CHAUD

adjectif, substantif, adverbe

[T-L : chaut ; GDC : chalt ; AND : chaud ; DECT : chaut ; FEW (II-1, 87b) : calidus ; TLF (V, 609b) : chaud]

I. -Adjectif.

A. -[D'une chose]

1.Au propre.

a)[Dans la théorie des qualités primaires, qualité de l'air et du feu]

C'est assavoir comme en la triplicité des signes de feu c'est à dire quant signes sont qui sont de la nature du feu, chaulx et secz, faisant le discours par toutes leurs faces, desquelles sont XXXVI, monstra par une experience que en la seconde face du signe de Aries montoit en la VIIIe spere la semblance d'une femme vestue de rouge. (Simon De Phares, Astrol., c.1494-1498, f° 13 r°)

Remarque : Les quatre éléments, la terre, l'eau, l'air et le feu, se caractérisent chacun par l'association de deux qualités primaires : la terre est froide et sèche, l'eau est froide et moite, l'air est chaud et moite, le feu est chaud et sec. Cf. Y. Schauwecker, 'Quand le chaud n'est pa chaud', Romania t.133, 2015, 77-121.

[D'un corps céleste] Qui est de la nature du feu.

En esté que soubz le chault signe Du Lÿon soleil s'achemine (Pastor. B., c.1422-1425, 207)

Que Jupiter avecques Mars, Par leurs désordonnez regars Et mesmement quant ilz sont joins En aucun des signes ou poins Du Zodiaque et par droiture, Soit de chaulde et moiste nature, Fait avenir et apparoir Grant pestillence et mal en l'air (La Haye, P. peste, 1426, 27)

b)Porté à une certaine température.

[D'une matière, d'une substance (liquide ou solide)]

S'il estoit plus dur que nul fer, Si sara il se feu d'enfer Est chaut ou non. (Mir. ev. arced., c.1341, 140)

Or est la terre contraire au feu non pas selon sa substance, mes selon ses accidens, car elle est froide et la matiere de elle peut estre faite chaude et convertie en feu. (Oresme, C.M., c.1377, 358)

Qui lors veist Sarrasins saillir es fossés, et portent pics, houyaux, eschielles, piez de chievre. Mais ceulx de dessuz leur gettent pierres de fais, grans bans traversains, pieux aguisiez, huille chaude, plonc fondu, pocons plains de chaux vive, tonneaux plains d'estouppes engressiez et ensouffrees, tous ardans ; et, malgré leur dens, leur font guerpir place et remonter d'autre part (Arras, c.1392-1393, 110)

...il jettent celle plate piere ou feu et destemprent un petit de leur farine de iaue. Et qant leur piere est escaufee, il jettent de celle clere paste sus celle caude piere et en font un petit tourtiel a maniere de une oublie de begine, et le menguent pour conforter lor estomach. (Froiss., Chron. D., p.1400, 127)

Aussi qui a réplétion Et veult faire purgation D'umeurs grosses et desplaisans, Espesses, crues et pesans, Se peut baignier en eaue chaude (La Haye, P. peste, 1426, 86)

Et ayent à l'entrée de leur mine grandes cuves pleines d'eaue chaude, s'il se peult faire, et, en eulx retraiant, faignant d'eulx enfuir, gettent ladicte eaue contreval la mine ; car, par celle voye, pourront estre les mineurs agravantez et mors. (Bueil, II, 1461-1466, 53)

[Du vin] Échauffé, d'où corrompu, altéré.

Onques n'avoient eü fain, N'esté couchié sus pou d'estrain, Qu'onques n'avoient mal geü, Ne point de vin trop chaut beü (Mach., D. Lyon, 1342, 203)

Et, à ceste cause, furent les vins chaulx et ardans, et plusieurs d'iceulx devindrent aigres et puans et en fut grant quantité de perdus et gettez par les rues. (Roye, Chron. scand., I, 1460-1483, 300)

En particulier. [D'un métal]

...pour prouver son dit, porta ung fer chault à tout la main nue, disant qu'il n'estoit que ung seul Dieu tout puissant, par laquelle chose ledit roy Allart et toute sa famille se convertit à Dieu et à sa loy et foy. (Simon De Phares, Astrol., c.1494-1498, f° 109 r°)

Proverbe. Il faut battre le fer tant qu'il est chaud

Si ne dois pas ci tant muser Que tu la doies refuser ; Qu'on dit : 'Qui ne fait, quant il puet, Il ne fait mie, quant il vuet ; Et le fer chaut, on le doit batre.' (Mach., R. Fort., c.1341, 75)

Et lors appella le roy d'Ausaiz les barons du pays a conseil et leur dist : Beaulx seigneurs, entretant comme le fer est chault, on le doit batre. Combien que j'aye esté malveullans de vous et de vostre damoiselle, si est ainsi advenu, car certainement je vouldroye son prouffit et son honnour et le vostre. Beaulx seigneurs, Dieux vous a envoyé belle adventure, se vous la savez prendre. (Arras, c.1392-1393, 169)

'...Or faictes donc vos hommes vistement esploitier, Car quant le fer est chault on doibt dessus forgier.' (Cip. Vignevaux W., p.1400, 69)

L'aultre, qui entendoit son latin, plus joyeux que jamais n'avoit esté, s'advisa de batre le fer tantdiz qu'il estoit chault, et si tresroide sa besoigne poursuyt qu'en pou de temps il joyt de ses amours. (C.n.n., c.1456-1467, 92)

...il voulloit poursuir sa bonne fortune ; et dient les maistres qu'il fait bon batre le fer quant il est chault. (Bueil, II, 1461-1466, 222)

c)Par métonymie.

[D'un vêtement] Qui préserve du froid, qui tient chaud.

Ne sont pas chier si vestement, Bien se vuet tenir nettement, Mais de cointise ne li chaut, Puis qu'il sont à li bon et chaut. (Mach., P. Alex., p.1369, 32)

Leur pel [des boucs sauvages] est moult chaude quant elle est bien conrayee et prise en bonne sayson, quar null froit ne pluye ne puet entrer dedanz se le poill est dehors, et, en mes montaignes, en sont plus vestuz les genz qu'ilz ne sont d'escarlate. (Gast. Phébus, Livre chasse T., 1387-1389, 73)

La pel du loup est bien chaude pour faire moufles ou pelices, maiz ce n'est pas belle fourreüre et aussi elle put tousjours se elle n'est bien conrayee. (Gast. Phébus, Livre chasse T., 1387-1389, 99)

FINE MYNE. Mon amy, happe ces mittaines, Elles sont bien chauldes dedans. (Sots triumph., c.1475, 41)

[D'un aliment, d'une préparation culinaire]

Qui réchauffe le corps.

Et les choses qui sont doulces selon verité leur semblent aucunes fois ameres et les viandes chaudes leur semblent froides et les legieres pesantes ou au contraire, et ainsi des autres choses. (Oresme, E.A., c.1370, 195)

Le second remede est fuyr usage de vins fors et de chaudez viandez. (Gers., Annonc., a.1400, 237)

Chaulx morceaux faiz de bon queu Fault en froit temps, voire, voire ; En chault, froide pomme ou poire (CH. D'ORLÉANS, Rond. C., 1443-1460, 491)

Relevé, épicé, qui provoque une sensation de chaud.

...Sausse vert, sausse alemendée, Et autre, s'elle est demandée, Et a la queue de sangler Chaude sausse sanz commender (Desch., Oeuvres R., t.7, c.1370-1407, 187)

Aussi doivent les saulses estre Composées, selon le Maistre, Des devant nommées espices Et d'autres à cela propices, Comme gingembre, garingaut, Et cloux de girofle, un fruit chault (La Haye, P. peste, 1426, 91)

d)En particulier.

MÉDECINE

Chaude maladie/mal chaud. Fièvre continue.

Je souffre mal ardent et chault Dont je muir pour vous bien vouloir, Et si voy qu'il ne vous en chault Et n'avez d'y penser vouloir (Chart., B. Dame, 1424, 338)

Vostre femme est fort aggravée de chaulde maladie et en dangier de mort (C.n.n., c.1456-1467, 135)

Les femmes de madame de Bourgongne ont esté toutes malades du mal chault (Lettres Louis XI, V., t.4, 1471, 262)

Le mal chaud. La blennorragie.

DEMANDE. A quelle heure se lieve le vit le plus souvent ? RESPONSE. Quant il a le mal chault. (Devin. R., c.1470, 170)

[Dans une formule d'imprécation] Chaude fievre

Chaude fievre le puist tenir ! (Vie st Fiacre B.C.P., c.1380-1400, 33)

[À propos de la chair d'un animal] Chaude chair. Chair qui a la chaleur naturelle de l'animal qu'on vient de tuer.

Quant l'oysel [le faucon] est en bien grant fain, On le doit souvent abechier, Avec chaude char alechier (La Buigne, Rom. deduis B., 1359-1377, 342)

Et les convient paistre [les éperviers] de bonne chair chaude nouvel tué d' oiselectz eschorchiez (Ménagier Paris B.F., c.1392-1394, 147)

[Du temps qu'il fait] Où la température est élevée.

J'ay escript un petit libel en cestuy chault temps, en la saison de la chace de l'esprevier (Bouvet, Appar. Meun A., 1398, 2)

'...La vostre caude amour, je croy, ne durra mie, Car les laboureulx dient en tant mainte partie : Quant on a du chaut tamps on refroide a la fie.' (Huon Bordeaux B., c.1400-1450, 455)

Et prens le temps icy pour l'air, Car il péut cler apparoir ; Selon raison, nature et droit, Le temps n'est pas ne chault ne froit. (La Haye, P. peste, 1426, 52)

Et qui vouldra lors composer Quelque saulse, doit apposer Quant il la fait et appareille Grant foison d'aisil ou d'oseille, En temps chault espécialment, Et y mettre courtoisement De la prédicte espicerie (La Haye, P. peste, 1426, 91)

Aprés chault temps vient vent de bise (CH. D'ORLÉANS, Rond. C., 1443-1460, 322)

Et l'hiver dure d'octobre jusques en avril et n'est en ce dit royaulme l'esté trop chault, ne l'hiver trop froit selon ce qu'il est chault et froit en aultres païs. (Le Bouvier, Descript. pays H., p.1451, 30)

Ou moys de fevrier, oudit an IIIIcLXXII, le tiers jour dudit moys, advint, sur le point de six heures au soir, que le temps estoit fort doulx et chault, qu'il descendit du ciel deux grans clartez comme deux chandelles passans devant les yeulx des regardans, qui sembloit estre fort espoventable, et en yssoit moult grant clarté, mais ce ne dura gueres. (Roye, Chron. scand., I, 1460-1483, 290)

Par métonymie. Foire chaude. Foire qui se tient en été.

De lui, en deniers paiez à plusieurs marchans drapiers et peletiers pour drap et pennes pris d'eulx pour madame la duchesse de Bourgoingne ou cours de ceste presente foire chaude de Chalon trois mil 23 frans ung sol 8 deniers tournois (Comptes Etat bourg. M.F., t.2, 1419, 257)

[D'une région] Dont le climat se caractérise par la chaleur.

Et y a en ce païs de Provence VII cités, et est chault païs et y a foison huilles d'ollives, amendes, figues (Le Bouvier, Descript. pays H., p.1451, 56)

Au droit de Cipre devers le midy est le païs de Surie qui est le royaulme de Jherusalem, qui est très chalt païs (Le Bouvier, Descript. pays H., p.1451, 71)

Aussi nous estions au pied de ces grans montaignes et en païs chault et en esté (Comm., III, 1495-1498, 174)

2.Au figuré.

a)[De manifestations qui présentent une certaine violence]

[D'une action milit.] Intense, acharné.

En ce temps que ces gerres estoient si caudes et si fortes et que li sieges se tenoit devant Tournai, estoient troi chevalier alemant en garnison en ou chastiel de Boucain (Froiss., Chron. D., p.1400, 429)

...et par ce recommencha l'estour plus chault et aspre que devant ; la fist sez merveillez d'armez le noble conte d'Artois, de reverser hommez et chevaulx en ung mont, de copper testez et jambez sans arrest (Comte Artois, c.1453-1467, 32)

Ça, baillez leur fault ung assault, A nostre premiere venue, Qui leur soit fort boillant et chault, Et gecter a pierre perdue, Que sus leurs meurs ne en leur rue Nul d'eulx ne si ose trouvoir ; D'artillerie grosse et menue Donques servir vous les povoir. (Myst. siège Orléans H., c.1480-1500, 541)

Chaude meslee. Querelle vive.

...ou conflit et ou cas de chaude meslée, un de ceulx qui dedans les dites maisons estoient, appellé Galois, fust blecié et navré (Doc. Poitou G., t.2, 1346, 334)

...et quant il se porent relever et se sentirent si navrez, il se deffendirent de leurs couteaux et fu ferus le dit Jehan Caillier et navrez en chaude mellée, par telle maniere que mort s'en est ensivie. (Doc. Poitou G., t.3, 1355, 210)

Grave, cruel, violent.

Moult fu l'ochision chaude et terrible ez plains devant Parpingnan (Comte Artois, c.1453-1467, 35)

Aucuns dient qu'il prenostica sur la persecucion des chrestiens, faicte soubz l'empereur Aurelien, qui dura environ dix ans, laquelle fut si fervente et si chaulde que en quarante jours furent occis pour le nom de Dieu XXm personnes et grant nombre de eglises et livres brullez.. (Simon De Phares, Astrol., c.1494-1498, f° 84 r°)

Predist aussi que dedans Paris y auroit de chaudes execions celui an, ce qui advint, car ceulx de Paris tuerent les Anglois que le roy de Navarre avoit mis dedans, tuerent aussi le prevost des marchans et Philipe Giffart le dernier jour de juillet. (Simon De Phares, Astrol., c.1494-1498, f° 141 v°)

b)[Idée de proximité temporelle et/ou spatiale] Prêt.

CAYPHE. C'est raison qu'ilz soient paiéz, Car ilz ont eu paines plusieurs. (...) MALABRUN. ...Entrez ens, seigneurs : Le gaing est chault, on le vous mande. (Gréban, Pass. J., c.1450, 399)

[D'une action] Immédiat, fait à brûle-pourpoint.

Compaignon qui viens de Saint Glaude, Par ta foy, dy moy du pays. - Qu'en diroie en response chaude ? Onques ne fus si esbahiz (Taillev., Dial. voiage St Glaude D., c.1430, 55)

Prendre qqc. chaud. S'occuper de qqc. sur le champ, sans délai (p. oppos. à froid).

...la guerre est telle qu'il fault besongner selon le loysir qu'on a, et le fault prendre aucuneffois froit, aucuneffois chault. (Bueil, I, 1461-1466, 92)

Au chaud fait. En flagrant délit.

'Damme, dist Charlez, ne vous vault excusance, car vous esteiz prinse au chaut faict. A la preuve du feu d'espinez soiéz provee.' (JEAN D'OUTREM., Myr. histors G., a.1400, 119)

À/en/de chaude chasse/chaude suite/chaude poursuite. Au cours d'une poursuite qui a lieu après un flagrant délit.

...voulons et ordonnons, que se les delinquans sont prins en present meffet ou en chaude chace, qu'ilz soient pugniz par les juges des lieux où ilz auroient delinqué (Trés. Reth. S.L., t.2, 1401, 486)

Si aucun qui ait justice ou qui par non de justice suye aucun malfaicteur de chaude suyte, et il le suyve et le prenne en autre justice, il le doit amener à la justice d'icelluy lieu (Cout. instit. Anjou Maine B.-B., t.2, 1437, 484)

...quicomques est reffusant de payer icellui portage a moy, a mon commis ou fermier, que moy ou l'un d'eulz lez povons gagier par la prinse d'aulcuns de leurs biens tant dedans le portage comme dehors a chaude poursuite (Trés. Reth. L., t.3, 1443, 218)

Et si d'aventeure ledit delinquant retourne en la jurisdicion où a esté commis ledit crime, il pourra estre pris ou arresté par icelle justice et procèdera l'on contre luy tout ainsi comme s'il eust esté prins en présent meffait ou suy de chaulde suyte. (Vieux cout. Poitou F., c.1451-1454, 255)

c)Ni trop chaud ni trop pesant. Qui n'est pas trop difficile, qui n'est pas impossible (à prendre ou à faire).

Entrues que li contes de Montfort seoit devant la cité de Camper Correntin (...) couroient ses gens tout le pays d'environ, et ne laissoient riens à prendre, se il n'estoit trop chaut ou trop pesant. (Froiss., Chron. L., VI, c.1375-1400, 177)

Item, en ce temps avoit ou chastel de Ivry-la-Chaussé une grant compaignie de larrons (...) ausquelx rien, s'il n'estoit trop chault ou trop pesant, ne leur eschappoit. (Journal bourgeois Paris T., 1405-1449, 191)

C'est le bourdon agu de toutes tailles, Ducteur des ostz, assambleur des batailles, L'effroy d'Europe, armigere puissant, Qui ne admiroit feu, ne fer, ne fustailles, Ne riens qui fust trop chault ne trop pesant. (Molinet, Faictz Dictz D., 1467-1506, 235)

Le duc Jehan (...) tant enflammé de hardy corage que riens ne lui sambloit ne trop chault ne trop pesant, peut estre figuré, pour les qualitéz de ses merites, à Force, très recommandée entre les vertus cardinales. (Molinet, Chron. D.J., t.1, 1474-1506, 27)

d)Locution verbale.

La bailler chaude à qqn.

Faire payer qqc. à qqn, rendre la pareille à qqn, se venger de qqn.

Mais je la luy bailleray chaulde Se je ne faulx a mon emprise. (La Vigne, S.M., 1496, 288)

Se moquer de qqn, envoyer promener qqn.

...Mais quant il l'ot enluminé [quand Jésus eut donné la vue à mon maistre l'aveugle] Et que je voulu mon sallaire De luy avoir, j'avoye beau braire Et crïer et subler a baude, Dieu scet qu'il me la bailla chaude ! (Myst. Résurr. Angers S., 1456, 288)

La trouver chaude à qqn. Se moquer de qqn.

Comment ce paillart vous fait pestre ! Il la vous a trouvee bien chaude ! (Myst. st Vincent L., c.1471-1476, 265)

Le rendre chaud et couvert à qqn. Rendre la pareille à qqn.

Des nouvelles, Monseigneur de Lynieres dit que le duc de Bourgongne m'a baillé la f... de Chablyes. Afin que vous saiché son nom, elle a en nom La Mocque. Mais je croy que Madame de Savoye le lui a rendu chault et couvert. (Lettres Louis XI, V., t.6, 1476, 97)

Avoir de l'eau chaude sur les mains. Subir une critique, une réprimande.

S'une foiz la cognicion En vient aux prebstres souverains, Il en aura dessus les mains De l'eaue chaude et a bon profit. (Myst. Pass. Troyes B., a.1482, 484)

Suer la sueur chaude. Souffrir beaucoup.

Le cueur des François est haulsé, Et ne vient que pour la ribaulde ; Tel en sera recompansé Et en suera la sueur chaulde. (Myst. siège Orléans H., c.1480-1500, 444)

B. -[D'une pers.]

1.Au propre.

a)[Dans la théorie des qualités primaires appliquée à la complexion de la personne] Propre à la qualité de chaleur.

...les enffans dessoubz VII ans pevent encore plus a paine jeusner, et de tous ceulx ycy, especialment ceulx qui sont de chaude complexion (Saint-gille, A.Y., 1362-1365, 56)

Asprete [l. aspreté] , c'est troncacion ou fendures des cheveulx qui vient aux hommes et aux femmes qui sont de complexion chaulde en temps de jeunesse (Gordon, Prat., c.1450-1500, II, 3)

Le sanguin de sa complexion est simple, ioyeux modere [l. moderé] , doulx et amiable et liberal, et si est chault et moite, de corps bien dispose [l. disposé] , bien couloure [l. coulouré] , et est la meilleur complexion car le sang est humeur conuenable a nature (Cib., p.1451, 218)

...la personne sur qui le feu a seignorie est de complexion colerique, c'est a dire chault et sec (Comp. kal. bergiers, 1493. In : Chrestom. R., 264)

b)Brûlant (de fièvre).

Je meurs de seuf auprés de la fontaine, Chault comme feu et tremble dent a dent, En mon pays suis en terre loingtaine, Lez ung brasier frissonne tout ardent, Nu comme ung ver, vestu en president, Je riz en pleurs et attens sans espoir, Confort reprens en triste desespoir (Villon, Poèmes variés R.H., c.1456-1463, 46)

c)Estre encore chaud. Être encore en vie.

MALIFERAS. Adonay, souverain Dieu, Il est encore chault, si me semble. JANUS. Soit chault ou froit, mes qu'il ne tramble, Il le fault descendre de la. (Pass. Auv., 1477, 250)

2.Au figuré.

a)[Avec une valeur positive, d'une pers., du coeur, d'un sentiment...] Vif, impétueux, ardent, empressé.

Li connestables de France, qui savoit d'armes quanques on en pooit sçavoir et qui sentoit les Englès cauls et boulans et aventureux, ordonna une fois toutes ses batailles sus le sablon. (Froiss., Chron. R., IX, c.1375-1400, 83)

'...La vostre caude amour, je croy, ne durra mie, Car les laboureulx dient en tant mainte partie : Quant on a du chaut tamps on refroide a la fie.' (Huon Bordeaux B., c.1400-1450, 455)

Lequel suppliant qui, comme dit est, estoit lors jeune, chault et bouillant, et cuidant bien faire en obeissant aus diz cappitaines et gens de guerre, se habilla et fut arbalestier et ala, avec les dictes gens de guerre de la dicte place de Marueil, Saint Hermine et autres, à l'encontre des diz Bretons (Doc. Poitou G., t.8, 1446, 264)

Mais le chevalier qui estoit chault de courage et esmeu, le attaindy tant vertueusement qu'il envoya homme et cheval enmy la plaine. (Percef. III, R., t.1, c.1450 [c.1340], 250)

Tantost que Passelion vint au sommet de la perche, il trouva qu'il n'estoit pas aincoires a la fenestre a deux estaiges d'homme, mais estoit si tangre et chault qu'il print a estendre les bras en hault. (Percef. IV, R., c.1450 [c.1340], 703)

Et, s'il estoit chault en ceste entreprinse, aussi le estoit son filz le Regent, pour ce que il leur estoit tousjours bien priz de leurs entreprises et qu'ilz estoient ardans et desirans de recouvrer la seigneurie qui estoit pour eulx, et que le cas leur touchoit. (Bueil, II, 1461-1466, 225)

Il estoit chault, actif et despit, et desiroit, en sa condiction enffantine, à faire ses voulentez à petites corrections, et touteffois il eut l'entendement et le sens si grant, qu'il resista à ses complexions, tellement qu'en sa jeunesse ne fut trouvé plus doulx ne plus courtois de luy. (La Marche, Mém., II, c.1470, 216)

Chaud à/de/pour + inf. Ardent à, désireux de.

...Et le franc empereur fu de combatre caux (Flor. Octav. L., t.1, c.1356, 182)

Com plus voient grant effusion de sanch, soit des leurs ou de leurs ennemis, tant sont il plus chaut et plus arresté de combatre. (Froiss., Chron. R., VIII, c.1375-1400, 162)

...par grant désir se monstra chaut pour estre sacré et porter couronne. (Chastell., Chron. K., t.4, c.1456-1471, 36)

Ainsi ceulx d'Escallon estoient tousjours plus chaulx de sieuvyr le cappitaine de Crathor, qui estoit moult subtil homme. (Bueil, I, 1461-1466, 135)

Duc de Bourgoine ! segnyeur treshault ! Pour quoy as heu le cueur si chaut De moy en sis jour prandre d'assault, Par ung dimenche ? (Compl. Liège Z.N., p.1468, 106)

Chaud de qqn. Empressé envers qqn.

Car, s'el regnoit au royaume de France [Justice] , Elle rendroit au roy obeissance, Et tost seroit Paix arriers retournee, Car Justice est d'elle telle atornee Qu'onc de hollier ne fut vielle ribaude. Ainsi que Paix est de Justice chaude (Nesson, Lay guerre P.D., c.1424-1429, 56)

Chaud de qqc. Désireux de qqc..

Mais par le compas d'avarice Sont plus chault d'autruy benefice. (Dupin, Mélanc. L., c.1324-1340, 50)

Chaude cole. Fougue.

...comme leur entendement ne puist encores estre perfect pour le juene aage qui trop pou leur a donné espace de moult aprendre et veoir parquoy aient grant experience pour bien congnoistre le mieulx du pis, et avec ce soit leur nature communement de chaude cole, furieuse, de grant voulenté, tost meue à pou d'achoison, tost deliberant sans consideracion, entreprenant sans circonspection à voulenté et non regart de raison... (Chr. Piz., Paix W., 1412-1413, 73)

Telle oeuvre avons nous a mener, en quoy plus chiet d'aguet et de sens que d'ouvraige de chaude colle. (Chart., Q. inv., 1422, 35)

Estre une teste chaude. Avoir de l'initiative, être entreprenant.

Combien vrayement je m'en [advise], Quant, a vray dire, sans clergise Et sans sens naturel, vous estes Tenu l'une des chaudes testes Qui soit en toute la parroisse ! (Path. D., c.1456-1469, 52)

Qui exprime une vive émotion.

(Pleurer à) chaudes larmes

Mors est li bons roys, c'est damages. Plourez, honneurs et vasselages, Plourez enfans, plourez pucelles, Plourez dames et damoiselles, Plourez aussi toutes gens d'armes, Plourez sa mort à chaudes larmes. (Mach., P. Alex., p.1369, 273)

...et plus en eust fait, ne fust lez angoisseux souspirs et chauldez larmez qui son parler empeschoient (Comte Artois, c.1453-1467, 115)

Pleurer des chauds yeux

Par Dieu, aucunes foys j'en plure Des chaus yeulx quant je m'en advise. (Myst. st Sébast. M., c.1450-1500, 225)

b)[Avec une valeur plutôt nég.] De tempérament emporté, impatient.

Vous qui voulez servans avoir Pour vous servir honnestement, Je vous faiz deux choses sçavoir Que vous sachiez : premierement Que sobre soit ; secondement Qu'il ne soit chaut ne rumoreux ['indiscret'] (Desch., Oeuvres Q., t.5, c.1370-1407, 199)

...ledit Enffant, qui estoit homme chaut, extraict du païs de Picardie, grant reignieur de Dieu, bateur de gens et frequantant les tavernes (Doc. Poitou G., t.9, 1450, 186)

Irrité.

Mon roy me tient crudalité, Mais c'est par une abusion : Sur moy a grant suspection, Dont il est courroucié et chaulx (Prisonn. desconf. C., c.1488-1489, 54)

Chaud sang/chaude cole/chaude ire. Emportement, colère violente.

He Diex ! Que eust il fait se il eust plus longuement vescu [Alexandre] ! Car certes amour de vin et chaude et cruele ire fussent en luy creuz de jour en jour. (Bers., I, 9, c.1354-1359, 18.5, 33)

Et lors icellui Gilet, meu de chaut sang et par temptacion de l'ennemi, sacha un baselaire ou cousteaulx que il avoit, et en donna ou dit Chauvet un cop sur la teste (Doc. Poitou G., t.7, 1404, 51)

(Faire qqc.) de/en/par chaude cole/chaud sang/chaude colère. Faire qqc. dans un mouvement de colère, d'emportement.

...neantmoins il se doubte que par aucuns nos officiers ou autres il ne soit molestez ou empeschiez, ores ou au [au] temps avenir, pour occasion du fait perpetré de chaude cole en la personne de frere Jehan Gauteron, moine de l'abbaye de Saint Michiel en l'Air (Doc. Poitou G., t.4, 1373, 323)

Et tantost ledit suppliant hastivement et de chaude cole eust bouté ledit Wadier, dont il chey à terre. (Ch. VI, D., t.1, 1382, 23)

...en chaude cole prindrent le porc et le porterent en la place devant la dicte eglise, et l'ardirent en un four qu'ilz firent de mottes de terre. (Arras, c.1392-1393, 48)

...et ledit seigneur par chaude colle le fist prandre et tuer (Le Bouvier, Chron. Ch. VII, C.C.J., c.1451-1455, 129)

...et adonc ledit suppliant courut sus audit grant Jehan Beauvoir atout son espée nue, ledit Picart avecques luy, et ilec de chault sang et chaulde colle, tout atainé des coups que ledit Beauvoir luy avoit donnez, en cuidant frapper ledit grant Jehan, frappa ledit Pierre Beauvoir (Doc. Poitou G., t.10, 1460, 258)

...d'icelluy coing en chaude collère frappa sur un costé de la teste d'icelluy Rocher un coup tout seul jusques à effuzion de sang (Cartul. Laval B., t.3, 1491, 367)

Quelque chose arrive par chaude colle. Quelque chose arrive dans un moment d'égarement.

Et peut bien estre que ses parens l'eussent plus haultement mariee et ne l'eussent pas baillee au bon homme, si ce ne fust ung petit eschapeillon que elle avoit fait en sa jeunesse par je ne scey quelle malle aventure qu'il advint par chaude colle, dont le bon home n'avoit rien sceu (Quinze joies mar. R., c.1390-1410, 34)

Avoir la teste chaude. S'emporter facilement, avoir la tête près du bonnet.

...tantost il monta sur son chevalet, car il avoit la teste chaude et fumeuse, et n'estoit point bien content quand on faisoit aultre chose que a point (C.n.n., c.1456-1467, 56)

c)[Domaine sexuel] Porté sur l'amour, ardent en amour.

Tropt sont cruelx et covoiteux [les moines noirs] Moult sont chaulx et luxurieux (Dupin, Mélanc. L., c.1324-1340, 56)

Sanson li fors qui tant par ot vertu, Qui par raison deust bien femme assouir, Ne fu il pas par Dalila tondu Qui tant fut chaude qu'il l'en covint fouir. (Mach., App., 1377, 644)

Plus chaude estoit [Sylla] que feu de chaume. (Le Fèvre, Lament. Math. V.H., c.1380, 86)

Quant Passelion vey ceste adventure, lui qui estoit chault de sa nature dist que pour rien ne lairoit qu'il ne s'en iroit deduire avecques les deux pucelles, et se mieux il puet impetrer, mout heureux sera. (Percef. IV, R., c.1450 [c.1340], 878)

DEMANDE. Je vous demande pour quoy jennes gens sont par coustume plus chaulz que les vieulz. RESPONSE. Pour tant que les jennes sont fourrez dedens, et les vieulz dehors. (Devin. R., c.1470, 145)

Qui est dans des dispositions amoureuses.

Par Dieu, mon amy, fait el, je suy si chaude que c'est merveilles et ne peu ennuyt dormir. (Quinze joies mar. R., c.1390-1410, 37)

Chaud sur potage. En proie à l'ardeur sexuelle.

...ung joyeux compte d'un homme maryé, de qui la femme estoit tant luxurieuse et chaulde sur potage et tant publicque... (C.n.n., c.1456-1467, 518)

Avoir le croupion chaud de qqn. Avoir des ardeurs amoureuses pour qqn.

...Mes plus grans dueilz en sont passés, Plus n'en ay le croppïon chault [de cette femme] . Si m'en desmez aux hoirs Michault Qui fut nommé le Bon Fouterre (Villon, Test. R.H., 1461-1462, 81)

C. -[D'un animal] En chaleur.

Si devise du lou et de toute sa nature. Et, quant une louve est chaude, s'il a lous ou païs, ilz vont touz aprés elle, einsi comme font les chiens aprés une lisse quant elle est chaude, mais jamais nul ne l'alignera fors que un. (Gast. Phébus, Livre chasse T., 1387-1389, 92)

Lisses sont chaudes et en leur amour communelment deux foiz l'an, mais elles n'ot nul terme, quar touz temps en trouverez de chaudes. (Gast. Phébus, Livre chasse T., 1387-1389, 111)

Avoir chaude volonté. Avoir ses chaleurs.

Et si dient aucuns que quant la femelle [perdrix] a chaude volenté elle conchoit du vent seulement qui la fiert de devers le masle (Best. hérald. H.E., c.1435-1450, 484)

II. -[Empl. subst masc.]

A. -Une des quatre qualités primaires, à côté du froid, du sec et du moite.

[Le ciel] Gouverne nature célestre, Et meut les choses qu'el fait naistre, Et ministre quant à ce faire Toute qualité nécessaire, Comme clarté venant de hault, Moisteur, sécheur, froidure et chault, Car par nature est impossible Qu'aucune chose soit visible, Sans clarté, splendeur ou lumière. (La Haye, P. peste, 1426, 4)

[À propos du tempérament d'un être humain lié à une des qualités fondamentales]

Ceste guerre [la guerre entre les quatre qualités fondamentales] est dedans nos corps Des l'heure que fumes engendrés : Qui est qui ne voit les discors ? Pensés y, vous les entendrés ; Le froit et [le] chault congnoistrés, De sec et de moyte le bruyt. Sans tel discort l'homme est destruyt. (Gaguin, Passe temps oisiv. T., 1489, 379)

...ilz [les corps célestes] inclinent et disposent les corps des creatures à plusieurs passions, les ungs à chault ou à froit, à estre ligiers ou pesans, melencoliques ou joyeulx, sains ou malades. (Simon De Phares, Astrol., c.1494-1498, f° 5 r°)

B. -Température élevée, chaleur.

Mais li feus qui tout art et robe N'empira le corps ne la robe Des Juïs qui furent emmi L'ardant feu et de Dieu ami, Nes un seul cheveu de leur teste, Eins demenoient joie et feste Sans sentir le chaut ni l'odour Dou feu ne de sa grant ardour. (Mach., C. ami, 1357, 22)

Mais je m'en reving a l'ostel Pour le chaut qui ja la rousee Abatoit qui estoit levee. (Mach., Voir, 1364, 132)

Si comme en esté par grant chaut, l'en ne dit pas a un homme ou deffent que il ne sue, ne a un malade que il ne se deule ou a .I. autre que il ne ait fain et ainsi de teles choses. (Oresme, E.A., c.1370, 197)

Li Rommain n'eussent peu durer Au grant host, n'aussi endurer Le chault, car tuit de soyf perdu Estoyent (Chr. Piz., M.F., III, 1400-1403, 270)

...et quant les boeufz sentirent la flambe derriere et le grant chault, ilz se getterent parmi la battaille de Almicar (La Sale, Salade, c.1442-1444, 52)

...ce qu'i fault que les vaillans hommes soustiennent et portent, c'est assavoir le chault et le froit, l'iver, l'esté (Juv. Urs., Verba, 1452, 246)

Si estoit la loge de l'eschauguette descouverte et moult ventilleuse (...) Et (...) le portier estoit fort subject au chault et au hasle l'esté et l'yver au froit et à la gellée (Bueil, I, 1461-1466, 20)

Le Dieu qui regne sen finir Et fait froit et chault venir Vous doint joye, senter et honneur, Pilate, qui estes vaillant seigneur, Et aussy saulgart et begnie Toute vostre belle compaignie ! (Pass. Autun Biard F., 1470-1471, 123)

...pour XIIII cannes de toille, baillé à Bernard, pour faire de grosses chemises pour garder du chault pour Jacotin et les autres ouvriers qui besoingnent à faire la pynace de monseigneur (Comptes roi René A., t.1, 1479, 237)

Température élevée du corps.

Migraine de plaingnans ardeurs, Transe de sommeil mipartie, Fievres frissonnans de maleurs, Chault ardant fort en reverie (CH. D'ORLÉANS, Ball. C., c.1415-1457, 173)

C. -Locution.

1.Locution adverbiale. Par froid, par chaud/à chaud et froidure. Par tous les temps.

Tant a erré par ses journées, Par froit, par chaut et par jalées, Qu'à Vienne vint sus la Denoe, à X. journées de Cracoe. (Mach., P. Alex., p.1369, 43)

...a chault et froidure (La Vigne, S.M., 1496, 327)

2.Locution verbale. Faire sentir le chaud à qqn. Faire subir un assaut violent à qqn.

Il fut persuadé et dit pluseurs fois aux assiegéz qu'ilz se voulsissent rendre au roy des Romains, ou aultrement on leur feroit sentir le chault. (Molinet, Chron. D.J., t.2, 1474-1506, 116)

Recevoir froid et chaud. Subir des traitements contradictoires.

Par luy [Souci] je reçoy Souvent froit et chault, Puisqu'estre ainsi fault, Remede n'y voy (CH. D'ORLÉANS, Rond. C., 1443-1460, 395)

3.Locution. Qui n'a froid n'a cure de chaud. On n'apprécie que le plaisir qu'on a conquis dans la douleur.

De tant plus que Dieu et Nature Ont fait plaisir d'amours plus hault, Tant plus aspre en est la pointure Et plus desplaisant le deffault. Qui n'a froit n'a cure de chault ; L'un contraire est pour l'autre quis, Et ne scet nul que plaisir vault S'il ne l'a par doleur conquis. (Chart., B. Dame, 1424, 342)

III. -Adverbe.

A. -[Avec une valeur temporelle]

Récemment, fraîchement.

Vezci le sanc Dont encore est taint et soullié, Dont encore est tout chaut mouillé (Mir. emp. Julien, 1351, 211)

Vivement, instantanément.

...quant ilz eussent sceu le secours près, ilz fussent saillis dès la nuyt, pour ce que la guerre est telle qu'il fault besongner selon le loysir qu'on a, et le fault prendre aucuneffois froit, aucuneffois chault. (Bueil, I, 1461-1466, 92)

B. -Locution.

Ni trop chaud ni trop froid. Dans une situation moyenne, entre les deux extrêmes.

Ens ou moiien estage, ne trop caus ne trop frois, Gist sëure vertus, ce nous descrist li lois. (Bris., Restor paon D., a.1338, 109)

Avoir chaud. Éprouver la chaleur.

...cuer d'amant qui aimme fort Or a joie, or a desconfort, Or rit, or pleure, or chante, or plaint, Or se delite en son complaint, Or tramble, or tressue, or a chaut, Or a froit, et puis ne li chaut D'assaut qu'Amours li puisse faire (Mach., R. Fort., c.1341, 32)

...j'ay chaut et froit si ensamble Que tout a un cop sue et tramble... (Mach., R. Fort., c.1341, 114)

Nonpourquant s'ay je soyf et chault (Mir. prev., 1352, 234)

Item, je donne a mon barbier, Qui se nomme Colin Galerne, Pres voisin d'Angelot l'erbier, Ung groz glaçon - prins ou ? en Merne -, Afin qu'a son aise s'yverne. De l'estomac le tiengne pres : Se l'iver ainsi se gouverne, Il aura chault l'esté d'aprés [parce qu'il sera mort et en enfer] . (Villon, Test. R.H., 1461-1462, 128)

Être dans des dispositions amoureuses.

LE FOL. Saint Mor, elle a pis que la goute ! Je croy qu'elle vouldroit le masle. Que feussions nous en une male, Nous deux ensemble mis en serre ! Je rotasse la dure guerre, Qui met tel broullis en son ventre. Que cuidez vous ? Qu'elle a chault entre Les cuisses et la boudinete ! (Narcissus, p.1426, 288)

Avoir grand chaud aux fesses. Etre dans les flammes de l'enfer.

[Avant la venue du Christ] Mors estoient et corps et ames, En dampnee perdicïon, Corps pourriz et ames en flasmes, De quelconque condicïon. Touteffoiz fais exepcïon Des patriarches et prophetes, Car, selon ma concepcïon, Oncques grant chault n'eurent aux fesses. (Villon, Test. R.H., 1461-1462, 74)

Il fait (...) chaud. Il fait une température élevée.

...plaise vous savoir que je sui en assez bon point et pense que je chevaucheroie bien se il faisoit un pau plus chaut. (Mach., Voir, 1364, 128)

Et si estoient moult foulez Dou chaut, et pesamment armez, Car chaut faisoit à desmesure Dessus la roche haute et dure (Mach., P. Alex., p.1369, 165)

Car il est assis si tres hault, Que, face froit ou face chault, Si sera il bien eventé (Chr. Piz., M.F., I, 1400-1403, 60)

Cedit jour, sont commencées les chaleurs de ceste année, ou IJ ou IIJ jours par avant, devant lesquelx de ceste année n'avoit fait chaut, maiz continue froit par vens et pluies (Baye, I, 1400-1410, 93)

Et faisoit icellui jour très grant chault, tant que iceulx Angloiz, qui presque tous estoient à pié, furent travaillez et mis en si grant alayne que plussieurs en moururent de chault en leurs harnoiz sans coup férir. (Chart. J., Chron. Ch. VII, V., t.1, c.1437-1464, 145)

Il y fait sy chault en esté Qu'on y sue de fine destresse. (Myst. Pass. Troyes B., a.1482, 344)

Face chault, froit, pluye ou grant vent (La Vigne, V.N., p.1495, 315)

Au figuré. Il fait bon et chaud qq. part

La trouveras qui te dira Mon nom, et ja n'en mentira, Et pour qui j'ay fait ce traitié Que j'ay mis en rime et traitié. Va y, qu'il y fait bon et chaut, Et s'aler n'i vues, ne m'en chaut. (Mach., C. ami, 1357, 141)

[Au fig.] Ne faire ni chaud ni froid à qqn. Ne pas concerner qqn, être indifférent à qqn.

Parlent assez, il ne m'en chaut : Ce ne me fait ne froit ne chaut (Mach., Compl., 1340-1377, 269)

Sire, de vous ay eu maint Tel parler, dont petit me chaut : Il ne me font ne froit ne chaut (Mir. nonne, 1345, 320)

Mais toutes ces maleürtés, Ces(t) pestilences, ces durtés Ne font a moi ne froit ne chaut, Car par ma foi il ne m'en chaut (Mach., Voir, 1364, 488)

Mais, quoy qu'a eulx fusse coruz, Ne me firent ne chaut ne froit. (Mir. Clov., c.1381, 268)

: ...et se à contribuer faloit, ce deveroit estre par ceulx des païz auxquelx aydent ou nuysent lesdiz chasteaulx, non pas à eulx, à qui ne font ne froit ne chaut (Baye, II, 1411-1417, 12)

Se grand doulour a mort le tire, Ce ne vous fait ne froit ne chault. (Martin Le Franc, Champion dames D., t.2, 1440-1442, 159)

Sire, dist la dame, non fait il, car voz parlers ne me font ne froit ne chault (Percef. IV, R., c.1450 [c.1340], 360)