CHERIR

verbe

[T-L : chierir ; GD : cherir ; GDC : cherir ; AND : cherir1 ; DECT : chierir ; FEW (II-1, 442b) : carus ; TLF (V, 664b) : chérir]

A. -Cherir qqc. Tenir à qqc., apprécier qqc..

Certes sainte eglise, ta mére, Ne devoit cherir ny amer T'amour (Mir. parr., 1356, 43)

Vo parler, Vo regarder, Vo maintenir Font fuir Et enhaïr Et despiter Tout vice et tout bien cherir Et desirer. (Mach., Ch. bal., 1377, 613)

Mais ja n'en sera meins amez De moy, pour chose qu'on m'en die, Eins sera mes voloirs doublez, Et l'amoureuse maladie Sera dedens mon cuer chierie, Ne ja sans li garir n'en quier : Pour ce l'aim je de cuer entier. (Mach., L. dames, 1377, 96)

C'est d'oyseuse et de lecherie, Qui de nul vaillant n'est cherie. (Chr. Piz., M.F., I, 1400-1403, 151)

L'EMPEREUR. Adrien, chevalier chetif, Revien toy et sy t'umilie Vers nos dieux, et celle folie Que tu tien laisse aval corir, Et ne la vueille tant cherir Comme faiz, dont moult nous deplaist (Myst. st Adr. P., c.1450-1485, 127)

...lesquelles choses, à le bien prandre, ont esté couvertement faictes contre vostre royalle Majesté et non seullement contre vous, mais aussi contre l'onneur de tous voz predecesseurs, roys très crestiens, qui ont aymée et eue cherie et affectionée plus ceste science de astrologie que nulle des autres sciences liberalles (Simon De Phares, Astrol., c.1494-1498, f° 2 v°)

Au passif. Être tenu pour précieux.

Mais ja n'en sera meins amez De moy, pour chose qu'on m'en die, Eins sera mes voloirs doublez, Et l'amoureuse maladie Sera dedens mon cuer chierie, Ne ja sans li garir n'en quier : Pour ce l'aim je de cuer entier. (Mach., L. dames, 1377, 96)

...pour l'amour de la Toyson, D'Amours et des dames chierie (Martin Le Franc, Champion dames I-II, P., 1440-1442, 33)

B. -Cherir qqn

1.Tenir à qqn, l'affectionner, l'aimer.

...ma trés douce dame chiere Qui par sa gracieuse chiere Me fait amer trés chierement De loial cuer si chierement Qu'elle est vers moy seul enchierie, Et s'est seur tous de moy chierie, Qui tant l'aim, pris, serf et tien chier Que ja ne m'en quier destachier. (Mach., D. verg., a.1340, 55)

Dame, de qui toute ma joie vient, Je ne vous puis trop amer, ne chierir, N'assés loër, si com il apartient, Servir, doubter, honnourer, n'obeïr (Mach., R. Fort., c.1341, 110)

Mais je ne voy homme amé ne chiery, Se Fortune ne le tient à amy. Si bien ne sont fors vent et aventure, Donné à faute et tollut par irour ; On la doit croire où elle se parjure, Car de mentir est sa plus grant honnour. (Mach., L. dames, 1377, 170)

Amours qui clos les tient dedens son cerne, N'ilz ne scevent huis, porte ne posterne Par ou saillir. Un jour les fait trembler et tressaillir, L'autre d'ardeur et cuer et corps faillir, Adés chierir et adés assaillir, Puis mal, puis bien, N'ilz n'ont pouoir ne franchise de rien. (Chart., D. Fort., 1412-1413, 160)

Et ainsi demourerent en la ville par une espace de temps et acreut leur renommée par tout le pays. Si n'estoit nouvelles que d'eulx et de leurs beaux fais d'armes. Parquoy ilz estoient amez et cheris de leurs amys, crains et redoubtés de leurs ennemis. (Bueil, I, 1461-1466, 111)

Emploi pronominal. Se cherir

...nous, et ung chascun de nous, jurons et promettons estre et demourer, tant comme nous vivrons, en bonne et vraye amour, fraternité et union les uns avecques les autres, et nous aimerons, cherirons et entretendrons comme freres, parens et b ons amis (Fauq., II, 1421-1430, 95)

Cherir un animal

Mais ce n'est qu'en un tout seul point Qui vient a mon propos a point, Non de celi tant seulement, Mais de tous qui communement Sont esprivier gentil nommé, De leur droit chieri et amé. (Mach., D. Aler., a.1349, 284)

2.Honorer qqn, lui témoigner du respect et de l'affection.

Car tels a esté diffamez Qui puis est chieris et amez De ceuls qui ains le diffamoient, Pour ce qu'apertement vëoient Qu'il met son corps en aventure... (Mach., J. R. Nav., 1349, 272)

Si que tu es trop deceüs, Et en enfer dou ciel cheüs, Pour ce que le dieu de nature Qui crea toute creature N'as servi, chieri, ne amé Com ton vray dieu et reclamé. (Mach., C. ami, 1357, 31)

...en honneur ceulx faites habonder Dont vous estes honnorée et cherie (Mir. st Ign., 1366, 117)

Dont quant de li amée loyaument et cherie Sui, creinte, desirée, honnourée, obeïe, Sans villeinne pensée, et humblement servie, Estre ne doy blasmée, se m'amour li ottrie. (Mach., Les lays, 1377, 343)

[La marquise aux courtisans] Et, pour Dieu, ne vous faigniez mie De servir, chierir et doubter Le marquis, que devez amer (Gris., 1395, 87)

LE MARQUIS. (...) Mes amis entiers Et bien amez, vez cy ma femme, Vez ci m'espeuse et vostre dame ! Ceste amez, doubtez, honnourez, Cherissiez, et dame clamez (Gris., 1395, 38)

Et y aprent maniere et contenance, Sens, hardement, maintien et ordonnance ; Et si acquiert des bons la congnoissance Et est tenuz Pour gracïeux et partout bien venuz, Amé, aydé, chiery et soustenuz, Et par honneur des gros et des menuz Se fait priser. (Chart., D. Fort., 1412-1413, 168)

Quant on diroit L'onneur de lui qui flouriroit, Et que chascun le chieriroit, Lors mon cuer tant s'esjouÿroit. (Chart., L. Dames, 1416, 217)

Desquelx il [le chevalier] fut ainssy treshonnoré et doulcement chery, comme ceulx qui bien le savoient faire (La Sale, Salade, c.1442-1444, 93)

3.Flatter, séduire qqn.

Amours qui clos les tient dedens son cerne, N'ilz ne scevent huis, porte ne posterne Par ou saillir. Un jour les fait trembler et tressaillir, L'autre d'ardeur et cuer et corps faillir, Adés chierir et adés assaillir, Puis mal, puis bien, N'ilz n'ont pouoir ne franchise de rien. (Chart., D. Fort., 1412-1413, 160)

Mon cueur devant yer accointa Beauté qui tant le scet chierir Que d'elle ne veult departir (CH. D'ORLÉANS, Chans. C., c.1415-1440, 205)

Tous ses seigneurs en de bonnes maisons Furent logez, et des dames cheriz, La ou plusieurs amoureux oraisons, Pour parvenir a fin de leurs raisons, On mist avant, voire absens les mariz. (La Vigne, V.N., p.1495, 173)