CHEVETAIN

adjectif et substantif masculin

[T-L : chevetain ; GD : chevetain ; AND : chevetain ; FEW (II-1, 255b) : capitaneus]

I. -Adjectif.

A. -Éminent en tant que chef.

Cesti fut roy de Franche com li plus chevetain (JEAN D'OUTREM., Geste Liège B.B., t.2, a.1400, 570)

B. -Principal, capital.

Bien sai(e), mult chir(e) le comparons (...) Quant les VII visce chiuetains Nos at tolut par sa doctrine. (Sept péchés C., c.1300-1350 [p.1478], 244)

Chevetain peché. Péché capital.

Les .VII. chiefz de la beste d'Enfer sont les .VII. chevetainz pechiéz par lesquelz le Deable trait a soy ainsi comme tout le monde (Thom. Saluces, Chev. errant W., 1394, 1)

II. -Substantif.

A. -Capitaine, chef militaire.

...et aprés ceo vient le Captal de Buche en Engleterre pur avoir le Prince lour chieftayn en Gascoigne (Héraut Chandos, Vie Prince Noir T., c.1385, 62)

La leur ordena comment il vouloit que ilz alassent, et fist ses chevetains et capitaines (Bouciquaut L., 1406-1409, 139)

Li bons dus de Bourgongne y fu adont commys Et fu fais capitaine de trestout le païs C'on dist de Picardie (...) Se fist sien kievetain d'un cevalier gentis (Geste ducs Bourg. K., c.1410-1419, 303)

...et de tous les meilleurs fist chevetains à grant honneur et provision (Chr. Piz., Paix W., 1412-1413, 69)

Tu as feru la teste en la maison du mauvaiz et desnué le fondement de sa force jusques au col ; tu as getté ta malediction sur les sceptres et sur les chevetains des gens d'armes. (Chart., L. Esp., c.1429-1430, 79)

Loÿs de Gavres appella Eminidus et tous les aultre chievetains de l'ost, sy leur dist... (Hist. seign. Gavre S., c.1456, 146)

... [chez les Romains] quant aucun estoit rebelle ou contredisant à son chevetain en ordonnance de bataille, il perdoit le chef. Et, se aucun oultre l'ordonnance et deffence de son chevetain faisoit aucune entreprise, combien qu'il en venist au-dessus, encores estoit-il estroictement pugny pour la desobéissance. (Bueil, II, 1461-1466, 13)

Charles le Grant, duc de Bourgoigne (...) avoit en son hostel comtes, barons, chievetains et chevaliers de pareille taille, prudens en leurs fais, expers en leurs armes (Molinet, Chron. D.J., t.1, 1474-1506, 66)

[Dans un cont. métaph.]

Si mandons a noz cappitaines Feaulx, Chose et Commentenon, Et a tous aultres chevetaines Soyent frans archiers, pÿons ou non, Qu'ilz laissent le pouvre toullon S'en aller, vie et bagues saulves (Bataille st Pens. A., a.1485, 69)

Seigneur, souverain.

...dès maintenant chevetain Vous en fas [de ma terre] sur touz souverain (Mir. marq. Gaudine, 1350, 127)

Et suppose ja, quant a moy, Que Cristus sera nostre roy, Nostre duc, nostre chevetain Qui nostre royaume haultain Entretendra en si grant paix Que si bonne ne fut jamais. (Gréban, Pass. J., c.1450, 116)

B. -Par extension. Celui qui est à la tête de qqc., d'un groupe ; chef.

Pour ce dit le philosophe que nul ne doit eslire jennes genz pour estre chevetains et gouverneurs pour ce que on n'est pas certains de leur sagece. (Ferron, Jeu eschaz mor. C., 1347, 188)

JUSTICE. (...) Vecy Conseil, le bon veilla[rd] (...) ; De Conseil feré[z] vostre chief ; Je veil qu'il en soit chevetain, Non pas qu'il y mecte la main, Més seulement pour commander. (Moralité cincq pers. B., 1484, 70)

[À propos d'un mouvement, d'une entreprise]

Dist et monstra li dis baillius que du dit orible et énorme fait et mellée estoient principal kievetain et conduseur les personnes après nommez, par le commune fame sour eaux courrant, et que d'icelle fame et présumption il avoit fait infourmation deue devant eschevins (Hist. industr. drapière Flandre E.P., t.3, 1381, 792)