BASSEMENT

adverbe

[T-L : basbassement ; GDC : bassement ; AND : bassement ; FEW (I, 274a) : bassus]

A. -Bassement monté. Monté sur un cheval bas sur pattes (ou sens fig. de 'médiocrement' ?).

Et tant firent aucuns povres compaignons qui estoient plus soubtilz et plus aventureux les ungs que les autres (...) et qui estoient yssus hors de leurs hostelz, mais bassement et povrement montez, que ilz avoient coursiers et genez de sejour V. ou VI. (Froiss., Chron. M., XII, c.1375-1400, 324)

B. -À voix basse.

Et il respondy bassement : 'Dame, par ung tour que je say, Puis bien dire que nul n'en ay, S'en puis avoir honte et damage...' (Dit prunier B., c.1330-1350, 45)

Lors près de la dame se trait, Et Raison aussi, tout a trait, A leur secret conseil se mist Et de bas parler s'entremist. Mais a leur parler bassement Pris un petit d'aligement, Pour ce que je bien percevoie Que leurs consaus estoit de joie ; Car d'eures en autres rioient. (Mach., J. R. Nav., 1349, 277)

Et quant il ne vist ne apperçut nullui, si se mist en son chemin et apella tout bassement les mariniers qui estoient venus avecques lui et qui s'estoient mussiez ou bois pour la paour des chevaliers, car ilz n'avoient talent de eulx combatre. (Bérinus, I, c.1350-1370, 330)

Or avant : ne vous detriez, Avec moy Dieu de cuer priez Tout bassement. (Mir. fille roy, c.1379, 72)

...Elle respondy bassement, Sans müer couleur ne courage Mais tout amesureement (Chart., B. Dame, 1424, 339)

C. -Au figuré.

À un bas degré, médiocrement.

Et, n'a pas .III. jours qu'ilz n'avoient Estat, ains bassement servoient (Chr. Piz., M.F., II, 1400-1403, 64)

Pour celle estrange avision, Et pour oster l'occasion Que ja ce ne peust avenir, Ne qu'a nul n'en deust souvenir, Maria li roys bassement Sa fille et assez povrement, Affin que ja li hoir poissance N'eussent de ce faire, n'aisance (Chr. Piz., M.F., II, 1400-1403, 192)

Humblement.

JHESUS. Je laveray Voz piéz humblement (...). SAINT PIERRE (...) Ja Dieu ne donne qu'il adviengne Que mon maistre devant moy viengne Pour moy si bassement servir ! (Gréban, Pass. J., c.1450, 239)

A quant coux je le souffreroye. Ja Dieu ne plaise qu'i m'aviengne Que mon maistre devant moy viengne Pour moy si bassement servir ! (Myst. Pass. Troyes B., a.1482, 649)