BRIEVETÉ

substantif féminin

[T-L : brieté ; GDC : brieveté ; AND : brefté ; FEW (I, 520a) : brevis ; TLF (IV, 955b) : brièveté]

A. -Caractère de ce qui est bref, de courte durée ; courte durée.

Brieveté du temps

Et convient aucunes foiz user de ceste partie pour la briefté du temps et pour eviter perilz. (Oresme, E.A.C., c.1370, 348)

Les autres sont comme moyens entre deux estaz car finablement ilz meurent en grace, mais ilz ne sont pas tous puniz et purgiez de leurs meffaiz, ou pour la multitude, ou pour la briefté du temps, ou pour la fragilité du corps, ou pour negligence, ou pour aucune telle cause. (Gers., Déf., 1400, 225)

...puis y survint amoureuse Devocion ou Contemplacion de laquelle je pourray cy aprés parler se la briefté du temps le seuffre. (Gers., Trin., 1402, 166)

Esquelz recouvrement et réduction, à bien tout considérer, tant de la briété du temps qui en ce a esté employée, comme de la manière du faire... (Chart. J., Chron. Ch. VII, V., t.3, Fragm. hist., 1450, 331)

Pour brieveté. Pour abréger (le temps nécessaire).

...à quoy a dit que l'entention et entendement, quant à la maniere de la Court, estoit l'entention dudit recteur, mais pour brifté avoit esté fait de par ledit recteur par ceste maniere. (Baye, I, 1400-1410, 342)

B. -Manière d'exprimer qqc. en peu de mots, concision.

A reciter tous leurs autres diz voulentiers me arrestasse, mais affection de briefté me destourne. (Gers., Concept., 1401, 406)

À cause/pour cause de brieveté. Pour faire court.

Et donques appert la dignité et la perfection de cest nombre par arismetique et par geometrie et par plusseurs autres consideracions des dictes sciences et des autres [mathematiques] desquelles je me passe pour cause de brieté. (Oresme, C.M., c.1377, 52)

L'ystoire dit que la feste dura a Nantes bien XV. jours ou plus. Et ne vous sauroye raconter toute l'onneur que le roy breton et toute sa baronnie firent a Remondin. Et m'en tairay pour cause de briefté. (Arras, c.1392-1393, 68)

Toutesfoys, a cause de briefté, je ne diray que des deux premiers poins. (Gers., Purif., 1396-1397, 60)

Pour cause de plus grant briefté (Chr. Piz., M.F., I, 1400-1403, 120)

...lesquelles ne se nomment pas pour cause de briefté. (Jean De Sultanieh, Mém. Tamerlan M., 1403, 449)

...et plusieurs autres paroles, délaissées pour cause de briesté (Monstrelet, Chron. D.-A., t.1, c.1425-1440, 110)

...les raisons dessus touchees au regart du royaulme, sans plus les reciter ou repeter pour cause de briefveté. (Juv. Urs., Aud. celi, 1435, 215)

...y eust pluseurs devises qui longues seroient a racompter : si m'en passe pour cause de brefté (C.n.n., c.1456-1467, 377)

...et plusieurs autres choses, qui longues seroient à escripre, que je passe cy pour cause de briefté. (Roye, Chron. scand., I, 1460-1483, 41)

Des autres doubtes y a assez ; mais pour cause de briefté je les tairay pour le present et viendray à parler des corrupcions qui chargent l'ame et l'honneur de l'homme et sont pires que larrecin. (Bueil, I, 1461-1466, 49)

Plusieurs choses se pourroient encore alleguer, que pour cause de breveté se laissent. (Simon De Phares, Astrol., c.1494-1498, f° 49 v°)

...et soit noté que plusieurs grans hommes ont esté, tant Juifz que Grecz, dont les Latins ne ont aucune memoire, que j'ay obmis pour cause de breveté et pour eviter prolixité. (Simon De Phares, Astrol., c.1494-1498, f° 71 v°)

...le conte de Sainct Martin et plusieurs autres grans seigneurs qui ne sont cy nommez pour cause de briefveté. (La Vigne, V.N., p.1495, 304)

Pour brieveté. Pour faire court.

Mais si lons est tes parlemens Que trop longue chose seroit, Qui chascun mot repeteroit ; Si me passerai, pour briété, De m'onneur et de ta griété, Car ne puis faire mon devoir De les toutes ramentevoir (Mach., Voir, 1364, 490)

...mais je me passe de l'exposer pour brieté. (Mir. st Panth., 1364, 309)

Pour cas de brieveté maintenir. Pour faire court.

Aprés, dit David clerement Que Jhesu Crist doit puissanment Ou hault ciel faire assumpcion, Aprés sa resurrection, Et d'autres beaulx tiltres assez Que j'ay laisséz et trespasséz Pour cas de briefté maintenir. (Myst. Pass. Troyes B., a.1482, 926)

Quant à cause de brieveté. Pour faire court.

...je ne l'en pense [de Mélusine] jamais a enquester, ja soit il mon frere, car je le tien pour tres bien assigné a mon aviz. Las ! Depuis l'en failli il, dont Remondin perdy sa femme et le conte de Forest en prist puis mort par Gieffroy au Grant Dent, dont on vous parlera ca avant en l'ystoire. Quant a cause de briefté, Remondin print congié du conte et de son frere et des barons, et retourna a la Fontaine de Soif. (Arras, c.1392-1393, 44)

Sous/sur brieveté. En peu de mots.

Toutes voies pour appliquer a mon intencion principale, vueil soubz briefté declairer les gestes et contenances de ceste dame. (Chart., Q. inv., 1422, 9)

Lesquelles choses encores sur brevité vueil reciter. (La Sale, Salade, c.1442-1444, 21)

Et cy donrray fin a mon simple prologue pour enssievir les choses qui s'enssievent soubz compendieuse brevité. (La Sale, Salade, c.1442-1444, 165)