CANARIEN

substantif et adjectif

[FEW, Ø n. de lieuCanarie]

I. -Substantif. Celui qui habite les îles Canaries.

Et arriverent en l'ille d'Albanye, et descendit le dit Gadiffer, Remonnet de Leveden, Hannequin d'Auberboc, Pierre de Rieul, Jamet de Barege avec autres de ceulx de la compagnie et du navire et des prisonniers qu'il avoient, et deulx Canariens pour les conduire. (Béthencourt, Canarien C., c.1490, 137)

Et incontinent qu'il fut party, les Canariens vindrent rompre et destruire Richeroque et s'en alerent au port des Gardins, qui est une lieue prés de la ou estoit les vivres de Mons. de Bethencourt, et ardirent une chappelle qui estoit, et gaignerent de leur abillemens, c'est assavoir force fer et canons, et rompirent coffres et tonnyaulx et prindrent et destruirent tout ce qu'il la estoit. (Béthencourt, Canarien C., c.1490, 263)

OR EST venu devers Mons. de Bethencourt ung Quenarien qui a esté envoié par les deulx roys d'Erbanne payens, lesquels mandent à Mons. de Bethencourt qu'il lui plaise qu'ilz viennent parler à lui à treves et qu'ilz avoient grant desir de le veoir et de parler à lui et leur vouloir estoit d'estre crestiens, et à ceste cause c'estoit qu'il avoir desir de parler au dit seigneur. (Béthencourt, Canarien C., c.1490, 287)

Et quant Mons. de Bethencourt eut ce entendu par ung trussement qu'il avoit dit que c'estoit la voulenté de yceulx deulx rois de venir vers lui pour eulx faire crestiens, il fut bien fort joyeulx et rendit responsse au dit Canarien (Béthencourt, Canarien C., c.1490, 287)

II. -Adjectif. Relatif aux Canaries.

Il en estoit salli XV de la place ycellui jour et estoient allés courir sur leurs anemis, et leurs anemis Canariens vindrent sur eux et leur coururent sus vigoreusement et en tuerent incontinent les VI et les autres moult batus et froissés se retrairent en la fortresse. (Béthencourt, Canarien C., c.1490, 263)

Le dit roy canarien fut fort content, il ne cuidoit jamés avoir si bien. (Béthencourt, Canarien C., c.1490, 327)

Et si voulut que les trois roys canariens ylz fussent et que à ycellui jour il leur diroit sa voulenté et leur commenderoit à Dieu. (Béthencourt, Canarien C., c.1490, 329)

Mais il n'en fist compte, ains s'en ala devers le Roy de Castille et lui fist hommage de toutes les isles Canariennes ou de la plus grant partie d'elles, desquelles qu'il lui pleust mieulx, lesquelles sont sept, habitées de gens mescreans de diverses loys et de divers lengages (Gadifer De La Salle, Canarien C., c.1404-1406, 33)

Remarque : Cf.canare.