CHALEUR

substantif féminin

[T-L : chalor ; GDC : chalor ; AND : chalur ; DECT : chalor ; FEW (II-1, 101b-102a) : calor ; TLF (V, 466a) : chaleur]

A. -Au propre. Température plus ou moins élevée d'un corps, d'un lieu.

1.Chaleur dispensée par le soleil.

Au departir dou bel esté Qui a gais et jolis esté, De fleurs, de fueilles faillolez, Et d'arbrissiaus emmaillolez, Arrousez de douce rousée, Sechiez par chaleur ordenée Que le soleil li amenistre... (Mach., J. R. Nav., 1349, 137)

Exemple prens en la chaleur, Qui, sans muer force ou valeur, Endurcist la boe et la paste, Maiz burre et cire fond en haste. (La Haye, P. peste, 1426, 57)

Fist à Naples que nulle chair pour challeur qui peust fere, ne se povoit empirer en la boucherie du lieu. (Simon De Phares, Astrol., c.1494-1498, f° 70 v°)

Chaleur de/du soleil

Car einsi comme on voit a l'ueil Que la grant chaleur dou soleil N'iert ja si chaude a desmesure, Ne pleinne de si grant ardure, Qu'un petit de vent ne l'abate Et qu'il ne la rende pour mate... (Mach., D. Lyon, 1342, 195)

...le sauterel, pour un poy de froidure, quant il la sent, est tantost pasmé et aussi conme mort, mais par la chaleur du soleil il revient et revit (Mir. prev., 1352, 231)

Quant en esté fait grant chaleur de soleil, lors ceulx qui sont en fiévre ague sont moult tourmentez, tant pour la chaleur du temps conme pour la chaleur de la fièvre. (Mir. st Ign., 1366, 73)

...la prayerie estoit ja toute sechié pour la chaleur du soleil et qui estoit si grande que l'eauve en estoit toutte corrompue (Froiss., Chron. M., XIV, c.1375-1400, 83)

...chose de legier venue legierement chiet, et les arbres plus hastiz portent fruits de mendre garde et de plus courte duree que ceulx qui a longue atrempance et droit cultivement rechoivent leur meureté en la chaleur du soleil. (Chart., L. Esp., c.1429-1430, 47)

Puis lui dist : 'Tire toy arriere de ma clarté, car tu me ostes ce que tu ne me sauroies donner, c'est la challeur du Soleil, qui est aussi bien pour moy comme pour toy'. (Simon De Phares, Astrol., c.1494-1498, f° 56 r°)

Forte/grande chaleur. Température élevée, canicule.

...ne les herbes ne nulles doucheurs de raffresquissement ne povoient yssir hors de terre, tant estoient les terres dures et seiches et arses du soleil, et ce qui en yssoit ne fructifioit riens, car la grant challeur du temps de l'air l'avoit tantost bruit. (Froiss., Chron. M., XIV, c.1375-1400, 84)

...et ouquel voiage ont esté mors pluseurs grans seigneurs et autres, les uns par pestilence de grant chaleur qui a esté, et secheresses et pourretures de charoignes, les autres de grans mesaises (Baye, II, 1411-1417, 80)

Maiz, en esté et chaleur forte, Proffite moult et réconforte Jonchier la chambre druement, Et l'arrouser légiérement D'eaue très froide et de vinaigre, Fort odorant, poignant et maigre (La Haye, P. peste, 1426, 81)

En ladicte année, es mois d'aoust et septembre, fut grande et merveilleuse chaleur, au moien de laquelle s'en ensuivy grande mortalité de pestilence et autres maladies (Roye, Chron. scand., I, 1460-1483, 165)

Au pluriel.

Grandes chaleurs

...et meismement les seigneurs, le greigneurs maistres qui y furent, estoient en excesses, en fievres et en fraichons par les grandes caleurs que ilz avoient les jours et n'avoient de quoy eulx raffreschir, et les froidures soudaines qui en dormant leur venoient de nuit. (Froiss., Chron. M., XIV, c.1375-1400, 93)

Nota que apres les grans chaleurs de juing potages d'espices viennent en saison, et apres la saint Remy civé de veel, de lyevre, d' oictres, etc.. . (Ménagier Paris B.F., c.1392-1394, 266)

Cedit jour, en especial, et les autres jours de ce moiz d'aoust et du mois de juillet derrain passé, ont esté si grans chaleurs et secheresses que onques fussent veues de memoire d'omme, et telement que, ledit jour XV^e, en issant des eglises ou maisons et à venir en rue, sembloit que l'en venist à la bouche d'un four chaut, tant estoit l'air eschaufé. (Baye, II, 1411-1417, 81)

Et par avant et depuis, durant ledit moys, furent faictes grandes et merveilleuses chaleurs et les plus extremes que homme eust veu en sa vie, qui sembloit chose moult estrange et desnaturée. (Roye, Chron. scand., I, 1460-1483, 187)

Cestui Ysaac, selon Malius, fut expert en la theorique des planetes et trouva l'entrée du Soleil ou signe de Aries, car par icelle predisoit de la disposicion et mutacion de l'aer, de l'abondance ou faulte des vivres, des famines et mortallités, guerres, mutations, tremblemens de terres, deluges d'eaues, grans challeurs et froidures. (Simon De Phares, Astrol., c.1494-1498, f° 19 r°)

Cestui predist les grandes challeurs et inoyes ou inoppinées secheresses qui furent en ce temps, qui furent si grandes que puis, fontaines et rivieres secherent (Simon De Phares, Astrol., c.1494-1498, f° 116 v°)

Chaleurs terrestres. Éclairs de chaleur.

...environ onze heures de la nuit que moult faisoit brun temps, et n'y avoit lune, ne estoile qui apparussent, vint traverser un grant merveilleux feu, par dessus sa chambre [du duc de Bourgogne] , si merveilleusement cler que tous voians s'en espoentoient, et sourdant de devers midy, s'ala férir vers nord en la parfonde mer où il s'attermina, dont, parce que la nuit estoit toute obscure et que nulles chaleurs terrestres n'avoient cours alors, car estoit la veille de la Toussains, plusieurs l'interprétèrent à prodige (Chastell., Chron. K., t.3, c.1456-1471, 69)

2.Température élevée due à un feu.

Comme le sucre a la chaleur recuit, Quant il est prest Par recuittes et maint divers apprest, Quel part qu'il soit, ou en don ou en prest, Jamais ne fait si non bien ou il est (Chart., D. Fort., 1412-1413, 175)

Car tout estre et faire procede de la forme qui ahert par dedens a cellui qui fait activement aucune chose, laquelle forme est principe et commencement formel de faire et ouvrer, comme la chaleur au feu est principe formel par lequel le feu donne chaleur et eschauffe. (Somme abr., c.1477-1481, 117)

Fist deux ymages de cuyvre sur les montaignes de Ethna, qui gectent le feu, lesquelz, quant le vent qui jectoit la flame et challeur sur terre ventoit, ilz souffloient en longues bucines, par telle façon qu'ilz reboutoient tout en la mer. (Simon De Phares, Astrol., c.1494-1498, f° 70 v°)

Locution. [Dans un contexte métaph.] Ne connoistre ni chaleur ni fumée. Ne connaître ni le péché ni l'idée du péché.

...excepte [l. excepté] tant seulement a deux personnes ; c'est assavoir, dame royne, a vostre tresame [l. tresamé] Pere, qui de ma forge ne sceut oncques, ne chaleur ne fumee, et sa tresdoulce mere e[t] vierge, en laquelle par grace fut estaint l'aguillon et fonnte de ma forge et de toute chaleur et fumee d'icelle, de tout pechie [l. pechié] actuel et veniel et de villaine pensee, par le doulz Saint Esperit fu plainement et singulierement preservee. (Mézières, Songe vieil pèl. C., t.1, c.1386-1389, 344)

3.[Du point de vue de la physique] Élévation de la température sous l'effet de certains facteurs.

Et ce appert assés par les experiences desus mises et par autres, si comme de la confricacion des instrumens ou ferremens des charpentiers et des roes et des moles ou de telles choses par la confricacion ou freement desquelles est engendree chaleur et aucune fois feu. (Oresme, C.M., c.1377, 438)

Et donques, puisque telle chose non-mise, chaleur n'est pas faite en mouvement, et elle mise, chaleur est faite, et se elle crest, chaleur crest et quant elle appetice, calefaction ou generacion de chaleur appetice, l'en peut conclure que telle confricacion violente est cause de chaleur. (Oresme, C.M., c.1377, 438)

4.[À propos d'un être vivant]

a)Une des quatre qualités premières qui entrent dans la complexion d'un corps.

...quar se ces .II. qualités, c'est a savoir pesanteur et legiereté, estoient equales en un corps, les qualités actives, comme sont chaleur et froidure, seroient en tel corps inequales. Et ne puet estre autrement par nature, quar la chaleur passeroit et avroit dominacion. (Oresme, C.M., c.1377, 66)

...et ou mouvement des gens ou des bestes chaleur est causee par les esperis corporelz qui sont chauz de leur nature et sont meuz lors par les membres, et aussi par la confricacion des parties du corps comme sont char et nerfz et olz et de celle qui est en l'isneleté du mouvement des esperis. (Oresme, C.M., c.1377, 438)

Comme donc il conviengne que chascun des elemens ait deux des qualitez dessus dittes, c'est assavoir une active et une passive, et il soit ausy par nature qu'elles ne puissent ensemble joindre ne combiner seulement que en quatre manieres, car chaleur et froideur ne peuent ensemble estre assemblez en leurs propres natures, ne sec et moiste aussy, ains est chose par nature impossible, il s'ensuit de neccessité qu'il est quatre elemens et non plus par nature. (Evr. Conty, Harm. sphères H.P.-H., c.1400, 4)

Pareillement l'Umidité Et la Sécheur en verité Se combatent mutuement Et en oultre, certainement, Force de chaleur, jour et nuit, Gaste l'umeur et la destruit, Et l'umeur quiert souvent, sans faindre, La chaleur gaster et extaindre, Pour laquele noise et riote, Comme Ypocras le traite et note, L'estat du corps tousjours se change Et seuffre en soy maint mal estrange (La Haye, P. peste, 1426, 65)

Chaleur naturelle. Température naturelle d'un organisme, force vitale (désigne parfois le caractère vif des sensations ou des sentiments, comme l'ardeur sexuelle, la colère).

...mais les vieillars ont petite chaleur naturelle, pour ce on il a mestier de petit nourrissement, car la chaleur naturelle est destainte de grant multitude de nourrissement (Saint-gille, A.Y., 1362-1365, 56)

...et pour ce que la privacion des genitoires toust reverberacion de chaleur naturelle estre faicte a tout le cors (Saint-gille, A.Y., 1362-1365, 180)

Celle couleur violee est mauvaise es corps des gens et des bestes, car elle est signe de trop grant froidure qui estaint la chaleur naturelle et commence a mortifier nature ; ou elle signifie trop grant habondance de sanc melencolieux qui honnist la couleur de la pel (Corbechon, Couleurs S., 1372, 380)

Si sachiez sur ce au commencement : il est bon qu'ilz soient nourriz plusieurs espreviers ensemble, ou esprevier et mouchez, ou esprevier et poucins, afin qu'ilz s'entrejoingnent et gardent la chaleur naturelle l'un a l'autre. (Ménagier Paris B.F., c.1392-1394, 146)

Toute fievres sont chauldes mais non pas de chaleur naturelle, car chaleur naturelle est conservative et chaleur non naturelle est destructive et corruptive et est ardant et adustive (Gordon, Prat., c.1450-1500, I, 1)

Quand doncques vostre chaleur naturelle vous aguillonnera et [ poindra ] par telle maniere que pour vous contenir aurez perdu puissance, je vous prie, ma chere espouse, que a l'execution de vostre desir vous vous conduisiez prudentement et subtillement, et tellement qu'il n'en puist estre publicque renommée (C.n.n., c.1456-1467, 563)

En escoutant les chansons et dances, prenoit a la foiz si grand plaisir que amours emouvoit son courage tellement que chaleur naturelle souvent l'induisoit a briser sa continence. (C.n.n., c.1456-1467, 567)

...car gens f[l]eumatiques ont petite vertu a cause que la chaleur naturele est debile, principe de toute force et operation. Le second [signe] est que gens fleumatiques sont cours et gros, car en eulx la chaleur naturele n'est pas suffisante d'estendre le corps en long, et pour ce demeure le corps gros. (Rég. santé corps C., 1480, 122)

Et fut sa collère et challeur naturelle si grande qu' il ne beuvoit point de vin, mais, le matin, beuvoit ordinairement de la tizanne et mangeoit de la conserve de roses pour se refroischir. (Comm., II, 1489-1491, 128)

Cestui, comme avoit de constance pour son maistre en lui faisant la revolucion de sa nativité, congnoissant faulte de nature et de challeur naturelle, pour la grande aage qu'il avoit, se aida de la signifficacion des estoilles fixes, après qu'il eut veu le discours d'icelle revolucion et trouva une signiffiant devoir venir audit roy de Navarre en bref une challeur moult souldaine, si ne sçavoit que penser dont elle povoit proceder. (Simon De Phares, Astrol., c.1494-1498, f° 151 r°)

Mouvoir en chaleur. Se réchauffer.

Par son dit me fit assavoir Que, se respit voloie avoir, Il me convenroit jovencelle Pour joindre pres de ma mamelle, Afin de mouvoir en chalour Par la bonté de sa valour, Atouchier a celle jouvente Sans corrupcion violente (Le Fèvre, Respit Mort H., 1376-1380, 12)

b)Fièvre.

Se vous dy que telz furent armez celle journée qui onques puis ne s'armerent, car maladie les prist, chaleurs, fievres et froidures qui les menerent jusques à la mort. (Froiss., Chron. M., XIV, c.1375-1400, 96)

Le feu me brusle, le feu m'art, J'ay le corps de chaleur transsi (La Vigne, S.M., 1496, 507)

c)[À propos d'une substance] Sensation de chaleur provoquée dans le corps par l'absorption de telle substance (ici le vin).

Car les uns, c'est a savoir les joenes, pour ce que ilz croissent, et les autres pour la chaleur du vin, ont grans mouvemens de esperilz en eulz. (Oresme, E.A.C., c.1370, 409)

Quant bon desir, qui veult hault avenir, Meut la pensee a monter en valeur, L'omme se doit lors sobrement tenir Et eschiver le vin et sa chaleur, Qui fait changer bon advis en foleur, Force grever et a nature tort, Troubler la paix et mouvoir le descort Et delaisser toute chose imparfaitte (Chart., B. Nobles, c.1424, 406)

...mais pour eviter l'inconvenient de la chaleur du vin, lequel quant il est fort vineux est de legiere flamation, et par consequant brule le foye, le polmon, fault ajouster habundance de eaue selon la chaleur du vin. (Rég. santé corps C., 1480, 55)

d)Désir de l'accouplement (chez l'animal).

Il [les cerfs] vont en leur amour, que on apelle le ruit, vers la Sainte Croiz de septembre, et sont en leur grant chaleur un mois tout entier, et, avant qu'ils soient du tout retreiz, pres de deux mois. (Gast. Phébus, Livre chasse T., 1387-1389, 58)

Quant elle [la femelle du lièvre] est en sa chaleur, si elle passe par lieu ou il ait des connins, elle en menera la plus grant partie aprés luy, quar ilz la poursuiront, comme les chiens font les lisses chaudes. (Gast. Phébus, Livre chasse T., 1387-1389, 82)

Ilz vont en leur amour en fevrier as louves et font en la maniere que font les chiens, et sont en leur grant chalour onze ou douze jours. (Gast. Phébus, Livre chasse T., 1387-1389, 92)

B. -Au figuré. Vivacité des sensations, des sentiments.

1.[Avec une valeur plutôt positive]

a)Ardeur amoureuse, passion.

C'est fins deduis, joie esmerée, Qui vient d'une douceur parfaite Qui tous en deduit les affaite, Jusques a tant qu'une chaleur, Qui naist d'une amoureuse ardeur, De ceste pointure s'engendre Es cuers qui aimment sans mesprendre ; Car chascun d'euls d'amer esprent Par Desir qui ce leur aprent. (Mach., D. verg., a.1340, 31)

Et quant Desirs si les a pris Qu'il sont de la chaleur espris, Souvent leur fait coleur muer, Taindre, palir et souspirer. (Mach., D. verg., a.1340, 32)

Et se je li vueil celer ma dolour, Desirs espris d'amoureuse chalour Destraint mon corps, et mon cuer en errour Met de finer. (Mach., Motés, 1377, 495)

Bien sçay que je fais desplaisance Aux amoureux d'ainsi parler Et que j'acquiers leur malvueillance ; Mais, s'il leur plaist me pardonner, Je leut prometz qu'au par aler, Quant leur chaleur est refroidie, Ils trouveront que, sans doubter, Ce n'est fors que plaisant folie. (CH. D'ORLÉANS, Ball. C., c.1415-1457, 147)

Comme la rose tourne en lermes Au forneau sa force et valeur, Ainsi rent Pitié aux enfermes, Par feu d'amoureuse chaleur, Pleurs qui gairissent la doleur, Tant est leur haulte vertu digne (Chart., E. Dames, 1425, 368)

b)Vitalité, exaltation, enthousiasme (des jeunes gens).

De la chaleur de adolescence dist saint Jerome : 'Les feux du mont Ethna ne la terre de Vulcan ne Vesee ne Olimpe ne renddent pas si grant ardeur comme les moeles font des jennes gens enflés de vin et de viandes'. (Daudin, De la erudition H., c.1360-1380, 295)

Et la cause est car pour la ferveur et chaleur de leur aage il vivent, ou sont enclins a vivre, selon leur passions et desirs et a souvent pechier. (Oresme, E.A., c.1370, 273)

Au pluriel. Chaleurs (de jeunesse)

...or sont faillies les impetueuses chaleurs, que jeunece souloit procurer, et les superflues voluptez, qui empeschent la liberté des sens (Chr. Piz., Faits meurs Ch. V, S., I, 1404, 33)

Pour ce voulloit Dieu icellui Jouvencel estre prisonnyer et faillir à son entreprinse pour aucunement moderer et actemprer le couraige, corrigier et reffraindre les challeurs de jeunesse. (Bueil, I, 1461-1466, 74)

c)Vigueur de l'âge mûr.

L'EMPEREUR. Pour magnifester ma valeur, Tandis que suis en ma chaleur, Je me veulx donner du bon temps. (La Vigne, S.M., 1496, 500)

d)Amour brûlant (de Dieu pour l'homme).

Saint Esperit, Dieu sans mentir, Donne nous ta chaleur sentir. (Prières saints R., t.2, 1400-1500, 113)

2.[Avec une valeur plutôt négative]

a)Emportement, violence dans les actions ou les jugements.

Mais sont meüs de passion, de chaleur et esmouvement de fole hardiesce, autrement que raison ne desire. (Oresme, E.A.C., c.1370, 209)

Car une espece de causes homicidialz est des homicides qui sunt faiz par premeditation ou a guet appensé, l'autre d'omicides voluntaires faiz par chaleur et par hastiveté (Oresme, Pol. Arist. M., c.1372-1374, 201)

Et icelle response oïe, le dit Pierre Corronneau, consideré tout ce que dit est et que le dit Guillaume Billart estoit illec venuz pour espier eulz ou autres noz subgiez, pour les faire prendre par noz diz ennemis, meuz de chaleur, fery un seul cop du poing en la teste le dit Guillaume Billart (Doc. Poitou G., t.5, 1377, 54)

Rage n'est de si chaude flamme Qui attaigne chaleur de femme. Plus aspre, plus fort est leur rage Que mal de dens ne autre rage. (Le Fèvre, Lament. Math. V.H., c.1380, 86)

...et il soit ainsy que le dit cas, consideré la nature d'icellui, soit advenu d'aventure par chaleur desordonnée et temptacion d'ennemi, et aussi par ce qu'ilz estoient surpris d'ire et de vin, qui est piteuse chose, et non pas d'aguet appensé ou excogitacion precedent (Doc. Poitou G., t.6, 1397, 272)

Et en ces termes fu ledit viconte si troublé et courroucé que en la chaleur il dessira et despeça iceles lettres, sans avoir memoire de les apporter ne monstrer a justice. (Chancell. Henri VI, L., t.2, 1429, 148)

Et se il apparoit que le juge par chaleur, ignorance ou autrement que deuement l'eut fait [juger] ... (Juv. Urs., Aud. celi, 1435, 35)

Et vous-meisme, monseigneur le Regent, dictes que chaleur n'est pas requise en guerre, mais bonne dilligence. (Bueil, II, 1461-1466, 227)

...ayans aussy esgard aux premier mouvement et challeur des personnes, avons remis, quitté et pardonné, remettons, quictons et pardonnons par ces présentes audit Guillaume le crime (Cartul. Laval B., t.3, 1491, 368)

...desquieulx Bernardins en furent brullez cent XIIII, tous hommes de bonne estime, sinon obstinez, touteffois il y eut de la chaleur en l'excecucion et sentence d'iceulx, comme aucuns ont escript. (Simon De Phares, Astrol., c.1494-1498, f° 129 r°)

[La valeur est indiquée par un adj.]

...s'il l'avoit occis [un chevalier poursuit celui qui vient de le blesser et le blesse à son tour] , à grant paine pourroit il estre excusé. Item, ce qui est commis en juste chaleur doit excuser celui qui le fait. (Bouvet, Arbre bat. N., c.1386-1389, 171)

Encore veul et vous commande que quant vous serez grant et irez aux fais des armes et aux batailles et quant vous serez seigneur de voz ennemis et que serez temptez de vengence ou de cruelle chaleur, qu'il vous souvienne des paroles que Dieu dist ou premier livre de la Bible, in Deutronomii : Quicunque fuderit sanguinem humanum fundetur et sanguis illius (La Sale, J.S., 1456, 42)

[À propos d'un animal] Agitation violente, frénésie.

...et incontinant, souldainement commença ledit cheval à rentrer en sa frenesie ou challeur, et se print à ruer, saulter et prandre le mors aux dans, tellement que ledit suppliant ne le pot tenir (Doc. Poitou G., t.11, 1466, 60)

b)[Domaine sexuel] Ardeur des sens (désordonnée, coupable).

Ovide dist a Demetriade vierge que : 'par la rousee celeste et par froidure de jeusnes, la chauleur des pucelles est extainte et la conversation des angeles commande au corps humain'. (Daudin, De la erudition H., c.1360-1380, 368)

...par la chaleur de nature qui estoit en lui print une desdites brebiz par derriere, s'agenouilla à terre, et, par sa chaleur, bouta son membre, ou au moins fist son povoir de mettre sondit membre en la nature d'icelle brebiz (Reg. crim. Chât., I, 1389-1392, 566)

Les unes sont livrees en la gueule des loups d'enfer pour estrangler. Les autres trebuschent es fosses de ire ou de impacience. Les autres sont arces ou eschaudees par la chaleur de mauvaise concupiscence. (Gers., P. Paul, a.1394, 491)

Helas ! messeigneurs, vous povez, dist il, sans dangier de vous ne d'aultry, estaindre et passer voz chaleurs desordonnées avecques pluseurs aultres qui a l'occasion de la feste de ce village, sont venues et arrivées, et pour aultre chose non que pour vous et voz semblables. (C.n.n., c.1456-1467, 549)

...et incontinent apres qu'elle eust la teste droite et sans ce que ses jambes feussent encoires totalement entre les siennes, par la chaleur en laquelle il estoit sema et fit semance sans aulcunement la congnoistre, combien son entencion feust telle (Doc. 1463. In : H. Haustein, Z. fr. Spr. Lit. 52, 1933, 112)

Chaleur des reins

Lors, quant ainsi se voit atteinte, A ses enfans en fait complainte, Et pour son premier mari pleure Tels lermes, se Dieu me sequeure, Qui blasment les maris derrains, Condampnent la chaleur des rains (Le Fèvre, Lament. Math. V.H., c.1380, 70)