CONTENIR

verbe

[T-L : contenir ; GD : contenir ; GDC : contenir ; AND : contenir ; DECT : contenir ; FEW (II-2, 1106a) : continere ; TLF (VI, 34a) : contenir]

I. -Emploi transitif.

A. -Tenir en soi (dans ses limites), avoir en soi, comporter.

1.[D'une chose] Comporter (telle ou telle mesure ou capacité, telle ou telle étendue, tel ou tel volume), mesurer.

Autre tappisserie d'armoierie. Premièrement : Les unze tappiz vers, à lyons armoyez de France et de Behaigne, c'est assavoir six grans contenant cinq aulnes de long, et de lé troys, et les cinq petiz, de troys aulnes et demye de long et de deux et demye de lé. (Invent. mobilier Ch. V, L., 1379-1391, 380)

...deux nappes larges, de soye blanche, à litez, de quoy l'une est de soye violette et vert, et l'autre perse et rouge, contenant environ chascune cinq aulnes et demye (Invent. mobilier Ch. V, L., 1380, 327)

Une toille de Laon, délyée, contenant huit aulnes et demye. (Invent. mobilier Ch. V, L., 1380, 328)

... [il] mal prindrent et emblerent une piece de drap pers de la façon de Beauvaiz, contenant XIJ aulnes, une autre piece dudit drap contenant X aulnes, et une autre piece de blanchet contenant IIIJ aulnes (Reg. crim. Chât., I, 1389-1392, 293)

...la grande chité de Ninivee (...) contenoit trois journees de lonch (Froiss., Chron. D., p.1400, 38)

...c'est assavoir sa vaisselle d'argent fut vendue et l'argent baillé au tresorier des guerres pour les affaires du roy, la tapicerie baillée audit gouverneur de Roussillon et la librarie audit maistre Pierre d'Oriole ; et ung beau drap d'or tout entier contenant XXIIII aulnes et ung quart, qui bien valoit XIIc escuz (Roye, Chron. scand., I, 1460-1483, 230)

Multiplie donc 22 par 22, monte la multiplicacion 484, que doiz encores multiplier par 7 et puis partir par 88, et l'on trouvera 38 pyez quarrez et 1/2 ; et tant contient icelle figure. (Nic. Chuquet, Géométrie H., 1484, 105)

...car lui seul porta un boeuf tout vif sur ses espaulles l'espace d'une stade, qui contient cent XXV pas et chacun pas V piez et chacun pié IIII palmes et chacune palme IIII doiz de main commune (Simon De Phares, Astrol., c.1494-1498, f° 41 r°)

Et selon aucuns la terre a de tour XXmIIIIcXXVII lieues ytalliennes que l'on equipolle à mil pas chacune, dont chacun mil contient cinq pas, chacun pas V piez, chacun pié XVI polces, et de terre jusque au firmament a dix mil XLVI foiz autant que la terre a d'espesseur (Simon De Phares, Astrol., c.1494-1498, f° 59 v°)

...et ce mesme jour environ deux heures de nuyt fit une si grant tempeste de grosse gresle qu'elle cheoit en plusieurs pars aussi grosse que eufz (...). Et en tumba en si grant habondance qu'elle contenoit demy pied de hault ou environ sur terre. (La Vigne, V.N., p.1495, 301)

[D'un nombre] Se composer de, être la somme de.

...car 16 contient 12 et ung tiers si comme 12 contient 9 et 1 tiers. (Fusoris, Gnomo, éd. G. Arrighi, c.1407-1412. In : Physis 21, 1979, 344)

Participe présent en emploi adjectival. Qui comporte (une mesure, une capacité, une étendue, un volume important), qui est volumineux.

Et jouste ceste ymaginacion, je faiz une autre raison au propos principal, car de ce que figure circulaire est la tres plus petite en la maniere desus dite, il s'ensuit de neccessité que elle est la plus contenante ou contentive et de plus grant capacité (Oresme, C.M., c.1377, 394)

2.[D'une chose, d'un lieu] Tenir en soi qqc. (de concr.), comprendre en soi ou dans son étendue.

Item, pour ce que le siecle du ciel qui est infini contient et comprent touz les autres siecles finiz, il peut estre dit seculum seculorum, c'est a dire le siecle des siecles qui sont finiz, successis et temporelz, lesquelz l'Apostle appelloit tempora secularia. (Oresme, C.M., c.1377, 268)

Car pour ce que la superfice .a. ne peut estre contenue en plus petite ligne que en circulaire, il s'ensuit que la ligne qui la contient ou superfice equale ne pourroit tant contenir en autre figure, car se elle estoit autrement figuree, comment que ce fust, elle contendroit mendre superfice ; et tout ce pourroit estre ligierement demonstré par geometrie. (Oresme, C.M., c.1377, 394)

Car aussi comme forme est perfection de matiere, semblablement l'element contenant et qui est desus donne perfection a celui qui il contient, en tant comme en ce lieu est sa conservacion et generacion. (Oresme, C.M., c.1377, 678)

Ce jour ou environ, me fu baillez en garde par maistre Bertran Thioche, pour monseigneur de Tours, un gobelet d'or, duquel le poiz est contenu en une cedule qui est oudit gobelet (Baye, I, 1400-1410, 58)

Item, une grant crosse d'argent doré, contenant trois pieces et le crosson, où fault VIIJ pierres grenas et lopes de saphirs. (Fauq., II, 1421-1430, 117)

En après apparent les nues Là suz parmy l'air espandues, Qui sont cause de l'arc célestre Aucunement, ce dit le Maistre, Et, en oultre de celles nues, Sourdent et si sont contenues Les pluyes, les nèges et grelles, Par l'influence des Estelles (La Haye, P. peste, 1426, 7)

Et d'illec s'en ala audit Pont de l'Arche, et de là audit camp, qui fut choisy et assis entre ledit Pont de l'Arche et le Pont Saint-Pierre ; partie duquel camp, tel qu'il povoit contenir, fut fossoyé au long de ce qui en fut dressié, et dedens fut tendu des tentes et pavillons, et aussy y fut mis de l'artillerie et de tout ce qui y estoit requis (Roye, Chron. scand., II, 1460-1483, 107)

Troys cercles sont compris et enclos contiguement en la circonference d'ung aultre ayant 12 de dyametre, qui est .a.b. ; assavoir moult de combien sont les dyametres d'ung chascun des cercles contenuz. (Nic. Chuquet, Géométrie H., 1484, 301)

...par l'industrie duquel Dido achapta de la terre oudict lieu de Libe, autant que pourroit enclore le cuir d'un beuf, ce qu'elle obtint, si le fist trencher menu et lier l'un à l'autre, si contint assez de pays devers la mer, où elle fonda sa cité denommée Cartage. (Simon De Phares, Astrol., c.1494-1498, f° 40 r°)

Et de ce que contient ceste duchié, ne veïz jamais plus belle pièce de terre ne de plus grant valeur (Comm., III, 1495-1498, 17)

Remarque : Quand deux objets occupent le même espace, en se superposant, le sens peut être celui de 'occuper, couvrir'

Et en la bastide Saint Denis, au dessus du pont leveiz d'icelle, avoit un grant escu des armes de la dicte ville, contenant tout le front de la maçnnerie d'icelle. (Entrées roy. G.L., p.1431, 65)

En particulier. Être composé de.

Et soit le pain levé et cuit Moyennement, autrement nuist, Nompas trop vielx, n'aussi trop froiz ; Mais cuit d'un jour, ou deux ou troiz, Contenant un pou par manière De bren ou orge en sa matière ; Car tout pain moult délicatif Est par nature opilatif (La Haye, P. peste, 1426, 90)

Emploi absolu.

Au secont, je di que plusseurs corps qui ne sont parties d'un corps ou parties un de l'autre ne pueent estre en un lieu qui soit propre a chascun de eulz, meismement a prendre lieu en la premiere maniere pour la chose qui contient. (Oresme, C.M., c.1377, 138)

3.Au figuré. [D'une chose concr. ou abstr.]

a)Tenir en soi, impliquer qqc. (d'abstr.).

Et en justice legal est contenue toute vertu ensemble et est vertu mesmement parfaicte, pour ce que par elle a l'en usage de vertu parfaicte, laquelle est parfaicte en ce et par ce que celuy qui le a en peut user quant a autre ou en regart d'autre et non pas tant seulement a lui meïsme. (Oresme, E.A., c.1370, 279)

Et senz ceste maniere de droit sont contenus privileges (Oresme, E.A.C., c.1370, 304)

Et donques par ces instances et par semblables appert clerement que dire que une chose puisse avoir commencement et durer sanz fin n'est pas impossible simplement et qui contiengne ou implique contradiction. (Oresme, C.M., c.1377, 242)

Pense que cest que ton ame, comment cest une substance immaterielle et intellectuelle qui contient en soy toutes les perfections des autres creatures (Cib., p.1451, 186)

Ne aussi composition de gendre, comme en cest gendre animal aiant ame sont contenues diverses especes, c'est a scavoir homme, cheval, beuf, asne et toutes bestes, qui ont ame sensitive par les sens corporelz, voyant, oyant, flairant, goustant, tastant. (Somme abr., c.1477-1481, 147)

Mais la verité des propositions ypothetiques depent de l'abitude convenable d'une proposition cathegorique a l'autre. Car les propositions ypothetiques contiennent deux cathegoriques du mains, come 'se le soleil est levé, il est jour'. (Somme abr., c.1477-1481, 169)

...et fist ce beau livre qui s'appelle Summa anglicana, qui est impressé et tout commun et contient de moult singuliers secretz d'astrologie et traicte totallement d'icelle science, bien et amplement. (Simon De Phares, Astrol., c.1494-1498, f° 139 r°)

Englober qqc..

Pour quoy il s'ensuit que elle [la science civile] contient le bien humain et enseigne quel chose ce est. (Oresme, E.A., c.1370, 105)

Endoctriner je vous vueil maintenant Et demonstrer ma grant begnivolence Qui, en substance, va ces motz contenant (La Vigne, S.M., 1496, 163)

Contenir verité

...icellui prisonnier continua et persevera en icelle confession, et afferma par serement icelle contenir verité par la fourme et maniere que escripte est cy-dessus (Reg. crim. Chât., I, 1389-1392, 497)

Et, se nul, mal entalenté, Usant de seule volenté, Vouloit dire par aventure Que ceste petite escripture Contiègne fors que vérité Ou aucune perversité, Je respons à telx détracteurs Qu'ilz s'en preignent o les Acteurs (La Haye, P. peste, 1426, 167)

Et incontinant après les lettres desditz capitaines veuez, luy en furent presentéez unez autres, comme il se vouloit coucher, par quelcun, que l'on disoit contenir verité : lesquelles sonnoient autre son que les premieres (Le Clerc, Interp. Roye, c.1502, 393)

b)En particulier. [D'un texte]

Comporter.

...icelli Rousselet lui leut une minue en pappier qu'il disoit contenir la teneur desdites lettres closes, et contenoient celles de mons. de Berry, sy comme il se recorde, que le roy lui prioit que plus ne volsist escripre devers le pappe pour ledit evesque de Poitiers, afin de obtenir à l'arcevesché de Sens (Reg. crim. Chât., I, 1389-1392, 525)

...fu present Thomas Le Chevalier, lequel presenta audit mons. le prevost certaine supplicacion contenant ceste fourme. (Reg. crim. Chât., II, 1389-1392, 431)

...et par lui monstrée en icelle Court une cedule contenant IIJ lignes escriptes de la main du Roy (Baye, II, 1411-1417, 8)

Et, après ce, fut ordonné que les dessus nommez et chascun d'eulz auroient lettres du Roy et de ladicte Court, contenans en effect saufconduit et sauvegarde especial (Fauq., I, 1417-1420, 40)

...et fust celle qui apporta a Tarquinus Priscus, qui fust le V^e roy de Romme, IX livres contenans les decrez de Romme, c'est a dire comment ilz se devoient gouverner pour venir la ou puis ilz vindrent (La Sale, Salade, c.1442-1444, 127)

...ce present petit oeuvre (...) qui en soy contient et traicte cent histoires (C.n.n., c.1456-1467, 22)

Et puis lui firent lire ung article contenu en une cronique (Roye, Chron. scand., I, 1460-1483, 147)

Cy fine la table des rubrices de ce present volume contenant sept livres. (Somme abr., c.1477-1481, 97)

...et fut le principal des auxilliateurs à abrevier les loix que ledit empereur fist, c'est assaver de deux mille volumes qu'elles povoient contenir ; le tout abrevia à L volumes. (Simon De Phares, Astrol., c.1494-1498, f° 96 r°)

Aucuns dient qu'il fist une composicion de astrolabe bien ample, contenant XLIIII chappitres (Simon De Phares, Astrol., c.1494-1498, f° 133 r°)

Mentionner, exposer, stipuler.

Aussi de vostre conscience Avez vous presentement dit De ces lettres par vostre dit, Que pluseurs secrez contenoient. (Mach., J. R. Nav., 1349, 218)

En la Bible n'est pas contenu ne trouvé Que par force de gens, tant fussent bien armé, Ne fussent les victores ne ly camp aquievé. (God. Bouillon R.B., t.3, c.1356, 110)

Si qu'amis, sans riens controuver, Par exemples te vueil prouver, Qui sont contenu en la Bible Et qui sont a nous impossible, Qu'adés cils qui en Dieu se fie, S'il a raison de sa partie Et s'il l'aimme, sert et honneure, Adés son fait vient au desseure. (Mach., C. ami, 1357, 3)

Roys, se je l'ay bien retenu, En l'escripture a ['il y a'] contenu Trois mos : 'Mane, techel, pharès.' Ne sont pas mos de cabarès, Car chascuns mos porte sa glose Grant et fiere, qui bien la glose. (Mach., C. ami, 1357, 32)

Aussi avoit fait li bons roys Maintes saillies, mains conroys, Et autres armées menues, Qui ne sont pas ci contenues, Car trop longue chose seroit Qui toutes les y metteroit, Et anuier porroit au lire Qui toutes les vorroit escrire. (Mach., P. Alex., p.1369, 218)

Quinze paire de draps, dont le lé et le long est contenu en l'inventoire que Gilles Malet a par devers soy. (Invent. mobilier Ch. V, L., 1380, 350)

Il fist escrire tantos une lettre qui contenoit auques la maniere dou sauf conduit, et puis le bailla au chevalier (Froiss., Chron. D., p.1400, 753)

...et pour declairer plus amplement et particulierement a baillié par escript ung roole en papier contenant au long ses griefs (Fauq., II, 1421-1430, 300)

'Monsieur le mareschal, je suis Jehan de Saintré, venu au jour et heure que le tresexcellent prince, le roy ci present, comme vray juge competant de monseigneur mon frere messire Enguerrant de Cervillon et de moy, ainsin qu'il nous a ordonné, pour a pié parfaire les armes de mon emprise, ainsin que mes lectres le contiennent.' (La Sale, J.S., 1456, 124)

Et, par lesdictes lettres, estoit contenu l'aliance faicte du roy et du roy Henry d'Angleterre (Roye, Chron. scand., I, 1460-1483, 247)

Le Roy nous a baillié ung petit memorial en quoy sont contenues en brief plusieurs batailles perdues et gaignées (Bueil, II, 1461-1466, 60)

...et d'accomplir le mariage de leurs enfans, ainsi qu'il estoit contenu oudict traicté (Comm., II, 1489-1491, 65)

Ilz [les Romains] n'ont ne chartre ne espitre Qui contiengne que on leur doibve Hommage, se Dieu me pourvoye. (Myst. st Laur. S.W., 1499, 147)

Contenir comme / comment / contenir que

Il les prist [les lettres] , si les resgarda Et de haut lire se garda ; Car pluseurs secrez devisoient. Et ou darrein point contenoient Que s'amie estoit mariée Au plus vaillant de la contrée, Et estoit ja grosse d'enfant. (Mach., J. R. Nav., 1349, 215)

Encores vueil (...) a ma mére envoier (...) Lettres ou ara contenu Conment suis tout sain devenu (Mir. st Sev., 1362, 214)

...et pour eulz donna le Roy nostre sire ses lettres contenens que la Court in effectu esleust le plus ydoinne des IJ dessusdiz, sanz eslire autre. (Baye, I, 1400-1410, 12)

Ce jour, après disner, maistre Barthelemi Destorbes, ou nom et comme procureur de messire Guy de Bar, me apporta une cedule contenant que il s'opposoit à la reception dudit maistre Giles de Clamecy à la prevosté de Paris (Fauq., I, 1417-1420, 247)

...savoir faisons à tous presens et avenir, nous avoir receu l'umble supplication de Marie Fremine, damoiselle, contenant comme depuis Pasques derrenierement passées ou environ la dicte suppliante feust alée demourer en la rue du Bourc-de-Brie à Paris (Paris domin. angl. L., 1421, 6)

...savoir faisons à tous presens et avenir, nous avoir receu l'umble supplication de Gilet Prunier (...) demourant à Paris, contenant que samedi derrenierement passé, cinquiesme jour de ce present mois, entre trois et quatre heures après-midi, il se parti de son hostel de la rue des Poitevins (Paris domin. angl. L., 1421, 12)

Il ne fut onques aise tant qu'il eust rescript a sa dame et baillé ses lettres, qui contenoient qu'il avait tant fait... (C.n.n., c.1456-1467, 258)

Escripvit unes lettres de sa main a son serviteur (...) qui contenoient en effet que, tantost ces lettres veues, toutes aultres choses mises arriere, il venist vers elle... (C.n.n., c.1456-1467, 479)

...quatre lettres, les unes aux bourgois, manans et habitans d'icelle ville, unes à l'Université, les autres aux gens d'Eglise et les autres à la court de Parlement, qui contenoient en effect que lui et ceulx de son sang avecques lui tout assemblez estoient ilec venus pour tout le bien universel du royaume de France (Roye, Chron. scand., I, 1460-1483, 88)

...et luy apporta lettres des ducz de Normandie et de Bretaigne, contenans comme ilz avoient faict paix avecques le roy (Comm., I, 1489-1491, 122)

J'ay veu voz lettres que m'avez envoyéez de ce soir, contenans que, se les Bourguignons marchent plus avant que de là où ilz sont, vostre oppinion est que doys aller à Rouen (Le Clerc, Interp. Roye, c.1502, 300)

...j'ay receu les lettres qu'il vous a pleu m'escrire par ung chevaucheur de vostre escuierie, contenans que vous avez envoié maistre Jehan Portefaiz à Valenciennes (Le Clerc, Interp. Roye, c.1502, 362)

Contenir ce qui s'ensuit

Et, après lesdittes lettres receues par ledit grant maistre, il envoya son scellé au roy contenant ce qui s'ensuit... (Le Clerc, Interp. Roye, c.1502, 361)

...par ces lettres, qui contenoient ce qui s'ensuit... (Le Clerc, Interp. Roye, c.1502, 332)

Comme est contenu (dans un texte)

...si comme plus à plain est contenu es dictes lettres. (Fauq., I, 1417-1420, 43)

Emploi impersonnel. [Dans un texte] (Il) contient / est contenu (que). Il est mentionné (que).

En l'escripture est contenu Que pluseurs fois est avenu. (Mach., J. R. Nav., 1349, 200)

...ainsy qu'il contient en la gieste qui en est faite. (JEAN D'OUTREM., Myr. histors G., a.1400, 116)

...si dirons aucunes choses de l'amour que il demonstra au dit peuple si qu'il est contenu en la Sainte Escripture. (Chr. Piz., Paix W., 1412-1413, 127)

...ainsi que dist Aristote ou livre de la Etica, ou contient que ['où il est mentionné ce que'] les aultres philosophes appellerent Justice : la vertu ou le viz d'or. (La Sale, Sale D., 1451, 85)

Contenu. Mentionné, désigné, dans un texte, dans un acte.

Item, ma nominacïon, Que j'ay de l'Université, Laisse par resignacïon, Pour seclurre d'adversité Povres clercs de ceste cité Soubz cest intendit contenus (Villon, Lais R.H., c.1456-1457, 24)

4.[D'une pers.]

a)Renfermer (physiquement).

Vierge (...) Qui contins celi qui contient Tout bien et qui tout crea... (Mir. st J. Paulu, c.1372, 146)

b)Au figuré. Avoir, porter en soi (une chose abstr., une qualité).

...celui qui doubte et craint nostre Seigneur fera bonnes euvres, et qui contient justice si la prendra et avra, et elle li vendra au devant comme vraie mere hautement honnoree (Foul., Policrat., IV, 1372, 68)

[Personnification] Plaisance du tout maintient Et detient Cil qui se contient Et tient gracïeusement : Car tous biens elle entretient Et contient (Chart., L. Plais., c.1412, 149)

Remarque : Peut-être même sens ds l'ex. suiv. (ou faut-il lire soutiens ?)

LE MOYNE. Je contiens le contraditoire, Et mettez le procès en forme. (P. moyne, a.1500, 48)

[De Dieu]

Vierge (...) Qui contins celi qui contient Tout bien et qui tout crea... (Mir. st J. Paulu, c.1372, 146)

La preposition 'in' disant en lui sont toutes choses, signifie conservation et estre des aultres, et ce appartient au Saint Esperit, qui est contenant et gardant tous biens. (Somme abr., c.1477-1481, 125)

B. -Retenir en soi (continuer à tenir dans ses limites), retenir.

1.[D'une chose]

...la vertu contentive et retentive de la vessie est affoiblie et debillitee et ainsi elle ne peut contenir l'orine pour lonc temps (Saint-gille, Comment. A.Y. L., 1362-1365, 249)

2.[D'une pers.]

a)Retenir qqn, l'empêcher d'agir.

...et pour ce coururent il a gens et a armez pour contenir et pour empeechier le consul C.. Marcius que il n'alast aidier aus autres [en] Etrurie (Bers., I, 9, c.1354-1359, 38.7, 70)

b)Retenir, maîtriser (un sentiment, une passion...).

De l'ardeur de son magnanime courage qu'il ne pouoit contenir, voyant ses ennemis devant ses yeux, il les voulu combattre. (Fillastre, Traité Conseil H., c.1472-1473, 203)

II. -Emploi intransitif ou pronominal.

A. -[D'une pers. ou d'une chose] Être dans l'intériorité de (dans les limites de).

1.Se contenir qq. part. Se tenir, se trouver qq. part (en un lieu concr. ou abstr.).

a)[D'une chose]

En la partie de Ayse se contiennent vi regions. (La Sale, Salade, c.1442-1444, 159)

Ou pence tu escriptures trouver Qui veriffient telz meschantes parolles, Telles maulvaises indehues parabolles A qui le feu seulement apartient ? Hors de la foy ton propos se contient. (La Vigne, S.M., 1496, 338)

Emploi intransitif.

Seigneur, vous avez veu la lectre de mon frere de Saintré sur le contenu de ses armes, et de vostre grace m'avez donné licence, jour et place pour le delivrer. Donques, a vostre bon congié, voulez que je parface ce que en son veu contient. (La Sale, J.S., 1456, 108)

Contenir de... à. S'étendre de... à.

Item, ung grant drap de l'euvre d'Arras, ystorié des faiz et batailles de Judas Macabeus et d'Anthoqus, et contient de l'un des pignons de la gallerie de Beaulté jusques après le pignon de l'autre bout d'icelle, et est du hault de ladicte gallerie (Invent. mobilier Ch. V, L., 1379, 378-379)

Contenir depuis... jusques à. S'étendre de... à.

Après y est le royaulme de Vallence, qui contient depuis Castille jusques au royaulme d'Arragon (Le Bouvier, Descript. pays H., p.1451, 130)

En particulier. Être mentionné dans un texte.

...dont ly generation soy contint chi devant, en capitle parlant do viez monssaingnor Renier de Vellerous. (Hemricourt, Miroir Hesb. B.B., 1353-1398, 432)

b)[D'une pers.] Se trouver qq. part, rester qq. part.

Entr'eaulz ne me say contenir (La Buigne, Rom. deduis B., 1359-1377, 204)

Il se contint en son Dauphiné, faisant bonne chière (Chastell., Chron. K., t.3, c.1456-1471, 53)

Le duc de Bourgongne (...) descendy devant le portail de Nostre-Dame (...). Sy se y contint par aucun temps tout en pied (...) pour cause de la grand presse qui estoit dedens l'église comme dehors. (Chastell., Chron. K., t.4, c.1456-1471, 57)

[De Dieu] Ne pas estre contenu. Être hors de tout espace, de toute limite.

Ainsi que Dieu est par tout et toutevoies pas n'est conclut ne contenu en quelque lieu, pareillement il est eternel, et toutevoies par nul temps il n'est mesuré, car le temps present, ne le temps passé, ne le temps advenir ne lui compete. (Somme abr., c.1477-1481, 140)

[De plusieurs pers.] Se trouver au même endroit.

Qui vous fait ainsi contenir, Messieurs, a si grant assemblee ? (La Vigne, S.M., 1496, 401)

2.Au figuré. Se contenir en qqc. Littér. se tenir en qqc., pratiquer qqc..

Quant est de l'autre delectacion qui est en soy avoir et contenir en [et en soi contenir en] conversacion de vie humainne, celui qui le fait selon ce que il convient et appartient, il puet estre apellé amiable ou afable ou aggreable. (Oresme, E.A., c.1370, 168)

B. -[D'une pers.] Se tenir en gardant telles ou telles limites ; p. ext., se tenir de telle ou telle manière, se comporter, se conduire ; se retenir de ou se satisfaire de.

1.Se tenir en gardant telles ou telles limites, rester digne, garder son calme, rester maître de soi.

Tant apparut belle, tant pure, tant nette que le vray Dieu de saincte amour incontinent fut embrasé de son amour (...) et contenir ne se pot que joyeusement ne chantast ceste amoureuse chancon dessus dicte : Ma mie est celle Qui est toute belle. (Gers., Concept., 1401, 407)

Savez vraiment que, vous absent, je ne me pourroye contenir ne garder l'entiereté de nostre mariage. (C.n.n., c.1456-1467, 565)

infinitif substantivé.

Ains en pert on maniere et contenir, Voix, alaine, legiereté, couleur. (Chart., B. Nobles, c.1424, 407)

En particulier. Rester continent.

...la loy argue Et commande qu'om se marie Pour contenir et pour lignie Avoir, sanz autre entencion, Non pas pour delectacion Seulement querir et avoir, Mais pour lignie et le devoir Rendre en ce cas mari a femme, Sanz mauvais usaige ou diffemme (Desch., M.M., c.1385-1403, 345)

Se contenir en (dans tel ou tel sentiment, tel ou tel état psychique...)

Il est force qu'adés il m'en souvieigne, Quel que je soye et quel que je devieigne, Tant que l'ame dedans le corps se tieigne ; Et n'est chose dont mieulx ne me passasse. Fortune veult qu'en ce point me contieigne ; C'est la leçon qu'il fault que je retieigne (Chart., Compl., 1424, 325)

Si fut plus esbahy qu'on ne vous saroit dire, et se print a muser et largement penser ; et en ce point longuement se contint. Mais toutesfoiz a chef de piece il dist... (C.n.n., c.1456-1467, 266)

2.Par extension. Se tenir de telle ou telle manière, se comporter, se conduire.

...Sique quant celle part irai, Selonc l'estat me condandrai [l. contiendrai ?] . (Renart contref. R.L., t.1, 1328-1342, 366)

Tu m'as veu aller et venir Et en ce monde contenir (Pac. Job M., c.1448-1478, 344)

[Avec un adv. ou un compl. adv.]

Je vous prie pour Dieu (...) Que bien vous contenez en nobile façon, Car disgner la mesray ou palais a bandon. (Gir. Vienne D.B., c.1350-1400, 158)

De Mont Auben issy et mena de gens tant Que bien en y avoit .X. mil bien contenant (Renaut Mont. B.N. V., c.1350-1400, 311)

Car en tous tens elle le pleure Au point dou jour - c'est sa droite heure, Einsi le pleure et le plourra Tant comme li siecles durra - A ses noces tuit li dieu vindrent Qui moult noblement se contindrent, Et les deesses ensement Furent a ce nossoiement. (Mach., F. am., c.1361, 202)

Quant il furent en sa presence, Grant honneur et grant reverence Leur fist li roy ; et vraiement Moult se contindrent humblement, Et de chief en chief li conterent Comment vers le soudan alerent, Et les requestes qu'il ont fait, Et sa response (Mach., P. Alex., p.1369, 118)

Or vous diray ce qu'ils queroient, Einsi comme oy dire l'ay. Il ne queroient que delay, Et de la pais n'avoient cure, Qui depuis leur fu chose dure. Sagement se sont contenu Et devant le roy sont venu. (Mach., P. Alex., p.1369, 203)

Et en toutes fortunes et bonnes et males, le magnanime se contendra et portera et se avra modereement et actrempeement en quelconques maniere que ilz soient faites ou adviennent. (Oresme, E.A., c.1370, 251)

...jusques ad ce que icellui enfant feust assez grant, et qu'il sceust aler et parler, et feust nect, pour soy contenir et maintenir honnestement entre ses paraulx petiz enfans. (Reg. crim. Chât., II, 1389-1392, 122)

Sagement se sçot contenir Le dieu de tres haulte valour. (Chr. Piz., M.F., I, 1400-1403, 37)

Et après, sondit mary, bien conseillé de ses principaulx amis, la reprint, et se contint de là en avant avecques sondit mary bien et honnestement (Roye, Chron. scand., I, 1460-1483, 33)

...à tout IIIc lances, et autres nobles de Normendie, qui très vaillamment s'y contindrent. (Roye, Chron. scand., I, 1460-1483, 273)

Ainsi partit le Jouvencel devant ses compaignons, en se contenant au plus bel et mieulx qu'il peut (Bueil, I, 1461-1466, 146)

Aprés ce cop receu, messire Henry (...) sagement et bien froidement par samblant se contint tousjours (Chastell., Chron. IV, D., c.1461-1472, 168)

Et semblablement le dit prince bien saigement se contenoit selon leurs parolles. (La Vigne, V.N., p.1495, 254)

[Avec un adj. ('en étant + adj.')]

Plaisance (...) Me faisoit contenir plus gent (Acart, Prise am. H., 1332, 39)

...et journellement leur firent instances de eux contenir rebelles contre le duc (Chastell., Chron. K., t.3, c.1456-1471, 102)

Quant donques le duc attempreement avoit oÿ le recort de ses chevaliers et leur avoit donné espace de vuider leur estommac, en toutes choses se contint transquille et amoderé (Chastell., Chron. IV, D., c.1461-1472, 153)

[Avec comme ou comment]

...onques mais je ne fui En la povreté ou je sui : Ne me scé conment contenir. (Mir. Pierre Changeur, c.1378, 257)

Pran garde dont tu es venuz, Qui tu fus et que devanras, Et comment tu te contenras En la dampnation d'enfer. (Jour Jug. R., c.1380-1400, 237)

Le XXIII^me [livre] est comment les marquis et contes se doivent contenir, venir et maintenir en guerre, au mandement et service du roy. (La Sale, Salade, c.1442-1444, 6)

Comme deux seurs se doivent contenir et maintenir ensemble se conduisoient (C.n.n., c.1456-1467, 357)

MARIE. (...) Dit moy, beaulx, las, que ferait, Ne comment je me contiendrait. Beaulx filz, ayes mercy de moy ! Las, qui me garderay aprés toy ? (Pass. Autun Biard F., 1470-1471, 114)

[Avec si ou ainsi]

Je voy mon filz si contenir Que de riens nulle ne li chault (Mir. Rob. Dyable, c.1375, 4)

Ainsi te doibz contenir. (Chart., L. Esp., c.1429-1430, 133)

A le voir ainsi contenir, Il me faict quasi souvenir De Martin, evesque de Tours. (La Vigne, S.M., 1496, 501)

Participe passé. Qui s'est comporté (comme).

Ton filz est en Grece venus Com mauvès larron contenus (Renart contref. R.L., t.1, 1328-1342, 28)

infinitif substantivé. Comportement.

...des juenes gens La meniere du contenir, Et de l'aler et du venir (Dupin, Mélanc. L., c.1324-1340, 153)

Car je voy a ton contenir... (Renart contref. R.L., t.2, 1328-1342, 4)

...idropiques est devenus, Et bien a son contenir pert ['et cela apparaît à'] (Acart, Prise am. H., 1332, 40)

...Ma manière et mon contenir (Jacques Bruyant, Voie pauvreté richesse P., 1342, 38)

3.Se retenir de ; se satisfaire de.

a)Se contenir de qqc. Se retenir de, s'empêcher de.

Et c'est cepourquoy je criay, car je ne m'en peus contenir (Percef. III, R., t.2, c.1450 [c.1340], 223)

...point n'y fussent allés aussi et s'en fussent contenus. (Chastell., Chron. K., t.4, c.1456-1471, 491)

Se contenir de + inf. Se retenir de.

Nostre marchant, oye la response de sa femme, fut tant joyeux qu'il ne se povoit contenir de plorer. (C.n.n., c.1456-1467, 566)

Je ne m'y sçavoye contenir De rire sans qu'en eusse envie. (Saint-gelais, Séj. honn. D., c.1490-1495, 352)

Se contenir que ... ne

MISERICORDE. Je ne me puis mais contenir Que les humains ne prengne en cure (Gréban, Pass. J., c.1450, 37)

...tant qu'il ne sceut soy contenir qu'il ne deist tout en hault : ... (Percef. III, R., t.2, c.1450 [c.1340], 16)

b)Se satisfaire (de qqc.).

Il est assavoir que, se le demandeur prent la preuve, il se doit contenir et les parties proceder selon ce qu'il est dit devant (Instruct. ensaign. B.G., c.1386-1390, 66)

...le duc les mena de terme à autre par autres empescemens qu'il avoit (...). Sy se contenoient très-bien les gens de bien qui pour ceste cause estoient tramis devers luy et l'excusoient en ses affaires (Chastell., Chron. K., t.3, c.1456-1471, 43)

Se contenir à qqc. S'en tenir à qqc..

Amour veult foy et loyaulté tenir, Simple et secret en tous lieux maintenir, Ou autrement se sont amours frivolles. Tant en penser qu'en oeuvres et parolles, Jusqu'a la fin, on s'y doibt contenir. (Au grey d'amours F.-H., c.1400-1500, 222)

Se contenir à + inf. S'en tenir à.

O vous jeunes, vueilléz vous contenir A vous myrer (...) Sus moy, chetif, et y prenés exemple. (Saint-gelais, Séj. honn. D., c.1490-1495, 376)

C. -Par analogie. [D'une chose]

1.Comporter (dans ses limites), être constitué, être formé.

Ainsi comme qqc. se contient. Avec tous les éléments dont qqc. est constitué.

Item, I autre hommage en la ville de Nouvion, que je tiens de mon dit signeur comme desseur, dont les parties s'ensuient : Premiers, ma maison, qui siet on ban de Laitre, ainsis comme elle se contient. (Comté Porcien R., 1353, 156)

2.Rester dans ses limites, se maintenir, se conserver.

Remarque : Scheler, Gloss. Geste Liège, 77 ([Il mit le corps dans un fiertre en bois] si que miés soycontangne [forme amenée par la rime pour contengne]).

III. -Participe passé en emploi substantival. Contenu

A. -Ce qui est contenu dans qqc. (de concr. ou d'abstr.).

Serviteur soye de par vous retenu, Et de tous pointz auray le contenu De mon desir, en soulas et en joye (Au grey d'amours F.-H., c.1400-1500, 182)

B. -En particulier. Substance, teneur (d'un texte, d'un document, d'une déposition, d'un récit...).

Les lettres pris et les ouvry (...). Et quant je vi le contenu... (Mach., Voir, 1364, 784)

Vous avez oy et tenu De la pais tout le contenu Que j'ay ci devant recité (Mach., P. Alex., p.1369, 183)

Li rois Edouwars, par un sien clerc, fist lire les lettres, tout au lonc, que on li envoioit, et qant il ot veu et entendu le contenu, il en respondi et dist que... (Froiss., Chron. D., p.1400, 187)

...aucuns desdiz procureurs ont dit que onques n'avoient veu le contenu de ladicte requeste (Baye, II, 1411-1417, 200)

GUIPPELLIN. Je suis si grant et saige sot Que j'entens bien tout a ung mot D'ung sermon tout le contenu. (Roy sotz, c.1450-1500, 226)

Item, a maistre Ytier Merchant, Auquel je me sens tres tenu, Laisse mon branc d'acier tranchant, Et a maistre Jehan le Cornu, Qui est en gaige detenu Pour ung escot sept solz montant ; Je veul, selon le contenu, Qu'on leur livre... en le rachetant ! (Villon, Lais R.H., c.1456-1457, 16)

Et furent icelles processions faictes, qui alerent de Nostre-Dame à Madame Saincte-Geneviefve au Mont de Paris, et y fut illec presché par le prieur des Carmes, qui illec declaira bien au long et honnorablement l'intencion et contenu desdictes lettres du roy. En ladicte année, au moys d'octobre, advint au pays (Roye, Chron. scand., II, 1460-1483, 79)

N'est il pas temps de proposer Chansons et balades nouvelles, Prendre textes et les gloser Au vray selon le contenu ? (Sots gard., a.1488, 99)

Pour laquelle information furent interrogués certaines personnes cy après nommées : c'est assavoir Estienne Marrilier, marchant, demourant en la ville de Sancerre, aagé de quatre vingtz ans ou environ, examiné sur le contenu desdittez lettres royaulx données à Poitiers le XVIIe jour de decembre l'an mil IIIIcLXII (Le Clerc, Interp. Roye, c.1502, 159)

Contenu (de la lettre) des armes. Dispositions acceptées par les participants d'un tournoi.

Seigneur, vous avez veu la lectre de mon frere de Saintré sur le contenu de ses armes, et de vostre grace m'avez donné licence, jour et place pour le delivrer. Donques, a vostre bon congié, voulez que je parface ce que en son veu contient. (La Sale, J.S., 1456, 108)

...selon le contenu de la lectre de voz armes... (La Sale, J.S., 1456, 128)

...pour plus honestement faire savoir a Madame le contenu de ses armes... (La Sale, J.S., 1456, 138)