AUTORITÉ

substantif féminin

[T-L : autorité ; GD : autorité ; GDC : autorité ; AND : auctorité ; FEW (XXV, 814a-816b) : auctoritas ; TLF (III, 1010a) : autorité]

A. -[Idée d'ascendant, de prestige moral, intellectuel qu'on reconnaît à certaines personnes, à certains textes ; ces personnes, ces textes eux-mêmes]

1.[À propos d'une personne]

a)Supériorité, prestige, qui impose le respect, l'adhésion, l'obéissance.

Evandres, jadis roys de Peloponie, fuitis de son paÿs, a celi temps habitoit en iceli liu et governoit celes contrees plus par sens et par auctorité que par impere ne par seignorie (Bers., I, 1, c.1354-1359, 7.8, 12)

Et ja soit che que l'auctorité de cheulx qui nous loent et anoncent les escriptures nous esmeuve a congnoistre plusieurs doctrines, toutefois, se briefment en noz corages n'estoit imprimee la congnoissanche de chaschune doctrine, nous par quelque estude n'aurions le desir d'icelle aprendre. (Daudin, De la erudition H., c.1360-1380, 83)

...pour la grant auctorité dont il se reputoit ne pensast que nul osast adeser a lui (Bouciquaut L., 1406-1409, 195)

...et avoit semblé au Roy et aux gens de son Conseil que ycelles lettres estoient prejudiciables à l'auctorité, honneur et prouffit du Roy et de son royaume (Fauq., I, 1417-1420, 292)

Réputation.

Item, comme dist Seneque : 'Pas ne te doit mouvoir auctorité de chelui qui parle ne qui il est, mais dois avoir regart a che qu'il dist'. (Daudin, De la erudition H., c.1360-1380, 54)

b)Garantie intellectuelle et/ou morale.

Et qui il est, je le diray se il ne s'atrempe de dire injures, et il cognoistra plainement que estre envieilly ne donne et ne garde pas pour ce plaine et entiere auctorité (Foul., Policrat. B., I, 1372, 97)

Ce est un motif ou confirmacion par l'auctorité des anciens. (Oresme, C.M., c.1377, 274)

c)Dignité, rang supérieur.

Ne je ne croy pas qu'onques fust Femme qui monstrer se peust En l'auctorité quel je truis Moy estre (Mir. mère pape, c.1355, 351)

Si la fist Dieu si pure et si viergine Que bien devoit après mort d'obscurté Avoir es cieulx vie et auttorité (Mir. st Sev., 1362, 240)

Prenez en gré ma petite labeur : Je l'ay emprinse en conservant honneur Et vostre fame en leur auctorité (Michault, Procès honn. F., p.1461, 91)

d)Personne d'autorité/de adj. de grandeur + autorité. Personne qui inspire le respect par sa valeur morale, sa compétence intellectuelle, son ascendant naturel, sa dignité....

Pour ce que pluseurs anciens de grant auctorité tenoient que ou ciel est armonie et musique, je veul declairer et adrecier l'opinion que aucuns telz povoient avoir. (Oresme, C.M., c.1377, 476)

...la aura tel port, tel maintien et telle contenance, quant en son hault siege sera assise, que elle semblera bien estre dame de tous, et chascun l'aura en grant reverence, comme leur sage maistresse et de grant auctorite. (Chr. Piz., Trois vertus W.H., c.1405, 49)

Si la verront et orront maintes vaillans dames et femmes d'auctorite ou temps present et en cil a venir (Chr. Piz., Trois vertus W.H., c.1405, 225)

...lequel, ja n'eust il nulle suspection sur les Voltes, touteffoiz fut il esmeu de la parolle de Tulle, leur duc, pour ce qu'il estoit homme d'auctorité (La Sale, Salade, c.1442-1444, 36)

Et auprés de lui estoit une dame de moult riche atour, qui moustroit bien a son noble maintieng qu'elle estoit dame de grant auctorité. (Percef. III, R., t.2, c.1450 [c.1340], 43)

...si me fist jurer et promectre que (...) je eleusse homme sage et de haulte auctorité (C.n.n., c.1456-1467, 573)

Car aussi veritablement il congnoissoit toutes gens d'auctorité et de valleur qui estoyent en Angleterre et en Espaigne, en Portugal, en Italie et seigneuries du duc de Bourgongne et en Bretaigne, ainsi comme il faisoit ses subjectz. (Comm., I, 1489-1491, 68)

Stephanus, ainsi nommé, fut environ ce temps homme de moult grande auctorité et gravité et moult sçavant en la science des estoilles (Simon De Phares, Astrol., c.1494-1498, f° 78 r°)

Personne de petite autorité

...et, comme le duc d'Anjou moult en pressast le roy, à l'instigacion de son tresorier, dist au roy que cellui, à qui il l'avoit donnée, n'estoit mie souffisent de tel office excerciter, car c'estoit homme de neant et de petite autorité (Chr. Piz., Faits meurs Ch. V, S., II, 1404, 59)

e)Donner de l'autorité à qqn. Donner du crédit, de l'importance, accorder sa confiance à qqn (pour les qualités qu'on lui prête).

Il avoit de bons medicins quatre ; il n'adjouxtoit foy que au plus fol ; et à cestuy-là donnoit de l'auctorité, tant que les aultres n'ousoient parler (Comm., III, 1495-1498, 312)

Élever qqn en autorité. Augmenter le prestige, la puissance de qqn.

Et vous tous, Franchoys, qui avez honneur rendu aux estatz usurpés et aux richesses rapinees, et non pas a vertu, pour quoy laissiés vous ploier la gravité de voz courages a aourer et conjouir ceulx que leur desvergoignee entreprinse ou vostre folle souffrance ont eslevez en auctorité sans merite ? (Chart., L. Esp., c.1429-1430, 52)

Après que ledict seigneur eut receü Peronne, qui luy fut baillée par messire Guillaume Bische, homme de fort petit estat, natif de Molins-Engilbertz en Nyvernoys, qui avoit esté enrichy et eslevé en auctorité par ledit duc Charles de Bourgongne... (Comm., II, 1489-1491, 181)

Estre en autorité avec qqn. Jouir de la confiance de qqn.

Il demanda au chevaulcheur ses lettres, qui ne les luy osa reffuser, pour ce qu'il estoit en grant auctorité avec le roy. (Comm., II, 1489-1491, 159)

Et disoit que, s'il n'y eust point eu d'huys à ceste veüe dont je parle, on n'eust point eu d'occasion de semondre ledict duc de passer et ce grant inconvenient ne fust point advenu, dont principallement furent cause aucuns des serviteurs dudict duc d' Orleans, lequel avoit esté tué comme je vous ay dit, et estoient en auctorité avecques le roy Charles septiesme. (Comm., II, 1489-1491, 62)

2.[À propos d'un texte, d'une doctrine, d'un discours...]

Force de référence, prestige.

De l'excellante auctorité des livres sains au regart de tous aultres dist saint Augustin en le .XI^e. disputation contre ung nommé Fauste : 'Auchuns sont qui ne font pas a recepvoir par auctorité, mais sont de nous escrips pour excerciter...' (Daudin, De la erudition H., c.1360-1380, 110)

...partout ont generale auctorité les sains livres des prophetes, des apostres et des euvangelistes, les epistres decretales des souverains evesques et les canons des conciles et les escrips des docteurs catholiques. (Daudin, De la erudition H., c.1360-1380, 118)

L'auctorité du viel Testament ne te fauldra mye en ce pas (Chart., L. Esp., c.1429-1430, 167)

Et par ainsi puet apparoir l'auctorité du proverbe (...) touchant les difficultez que fortune baille et presente à ceulx qu'elle vuelt pourveoir en la fin.x (Bueil, I, 1461-1466, 77)

Les aultres [choses] sont par dessus raison lesquelles seulement sont comprehensibles et entendibles par revelation divine ou par l'auctorité des saintes escriptures sont creables comme nous creons trois personnes et ung Dieu. (Somme abr., c.1477-1481, 136)

Bailler (un texte) pour autorité. Citer (un texte) comme garant (d'une assertion).

Et que cecy soit verité, Je baille pour auctorité Le pseaulme soissante dousiesme (Gréban, Pass. J., c.1450, 116)

[D'une doctrine] Estre tenu en autorité. Jouir d'une considération largement reconnue.

Et a esté translatee [la doctrine d'Aristote] en pluseurs langages et exposee a tresgrant diligence de pluseurs docteurs catholiques et autres, et receüe en toutes lays et sectes renommees et tenue en grant auctorité des devant le advenement Nostre Seigneur Jhesu Crist environ cinq cens ans (Oresme, E.A., c.1370, 97)

Recevoir (un discours) en autorité. Accueillir avec attention et respect.

Quant les huit vaillans princes eurent ouy Passelyon ainsy parler, ilz n'en eurent talent de gabber, ains receurent ses raisons en tres grant auctorité, voyant qu'elles sailloient de la bouche d'un tant jeune enfant. (Percef. IV, R., c.1450 [c.1340], 288)

3.Par métonymie. Écrit, auteur qui fait référence.

a)Texte, citation de l'Écriture dont le prestige sert à fonder un raisonnement, une leçon de conduite....

Premier le prophète Ysaye Dit de Crist la nativité Par une telle auctorité : Ecce virgo concipiet... (Mir. st Sev., 1362, 229)

Cette auctorité [Zacarie] jette jus Ce que vous yci debatez Et de ce point vous rent matez. (Mir. st Sev., 1362, 229)

Ou temple en Jherusalem fut ly enfes trouvés [Jésus] , Entre les sages maistres ou se yert enserrés ; Vouluntiers les ouoyt com enfes bien senés, Et il leur redisoit de ses auctorités. (Pleur ste âme B., c.1375-1425, 64)

Je conclus, par voie plus seure, Que, puisque celle auctorité A eu de fait veracité Et que ce ver doulx et sery Du saint prophete est advery, Averir nous fault en avant Le ver qui est joingnant devant (Gréban, Pass. J., c.1450, 454)

Ainsy se doit entendre celle auctorité : 'Hoc mandatum dedit michi Pater', et li aultre aussi : 'Calicem quem dedit michi bibam', item pareillement l'autre : 'Fattus obediens usque ad mortem', c'est assavoir que Dieu luy commanda a mourir en ceste maniere car il luy commande obeissance de justice et en icelle perseverer. (Crap., Cur Deus, De arrha B.H., c.1450-1460, 176)

Exposons dont l'auctorité devant ditte, c'est assavoir 'Constituisti terminos populorum secundum numerum filiorum Israel'. (Crap., Cur Deus, De arrha B.H., c.1450-1460, 193)

...et [le conseiller du Roi, maître en théologie] lui remonstra et allegua [au Jouvencel] plusieurs belles choses et auctorités de la Saincte Escripture, servans à son cas et à pluseurs autres personnes. (Bueil, II, 1461-1466, 66)

Nocte que l'auctorité dit : In quacumque hora ingemuit peccator (La Vigne, S.M., 1496, 485)

b)Texte, citation d'un texte, qui fait autorité dans la tradition chrétienne.

Frere Jehan de Rocetallade (...) avoit mis hors et mettoit pluseurs auctoritez et grans notables (...) et bien monstra (...) que l'Eglise aroit encore moult à souffrir pour les grans superfluitez que il veoit (Froiss., Chron. M., XII, c.1375-1400, 229)

Et nulz ne puet veritablement denier que Adam et Eve ne fussent fais pour celle redempcion, conbien que nous n'en avons de auctorités a ce demonstrer qui soit dite auctorité divine. (Crap., Cur Deus, De arrha B.H., c.1450-1460, 238)

c)Texte, citation d'auteurs classiques ; texte consacré, maxime, dicton.

Sy t'en compteray verité. Je truis en une auctorité : Ung haulx homs chevalier estoit Qui une damoiselle amoit... (Renart contref. R.L., t.1, 1328-1342, 36)

Li philozophes nous aprent En un capitle ou il reprent D'une auctorité un notable Pour toutes gens moult pourfitable : Chils ne scet mie qu'il dessert Qui loyaument son signeur sert (Froiss., Par. am., c.1361-1362, 37)

...et ont grant tristece se leur raisons sont infirmees et non tenues aussi comme se ce estoient sentences et auctoritéz. (Oresme, E.A., c.1370, 396)

...neant moins comme choses tant violentes ne puissent long temps durer, jamais Dieu ne les souffreroit à perpetuité, ains tout ainsi que le dit la fin de la dicte autorité en latin cy dessus alleguée, les justes verront la ruine d'iceulx, c'est assavoir que quoy que un temps soient comme regnans, les voit on en la fin par justice divine decheuz et trebuchiéz à la joye du commun prouffit, si que il est dit en poisie au livre d'Ovide Methamorphoseos de Pheton qui, par la presompcion et oultrecuidance, se voult mesler de mener le char du souleil (Chr. Piz., Paix W., 1412-1413, 81)

Allegue une auctorité de Pollicraticon à ce propos, et, quamdiu reges bene tractaverunt viros ecclesiasticos, ont tousjours eu prosperité. (Fauq., III, 1431-1435, 102)

Et sur ce saint Augustin au IIIJ^e livre de La Cité de Dieu et ou XIJ^e chappitre recite une des auctoritez de Saluste, recordant les parolles de Cathon (La Sale, J.S., 1456, 77)

...L'auctorité veulx approuver Qu'on[t] dit les saiges arciens [sic] : Qui Fortune veult estriver, Il n'a ne amys ne parens. (Garin, Compl., 1460, 86)

Mais declairez nous hardiment, S'il vous plaist, dames anoblies, Voz auctoritez, car sorties Je les sens pour le temps present [Il s'agit des textes latins cités par Excellence et Science] . (Exc., Science A.R., c.1465-1468, 34)

A semblable doncques, pour veriffier et mettre avant les parolles et auctoritez des femmes de jadis, affin aussi de les non perdre (...) ont esté trouveez six matrones sages et prudentes pour reciter et lire les dittes Euvangiles des Queneules en la maniere que cy aprés sera declairié (Ev. Quen. I, c.1466-1474, 78)

'...Et quecumque sunt absconsa et improvisa didici : omnium enim artifex docuit me sapiencia', et plusieurs autres belles auctoritez il en dit, que l'on peut veoir plus à plain, en recourant ès dits chappitres (Simon De Phares, Astrol., c.1494-1498, f° 34 r°)

d)Maxime juridique ; précédent en jurisprudence cité par un avocat.

Ceste distinction de crime de lèse-majesté pressupposée, je vueil prendre le second article de madicte majeur par exemples et auctoritez. (Doc. 1408. In : MONSTRELET, Chron. D.-A., t.1, c.1425-1440, 188)

Et en ces matieres sembloyt a ladicte devote creature que ladicte dame nommee France alleguet plusieurs auctorités, tant de droyt civil que canon, mais elle ne pot retenir que seullement l'effect et substance desdis droys. (Juv. Urs., Aud. celi, 1435, 183)

...feu l'arcevesque de Tours en proposant devant le pape dit ceste auctorité : filius ergo heres (Juv. Urs., T. crest., c.1446, 56)

e)Texte comme garant d'authenticité.

Signour, ceste pucielle (...) Avoit à nom Florie en la païéneté ; Puis ot-elle a mary Godefrois le douté, Ensy que vous orés en ceste auctorité. (God. Bouillon R., t.2, c.1356, 263)

Tant alerent par mer, ce dit l'auctoritez, Que droit en Normandie furent tous arivez (Hugues Capet L., c.1358, 96)

Lors a pris le hanap (...) N'avoit point de vin ens, se dist l'auctorités. (Huon Bordeaux B., c.1400-1450, 40)

f)Parole prononcée par quelqu'un qui a autorité pour le faire ou qui se présente comme tel.

Li pape en sa magestey Pronunce ses auctoritez Et conferme ses indulgences (Dupin, Mélanc. L., c.1324-1340, 47)

Quant Faulx Parler ot proposé l'intencion de ses maistres et tout ce qui lui estoit enjoingt, Vray Rapport, qui avoit deuement protesté de replicquier a ses auctoritez et proposicions, fut la prest. Et combien qu'il entendist assez que icelles auctoritez estoient frivolles, neantmoins, pour illucider sa matiere, tenir promesse et faire vallide sa protestacion, commença en ce point a replicquier... (Michault, Procès honn. F., p.1461, 73)

g)[À propos d'un événement] Action mémorable.

...li VIJ enfans sont à boin port arivé : Une fille et VJ fieux de moult grande biauté. Et s'aporta cascun (...) Une kaine d'argent (...) Che fut bielle virtu et grande auctorité, Che fu senefiance de grande loyauté (Chev. cygne R., c.1356, 18)

Un autre exemple vous vueil dire comment Cathon, qui fut si saige qu'il gouverna toute la cité de Romme, et fist moult d'auctoritez, qui encore sont grans memoires de lui... (La Tour Landry, Livre pour l'enseign. de ses filles, éd. A. de Montaiglon, 1371, 277)

4.D'autorité. En vérité' (Éd.).

Subjectë est nature humainne Aux accidens, c'est verité ; Pour endurer et avoir paine L'on vient a grant felicité ; Le monde est plain d'iniquité Et de maladies souldaines : Qui est celluy, d'auctorité, Qui n'aye des paines mondaines ? (Garin, Compl., 1460, 65)

B. -[Idée de puissance, de pouvoir]

1.[À propos d'une être surnaturel]

Volonté (de Dieu), source de tout pouvoir sur terre.

Qui donques resiste a l'ordenance de Dieu, en qui est l'auctorité de donner la puissance quant il veult et de la oster ou de la apeticier selon son plaisir ? (Foul., Policrat., IV, 1372, 50)

Par quoy plus veritablement on pourroit dire que ladite main mise faicte esditz prevostés sans cause et sans ordre de justice, nous non appellez ne oÿz, et pour du tout nous en cuider debouter, a esté et est contre l'auctorité de Dieu (Le Clerc, Interp. Roye, c.1502, 260)

Influence agissante (d'un saint).

L'ADVOCAT. Sainct Nicolas sur les humains Monstre avoir grant auctorité Et que partout il met les mains Quant on a bonne voulenté. (Mir. st Nic. juif, c.1480-1500, 154)

De grande autorité. Qui a des pouvoirs surnaturels.

RIFFLARD (berger). O filz de grant auctorité, Chief de tous les mondains royaulmes, En ton amour tant fort m'enflames Qu'il me fait mal de toy laisser. (Gréban, Pass. J., c.1450, 78)

SATHAN. Affin donc de monstrer a tous Exemple de parfaicte vie, Allons toy [Jésus] et moy, je te prie, Sans plus tarder sur le pinacle Du temple pour faire miracle Et monstrer que a la verité Tu es de grande auctorité (Michel, Myst. Pass. J., 1486, 37)

2.[À propos d'un roi, d'un chef...]

a)Pouvoir de se faire obéir, de décider ; puissance qui en résulte.

Et universelment, le commandement d'un homme quelconque fait peu quant a ce que dit est, se tel homme n'est roy ou prince ou se il n'a aucune tele auctorité. (Oresme, E.A., c.1370, 533)

...et par l'auctorité de la Court sera institué ledit gouverneur ou administrateur (Baye, I, 1400-1410, 46)

...et fait des vainqueurs vaincus et ceulx obeir par crainte qui commander souloient par autorité. (Chart., Q. inv., 1422, 1)

...les haultes choses ne ont pas esté faictes par fortes velocités de corps mais par conseil et auctorité (Juv. Urs., Verba, 1452, 310)

Et, si ung homme non noble se faisoit faire chevalier d'autre main que de celle du Roy son seigneur naturel, le peut et doit faire prendre de son auctorité et le faire amener sur ung fumier, ses esperons dorez chaussez, et les lui faire coupper et degrader de sa chevalerie (Bueil, II, 1461-1466, 114)

Par la vertu et auctorité Des princes, gualant, te commande, Et sur paine de grant esmende, Que vieignhes ceste croix porter. (Pass. Auv., 1477, 192)

...(ce)luy qui tout fait et deffait Et qui par son povoir parfait M'a ceste auctorité donnee. (Cene dieux, c.1492, 138)

...il s'est grandement et bien gouverné au bien de nous, de justice et de la chose publique desditz pays, voulans ainsi luy entretenir nostredicte promesse, pour ces causes, considerations et autres à ce nous mouvans, avons de nostre grace especial, pleine puissance et auctorité royale (Le Clerc, Interp. Roye, c.1502, 255)

Avantage, force.

'Tu es filz Estonné ; bon nom te mist ta mere en Passelyon, car tu passes le lyon en fiereté et courage.' Et quant il eut dit ces mos, il s'esvanuy de la chambre sy soudainement qu'elles ne sceurent qu'il devint. Adont elles se asseurerent ung petit, fort esmerveillies de ceste adventure, et commencerent a dire que ce seroit aincoires grant chose de l'enffant, pour ce qu'elles cuidoient toutes que ce fust le dieu des batailles qui l'estoit venu visiter et donner quelque auctorité. (Percef. IV, R., c.1450 [c.1340], 162)

Avoir autorité sur qqn

...je ne craindroye en rien le dyable qu'il eust sur moy puissance ne autorité (C.n.n., c.1456-1467, 427)

Mais, à regir et gouverner soy et aultruy et avoir charge et auctorité sur multitude, est requise grant congnoissance et deduction de raison. (Bueil, I, 1461-1466, 58)

Personne d'autorité. Notable.

Et pareillement ledit lieutenant fist jurer cet arcevesque, le seigneur de l'Esparre, et autres seigneurs assistens, nobles, et gens d'auctorité de ladite ville, qu'ils seroient à tousjours bons, vrays et loyaulx subgectz du roy de France (Chart. J., Chron. Ch. VII, V., t.2, c.1437-1464, 309)

Quant sont au temple et a la table, Veullent seoir au lieu plus notable Pour sembler gens d'auctoritéz, Estrivent pour leurs dignitéz Et veullent trop hault le braz tendre. (Gréban, Pass. J., c.1450, 222)

Estre en autorité. Disposer d'un certain pouvoir.

Et se on veult congnoistre ceulz qui ne sont pas bons, leur condition sera trouvee tele, c'est assavoir : l'omme maulvais et donné a vices est de ceste condition que, incontinent qu'il se voit en auctorité, il subtile calompniations et tromperies, accuse gens par mensonges qu'il contreuve pour leur oster leurs biens. (Fillastre, Traité Conseil H., c.1472-1473, 159)

...en tel conseil se treuve beaucoup gens (et en y a assez) qui ne parlent que après les autres, sans guères entendre aux matières, et desirent à complaire à quelcun qui aura parlé, qui sera homme estant en auctorité. (Comm., II, 1489-1491, 103)

Prendre autorité de + inf. Marquer son autorité en.

Et print le roy parolles et auctorité de commander, et dist à monsr le connestable (Comm., I, 1489-1491, 152)

Estre en l'autorité et en l'ordonnance de qqn. Suivre la volonté, l'ordre de qqn.

...il commencierent a crier et a dire que il voloient estre en l'auctorité et en l'ordonnance des Tarentins et que il ne descendroient point a la bataille ne ne porteroient leurs armes hors de leurs cloysons et que il, deceu, soufferoient avant quelconque chose que aventure leur donnast que que il refusassent les Tarentins aucteurs de la pais (Bers., I, 9, c.1354-1359, 14.7, 25)

b)Pouvoir (de faire qqc.) délégué à qqn.

...Dieu le feist maistre et prince sur toute son Eglise [saint Pierre] , en tant que tous autres, feussent apostres ou disciples, voire et nostre Dame, furent en ce subgetz a luy, et ot la souveraine auctorité de clorre et ovrir paradis par la vertu et par les clefs du saint sacrement de penitence qui enclost confession. (Gers., P. Paul, a.1394, 486)

Et ainsy le feist saint Pol : pour ce que les faulz apostres le vouloyent debouter comme ung homme sans auctorité, affin que on ne le creust de riens, il fut contraint de dire par quelle et de quelle auctorité il preschoit l'Evangile et la foy qui luy estoit revelee. (Gers., P. Paul, a.1394, 502)

Pour ce saint Bernart en l'espitre que il feist aux chanoines de Lyon, les reprent car trop hastivement ilz vouloyent celebrer la feste de ceste concepcion, comme on devroit faire maintenant qui vouldroit faire la feste d'un saint non canonisié ou non acoustumé, sans aucune auctorité de l'Eglise romaine. (Gers., Concept., 1401, 423)

Autorité de justice/d'une juridiction. Pouvoir donné par la justice, par telle juridiction.

...lequel inventaire [des biens d'un chanoine] fu faict de l'auctorité et commandement de Chapitre de Beauvés par honnorables personnes et discrettes, maistres Guillaume le Tor et Jehan des Hayes, chanoines de la dicte eglise, et moy, J. Marau, notaire dudict Chapitre (Invent. test. beauv. L., 1397, 43-44)

...lesdites gens de garnison vindrent en l'ostel dudit prestre, sans auctorité de justice, où de leur voulenté prindrent, ravirent et emporterent tous les biens quelzconques que ilz peurent trouver (Chancell. Henri VI, L., t.1, 1425, 198)

Donner autorité à qqn de + inf.

Donner à qqn le pouvoir, le droit de.

O souverainne justice deshonorée ! Qui se tenra de exterminer telle injustice qui donne auctorité à tous de tuer maufaicteurs (Baye, II, 1411-1417, 261)

...le Roy donne puissance et auctorité à certaines personnes nommées esdictes lettres de proceder par maniere de reformacion (Fauq., I, 1417-1420, 164)

...auquel [Darnant] les souverains dieux avoient donné telle franchise et a tous ses hoirs comme de faire ce que bon leur sambloit, et par especial ilz leur avoient donné auctorité de faire a leur voulenté de toutes femmes. (Percef. III, R., t.1, c.1450 [c.1340], 204)

...et avec ce escripvons à l'abbé de Saint-Antoine qu'il donne puissance et autorité ausdiz commissaires de mettre en torture ledit frere Antoine pour en scavoir [des maléfices] la verité par sa bouche. (Lettres Louis XI, V., t.3, 1465-1469, 104)

Donner la permission, l'autorisation de.

Vous plaise donner ausdiz povres supplians auctorité, licence et puissance d'eulx assembler et congréguer ensemble une foiz chascune année (...) pour eslire quatre Consulz (Ordonn. rois Fr. B., t.14, 1449, 57)

Pour ce que pluiseurs desirent entrer et prendre l'ordre de chevalerie, qui pas ne scevent les choses que l'ordre requiert, ains cuident que ce soit assez du cop d'espee que l'en leur donne quant on les fait chevaliers, et de leur donner auctorité de porter sainture d'or, nous avons voulu descripre cy apres [l. aprés] la maniere comment ledit conte Guillame fut fait chevalier (Chronogr. Joh. de Beka N., c.1455, 109)

Il nous fault enquerir qui c'est Qui prent maintenant son esbat A vyoler nostre sabbat, Et d'ou luy vient [à Jésus] l'auctorité De donner parfaicte santé Aux malades le jour des festes. (Michel, Myst. Pass. J., 1486, 119)

Faire qqc. de/par l'autorité de qqn. (Faire qqc.) sur l'instigation, sous l'impulsion de qqn.

Papirius, quant il ouy leur offre, leur respondi que il deussent avoir demandé conseil a Poncius par cui auctorité il avoient mis les Rommainz sous le jouc, quelle painne l'en doit imposer a ceulz qui sont vaincu (Bers., I, 9, c.1354-1359, 15.4, 27)

Par le conduit et par l'auctorité du dict Appius li Poticien, qui estoient une gent qui tousjours avoient acoustumé a estre prestre au grant autel d'Ercule, avoient pris certainz cerfs publiques les drois et les sollempnitez de celui sacrifice (Bers., I, 9, c.1354-1359, 29.9, 53)

Or avint il que il denunça a Cecilius de par le conseil des senateurs et de leur autorité que il feist aucune chose qu'il ne faisoit pas volentiers pour ce que elle ne li sambloit pas juste ne raysonnable (Foul., Policrat. B., III, 1372, 243)

Faire qqc. de l'autorité et ordonnance de une assemblée Faire qqc. d'après la proposition et la volonté d'une assemblée.

Or, est vray que, après ce que la matière qui grande estoit, ot esté bien débattue, fut, par la bouche de l'archevesque de Sens, dit, de l'auctorité et ordonnance de tous ceulx qui là estoient, que licitement et de raison le roy povoit et devoit faire guerre au duc de Bourgoingne (Lefèvre St-rémy, Chron. M., t.1, c.1462-1468, 157)

3.[À propos d'un pays, d'une institution]

a)Pouvoir, souveraineté.

...quant le royaulme fut fort peuplé et en grant auctorité fut dit que tant il dureroit en prosperité que Justice regneroit (Juv. Urs., Loquar, 1440, 345)

Monseigneur, vous devez savoir Les Anglois nous font beaucoup peine ; Tant du matin comme du soir, Nous boutent souvent hors d'alaine, Voulant aquerir le demaine D'Orleans, et la noble cité Qui est une clef souveraine De France et de l'auctorité. (Myst. siège Orléans H., c.1480-1500, 243)

En particulier. Autorité de la loi

Pour ce veult rayson que le povoir de nature qui est ample et commun soit conditionné par l'auctorité de la loy. (Chart., L. Esp., c.1429-1430, 123)

Or as tu voulu par tes exemples amplir le povoir de nature et deslier l'auctorité de la loy. (Chart., L. Esp., c.1429-1430, 123)

b)Pouvoir, autorité conférés par une charge.

...et il vault mieulx que vous pensez la cause pour quoy ce est que je la desclairasse par l'auctorité de mon magistrat ['magistrature'] (Bers., I, 9, c.1354-1359, 26.15, 48)

Pour laquelle chose ordena le senat de trametre au [dit] Fabius certains sollempnels liegaz, personnes consulairez, liquel tant pour l'auctorité publique comme pour la leur propre l'amonnestassent et priassent de la memoire de cellez haines il vousist quipter [sic] et remeitre a son païs. (Bers., I, 9, c.1354-1359, 38.12, 71)

c)[Institutions romaines]

De l'autorité du senat. Sur proposition du sénat.

...et pour ce de l'auctorité du senat fu il requis devers le pueple que nuls sanz licence du senat ou de la plus grant partie des tribons du pueple ne peust dedier ne sacrer aucun temple. (Bers., I, 9, c.1354-1359, 46.7, 87)

Sans l'autorité des peres. Sans la ratification du Sénat.

...et aussi sans establir jour de election que on appeloit comicez, et aussi [sans] l'assentement du peuple et sans l'auctorité des peres, par le don d'une feme, il avoit occupé le royaume (Bers., I, 1, c.1354-1359, 47.10, 80)

4.[À propos d'une personne qui a charge d'éducation] Fermeté, rudesse. (synonyme austerité)

En la discipline de constrainte trois choses sont requises, asscavoir actorité, doulceur et discretion ou maniere. Dont on list que en l'arche du Testament furent, avec la verge, les tables de la Loy et la manne. Par la verge est signifié a estre correption, en la manne mansuetude ou doulceur, et par les tables discretion. Austerité dont ou asperité doit estre en discipline affin qu'elle ne soit lasce oultre maniere. (Daudin, De la erudition H., c.1360-1380, 186)

5.[À propos d'une chose]

Pouvoir, supériorité.

...en quoy nous appert de son sanc espandu l'auctorité, de l'effusion de ce sanc le conmun proffit et utilité, et de ceste effusion la detresce et l'aigreté. (Mir. Oton, c.1370, 317)

Pouvoir (exercé sur qqn).

Et d'une part puissance espoentable, d'autre part les aguillons de grevee et ardant conscience si hurtent et boutent les cuers povres et paoureux, et en toutes choses s'actribuent et aquierent principale auctorité (Foul., Policrat. B., III, 1372, 229)

...la s'arrestent gens oultrecuidez, qui donnent auctorité a leur propre sens, quant ilz croient obstinement aux conseilz de leurs testes, et se gouvernent soubz l'esperance de leur cuiderie. (Chart., L. Esp., c.1429-1430, 104)

6.Par métonymie. Position qui confère du pouvoir, charge, office, fonction.

'...Mais je vous jure Dieu (...) Que se vous saveëz les grans nobilitez Et les haultes honneurs et les auttoritez Vous ne demourez cy...' (Gir. Vienne D.B., c.1350-1400, 168-169)

Celuy Sergius ton pareil en ambition esleust ta proximité pour ce qu'il avoit esté refusé de l'Eglise souveraine de Romme a estre colloqué et pourveu en auctorité de prelature pontifical, et pour ce, indigné envers l'Eglise et cité catholique, voulant s'en venger et substraire lez crestiens de leur saint propos, se joingny a toy et t'enforma de seditions et erreurs controuveez, et t'ensaigna a bastir le livre Alcoren, ou tes adherens apprennent la lecture de desmesuree volupté (Chart., L. Esp., c.1429-1430, 1429)

Sy convenoit faire un chief de conseil nouvel qui suppléast et le lieu du chancelier et de tout, là où entre plusieurs haulx et notables clercs, par la promotion du Seigneur de Croy, fut mis en celle autorité l'évesque de Toul, abbé de Saint-Bertin (Chastell., Chron. K., t.3, c.1456-1471, 332)

Je parle de ces offices et auctoritéz pour ce qu'ilz font desirer mutations, et non point seulement de nostre temps. (Comm., I, 1489-1491, 51)

Et, pour ce, ceulx qui sont aux grandz auctoritéz et les princes doyvent beaucoup craindre à faire ne dire telz oultraiges (Comm., I, 1489-1491, 246)

Privilège, prérogative.

De ceste sacree Vierge parle aussi saint Bernard au propos de la Fenme couverte du soleil, en disant : 'En quel lieu te samble il que Marie ait esté aucunefois parleresse presumptueuse ? Elle se tenoit dehors querant assés parler a son filz ; mais par auctorité de mere pas ne prist a parler et ne s'avancha d'entrer en la maison ou son filz parloit...' (Daudin, De la erudition H., c.1360-1380, 421)

7.Locution.

D'autorité/de l'autorité, de la propre autorité de qqn.

De la propre initiative de qqn ; avec le pouvoir de décision que s'attribue qqn.

Lez aultres sont qui pregnent leurs armes de leur propre auctorité, laquelle chose ilz puent faire lysiblement, mez que ilz le facent sanz prejudice d'aultruy, come il a esté dit ; car, ainssi que lez noms sont mis pour recognoistre lez gens, conme dit la loy (...) samblablement lez gens pregnent certaines armes pour estre recogneüs. (Songe verg. S., t.1, 1378, 290)

...si ne croye nul que y aie mis mençonge de mon autorite [autorité] (Chr. Piz., Faits meurs Ch. V, S., I, 1404, 181)

...ou cas que de leur propre auctorité ilz vouldroient aucune chose faire, entreprendre ou attempter en leur prejudice (Fauq., I, 1417-1420, 76)

...mondit segneur le Dauphin se disoit regent et vouloit de son auctorité entreprendre la regence de ce royaume (Fauq., I, 1417-1420, 292)

- Par ma foy, dist le chevalier, bien est vray que ceste terre est mienne, et pour ceste cause je y ay estably ce treuaige de mon propre mouvement et auctorité pour faire despit aux chevalliers du roy Perceforest. (Percef. III, R., t.1, c.1450 [c.1340], 129)

Arbitrairement.

O triste Mort, felonne et oultrageuse, Detestable, perverse, furïeuse (...), Tu as au jour d'uy, de ton auctorité [vers hypermètre] , Sans cause, prins, murdry et transporté De toutes femmes la tres plus gracïeuse (Hautev., Compl. H., c.1441-1447, 57)

Estre d'autorité pour + inf. Avoir le pouvoir de.

Si convient que tu [Jésus] nous denonces D'ou vient la loy que tu adnonces, Ou se Dieu la t'a revellee, Ou se tu l'as appostillee. Se tu nous dis que de toy viengne, Ce n'est pas raison qu'on la tiengne, Car tu n'es pas d'autorité Pour la faire a ta voulenté. (Gréban, Pass. J., c.1450, 271)

Pour ce, fault que tu [Jésus] nous denonces D'ou vient la loy que tu adnonces, Ou si Dieu la t'a revellee, Ou si tu l'as appostillee. Se tu nous ditz que de toy viengne, Ce n'est pas raison qu'on la tiengne, Car tu n'es pas d'autorité Pour loy faire a ta volunté. (Michel, Myst. Pass. J., 1486, 315)

Faire qqc. de sa temeraire autorité. (Faire qqc.) en enfreignant un décret, une ordonnance.

...de leur temeraire auctorité, se efforcent de vendre leurs dictes denrées, en leurs diz hostelz et autres places, aux diz jours de marchié, en désobéïssant à Nous (Ordonn. rois Fr. S., t.5, 1368, 148)

Faire qqc. sous l'ombre de son autorité. (Faire qqc.) en abusant de son pouvoir, de sa position.

Avec ce ai aussi oÿ dire en icelluy temps qu'il avoit esté actaint d'avoir viollé et efforcé plusieurs filles et femmes dedens Paris, soubz umbre de son auctorité. (Le Clerc, Interp. Roye, c.1502, 195)