BESOGNE

substantif féminin

[T-L : besoigne ; GDC : besoigne ; AND : bosoigne1 ; DECT : besoigne ; FEW (XVII, 277a-b, 278a) : *sunni ; TLF (IV, 422b) : besogne]

A. -[Idée de besoin, de nécessité, de chose nécessaire]

1.Au singulier. Besoin, nécéssité.

a)Nécessité (imposée par la nature).

...Aprés travail nous plaist plus le repos, Et la grant soif fait boire enmy les pos, Et es perilz acquiert on les grans los. Assez tesmoigne Nature en nous toute ceste besoigne Quant nous voions qu'en son oeuvre elle adjoigne Souvent au doulx quelque chose qui poigne, Et les assemble. (Chart., D. Fort., 1412-1413, 166)

b)Besoin (d'aide)' ; d'où 'nécessité.

Quant il oï le cor, lors a fait escriee : 'Seignour', ce dist li dux, 'par le vertu loee, Ch'est l'oevre du Bastart que j'ai la escoutee ! Bien sai qu'il a besongne, se chose est mal alee'. (Bât. Bouillon C., c.1350, 204)

...Ains mais ne me pleut hons, par Dieu que tout avoie. Mes quant voy me besoigne, grant folie feroie Se par mauvais conseil le bien je desvioie (Belle Hélène Const. R., c.1350, 179)

Avoir besogne de qqn/qqc. Avoir besoin de.

Il vint à Windesore, où il trouva le roy qui le reçut liement, et ossi fisent tout li baron d'Engleterre, pour tant qu'il en pensoient bien avoir besongne (Froiss., Chron. L., VII, c.1375-1400, 220)

Si se tinrent la trois jours et s'i rafresqirent et fissent ferrer lors chevaus, qui grant besongne en avoient. (Froiss., Chron. D., p.1400, 152)

Barons, ne faittez point de desplaisir a cestuy paien, car il est mon ami et je le vous vouray sy bien remunereir que, se vous aveiz besoingne de mon filhoul Ogier, qu'il vous serat bien meris. (JEAN D'OUTREM., Myr. histors G., a.1400, 155)

Avoir besogne de + inf.

Et donques la cité qui ne a besoigne, mestier de participer en tele superacquisition, ce est a dire de gaagnier excessivement en marcheandise, il ne convient pas qu'elle ait tel marchié negociatore. (Oresme, Pol. Arist. M., c.1372-1374, 296)

Si/quand... besogne est. Quand le besoin se fait sentir, si nécessaire.

...lesqueis XXII, enssi serimenteis, esliront unc lieu certain, poir y estre ensemble chascon mois une fois, se besogne est (Stavelot, Chron. B., a.1447, 176)

...toute fois qu'ilh a esté bussogne (Stavelot, Chron. B., a.1447, 339)

...car il désiroit et vouloit sur toutes choses que les princes du royaulme fussent tous en bonne union, pour servir et secourir le roy quant besoingne seroit. (Lefèvre St-rémy, Chron. M., t.1, c.1462-1468, 202)

2.[Au plur. (ou au sing. à valeur collective]

a)Ce dont on a besoin, cequi est nécessaire à qqn.

Mais je me conforte en ce que l'homme est bien fortuné quant ses besongnes lui viennent du tout a sa voulenté, combien que je ne suis pas de ceulx. (Percef. III, R., t.3, c.1450 [c.1340], 98)

Pourvoir aux besognes de qqn. Subvenir aux besoins de.

Comme nous vous aions ordonné et commis à recevoir, pour nous et en nostre nom, certaines finances lesquelles par nostre ordonnance ne devez pas despensser, se sur ce n'avez lettres de mandement de nous ; et il soit ainsi que pour ce que nous entendons aler dehors au plaisir de Dieu, et ne porrions pourveoir à noz besongnes qui entre deux porroient survenir (...) nous vous mandons que toutes les choses que nostre bien amé clerc (...) vous dira et ordonnera de bailler (...) vous paiez, baillez (Raponde, Comptes La Trémoille L.T., 1396-1406, 31)

Estre au-dessus de ses besognes

Avoir tout ce dont on a besoin.

...ce duc d'Irlande avoit fait si grant attrait d'or et d'argent et de finances à Bruges, par Lombars, pour tousjours estre au desus de ses besoingnes (Froiss., Chron. M., XIV, c.1375-1400, 73)

Être tiré d'affaire.

Quant la roine d'Engleterre fu au desus de ses besongnes elle donna une grant partie de ses gens d'armes congiet et en retint auquns (Froiss., Chron. D., p.1400, 91)

Or fu aucques au dessus de ses besoignes le sage roy Charles tant que, à l'aide de Dieu et de son bon sens et pourveance, son royaume fu comme tout despechié de ses anemis, qui en telle maniere y furent subjuguez que plus n'y firent leurs chevauchées, ainsi comme autrefois orent fait, les frontieres en toutes pars bien garnies en bonnes gens et de quan qu'il convient (Chr. Piz., Faits meurs Ch. V, S., I, 1404, 242)

Et, mais que Dieu et Nostre Dame nous vueuille sauver Dieppe et Arcques, nous sommes au dessus de noz besoignes (Le Clerc, Interp. Roye, c.1502, 306)

b)Choses dont une personne peut avoir besoin (envisagées en tant qu'ensemble dans une situation donnée, en partic. pour un voyage) .

...un chariot atellé de III jumens avec tout le harnoiz achaté de lui pour porter partie des besoignes de ma dicte dame en Navarre (Compte Navarre I.P., 1367-1371, 391)

Maistre Pascal fist ce dont il estoit chargiés, et apparilla ses besoingnes, et monta en un port en Navare, et singla tant que il prist terre en Cornuaille. (Froiss., Chron. R., IX, c.1375-1400, 60)

Jehan de Paillart, vallet de chambre du Roy, envoié de par les chambellanz, de Meleun à Paris, querre certaines besongnes pour le Roy (Comptes hôtel rois Fr. D.-A., 1380-1381, 44)

...quant les grans chevaulz de mons. se partirent derrenierement de Paris pour aler en Bourbonnois, Gerardin varlet des grans chevaulz de mons. perdi en ses besaces uns draps linges et un queuvrechié, et quant ledit Gerardin fu à Forges, il les demanda à ses compaignons et chascun monstra toutes ses besongnes fors tant que ledit Pierre de Vailledoli s'en ala en une chambre haulte et mist ses besongnes sur une table et le linge et queuvrechié dudit Gerardin il mist au chevez du lit (Reg. crim. Chât., II, 1389-1392, 446)

A Jehan Rapine, faiseur de selles, ce jour, pour une selle de male pour mettre sur un cheval, sur lequel ledit Daniel meine les besoignes dessusdites à Monseigneur : 3 fr. et demi. A Robin Garnier, ce jour, pour une male pour mettre lesdites besongnes : 3 fr. et demi. (Raponde, Comptes La Trémoille L.T., 1396-1406, 56)

Moult fu pour ces jours li rois d'Escoce rejois, qant il vei ses honmes concordans a son pourpos. Et ordonna ses besongnes au plus bellement et quoiement qu'il peut ; et fist au port de Morois en Escoce cargier et apparillier .I. vassiel de ce que besongnier lor pooit, a lui et a sa fenme et a lor estat. (Froiss., Chron. D., p.1400, 237)

Elles preparerent leurs besoignes en celle nuit, et le lendemain, des [l. dés] le point du jour, elles monterent a cheval en habis descongneus et se mirent au chemin. (LEFÈVRE (R.), Hist. Jason P., c.1460, 154)

A plusieurs gavots, qui aidèrent à descharger les besongnes du batteau, et les porter au logeys du roy (Comptes roi René A., t.2, 1476, 346)

c)Outils, instruments.

...ilz avoient en leur host et en leurs logeiz, espars chà et là, grant faulte de medecins pour eulx visiter, et des besongnes qui appartenoient à medicines, et de nouviaulx vivres pour eulx raffreschir. (Froiss., Chron. M., XIV, c.1375-1400, 104)

Pour le louage d'une des eschoppes de l'église ou les charpentiers ont mis leurs besongnes par l'espace de demy an... (Comptes Archev. Rouen J., 1464-1465, 343)

d)Papiers, documents écrits nécessaires.

Dit outre que quant le Parlement ensuivant fu encommencé, le procureur et les gens dudit marchiz firent grant poursuite en Parlement, afin qu'il eussent ledit arrest, et pour ce que les rapporteurs ne voudrent pas prenre la peinne de faire ledit arrest, qui est grant et laborieux, la Court ordonna que ledit arrest seroit fait par ledit de Cessieres, auquel furent baillées les besoignes pour ce necessaires, lequel de Cessieres fit la minute dudit arrest et la bailla à veoir à aucuns seigneurs dudit Parlement. (Baye, I, 1400-1410, 4)

...et sera mandé au bailli du grant fief d'Aunix qu'il envoie toutes les informations et besoignes qu'il a touchant ledit procès. (Baye, I, 1400-1410, 301)

Pour un sac toille, baillé audit de Sauzay pour y mettre les besongnes de ladite commission 8 d. p. (Comptes Paris V.L.D., t.1, 1449-1450, 679)

...qu'il envoye les clefs de ses comptouers où sont les cédulles et besongnes dudit édiffice. (Aff. Jacques Coeur M., 1453-1457, 166)

...laquelle fueille de papier et la copie dudit compte ont esté trouvées à Montpellier entre les besongnes dudit Cuer. (Aff. Jacques Coeur M., 1453-1457, 405)

Remarque : Cf. W. Bartzsch, Das Wortschatz des öffentl. Lebens im Fr. Ludwigs XI, 1937, 132.

e)[Au sing. à valeur collective] Équipement d'un soldat, ce qui lui est nécessaire.

Tout le jour, jusques à la nuit qu'ilz eurent aresté et conseilliet que ilz se partiroient, entendirent chascun à trourser et à mettre sa besoingne à point. Droit sus le point de six heures, ilz eurent tout toursé et ensonmelé et chargiet leurs chevaulx (Froiss., Chron. M., XIV, c.1375-1400, 223)

3.Par extension. Objets, choses.

a)Au pluriel. Petits objets, petites choses.

Si estoit saincte d'une saincture et recourcee d'une aultre ; et a toutes deulx pendoient bourses et sachetz plains de diverses besoignez. (Chart., L. Esp., c.1429-1430, 5)

Menues/petites besognes

...et auxi la dame a fait acroire a sa mere que elle l'a achaptee de ses petites besongnes, que el a vendues sans ce que son mary en sache rien (Quinze joies mar. R., c.1390-1410, 47)

...lui brulerent plussieurs utensilz d'ostel qu'estoient en icelle, comme bans, tables, selles, fenestres, tresteaulx et autres menues besoingnes, dont il a esté pour ce dommaigié de plus de trente frans (Ecorch. Ch. VII, T., 1444, 318)

b)[Au sing. à valeur collective] Ensemble d'objets de même type.

Plus y avoit de toutes manieres d'ouvrayges, tant de terre de Venise que d'autres lieux (...), une grant, riche besongne qui valloient mieulx tant les choses cristallines que les autres choses faictes de voirres que de chose de terre de vingt mille ducatz (La Vigne, V.N., p.1495, 263)

c)[Terme générique pour clore une énumération] Et autres besognes/ et (i)telles besognes. Et autres objets de même nature.

...et en trouvoit on assez à vendre, et à raison, pos, chaudieres, chauderons et telles besongnes dont on a mestier en l'ost aussy (Le Bel, Chron. V.D., t.1, 1352-1356, 48)

...puis après, par la cognoiscence manifeste d'icelles, en procedant plus oultre, ilz pristrent à speculer sus plus occultes choses, si comme des passions de la lune, comme sont eclipses, et que elle est enluminée plus une fois que aultre, des choses acheans au soleil et aux estoilles, comme sont diverses apparences qui avienent en elles, si comme cercles, halo, queues, ou icelles [l. itelles] besoignes (Chr. Piz., Faits meurs Ch. V, S., II, 1404, 170)

...lesdiz François assamblèrent tous les biens portatifz qu'ilz porent trouver dedens ycelui chastel, comme vaisselle, or et argent, pennes, draps, linges et autres besongnes (Monstrelet, Chron. D.-A., t.5, c.1444-1453, 17)

...en lieu de cyrops, de buvrages, de doses, d'électuaires et de cent mille aultres besoignes que medicins solent ordonner (C.n.n., c.1456-1467, 467)

Et par eulx ledit roy d'Angleterre envoya au roy des trompes de chace et des bouteilles de cuir, à l'encontre des belles pieces d'or, coupes d'or, vaisselle, pierrerie et autres belles besongnes que le roy et autres seigneurs avoient donnez audit de Warwik à son partement de Rouen. (Roye, Chron. scand., I, 1460-1483, 177)

B. -[Idée d'activité dans un domaine donné. Au sing. pour désigner une tâche conçue comme un tout, ou de façon abstraite ; au plur. pour désigner un ensemble de tâches appartenant à un domaine d'activité]

1.Travail, tâche à accomplir, mission.

S'avint a un hault jour que la dame en ala Entre li et sa fille (...) Pour oÿr une messe en un moustier entra. Et Flourenche remest, besoingne l'arriesta Pour ordonner le lieu, car Thiery awarda Un prince qui adont devoit venir droit la (Flor. Rome W., c.1330-1400, 243)

Mais parle pou, fai ta besongne. Sages est qui einsi besongne. (Mach., C. ami, 1357, 126)

Et ou landemain qui fu vendredi, elle, qui se leva plus matin pour sa besoigne ainsi comme elle avoit acoustumée (Reg. crim. Chât., I, 1389-1392, 174)

Revenuz suis, sire marquis, Et ay, la merci Dieu, bien fait Vostre besoigne et vostre fait. Veez ci vos bulles autentiques. (Gris., 1395, 74)

Pour ce (...) que nous sommes après disner et que de present n'avons pas grant besongne à faire, s'il vous plaist, vous escouterez debonnairement et sans prendre ennuy (...) à ce que je vous diray. (Bueil, I, 1461-1466, 119)

Je ne scay se je suis tenu De luy refaire la besongne Pour neant, et sans nulle eslongne, Je dis que point ne les feroie [les souliers à réparer] Ou de plus paié en seroye (Sav. serg. D.L., c.1480-1490, 33)

Besogne de + inf. Activité qui consiste à.

Columelle de ce tesmoingne Que plus ne leur plaist [aux jeunes femmes] la besoingne De prandre cure de maison (Desch., M.M., c.1385-1403, 180)

Action, oeuvre.

Agellius aussi tesmoigne Et dit que la plus grant besoigne, Et qui plus digne est de memoire, Que Phelippes roy feist notoire, Ce fu quant son filz Alixandre Fist de science l'art aprendre, Qui apres lui regner devoit. (Chr. Piz., Chem. estude P., 1402-1403, 247)

Entreprise.

...nous avons ferme esperance que vous, comme prince tres catholique, avez ladite besoigne [la croisade] a cuer (Phil. Vi Valois, Lettres closes C., 1330-1349, 51)

Ensemble de tâches appartenant à un domaine d'activités.

Mais j'ay toute jour entendu Aus besoingnes de nostre hostel, Et tant fait puis d'un et puis d'el Que plus tost n'ay peu venir (Mir. abbeesse, 1340, 71)

Encores dit le dit Gervaise que autres fantasies s'apperent de nuit, en guise de femmes a face ridee, basses et en petite estature, et font les besoingnes des hostelz liberalment, et nul mal ne faisoient. (Arras, c.1392-1393, 3)

Ung orfevre de Paris, nagueres, pour despescher pluseurs besoignes de sa marchandise a l'encontre d'une feste de Lendit... (C.n.n., c.1456-1467, 65)

A Aubry Gillet et Jehan de Carnoy, paveurs de grez, demourans à Paris, 26 l. 1 s. 8 d. p., qui deue leur estoit pour les besougnes de chaussées qui ont esté faictes en la croisée de Paris (Comptes Paris M., t.2, 1457-1458, 94)

'...Si avons six jours d'espace pour assembler nos gens et mettre à point nos besongnes.' Ainsi fut le jour establi entre eulx et conclud que le mercredy seroit l'entreprinse de la ville de Crathor. (Bueil, I, 1461-1466, 82)

Aller/envoyer qqn en la besogne de qqn. Aller/envoyer qqn exécuter une tâche, une mission pour qqn.

Allez, dist-il, en ma besoigne, En ma vigne et, quant la serez, Avec les autres labourez. (Gréban, Pass. J., c.1450, 223)

...des lors que je me partis d'elle, elle sçavoit bien que j'aloye en sa besoingne en estrange terre. (Percef. III, R., t.2, c.1450 [c.1340], 26)

...le roi Gafiffer, vostre mary et mon treshonnouré sire, m'envoya une fois en une sienne besoigne ou j'acomplis a mon pouoir ce pourquoy je y fus envoyé (Percef. IV, R., c.1450 [c.1340], 46)

Mettre qqn en besogne. Mettre à une tâche, confier une mission à.

...et fu la roine consillie que d'escrire tout l'estat de la besongne et le prise dou roi, et de tantos ces nouvelles envoiier deviers son signeur et mari, le roi d'Engleterre. Clerc furent mis en besongne ; la roine escripsi au roi, a son fil et as barons d'Engleterre qui devant Calais se tenoient. (Froiss., Chron. D., p.1400, 786)

Or fait venir et drapiers et tailleurs, Broudeurs, ouvriers et bos entretailleurs (...) Tous embesoigne Et chascun met en oeuvre et en besoigne. (Chart., D. Fort., 1412-1413, 173)

...et qu'il n'a peu avoir de ceulx qui l'avoient mis en besoingne instructions promptes, souffisantes pour faire ladicte poursuite (Fauq., III, 1431-1435, 100)

Et incontinent mist en besoigne massons et aultres plusieurs ouvriers en l'esglise et le fist augmenter de service et de messes et fist bel hospital et belle esglise. (Belle Maguel. C., 1453, 48)

Par dérision. Mettre qqn à torture.

Sus, villain [Jésus] , estandez vous cy ; Il fault que vostre orde charoigne Soit prestement mise en besoigne A vostre sanglant encombrier. (Gréban, Pass. J., c.1450, 331)

Mettre qqn en besogne à + inf.. Charger (qqn) de faire telle chose, imposer comme tâche de.

Et à celle heure monta ladite Jehanne la Pucelle sur ung coursier, ung baston en sa main, et mist en besongne chevalliers, escuiers et autres gens de tous estaz à porter fagos, huys, tables, fenestres et chevrons, pour faire taudiz et aprouchemens contre ladite ville pour asseoir une petite bombarde (Chart. J., Chron. Ch. VII, V., t.1, c.1437-1464, 95)

A l'aube du jour furent mis grand nombre de tonnelliers en besongne à faire pippes de mesrain qui avoit esté apporté (Comm., I, 1489-1491, 46)

Se mettre en besogne. Se mettre au travail.

...il tire ung beau, long et large cousteau (...) et puis se mect en besoigne a la porée. (C.n.n., c.1456-1467, 486)

Aimer besogne faite. Être paresseux.

Quant il ( [l'ouvrier paresseux)] a prins bonne ventree De vyande, il songe a la feste. Le traveillier ne luy agree : Il aime bien besoigne faite. (Prov. rimes F.M., c.1485-1490, 83)

Proverbe. Bon fait toudis penser à sa besogne

...Mais je ne sçay ce songe interpreter, Fors que bien sçay, a justement parler, Bon fait toudis penser a sa besongne. (Desch., Oeuvres Q., t.3, c.1370-1407, 28)

DROIT FÉODAL En besogne de qqn. Dans des liens de vassalité avec qqn, au service de qqn.

Treshault prince, noble duc de Bourgongne, Conte de Flandres et du pays d'Artoys, En vous servant et en vostre besongne Mourir me fault (Régn., F.A., 1432-c.1465, 134)

2.Par euphémisme.

Occupation, activité d'ordre intime : toilette.

'Or vous couchiez et reposez, dist la damoiselle, je m'en iray encore ung petit faire ma besoingne, puis m'en vendray dormir. - Damoyselle, dist Estonné, venez assez tost, car j'ay coustumierement paour quant je me treuve seul en une chambre.' (Percef. III, R., t.1, c.1450 [c.1340], 348)

[Dans un contexte plus ou moins grivois]

Acte charnel.

Cil Werris vit en la besoigne Sebile, sa femme espousée, Dessoubs un homme supposée, Qui heurtoit du bout de l'eschine. (Le Fèvre, Lament. Math. V.H., c.1380, 28)

...veez bon mary d'arriver, qui trouve la compagnie [sa femme et son amant] en besoigne dont il fut bien esbahy (C.n.n., c.1456-1467, 290)

Faire la/telle besogne

Voz maris vous ont ilz reveillées comme a fait le mien ? Il ne cessa ennuyt de faire la besoigne (C.n.n., c.1456-1467, 203)

...tres bien luy sembloit qu'il [le clerc] estoit mieulx taillié de faire la besoigne que son mary. (C.n.n., c.1456-1467, 150)

Et Dieu sçait s'i font la besongne Quant il se treuvent a l'escart Avec le glorïeux couart, Comment elle est bien decrotee ! (P. Jouh. D.R., a.1488, 34)

'...et vous promect que nous avons touz deux grant regret que vous ne fustes a noustre feste [le mariage] , mais la chose fut faicte bien a haste.'Messire Charles respond : 'Il ne y a point de peril, car une bonne besongne se doit tost faire !' Le duc rit de ses motz et aussi fait messire Charles. (Charles de Hongrie C., c.1495-1498, 166)

Mettre en besogne

...il fut content d'aller querre son compaignon et l'amena devant elle, qui tantost le mist en besoigne (C.n.n., c.1456-1467, 349)

Le plus sot y est le plus sage. Pour veoir, mettez moy en besongne, Or dictes que je vous empoigne, Si comment Monsieur faict ma femme (Gent. Naudet T., c.1500, 292)

Mettre la main à la besogne

...quant il fut au lieu, il ne demoura gueres après (...) qu'il ne mist main a la besoigne et vous assault sa femme (C.n.n., c.1456-1467, 89)

[À propos d'un animal]

Et, quant il [le lapin] a fet sa besoigne, il se laisse cheoir arriere tout pasmé et demeure un petit comme se il estoit mort. (Gast. Phébus, Livre chasse T., 1387-1389, 82)

Au pluriel. Besognes de nuit

...mon mary est si tresrade a ses besoignes de nuyt que c'est grand merveille (C.n.n., c.1456-1467, 263)

3.[Domaine militaire] Entreprise, affaire militaire, bataille, rencontre.

Or ne vous ay je pas dit les joies et les reviaus qui furent ossi en Engleterre, quant les certainnes nouvelles y vinrent de la besongne de Poitiers et de la prise dou roy de France. (Froiss., Chron. L., V, c.1375-1400, 70)

...là s'arresterent et tendirent leurs ars, et monstrerent deffense et visaige. Jamais on ne les fust là alez querre, et s'i tindrent tant que les Anglois furent retrait dedens Montferrant. Les Clermontois perdirent XX. de leurs hommes ; il en y ot VI. mort et XIIII. pris. Ainsi se porta ceste besoingne ! (Froiss., Chron. M., XIV, c.1375-1400, 223)

Si nous ont humblement fait supplier les diz exposans que, comme eulx nous aient bien et loyalment servi en noz guerres en pluseurs places et besoingnes, especialment à la dicte bataille de Chisey, au dit siege de Lesignain, et à l'assamblée que nous feismes darrainement devant Saint Sauveur le Viconte (Doc. Poitou G., t.4, 1376, 415)

Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. (Arras, c.1392-1393, 109)

...et puis [le roi d'Ausay] repaira vers ses barons et leur a dit tout son affaire, et comment il lui falloit aler secourre son frere, et comment le duc Anthoine et Regnault, son frere, l'yront aidier a toute leur puissance. Par foy, sire, dirent les barons, dont ne puet il que la besoingne ne se porte bien, car encontre leur effort ne pevent payens contrester. (Arras, c.1392-1393, 173)

...car il faloit ledit chevalier partir sur heure et chevaucher nuit et jour pour estre à la besoigne et bataille de Brantosne. (Baye, I, 1400-1410, 157)

La guerre s'en fera mieulx et justice en sera mieulx gardée. Car partout fault ung maistre, ou la besongne n'yra ja bien. (Bueil, II, 1461-1466, 4)

Et croyez seurement que ceulx qui exposent leur corps, leur vie et leur honneur en une besongne en parlent plus sainement que les autres ; car ils y pensent plus. (Bueil, II, 1461-1466, 160)

Besogne d'armes/de bataille

En ce voiage (...) mescheï il trop grandement à l'un des bons chevaliers de toute la route dou duch de Lancastre et qui le plus s'estoit trouvés en devant en grosses besongnes d'armes et durs rencontres. (Froiss., Chron. R., VIII, c.1375-1400, 157)

Quant il veï que pais seroit entre ces parties et que nulle besongne de bataille n'i aroit, si s'avisa que il n'isteroit pas d'Espaigne enssi sans faire quelque cose. (Froiss., Chron. R., X, c.1375-1400, 196)

Haute besogne. Exploit.

S'amant s'esloigne Ou qu'il meurt en haulte besoigne, L'onneur la loyauté tesmoigne. Maiz je pers le mien en vergoigne Honteusement, Villené treshideusement. (Chart., L. Dames, 1416, 290)

...droit-cy me semont raison que je ramentoive une haute besongne qu'en ce temps-cy fit un bien renommé chevalier (Chastell., Chron. K., t.3, c.1456-1471, 347)

Ledit chevalier alleman leur fit aussi les comptes de pluseurs grandes et haultes besongnes que [messire Jehan de Rebremettes] faictes avoit en Barbarie, dignes de grant memoire (Chastell., Chron. IV, D., c.1461-1472, 165)

Au fort de la besogne. En pleine bataille.

Finablement, au fort de la besongne auqun appert compagnon se missent en un batiel desus la riviere, et vinrent desous le pont et jetterent grans gros cros et havés de fier au dit pont leveis, et puis tirerent si fort que de force il rompirent les chainnes qui le pont portoient et tenoient, et l'avalerent jus par force. (Froiss., Chron. D., p.1400, 667)

Obtenir la besogne. Remporter la bataille.

Chil Breton se portèrent si bien pour celle journée, et si vassaument combatirent leurs ennemis que la place leur demora, et obtinrent la besongne, et furent li Englès tout mort ou pris. (Froiss., Chron. R., VIII, c.1375-1400, 114)

La besogne est/demeure à qqn. La victoire revient à.

Et donnèrent li Espagnol au roy d'Engleterre et à ses gens moult à faire. Toutes fois, finablement, la besongne demora pour les Englès, et y perdirent li Espagnol quatorze nefs ; li demorant passèrent oultre et se sauvèrent. (Froiss., Chron. L., IV, c.1375-1400, 97)

Quant le duc d'Irlande vey que le roy vouloit monstrer que la besoingne estoit sienne, et qu'il estoit en bonne voulenté de destruire ses adversaires et mettre à raison, si en eubt grant joye (Froiss., Chron. M., XIV, c.1375-1400, 50)

C. -Par extension. Affaire.

1.Au pluriel.

a)Activités et affaires concernant l'administration d'un pays, d'une ville, d'un domaine....

A Davy Alout, pour faire ses despens alant en Navarre (...) pour certaines et bien hastives besoignes touchans Monseigneur et son païz de Normandie (Compte Navarre I.P., 1367-1371, 395)

Loys duc de Bourbonnois (...) savoir faisons a tous presens et avenir que pour la reparacion et bonne ordonnance du dommayne de notre duché et pays de Bourbonnois, de nos contez et de toutes autres notres besoignes de notredit pays pour icelles estre tenues et gardées doresenavant en bon estat et ordonnance, (...) avons ordonné et ordonnons que dores en avant nous aurons une chambre de comptes qui se tiendra continuellement en notre hostel de Sovigny, en laquelle nous voulons que tous noz terriers, escriptures et lectres queulxconques (...) y soient mis. (Titres Bourbon H.-B., t.1, 1374, 574-575)

Très redoubtez sire, vous avez esté joennes couronnez et avec tout ce jonement conseilliez jusquez à ores ; et n'avez pas bien entendu aux besoingnes de vostre royaulme (Froiss., Chron. M., XIV, c.1375-1400, 26)

Ce jour, les eschevins de Paris ont requiz avoir IIIJ des seigneurs de ceans pour aler en l'ostel de la ville, ouquel ilz et aucuns de l'Université de Paris doivent estre assemblez à IIJ heures après midi, comme ilz disoient, pour traiter d'aucunes besoignes touchans le bien du royaume, de la ville de Paris et aussy le fait des gens d'armes estans à present par ledit royaume à Paris et environ (Baye, II, 1411-1417, 172)

...en lui suppliant qu'il lui plaise de soy avancier et venir par deça pour entendre aux besoingnes et affaires de ce royaume (Fauq., II, 1421-1430, 70)

... [les ambassades] apportent beaucoup de choses qui seroient longues à escripre, mais desirans le bien de la principalité de Cathalongne et cité de Barcelone, avons conçud ne faire responce ausdites besoignes jusques à tant que nous ayons envoyé devers vous pour savoir vostre intention et voulenté sur la conclusion que avez fete sur les besoignes que à present concurrent (Lettres Louis XI, V.M., t.10, 1463, 210)

...le roy estoit encores a Lyon, qui disposoit de ses besongnes et affaires touchant le gouvernement du royaulme et l'entretenement des subjects. (La Vigne, V.N., p.1495, 141)

b)Affaires privées.

Je ne di pas qu'adès besongnes, Mais saches comment tes besongnes Yront, car trop mieuls en vaurront (Mach., C. ami, 1357, 135)

...Et qui pener Se scet a amours demener, Trop mieulx en sara assener A ses besoignes bien mener. (Chart., L. Dames, 1416, 287)

...car les besongnes bien prosperees et bien fortunees ont moins de besoing de humayne ayde (La Sale, Sale D., 1451, 157)

Quand le cordelier oyt parler du disme, il se pensa bien que ses besoignes n'estoient pas bonnes (C.n.n., c.1456-1467, 220)

Il advient souvent que, quant on cuyde avoir le bout de ses besongnes, on est au commencement. (Bueil, I, 1461-1466, 63)

...commant peut ung astrologien bien ouvrer pour aultrui en icelle science, quant pour lui ne le scet fere. C'est bien dit en bestes, car il sont des gens qui ont plus de regard ès choses d'aultrui que ès leurs propres et ont plus de peur de faillir ès besongnes d'autre, que ès leurs. (Simon De Phares, Astrol., c.1494-1498, f° 60 r°)

...et se vous ne povez venir devers moy et que vous veulliés aller à vos besoignes, envoyés moy Pierre Cleret. (Le Clerc, Interp. Roye, c.1502, 330)

Au figuré. [D'un condamné] Penser à ses besognes. Penser à ses affaires' ; ici 'mettre sa conscience en règle.

...vous nous avez fait biaucaup d'annoy à mon frere et à moy, et avez tourblé à vostre povoir et fourconseillié monseigneur et les nobles aucuns de ce pays et les bonnes villes envers nous. Si est venus le jour que vous en arrez le guerredon, car qui bien fait, c'est raison qu'il le retreuve. Pensez à vos besoingnes car jamais je ne buveray ne mengeray tant que vous soiez en vie. (Froiss., Chron. M., XIV, c.1375-1400, 57)

Les besognes se portent bien/sont en bon parti/en bon point. Les affaires (soit publiques, soit privées) vont bien.

Et le roy lui dist : Ma belle niepce, Dieu mercy, voz besoingnes sont en bon party, et vostre pays est delivré du dangier des Sarrasins par la puissance de Dieu et des deux freres de Lusegnen. (Arras, c.1392-1393, 188)

Et quelz comptes voulez vous que je oye doncques, quant vous et moy nous sommes tout aise, et que mes forteresces sont bien retenues, et toutes mes besoingnes en bon point, et que vous me baillez de l'argent quant j'en demande, et en donnez ou je vous command, et me faictes finance de ce que je vueil avoir ? (Arras, c.1392-1393, 295)

Et puis s'en ala rendre graces à Nostre-Dame de Behuart de ce que ses besongnes s'estoient bien portées durant sondit voyage audit lieu de Lion, et si envoya argent en plusieurs et divers lieux où est reverée la benoiste et glorieuse vierge Marie (Roye, Chron. scand., II, 1460-1483, 23)

Besognes mondaines. Occupations, préoccupations profanes, frivoles.

Chasse hors, au moins pour I peu de temps, toute autre cure et souci, autre pensee de tes besoingnez mondaines ; ne soit pas le corps au moustier et le cuer en la cuisine. (Gers., Pent., p.1389, 72)

...et ce recite Aristote ou .Xme. d'Ethiques, que les solicitudes des besoignes mondaines engendrent destourbier et empeschent des delices de verité, aussi et que les desirs et sensueulx delis encombrent la raison, cestui roy Charles, pour y remedier et faire son devoir, comme droit sage, se delictoit, si comme il est cy devant prouvé et dit, en famille telle et si constant que pour lui peust à la fois vaquier et supplier ses fois, et aussi qui le reparast et esmeust en bien (Chr. Piz., Faits meurs Ch. V, S., II, 1404, 161)

Bailler ses besognes entre les mains de qqn. Confier ses intérêts à.

Et aussi bien comme j'ay dit que les princes doyvent estre saiges à regarder à quelz gens ilz baillent leurs besongnes entre mains (Comm., III, 1495-1498, 88)

Conduire les besognes. Mener des négociations.

...maistre curé (...) conduisit les besoignes en tel estat, et par le moien des vingt francs qu'il presta, ce mariage fut fait (C.n.n., c.1456-1467, 298)

Bastir les besognes. Mettre au point un plan d'action.

Si pensa le chevalier par quel train et moien il perviendroit a la joissance de son hostesse, et s'en descouvrit a ung de ses serviteurs, qui en peu d'heure tellement bastit les besoignes, qu'ilz se trouverent ensemble (C.n.n., c.1456-1467, 432)

c)Au singulier. [Souvent avec une valeur anaphorique] Affaire, aventure... (dont il a été question ou dont il va être question).

Affaire.

On scet bien que la Chastelainne Fu morte pour un bacheler, Pour ce qu'il ne la sot celer. Car il dist toute leur besoingne A la duchesse de Bourgoingne (Mach., J. R. Nav., 1349, 237)

LA MÉRE DU PAPE. Sire, comptez leur ma besongne, Je vous en pry. LE PENANCIER. Dame, voulentiers sanz detry (Mir. mère pape, c.1355, 364)

Se il le marioient ailleurs que à sa fille, il leur feroit guerre ; et se la besongne se faisoit, il leur seroit en droite unité, aidans et confortans contre tous aultres signeurs. (Froiss., Chron. L., IV, c.1375-1400, 86)

Et quant sa chamberiere voit Qu'il est a point, les degrez monte D'un planchier, au pelerin compte, Qui Second estoit appelez, Comment tous li fais est alez Et que sa besongne est traittée Tant qu'il gerra celle nuittée Avec sa dame en grant deduit (Desch., M.M., c.1385-1403, 96)

...et pour ce que l'eure estoit breve et il y avoit VIIJ ou IX impetrans, ceste besoigne fu remise à un autre jour. (Baye, I, 1400-1410, 50)

...pour proceder et entendre en la besoingne et matiere touchant l'estat du Pape et de l'Eglise (Fauq., I, 1417-1420, 68)

Combien que le depart [d'avec la femme que j'aimais] me soit Dur, si fault il que je l'eslongne ; Comme mon povre sens consoit, Aultre que moy est en quelongne, Dont oncques soret de Boulongne Ne fut plus alteré d'humeur. C'est pour moy piteuse besongne : Dieu en veuille ouÿr ma clameur ! (Villon, Lais R.H., c.1456-1457, 14)

...je suis celuy qui veil emploier et corps et biens en vostre service, vous verrez comment je me conduiray en ceste besoigne. (C.n.n., c.1456-1467, 294)

'Ma dame,' respondy Jason, 'je voeil estre vostre leal mary comme je l'ay promis. Mais il fault secretement conduire la besoigne affin que Medee n'en soit advertie, car s'elle sçavoit que je vous eusse espousee, elle ne cesseroit jamais jusquez a ce qu'elle vous auroit fait morir.' (LEFÈVRE (R.), Hist. Jason P., c.1460, 231)

Aventure, événement.

Et en chevauchant leur compta Gieffroy comment il avoit trouvé en la montaigne de Brumblerio la tombe du roy Elinas (...) et comment leurs IIJ. filles furent predestinees, de quoy Melusigne, leur mere, fut l'une, et toute la besoingne, ainsi comme elle fu, et que je l'ay retraicte ou chappitre du roy Elinas, ou commencement de ceste histoire. (Arras, c.1392-1393, 270)

Et quant je fus revenus a moy, dist le roy, je vous prommés qu'il m'advint une merveilleuse besongne, car comme je regarday devant moy, je ne vey plus la riviere, ains vey ce chastel ouquel je vous oÿ combatre. (Percef. III, R., t.1, c.1450 [c.1340], 217)

Illecq advint une merveilleuse besoigne, car si tost comme Troïlus parla, l'effant se detordy et fist une chiere hideuse selon son usaige (Percef. IV, R., c.1450 [c.1340], 199)

Et pour ce qu'il advint de lui une moult joyeuse besongne et honnourable en court, il est neccesité qu'elle soit racomptee (Percef. IV, R., c.1450 [c.1340], 33)

2.DROIT Affaire juridique, cause.

...vous mandons que les dictes causes et besoignes d'icelle thresorerie pendens oudit parlement vous teignés en estat juques a tant qu'il vous appere que il y ait thresorier qui en soit en possession et qui en joisse paisiblement. (Phil. Vi Valois, Lettres closes C., 1330, 36)

Sire advocas, au dire voir, Je vous pri, allés vous seoir, Car un peu me reposerai, Mais encores exposerai, Voires s'il est qu'il me besongne, Les articles de ma besongne. (Froiss., Dits Débats F., 1363-1393, 194)

...pour quoy a esté ordonné que venredi prouchain s'assembleront les Chambres et prelas estans du Conseil, et sera rapportée la besoigne en Conseil pour juger. (Baye, I, 1400-1410, 162)

...mais toutesfois la court entent que de dix parolles et opinions qui seront par elles dictes en la besoigne, elles ne vauldront ne seront comptees que pour une (MART. D'AUV., Arrêts Am. R., c.1460-1466, 145)