CONCAVITÉ

substantif féminin

[T-L : concavité ; GDC : concavité ; AND : concavité ; FEW (II-2, 998b) : concavus ; TLF (V, 1228a) : concavité]

A. -Propriété de ce qui est concave ; ligne ou surface concave.

Item, le premier et souverain ciel qui est ainsi meu est concentrique au monde selon la concavité de ce ciel, et donques il ne boute et ne tire le ciel qui est souz soy sanz moien. (Oresme, C.M., c.1377, 316)

...de chascune [des trois figures] se pevent deux miroers faire : l'un quant elle est polie par dedens en sa concavité et ainsy ramenee a nature de miroer, et l'autre quant elle est polie par dehors en sa convexité. (Evr. Conty, Eschez amour. mor. G.-T.R., c.1400, 701)

Donc les signes de lepre le plus apparessent en la face que en aultre partie du corps pour la disposicion du lieu qui n'est pas telle que les aultres parties si comme concavité, rarice, subtillité et tendresse. (Gordon, Prat., c.1450-1500, I, 21)

B. -Creux (à l'intérieur d'une masse).

...un frere meneur me afferma que ou mois d'apvril, quant les petites fueilles de la vigne commencent a apparoir, il prist et leva le sommet d'un bourgon, et y laissa les petites fueilles a une concavité et fossette ; et en ce lieu il mist un aultre bourgon semblable et tout frais, que il avoit prins ailleurs, et y mist un pou de mol fiens ; et sans aultre aide elle reprist (Rustican H., 1373-1374, 81)

Et par ce appert la response au premier arguement, quar se un monde estoit enclos en une concavité dedens la terre de cestuy monde, nientmoins ceste terre seroit en son lieu naturel, puisque le mylieu du monde seroit le milieu et le centre de sa pesanteur. (Oresme, C.M., c.1377, 168)

Pource qu'il convenoit le plus souvent rompre et tailler le bout d'une roche pour contourner les pieces d'artillerie, aucunes fois eslargir et bien souvent remplir les concavitez du chemin ou roches (La Vigne, V.N., p.1495, 278)

MÉDECINE Cavité, creux.

Sternutacion est faicte du chief, de la vertu du cervel lequel est eschauffé, et de l'umidité qui est en la concavité d'icellui (Saint-gille, A.Y., 1362-1365, 101)

...car chacune d'iceulx n'est pas liee a toutes voines de la concavité de la marris, maiz chacun est lié aux voines de son costé (Saint-gille, Comment. A.Y. L., 1362-1365, 117)

... il y ha grans cavernes et grans concavités en la terre desoulx (Evr. Conty, Probl. Aristote, 1380, XXIII, 5, 154 v°)

Et dois entendre que sanie qui est en la concavité du pis deçoit souvent le medecin, car il semble le plus qu'ilz soyent ptisiques et incurable et quant la sanie est mundifié ilz eschappent (Gordon, Prat., c.1450-1500, IV, 6)

La pierre est une maladie officiale adjoustee en membre oultre nature et s'engendre aulcuneffois en la vecie, aulcuneffois es reins et en maintes concavités selon Galien (Gordon, Prat., c.1450-1500, VI, 12)

...ou millieu d'yceulx [os iliaques] de la partie du derriere sont concavités dictes pixides ou boetes esquieulx sont receuz les boutz des os des cuisses (Panis, Guidon, 1478, tr.I, doct.2, chap.7)

Et la fumee de la semence des porroys a proprieté de mortifier et de jetter les vers hors des dens, lesquelz concavites des dens font douleur intollerable. (Rég. santé corps C., 1480, 130)

Par extension. Longue voûte en berceau, galerie souterraine, tunnel.

Fist semblablement icelui Virgille, par son art mathematique, percer une montaigne pour abreger le chemin, si très avant que, à peine quant l'on est ou milieu, se peuvent veoir les deux boutz ; en laquelle concavité jamais nul, pour quelque machinacion que ce fust, ne peut fere domage ne desplaisir à nul (Simon De Phares, Astrol., c.1494-1498, f° 70 r°)