BESOIN

substantif masculin

[T-L : besoing ; GD : besoing ; GDC : besoin ; AND : bosoigne1 ; DECT : besoing ; FEW (XVII, 275b) : *sunni ; TLF (IV, 424b) : besoin]

A. -[Sans déterminant ; idée de manque, de nécessité] Exigence qui naît d'un manque, manque et nécessité que l'on ressent.

1.Manque de qqc. (d'aide, de ce qui est nécessaire, indispensable), nécessité de qqc..

Vos gens sont en trop dur party de mort et de maladie. Se besoing vous en sourdoit, vous vous n'en pourriez aydier, car ilz sont si lassé et hodé et mal gouverné, et tous leurs chevaulx mort, et sont gentilz et vilains si descouraigiez pour celle saison, je le vous dy, que nul bon service n'y devez-vous entendre. (Froiss., Chron. M., XIV, c.1375-1400, 100)

...nous nos osfrons a vous et disons de bonne volenté que, se besoings vous croist ne touce et nous en soions segnefiiet, nous venrons tantos et sans delai en vostre service. (Froiss., Chron. D., p.1400, 96)

Besoin fait la vieille trotter. La nécessité fait réagir tout le monde.

...Mais quant il ot le cor corner Et les chiens mener leurs aviaulx, Plus legier fu qu'unz escuriaulx, Et dit : 'Or voy je sans doubter Que bezoing fait vielle trotter.' (Renart contref. R.L., t.2, 1328-1342, 83)

...L'umeur froide mal se digere ; Si a besoing celle matere De purger par harigoter. Car besoing fait vieille troter (Le Fèvre, Lament. Math. V.H., c.1380, 88)

...comme l'en dist par coustume, haste ou besoing fait la vielle troter (Comte Artois, c.1453-1467, 88)

...Et quand je n'ay quelque ung des deux trouvé, Je m'en partis, sans y plus arrester : Hatif besoing fait la vielle trotter. (Molinet, Faictz Dictz D., 1467-1506, 165)

Besoin fait faire maintes choses

Besoing fait faire maintes chose, et par especial maint fol marché (Percef. III, R., t.2, c.1450 [c.1340], 322)

...car on dist mainte fie : Par besoing vielle trote. (Jourd. Blaye alex. M., a.1455, 606)

2.À/de/par besoin

a)À besoin. Nécessaire.

...se vous povyez recovrer le donjon dont il avoit la charge, ce seroit un coup à besoing (Lettres Louis XI, V., t.3, 1483, 85)

b)De besoin

Plus que de besoin. Plus qu'il n'est nécessaire.

Pour quoy, comme j'ay dict, quant on vient à telz marchéz que de traicter paix, il se doibt faire par les plus feables serviteurs que les princes ont et gens d'aage moyen, affin que leur foiblesse ne les conduysist à faire quelque marché deshonneste ne à espoventer leur maistre à leur retour plus que de besoing (Comm., I, 1489-1491, 66)

Estre de besoin. Être nécessaire.

Car incontinant le roy (...) fit appareillier tout ce qui estoit de besoing pour aller en Espaigne commancer la guerre contre les barons du pays. (Jehan de Paris W., 1494-1495, 8)

Estre de besoin que

...ainsi est-il de besoing que la crois de Jhésucrist monte en nef et passe en Jhérusalem avecques la puissance des crestiens, et que tous y alons ... adorer cellui sacré lieu (Passage Terre Sainte Piloti D., 1441, 7)

En cas de besoin

...comme pour ce que les bonnes gens voisins du plat païs d'environ la dite maison y aient et puissent avoir, en cas de besoing et neccessité, retrait et refuge pour eulx et leurs biens (Doc. Poitou G., t.5, 1380, 142)

c)Par besoin. Par nécessité.

Or fut moult fort grevée de si long travail. Si se retourna le visage couvert de larmes a l'entour de soy, comme desireuse de secours et contrainte par besoing. (Chart., Q. inv., 1422, 10)

3.Avoir besoin

Avoir besoin (à qqn). Être nécessaire, être de grand secours.

Et dit [Lion] : Perre loialz, bien loer te doit on Et porter grant honnour voustre blanc compaingnon Qui en maint lieu, biaul sire, m'ait heu beson ! (Lion Bourges K.P.F., c.1350, 958)

...et sachiez que ly ruisseaux de ceste fontaine courra tout contreval, et en naistra vns ruisseaulx assez grans, qui puis aura bien besoing en ce lieu. (Arras, c.1392-1393, 31)

Enfans, vous vous departez de la compaignie de monseigneur vostre pere et de moy et est adventure que je vous revoie jamais par de ca [l. ça] . Et pour tant vous vueil je enseignier et introduire pour vostre bien et advancement. Ce que je vous diray et l'entendez et retenez bien, car il vous aura bien besoing. Premierement amez et doubtez et servez Dieu vostre Createur, continuelment... (Arras, c.1392-1393, 152)

Le rampin fu devant, les voiles sont levees, ilz se empaingnent en mer et s'en vont si raidement que tantost en perdirent ceulx du port la veue, et la royne et ceulx qui avec lui estoient en la maistre tour. Or les conduise Dieux, car ilz auront bon besoing a nostre baronnie. (Arras, c.1392-1393, 216)

Et Margalie fut au chasteau reluisant O la femme son frere Corsabrin l'amirant, Et si fu le lÿon qui fut fier et puissant Qui par temps leur ara besoing et secours grant. (Flor. Octav. L., t.2, c.1400, 441)

Mais l'ours sur l'escu l'agrippa [le chevalier] Et sur l'espaule le happa ; La maille desront et descire Et l'escu jus a terre tire. Bien lui ot l'espee besoing (Coudrette, Mélus. R., c.1401-1402, 320)

...et se bien y pensez, ce vous apprendra a estre pacientes - qui est chose qui bien vous a besoing - et vous conduira en point se a droit y mettez le cuer, que pou tendrez de compte du pris et de l'onneur du monde : car or a primes pourrez aprendre comment les choses du siecle sont tournables. (Chr. Piz., Trois vertus W.H., c.1405, 189)

Avoir besoin de qqn

Il a de vous besoing greigneur Qu'il n'ot pieça. (Mir. st J. Cris., c.1344, 274)

Mais ilz lui dirent lors toute la verité, et comment ilz avoient ja envoyé devant IIIJc. bacinez pour lui garder encontre leurs ennemis. Par foy, dist Remondin, ceste courtoisie ne doit pas estre mise en oubli, et ne sera elle ou temps avenir, se vous avez besoing de moy. (Arras, c.1392-1393, 71)

Vieng avant, vieng, Trop Jolÿet ! Mon seigneur a de toy besoing, Car il te vuelt envoier loing En un voyage. (Gris., 1395, 76)

Il m'apperceu ; si commença a rire, Disant : 'Enfant, tu as besoing d'un mire.' (CH. D'ORLÉANS, Ret. am. C., 1414, 9)

Avoir besoin de qqc. Éprouver la nécessité, le désir, le manque de.

...Si qu'avoir puisse sanz deffault Ce que pour leur vivre leur fault, Dont soufraitte ont et grant besoing. (Mir. fille roy, c.1379, 53)

Beaulx seigneurs, or tost a cheval. Gieffroy se combat a ses ennemis et a grant besoin de aide. (Arras, c.1392-1393, 202)

Sy gecta la mer grant plenté des noyez devers les Hebrieux, qui armes avoient, dont ilz les despoullerent, car grant besoing en avoient. (Voy. Jérus., c.1395, 55)

Et combien que ta puissance, bien le scay, ta saigesse et magnificence n'ait en riens besoing de mon service, non pourquant je me offre humblement : ce qui te plaist commande moy, je obeyray voulentiers (Gers., Concept., 1401, 391)

Pour vray il n'avoit tant mestier de dormition comme lez disciples avoient besoing de doctrine (Chart., L. Esp., c.1429-1430, 97)

Së as ouy chanter beaulx ditz Ne t'en merveille nullement, Car nous faisons en paradis Du pecheur resjouyssement Plus que de quatre vingtz et dix Qui n'ont besoing d'amendement, Pource que les bons sont tousdis A nostre bon commandement. (Régn., F.A., 1432-c.1465, 115)

Ung jour de respit cent jours vault A tous ceulx qui en ont besoing. (Est., p.1460, 24)

...je m'arrestay au lieu de Luc, pour ce qu'il estoit du party que je tenoie, et aussi pour cause que j'avoie longuement travaillié et avoie besoing de repos (Bueil, I, 1461-1466, 21)

Et y mectoyent grans doubtes d'aucuns, veu que à leur doz n'avoyent nulles places pour eulx retirer s'ilz en avoyent besoing. (Comm., I, 1489-1491, 16)

Avoir besoin de + inf.

...l'en respondi aux dessusdiz que la chose estoit grosse et avoit l'en besoin d'en parler à monseigneur le Chancellier (Baye, I, 1400-1410, 35)

Ceux-là ont besoing d'avoir gens devant, derrière et de tous costez pour eulx garder (Bueil, I, 1461-1466, 148)

[D'une chose] Il est néccessaire (à cette chose) de.

...L'umeur froide mal se digere ; Si a besoing celle matere De purger par harigoter. Car besoing fait vieille troter (Le Fèvre, Lament. Math. V.H., c.1380, 88)

Avoir besoin que + subj.

Lors s'arma Uriiens, et fist armer jusques a mil hommes d'armes et cent arbalestriers, et ordonna autres mille hommes et cent arbalestriers pour le suivir, se besoing avoit qu'ilz le venissent secourir, et ordonna a les mener et conduire un baron poictevin. (Arras, c.1392-1393, 101)

...et si avez besoing et mestier que voz plaies soient visitees (Arras, c.1392-1393, 233)

4.Estre besoin à qqn Être nécessaire (à qqn).

[D'une chose] Estre besoin à qqn. Être nécessaire à.

Belle nef grande et bien garnie Fist tost apprester, et fournie De tout ce qui estoit besoing Par mer en voyage assez loing. (Chr. Piz., M.F., III, 1400-1403, 30)

...ainsi comme nature octroye que chascun acquiere ce que besoing lui est pour son mieulx, ne veult elle pas que nous despouillons autrui pour nous revestir. (Chr. Piz., Paix W., 1412-1413, 153)

...advint que les gens du roy, au moien de la grande et extreme chaleur qu'ilz avoient et souffroient ilec, et aussi qu'ilz avoient grant souffreté de vivres, prindrent treves lesdiz de Parpeignen et eulx ung peu de temps, pendant lequel chascun se avitailla et appoincta de ce que besoing leur estoit (Roye, Chron. scand., I, 1460-1483, 297)

Nous retenons les originaulx desdictes lectres affin d'en festoyer les ambaxadeurs de Bretaigne qui doivent estre devers nous demain pour tout le jour, mais ilz nous ont tant de foiz abusez que ne devez laisser à faire ce qui vous est besoing pour l'assiete du siege que vous savez. (Lettres Ch. VIII, P., t.2, 1488, 145)

Pour ce, je vous prye que, à la plus grant diligence que possible vous sera, vous les faictes fournir de vivres, d'artillerie et de tout ce que leur sera besoing pour attendre ledit siege (Le Clerc, Interp. Roye, c.1502, 306)

b)Emploi impersonnel. Il est besoin (à qqn). Cela est nécessaire (à qqn).

Liement et de bon corage, Pour abaissier vostre damage Et essaussier vostre profit, Qu'onques chevaliers mieus ne fit, Nès qu'il fait, ne qu'il le feroit Toutes fois que besoins seroit. (Mach., D. Aler., a.1349, 315)

Vous avez un fil, sanz doubter, Que nous portons crestïenner. Courez devant ; faites couvrir L'eglise, et les fons decouvrir, Car besoing est (Mir. enf. ress., 1353, 25)

Or est il temps de vous vengier ; il est tous desarmez, sans coustel et sans espee ; il ne vous puet eschapper ; et aussi, se nous veons qu'il vous soit besoing, nous vous aiderons tuit. (Arras, c.1392-1393, 58)

Et se tu prens excusacion que tu ne pues venir a moy, certes si pues en tant qu'il m'est besoing : je ne requier pas que tu y viengnes corporelment, cecy ne se puet faire, je le scay bien, mais tu y pues venir par bonne pensee (Gers., Déf., 1400, 227)

Et doit estre reputé a plus grant honneur et louenge au chief de bataille savoir saigement retraire et sauver son ost et le tenir entier quant il est besoing que par trop aventureuse hardiesce exposer a perte (Chart., Q. inv., 1422, 34)

...devant tous les assistens luy fist (...) coupper sa robe de la longueur qu'il estoit besoing et de raison. (C.n.n., c.1456-1467, 533)

Et, si me semble que en devez envoier querir à Amiens, car, quant besoing seroit, on leur remeneroit, et nous trestous nous y trouverions, et si est beaucoup plus prez que Sainct-Quentin. (Le Clerc, Interp. Roye, c.1502, 294)

Si besoin est/estoit. Si nécessaire.

Soit toute enseignee et aprise des usages, drois et coustumes du lieu, et quelz choses y apertiennent, bien enlangagee, haultaine, se besoing est (Chr. Piz., Trois vertus W.H., c.1405, 150)

Si doit elle meismes, se besoing est, aler en la cuisine et ordonner comment ilz seront serviz. (Chr. Piz., Trois vertus W.H., c.1405, 174)

Puissance, qui est l'autre partie de prouffit, est quant un prince a tant fait par son sens et bonne providence qu'il a actrait à lui toutes choses propices à garder et deffendre ce que il a, c'est assavoir sa seigneurie, et aidier aux autres, se besoing estoit, qui l'en requerroient. (Chr. Piz., Paix W., 1412-1413, 159)

...sy envoya gens par les chemins par ou ilz devoient passer, pour commander a ceulz du païs qu'ilz trouvassent vivres tous prestz, et aussi chars, chevaulz et hernas pour lui aidier, se besoing estoit. (La Sale, Salade, c.1442-1444, 42)

...car les Gantois estans en icellui escarmuchoient très vaillamment, et si estoient à la porte de la ville ung grant nombre pour recoeullier ceulx dudit molin, se besoing estoit. (Escouchy, Chron. B., t.1, 1453-1460, 405)

Et (...) seroit bon que on portast de l'avoyne pour les chevaulx ; si repaistront au boys, se besoing est. (Bueil, I, 1461-1466, 64)

...et, se besoing est, de abattre ou faire abattre, désemparer et démolir toutes les places qu'il trouvera ès dits pays ainsi désobéissantes à nous et à nostre justice (Archives servit. Louis XI, T., 1477, 112)

Remarque : Formule très fréquente dans l'oeuvre de CHR. PIZ.

Il est besoin de qqc. (à qqn). Telle chose est nécessaire (à qqn).

Et ainsi chevaucherent bien dix journees, tant qu'ils entrerent en Champaigne. Et estoient les pluseurs tous traveilliez de porter leurs harnoiz, tant pour ce qu'il leur sembloit qu'il n'en estoit nul besoing comme pour ce que ilz ne l'avoient pas acoustumé, et en murmurerent ly aucun. (Arras, c.1392-1393, 155)

Ses bonnes oeuvres sont couvertes, Mais assez les descouvrira Quant temps et besoing en sera. (Marcadé, Myst. Pass. Arras R., a.1440, 67)

Et le lendemain, XXVe jour dudit moys de juing, fut ordonné en ladicte ville de Paris que toutes les chaynes des rues de ladicte ville seroient abatues et laissées gesir sur terre es lieux où elles sont ordonnées, pour estre toutes prestes, et regardé là où il y avoit faulte, pour les amender et y pourveoir à les trouver toutes prestes, quant besoing en seroit (Roye, Chron. scand., I, 1460-1483, 49)

Item leur est besoing [d'] ung fer courbé comme une faucille, bien long, trenchant, atachié en lieu convenable, dont ilz trencheront les cordes qui servent à la nef. (Bueil, II, 1461-1466, 58)

Il est besoin (à qqn) que. Il est nécessaire que.

...maistre J. André (...) respondi que ne voloit ne n'estoit besoin qu'il plaidast ceans contre ladicte Université (Baye, I, 1400-1410, 274)

Il est grant besoing qu'on le dye ! Qu'en voulez vous faire ? (Path. D., c.1456-1469, 82)

...pour soy garder contre eulx, lui estoit besoing et neccessité qu'il se meist en armes, comme devant avoit fait, et qu'il assemblast plus grant armée que onques n'avoit fait (Roye, Chron. scand., I, 1460-1483, 228)

Et s'aucuns voulloient arguer que (...) par quoy ne seroit aucun besoing que j'en feisse mention, je respons... (Bueil, I, 1461-1466, 17)

...et est besoing que je escripve et mecte par escript le sens et la bonne conduicte de monseigneur Philippe d'Austriche, son filz. (La Marche, Mém., III, c.1470, 312)

Aussi est besoing que Mons. le mareschal de Guienne se haste comme vous de venir (Le Clerc, Interp. Roye, c.1502, 315)

Il est besoin (à qqn) (de) + inf.

Car besoin m'est de l'aconsuivre. (Mir. parr., 1356, 47)

...ne nul besoing ne lui estoit d'emprumpter l'argent dessus dit (Reg. crim. Chât., II, 1389-1392, 134)

Sire, il seroit temps de partir, car aux nouvelles qui sont venues, il est bon de nous retraire en Chippre. Pourquoy ? dist Guyon. Savez vous chose de nouvel, que il soit besoing de soy retraire hastivement ? (Arras, c.1392-1393, 127)

Ja n'est besoing de plus luy faire De mal, elle a assez affaire, Dieu la vueille reconforter Et a moy mon mal supporter. (Régn., F.A., 1432-c.1465, 48)

...il est grant besoing de donner appetit aux compaignons. (Juv. Urs., Verba, 1452, 280)

Et pour rompre icelle armée, fut le roy adverti par aucuns, et mesmement de par monseigneur le connestable, que besoing lui estoit de garder sa duchié de Normendie pour les Anglois, que on lui disoit qui y devoient descendre (Roye, Chron. scand., I, 1460-1483, 332)

...pour le bien et utilité dudit lieu d'Angle et repopulacion d'icellui et du pays d'environ, seroit besoing à nostredit conseiller suppliant avoir audit lieu deux foires l'an et ung marché chascune sepmaine (Doc. Poitou G., t.12, 1481, 450)

Beau chevalier, plus ne vous est besoing De demourer maintenant a sejour (La Vigne, S.M., 1496, 238)

5.Faire besoin

a)[D'une chose] Être nécessaire, manquer.

O bon Jhesu, veuilliés escripre en mon cuer tes sainctes playes de ton precieux sang a ce que je cognoisse tout ce qui me fait besoing (Mézières, Vertu sacr. mar. G.-K., c.1384-1389, 44)

...la marquise de Mantue envoia une grant chevaucee de nobles gens au devant d'elle une ambassade pour la conduire et solliciter de tout ce que besoing lui feroit, qui bien et haultement le firent et de grant chiere. (Chastell., Chron. IV, D., c.1461-1472, 247)

Sy vis que bastie estoit de precieuse estoffe, liee de vertueux, indefaillible chiment, fait et conduit par maistrie, la ou riens n'avoit trop ne peu, rien qui ne feist besoing (Chastell., Temple Boc. B., 1463-1464, 15)

La glose feroit bien besoing Affin d'entendre mieulx le cas. (Vig. Trib., c.1480, 224)

...le roy envoya grans foisons de vivres (...) toutes autres choses generallement qui leur faisoyent besoing (La Vigne, V.N., p.1495, 305)

Faire besoin que. Considérer comme nécessaire que.

...l'empereur faisoit besoing qu'il fust en toutes choses plus constant que nulz des aultres, adfin que chascun prist example en lui. (La Sale, Sale D., 1451, 123)

Faire grant besoin ( de qqc.). Faire grand cas (de qqc.).

Mes je ne loe mie que il soit fait si grant mestier [var. besoing] [d'une herbe purgative] , ne n'est especiaument a faucon gentil, quer elle est un poi corrosive (Henri Ferr., Modus et Ratio, Livre deduis T., c.1354-1377, 203)

b)Emploi impersonnel.

Il fait besoin de qqc. Qqc. est nécessaire.

...et selon la quantité de ladicte saulcerie si plume des aulx selon ce qu'il en fera besoing, et qu'il n'en y mecte pas tropt (Chiquart, Cuis. S., 1420, 173)

Il fait besoin (de) + inf. Il est nécessaire de.

Et pour, ce dist il, ceulz a qui il fait besoing delaier la bataille, se aient se il veulent tentes et munimens ! (Bers., I, 9, c.1354-1359, 23.12, 42)

...Sire, ja soit il que pressé soiez de respondre a laditte replique, toutevoies ne fait besoing encore de vous declairer tout fonsierement ne de vous ouvrir en vostre darreniere intention, car tout a temps y porriez venir quant vous voudrez (Chastell., Chron. IV, D., c.1461-1472, 302)

Il fait besoin que

Besoing fait ou que je meure droit cy devant toy, non ascoutee, ou que tu, non ascoutans, renonches a pitié a ta grant charge et honte. (Chastell., Temple Boc. B., 1463-1464, 85)

Et sans plus sermonner avançons nous, car a ceste fois il fait besoin que chescun espreuve sa force et la vallence de sa parsonne. (Bagnyon, Hist. Charlem. K., c.1465-1470, 149)

B. -[Avec un déterminant ; idée de situation née d'un manque]

1.Situation de manque.

JHESUS. Femme, regarde mon besoing Et me donne ce buvraige. (Gréban, Pass. J., c.1450, 156)

2.En particulier. [Avec les prép. à ou en] À/en + dét. + besoin

a)À un/à tel/en un besoin/au besoin Quand la situation l'exige, si nécessaire.

a)À un/à tel/en un besoin/au besoin. Quand la situation l'exige, si nécessaire.

Et au dessus [d'un chêne] estoit la maysoncelle d'un hermite bien gentement assise, ou huit personnes se fussent bien logiez a ung besoing. (Percef. III, R., t.1, c.1450 [c.1340], 27)

A femme jamais ne descouvre Le secret que seler vouldras, Soit dangereusë ou non l'euvre ; Au besoing ainsi tu feras : A ton vray amy le diras (Garin, Compl., 1460, 72)

Tu n'es guieres embesoingné. Sermonne deux motz au besoing : Tu seras oÿ de bien loing (Gréban, Pass. J., c.1450, 335)

Tenez vous illec, Vous jouriez bien le Jaune bec, Ou, au besoing, la damoiselle Aussi doulcet qu'une pucelle. (Copp. lard., a.1488, 165)

Proverbe.

Au besoin on voit/connoist l'ami/ses amis

Au besoing voit on ses amis, Et plus greve secours pramis Que s'il ne fust point attendu, Quant il n'est au besoing rendu. (Tomb. Chartr. W., c.1337-1339, 73)

Maiz oncques maiz je n'oz mestier d'aïde que aujourd' hui, et on dist que au grant besoing voit on l'ami. (Bérinus, II, c.1350-1370, 138)

Sire, au besoing voit on l'ami (Mir. Rob. Dyable, c.1375, 69)

Au besoing voit l'omme son amy (Froiss., Chron. M., XIV, c.1375-1400, 204)

Au besoing voit on qui amis est (Gers., Déf., 1400, 227)

Au besoing congnoist on l'amy Qui loyaument aidier desire, Pour vous je puis bien cecy dire, Car vous ne m'avez pas failly. (CH. D'ORLÉANS, Chans. C., c.1415-1440, 223)

...Car on voit au besoing, au verité jugier, L'amour d'une personne. (Jourd. Blaye alex. M., a.1455, 307)

A nul ne cuide avoir forfait, Mais ains qu'il soit la sainct Remy, Je cognoistray l'amy parfait, Car au besoing voit on l'amy. (Régn., F.A., 1432-c.1465, 97)

Tu es l'arcq que Diau porte es mains, Le batton qui nous doibt deffendre (...) Et le fleau des ennemis : Au besoing voit on ses amis. (Molinet, Faictz Dictz D., 1467-1506, 249)

b)[Avec des verbes exprimant l'idée d'aide, d'assistance ou d'appel au secours]

Mais Esperence qui a soing D'aidier ses amis au besoing (...) A celle heure ne dormi pas (Mach., R. Fort., c.1341, 112)

...tu confortes tous Les cuers qui au besoin reclaiment Ton nom (Mir. parr., 1356, 54)

...priiés tous vostres amis que il vous voellent aidier a ce besoing (Froiss., Chron. D., p.1400, 490)

...a vous declairier j'entens (...) Et comment de moy lui souvint, Lorsqu'il lui plot tost acourir A mon grant besoing secourir (Chr. Piz., M.F., I, 1400-1403, 11)

Car je suys certain que pluseurs ont obey et sont pres de obeyr a voz commandemens quant est de vostre royale personne et de vostre royaume jusques a morir de fain ou autrement, pour vous ayder et secourir a vostre besoing, Sire (Gers., Noël, p.1404, 313)

...pour secourir au Roy en sa grant neccessité et besoing et pour pourveoir au fait de sa guerre (Fauq., I, 1417-1420, 123)

...luy compta sans rien celer le fait de ses amours, luy priant que a ce besoing luy veille aider et secourir. (C.n.n., c.1456-1467, 258)

'Je vueil envoyer au secours de mon cousin le roy Amydas toute mon armée et le Jouvencel pour le chief. Et, pour ce, je vous ay mandé à tous que vous retensissez toutes voz nefz et qu'elles ne marchassent point, pour m'en aider à mon besoing...' (Bueil, II, 1461-1466, 168)

A mon singulier besoing Se tu feusses descendu, Mon bien me fust pretendu Et rendu, Et feusse hors d'un grant soing. (Myst. Pass. Troyes B., a.1482, 488)

...ilz veullent oster et eslongner de vostre royaume celle des sept ars liberaulx qui desqueuvre toutes traffiques et qui vous est la plus utille assavoir et à avoir et qui plus vous peut servir au besoing, car il poura estre que, par faulte d'icelle, pourront advenir si grans inconveniens et telles playes que les dicts telz ignorans n'y donneront pas le remede. (Simon De Phares, Astrol., c.1494-1498, f° 7 r°)

Au pluriel.

Juré t'ay, et jur, Qu'a tous besoins me trouveras Preste, quant mestier en aras (Mach., R. Fort., c.1341, 115)

Car je te secourray a tous tes grans besoingtz (Vie st Eust. 1 P., c.1350-1400, 140)

...elle te confortera A tes besoins et t'aidera. (Mach., C. ami, 1357, 78)

C'est quant uns homs met toute peine A bien faire, et toudis se peine D'avoir sa chevance et honneur, Et tant redoubte deshonneur Que ville chose ne feroit, Ainçois mieulx mourir ameroit, Et, avec ce, Dieu sert et doubte Et prye de s'entente toute Qu'a ses besoings lui vueille ayder (Chr. Piz., M.F., II, 1400-1403, 87)

Et se m'aist Dieu a mes besoings, Que tant l'amoie Et aime que je le nommoie ' Tout mien ', et lui moy ' toute moie ' (Chart., L. Dames, 1416, 239)

...pour l'evidant bien et prouffit de nous et de nostre dicte seigneurie et couronne, et aussi pour les grans secours et aides que en povons recouvrer à noz besoings et necessitez, comme par experience le avons congneu, vueillons incorporer, retenir, maintenir et entretenir à toujours en et soubz nostre dicte main et seigneurie de nostre dicte couronne ligement et nuement (Doc. Poitou G., t.8, 1436, 103)

Si prie au benoist filz de Dieu, Qu'a tous mes besoings je reclame, Que ma povre priere ait lieu Vers luy, de qui tiens corps et ame (Villon, Test. R.H., 1461-1462, 26)

Proverbe.

Amis doivent l'ung l'autre a leur besoing aider

Quar j'ay souvent ouÿ ung parler retraittier : Amis doivent l'ung l'autre a leur besoing aider (Flor. Octav. L., t.2, c.1400, 6)

Qui secourt au besoing, il vient assés a temps

Amys, s'a dit le roy, vous soiés bien venans ! Car la voustre venue m'est forment profitant ; Qui secourt au besoing, il vient assés a temps. (Flor. Octav. L., t.2, c.1400, 470)

Au besoin on s'aide du diable. En cas de nécessité tous les moyens sont bons.

...Cuidons nous avoir aultres droits Que Dieu et Nature n'ont fait ? Ilz ont mis partout leur effect Pour estre en son temps convenable. Au besoing on s'aide du diable. (Gaguin, Passe temps oisiv. T., 1489, 363)

c)[D'une pers. ou d'une chose] Faillir au/à tel besoin (à qqn). Faire défaut (à qqn) dans une situation de manque, de détresse.

...tu ne dois pas à tel besoing Moy faillir comme en mortel cas (Mach., Compl., 1340-1377, 247)

Et sa gent amonnestoit fort, Qu'il fussent preudomme et vaillant Et qu'il ne fussent pas faillant à ce besong ; car qui fuiroit Vraiement il se destruiroit (Mach., P. Alex., p.1369, 164)

Puisque vostre amit de dela la mer vous defallent, nous ne vous faudrons point a vostre besoing (Froiss., Chron. D., p.1400, 209)

C'est le bon amy qui oncques ne faillit au besoing, qui oncques ne reproucha son amour (Gers., Concept., 1401, 409)

Mes le vant nous va faillir au plus grant besoing que ne povions aler plus avant et ainssi nous eschaparent lez Turcxs mescreens don estions toux malemant corrossiés, et dura l'enchaux du point de jour jusques pres d'eure nonne. (Caumont, Voy. N., p.1420, 50)

Par droicte comparaison la nostre police françoise semble maintenant l'ostel d'ung mauvais mesnagier qui dissipe sa presente substance avant qu'il pourvoye a celle a venir, menjut sa vigne en verjus et vuide ses garniers hors de saison a sa comble mesure si que le pain lui fault au plus grant besoing. (Chart., Q. inv., 1422, 23)

Et lui pour quelque gentil homme qu'il soit, tel que j'ay dit, de ses biens a son besoing ne lui [à sa dame] fauldra jamais (La Sale, J.S., 1456, 29)

Et se j'ay prins en ma faveur Ses doulx regars [de celle que j'aimais] et beaux semblans De tres decevante saveur Me tresparsans jusques aux flans, Bien ils ont vers moy les piés blancs Et me faillent au grant besoing : Planter me fault aultres complans Et frapper en ung aultre coing. (Villon, Lais R.H., c.1456-1457, 12)

Le sens m'est failly au besoing : Ne sçay qué gibet m'a tenu. (Myst. Pass. Troyes B., a.1482, 826)

Hé ! Glorïeux, poysson d'avris, Nous fauldrés vous a ce besoing ? (P. Jouh. D.R., a.1488, 19)

3.Situation critique.

...l'en doit avoir derrière la bataille ancores quelque petit nombre de gens, qui doivent regarder la où est le besoing pour y secourrir (Bueil, I, 1461-1466, 148)

Et le Jouvencel dit : 'On ne doit pas attendre à mettre le remede au besoing. On doit faire son ordonnance, avant que le besoing viengne.' (Bueil, II, 1461-1466, 19)

Dernier besoin. Situation de d'extême détresse (agonie, damnation).

J'ay pour toy fait mains pleurs et mains gemissemens ; tu les sces bien ; sy te prie et requier que tu ne me failles mie a ce darrain besoing. (Gers., Déf., 1400, 227)

La cher a qui tu fais tous ses plaisirs, au darrain besoing c'est cil qui de la mort ne te fera autre ayde et secours, fors que elle te convoyera jusques au sepulcre, et la te laissera en la main de tes ennemis. (Gers., Concept., 1401, 415)

Mais le demy amy est Dieu qui est bien souvent le moins amé et servi - et pour une heure que on le sert, les autres en ont plus de vint -, il te secourra luy seul en ton darrain et espouentable besoing, mais que tant seulement en son amour demeures. (Gers., Concept., 1401, 416)

Vous me commandastes que, sanz attendre au desrain besoing, je vous ramenteusse le derrain sacrement (Chr. Piz., Faits meurs Ch. V, S., II, 1404, 188)

4.Le besoin commun. Demande, exigence, nécessités de la communauté, de la vie sociale.

Qu'est ce autre chose a dire si non que, en soy cuidant sauver a part, forclorre l'aide de ses biens au besoing commun et priver eulx mesmes et la chose publique de l'usaige des biens qui d'elle sont issuz (Chart., Q. inv., 1422, 32)

C. -[Proche du subst. besogne]

1.Activité, entreprise.

Ilz le laisserent passer (...) et s'adviserent de faire ung piege tresbeau, a l'aide d'aucuns paisans qui les servirent a ce besoing (C.n.n., c.1456-1467, 354)

2.Au pluriel. [Sens concret] Objets nécessaires (dans tel domaine).

A la chapelle de Vallengoujart les besoeins. C'est assavoir une chasuble, une aube parée, .I. ami paré, .I. phanon, .I. estolle (Livre raison St-Martin-de-Pontoise D., 1373, 43)