvais signe, mais le rencontre d'un noir est par le contraire bon signe (Ev. Quen. I, c.1466-1474, 109)

Par droit contraire. À l'exact opposé.

Quant ung puceau prent une vesve a femme, le premier enfant qu'ilz auront, se c'est ung filz, pour aussi vray que euvangille, il tiendra de sa mere et sera sage ; et se c'est une fille, par droit contraire [,] elle toute sa vie demourra innocente. (Ev. Quen. II, c.1466-1474, 139)

2.Ce qui est en direction opposée (de qqc.).

À / au contraire. En direction opposée.

LE MAISTRE MARINIER. Secourez nous a ce besoing, Dame des anges souveraine : A contraire trop fort nous maine Vent et orage. (Mir. emper. Romme, 1369, 286)

...car la partie du ciel en laquelle cuerent les planetes entre les .II. tropiques ou sous le zodyaque a plus grande estente ou distance en procedant de orient en occident et au contraire que en procedant de pole vers pole. (Oresme, C.M., c.1377, 326)

...le vent s'est tout au contraire Tourné (Mir. st Alexis, 1382, 342)

S'il avient que aucun ou aucune engambe par dessus un petit enfant, sachiez que jamais plus ne croistera, se cellui ou celle mesmes ne rengambe au contraire et retourne par dessus. (Ev. Quen. I, c.1466-1474, 88)

Le corps de toutes pars le sent Quant la pesanteur y descend, Le corps se veult au bas retraire, Les cloux estrivent au contraire. (Myst. Pass. Troyes B., a.1482, 918)

Au contraire de qqc. Dans la direction opposée de.

Le boiteux a rire se prist, Quar l'envoioit tout a contraire De la ou il se devoit faire. (La Buigne, Rom. deduis B., 1359-1377, 104)

Il appert par le Traitié de l'espere comment le propre mouvement des planetes est de occident en orient aussi comme au contraire du mouvement journal, et non pas proprement au contraire, car mouvement circulaire n'a pas proprement contraire, si comme il appert par le .VIIIe. chapitre du premier. (Oresme, C.M., c.1377, 352)

3.Qualité, propriété opposée (ici du caractère de qqn).

Dame royne, vous avez faicte une grande preposicion par maniere de preparacion pour recorder les contrayres de nostre jeune roy, du Blanc Faucon, c'est du maistre de la nef francoise. (Mézières, Songe vieil pèl. C., t.2, c.1386-1389, 124)

MÉDECINE Propriété opposée, propre à s'opposer à une maladie, à la contrer.

...et toutes autres maladies, leur contraire les garist. (Saint-gille, A.Y., 1362-1365, 60)

...se la cause est seche, vous y metrés choses moistes, se la cause est remplissant, faites inanicion et ainsi par le contraire (Gordon, Prat., c.1450-1500, VI, 16)

Et dy oultre (...) Que on cure ung mal souvent par son contraire (Myst. Incarn. Nat. L., t.1, c.1454-1474, 11)

Remede au contraire. Antidote.

Et si y a pluseurs autres arbres qui portent venin le plus périlleux qui soit, car on ne treuve remede au contraire, fors un. (Jean Le Long, Voy. Odoric C., 1351, 173)

4.Par extension. Ce qui est différent (de qqc.).

Faire (tout) le contraire. Agir (très) différemment.

...la Court (...) a ordonné que d'ores en avant pour boire à matin en la Chambre des Enquestes dessusdicte ne sera despendu plus haut de VIIJ solz parisis, et quicunques fera le contraire encourra l'indignation d'icelle Court, et sera griefment puni. (Baye, I, 1400-1410, 90)

Et à tant se partirent dudit lieu de Poictiers lesdiz ambasseurs, feignans eulx en retourner audit pais de Bretaigne ; mais ilz firent tout le contraire, comme cy après sera dit, car ilz partirent dudit Poictiers à ung jour de samedi. (Roye, Chron. scand., I, 1460-1483, 37)

B. -[Idée d'opposition ou de dommage] Ce qui va à l'encontre de qqn ou de qqc. ; ce qui est au détriment de qqn ou de qqc..

1.[Idée d'opposition] Ce qui va à l'encontre de qqn ou de qqc..

Avant qu'ëusse retrousse Ce povre cors et rendosse, Jë estoye si viguereus Que bien cuidoie valoir .II.. Je voloie sur les nues Plus haut que hairons ne grues, Je vëoie et entendoie Et nul contraire (ne) trouvoie. Or est li gieu si retourne Que mon contraire ai retrouve. Le cors m'opprient et abat jus Et me tient souz li tout vaincus, N'ay vertu par quoy resister Je puisse a li ne contraiter (Guill. Digull., Pèler. vie hum. S., c.1330-1331, 196-197)

Opposition, piège.

Amen, et nous vueille garder Du contraire a l'aversier ! (Mir. enf. diable, c.1339, 17)

Objection, contre-argument.

Le Chevalier respont au primier contraire, que lez Impereurs dessusdiz furent esleüs et ne vindrent mie a l'Empyre par succession (Songe verg. S., t.1, 1378, 160)

Aller au contraire à qqn. S'opposer à qqn, opposer une contestation, une résistance à qqn.

Or sui ge venu a mon droit Car je suis maistre orendroit. Quil m'en peul aler au contraire ? (Pass. Semur D.M., c.1420 [1488], 8)

Aller au contraire de qqc. Agir à l'encontre de qqc..

Aler ne pouons au contraire : Contre mort remede n'y vaut. (Gréban, Pass. J., c.1450, 30)

...pour tant qu'on puist aller au contraire (Percef. III, R., t.2, c.1450 [c.1340], 29)

...nous vous donnerons à congnoistre par effect que ne devez aller au contraire de nostre vouloir. (Lettres Louis XI, V., t.9, 1481, 94)

Et en parla le roy à plusieurs notables gens de ceste matere, lesquelz la trouverent estrange, pour ce qu'ilz congnoissoient qu'elle n'estoit capable d'avoir lignée, et n'osoient parler nesung pour ce que le roy menassoit que tous ceulx qui vouldroient aller au contraire dudit mariage ne seroient point asseurez de leurs vies en ce royaulme. (Le Clerc, Interp. Roye, c.1502, 161)

Promettans en parolle de roy, par la foy et serment de nostre corps et soubz l'obligacion de tous et chascuns noz biens, avoir et tenir ferme et agreable tout ce que par nostredit cousin le conte de Dampmartin sera faict, passé, transigé, pacifié, convenu, composé et accordé, sans jamais aller au contraire en quelque forme ou maniere ne pour quelque cause et action que ce soit et en baillier noz lettres patentes de ratiffication en forme autentique et vallable sitost et dès lors que requis en serons. (Le Clerc, Interp. Roye, c.1502, 245)

Estre au contraire pour qqn. S'opposer à qqn.

...monseigneur d'Eu et les aultres nobles, les gens d'armes et tout le commun peuple de Paris estoient au contraire pour le roy. (Maupoint, Journ. paris. F., p.1465, 68)

Faire le contraire de qqn. S'opposer à qqn.

Des bestes te feray mengier, Puis que tu n'as de moy que faire Et que tu fais tout mon contraire. (Mir. st J. Cris., c.1344, 278)

Mettre qqc. au contraire. S'opposer (à qqn) par qqc..

Et quant icellui Oudot ot d'elle qui parle ainsi fait sa volunté, et que elle qui parle fu relevée, vint à elle ledit Baudet qui dit qu'il la harigoteroit aussi et de tout son povoir s'en efforça, mais il ne pot pour la grant defense que elle qui parle mist au contraire. (Reg. crim. Chât., II, 1389-1392, 510)

Mettre contraire à qqc. S'opposer à qqc., refuser qqc..

Filz, mon vouloir obeïra A vous sans y mectre contraire. (Myst. Pass. Troyes B., a.1482, 523)

Murmurer au contraire de qqc. S'élever contre qqc..

Et de tous ceulx que vous trouverez faisans, parlans, ou murmurans au contraire, nous voulons, par vous ou voz commis, estre faicte inquisition (Lefèvre St-rémy, Chron. M., t.1, c.1462-1468, 121)

Venir au contraire de qqc. S'opposer à qqc..

...se aucun ou aucuns (...) voudroit ou voudroient venir au contraire de nostre dit serement, nous serons en aide de nostre dit pière à nostre povoir pour résister la malice des malfaiseurs dessuz diz (Ch. VI, D., t.1, 1397, 137)

...donnons estroit commandement Aux officiers de nostre Parlement Qu'ilz le traittent et aident doulcement En tout affaire, A son besoing, sans venir au contraire (CH. D'ORLÉANS, Ret. am. C., 1414, 15)

Toutes lesquelles choses nous et chascun de nous promettons loyalment et en parole de prince faire, tenir et acomplir tant comme nous vivrons, par la maniere dessusdicte, sans jamais faire ne venir au contraire en quelque maniere que ce soit (Fauq., II, 1421-1430, 96)

Sans contraire. Sans opposition, de bon gré.

L'EVESQUE. Biaux seigneurs, puisque beneis Suis, je vouldray ma feste faire Grant et belle, sanz nul contraire. (Mir. ev. arced., c.1341, 127)

Use y de ton droit sanz contraire, Com de ton propre bonnement, Sanz querir mon consentement (Gris., 1395, 63)

Pour vous servir mectray ma vie Jucques a la mort sans contraire (Pac. Job M., c.1448-1478, 334)

Sans nul contraire

Dictes moy, sans nul contraire, Quel noise c'est ou mal par vous ? (Sav. serg. D.L., c.1480-1490, 32)

2.[Idée de dommage]

a)Ce qui est au détriment de qqn ou de qqc..

...touz malx vices et falx contraires (Dupin, Mélanc. L., c.1324-1340, 71)

...Dieux (...) t'a envoié cest annuy Qui te doit estre a grant contraire. (Mir. nat. N.S.J.C., c.1343, 218)

...mon coer entirement donne Et l'areste sus mon contraire ['sous l'engagement de préférer mon propre dommage plutôt que de le renier'] . (Froiss., Joli buiss. F., 1373, 112)

N'essaie pas plus que tu ne peuz faire, Car trop tempter te seroit a contraire (Le Fèvre, Caton U., a.1376, 93)

Celle desplaisance et ce contraire fist faire li rois de France au duch de Braibant en l'oqison de messire Robert d'Artois. (Froiss., Chron. D., p.1400, 200)

...là se traitoient les alliances en son contraire (Chastell., Chron. K., t.3, c.1456-1471, 325)

...et de les avoir de leur alliance en son contraire. (Chastell., Chron. K., t.3, c.1456-1471, 368)

Point je ne t'avoie comis A m'aler sercher mes contraires ! (Oliou, Mess. Arg. A., c.1470, 494)

Insulte, outrage.

J'ay mis Touzjours peine a vous henneur faire, Et vous m'avez fait tel contraire Que ma fille avez violée (Mir. st J. Cris., c.1344, 274)

Mainte injurieuse reprouche Li dist a tort et maint contraire (Mir. parr., 1356, 21)

Faire (un) contraire à qqn. Faire du tort à qqn.

...les sers Dieu furent de lui amez : A son pouoir ne leur fist nul contraire (Desch., Oeuvres Q., t.1, c.1370-1407, 297)

Porter (un) contraire à qqn

...car secré revelé entre dame et amant portent trop grant contraire (Froiss., Pris. am. F., 1372-1373, 174)

Ainçois que vous ayez touttes vos gens rassamblez, que vous avez à present en vostre compaignie, et moy les miens, ilz nous aront porté trop grant contraire. (Froiss., Chron. M., XIV, c.1375-1400, 97)

...et sachiez que ilz [les bourgois de la cité de Couloigne] vous lerront passer par my la cité paisiblement, par si que ilz soient seurs que vous ne leur laisserez porter dommage de vous ne de voz gens. Par foy, dist Anthoine, se j'eusse eu voulenté de leur porter contraire, je leur eusse fait savoir. Et aussi je n'ay pas cause de le faire, car je ne scay pas que ilz m'aient riens meffait, ne aux miens, combien que ilz m'y font penser quant ilz se deffient de moy qui oncques riens ne leur meffiz. (Arras, c.1392-1393, 175)

...le roy Charles le Chauve lui voulsist porter aucun contraire (Wauquelin, Gir. Ross. M., 1447, 110)

...et tous ceulx qui la estoient leur portoient contraire (Percef. IV, R., c.1450 [c.1340], 348)

Tourner à contraire à qqn

N'est il donc alé autrement ? N'est pas faicte nostre besoigne ? Ce me poise dont tant s'esloigne, Car ce nous tourne a grant contraire. (Myst. Adv. N.D. R., c.1360-1365, 61)

...si nous pourroit tourner à grant contraire. (Froiss., Chron. L., VI, c.1375-1400, 112)

Venir au / à grand contraire à qqn

Quant li dus entendi ces parolles, si li vinrent moult à contraire et à desplaisance. (Froiss., Chron. R., X, c.1375-1400, 126)

...les maulz (...) Qui pueent venir au contraire (Le Fèvre, Respit Mort H., 1376-1380, 85)

Ces paroles vinrent moult au contraire a la roine (Froiss., Chron. D., p.1400, 95)

Se vous perdiez la seignorie, Il nous viendroit a grant contraire. (Myst. Pass. Troyes B., a.1482, 288)

b)Situation pénible.

Ce qui contrarie qqn, contrariété, désagrément.

...trop lui tourne a grant contraire De ce que nulles femmes n'ont, Car croistre leur lignee moult Vouldroit (Chr. Piz., M.F., III, 1400-1403, 181)

Quand il cogneut (...) que sa dame n'avoit loisir ne volunté de l'entretenir, il se bouta sur une couche et se coucha ; mais il n'avoit garde de dormir, tant estoient ses yeulx empeschez de veoir son contraire (C.n.n., c.1456-1467, 253)

Pilate nous fait tous contraires, Et ne cesse de nous piquer. (Pass. Auv., 1477, 215)

Peine, tourment.

Quanque ces gens vous vouldront faire, Soit mort ou quelcunque contraire... (Tomb. Chartr. W., c.1337-1339, 10)

...Meschief, peine, ennuy et contraire (Jacques Bruyant, Voie pauvreté richesse P., 1342, 18)

Du grant annuy et du contraire, Sire, que vous ay fait a tort Vous requier mercy et acort (Mir. st Guill., c.1347, 21)

A nul ne fait mal ne contraire, Ains est un droit fol debonnaire (Mir. Rob. Dyable, c.1375, 59)

L'amour qui m'enflemme et enlumme M'envoye devers vous retraire Por vous desclairer le contraire Que je souffre pour vous amer. (Pipée R., c.1470-1480, 200)

...et aussi que seroie subject à gravelle, dont bien gueriroye, puis auroye excoriacion et finablement goute ès piez, ce que tout ay trouvé et je loue Dieu qui a fait le ciel et tel regime, au moïen de quoy je obvie à mes contraires. (Simon De Phares, Astrol., c.1494-1498, f° 156 v°)

Adversité, malheur, épreuve.

Assés ont meschief et contraire. (Dupin, Mélanc. L., c.1324-1340, 67)

Adonc vit appertement Daire Que sur sa gent tourne contraire (Renart contref. R.L., t.1, 1328-1342, 128)

Se tu ne veulx souffrir aucun contraire, comment seras tu amis de Jhesucrist ? (Internele consol. P., 1447, 7)

...de ce danger Nous gard Dieu, et de tout contraire ! (Myst. Viel test. R., t.6, c.1450, 126)

...et lui dresserent les cheveulx en la teste comme aguilles, car le cuer lui disoit que aucun contraire lui estoit survenu (Percef. IV, R., c.1450 [c.1340], 172)

...et s'il vous advenoit par aucun cas aucun contraire a vostre personne - que ja Dieu ne plaise - nostre contee et signeurie sera perdue. (Belle Maguel. C., 1453, 3)

O quel grief contraire Nous doit la mort traire A tel accident ! (Myst. Pass. Troyes B., a.1482, 116)

Suscistrato me seuffre presider En tout honneur et louenge immortelle : Par quoy je puis mon contraire evader Et au trosne d'Appollo resider Qui sur mon chief excellence martelle. (La Vigne, S.M., 1496, 140)

III. -Substantif masculin et féminin. Celui / celle qui s'oppose à qqn ; ennemi, adversaire ; concurrent, rival.

Fortune, ma contraire (Renart contref. R.L., t.1, 1328-1342, 2)

...vainqueurs serons De touz ceulx qui mal nous voulront Et qui noz contraires seront (Mir. st Sev., 1362, 199)

Je voai que (...) jou iroie aidier à guerrier les ennemis Nostre Signeur et les contraires de le foy crestienne, à mon loyal pooir. (Froiss., Chron. L., I, c.1375-1400, 78)

...il promist a ses disciples paradis, et menassa ses contraires des peines d'enfer (Chart., L. Esp., c.1429-1430, 120)

Lequel roy Lancelot estoit nourry en ladicte cité de Gayette et en grant destresse et neccessité, pour ce que les troiz parties ou environ dudit royaume se tenoient pour le roys Loys second, filz dudit roy Loys premier, duc d'Anjou, son contraire. (La Sale, Salade, c.1442-1444, 189)

Quant le chevalier (...) commença a regarder son contraire et vey qu'il avoit ung tres fier maintieng... (Percef. III, R., t.1, c.1450 [c.1340], 131)

...aucuns contraires et hayneux de ce duc (Chastell., Chron. K., t.4, c.1456-1471, 17)

...Lancelot, soy avisant que beaucop avoit de contraires et d'ennemis ou pays et de bien grans (Chastell., Chron. IV, D., c.1461-1472, 84)

...on lui imputoit [à l'évêque de Coutances] que trop avant, ou trop de pres et en faveur, avoit parlé avec le daulphin ceste derreniere fois a Bruxelles, parquoy le roy y prenoit suspicion et les contraires dudit daulphin par paour aussi et soing d'aulcun grief contre eulz. (Chastell., Chron. IV, D., c.1461-1472, 268)

...je [Lucifer] t'advise Que preignes avec toy Sathan Et Asmo pour mectre en mal an Jehan baptiste, nostre contraire. (Pass. Auv., 1477, 94)