AUGMENTATION

substantif féminin

[GD : augmentacion ; GDC : augmentacion ; AND : augmentacion ; FEW (XXV, 879a-881b) : augmentatio ; TLF (III, 920a) : augmentation]

A. -[À propos d'une chose] Accroissement.

1.Au propre.

[À propos d'un bien, d'un domaine...] Fait d'être agrandi, développé.

Item, une aultre lettre de vidimus non seellée, signée Lespoysse, par laquelle il appert que lesdiz seigneur et dame ont quicté les habitans desdictes villes de toutes les corvées que ilz devoient, toutesfoiz que ilz les mandoient de charoy et de chevaux, en restitucion de l'augmentation d'un vivier prise sur les pasturages d'iceulx habitans. (Invent. N. Baye T., 1419, CIX)

...a cause de la dotacion ou augmentacion de leur maison (Rouen temps Jeanne d'Arc L., 1434, 280)

Sçachent tuit que nous, ou nom et a cause de nos offices, pour le bien, proufict et utilité et de nostre dict très redoubté seigneur et l'augmentacion et relievement de son demaine, avons aujourdhuy, dactes de cestes, baillié, accensi et octroyé a cens perpetuel aux religieux abbé et convent de l'eglise Saint Berthault de Chaulmont les heritaiges cy après declarés (Comté Porcien R., 1455, 254)

...je, en agmentacion et acroissement de la fondacion et dotacion de la chappelle assise en la ville d'Onay, (...) je donne et legue au chappellain de ladicte chappelle qu'il de present est et qui le sera au temps advenir, (...) la somme de cent solz estevenans de monnoye cursable en conté de Bourgoigne de cense annuelle et perpetuelle (Test. Besanç. R., t.2, 1462, 122)

...en agmentacion et acroissement de la fondacion et dotacion de la chappelle assise en la ville d'Onay (Test. Besanç. R., t.2, 1462, 122)

[À propos d'une construction] Fait d'être agrandi.

...un petit corps d'ostel qui est joignant de ladite porte par devers le pont de Montmartre, tenant à ung petit jardin d'icellui costé, où il pourra ediffier pour son usage... à l'augmentation du lieu (Comptes Paris V.L.D., t.1, 1449-1450, 647)

[À propos d'un cours d'eau] Crue.

Predist aussi par icelle conjunction les grans pluyes et augmetacions [sic] de fleuves ès parties occidentalles. (Simon De Phares, Astrol., c.1494-1498, f° 39 v°)

[À propos d'une maladie] Phase d'accroissement.

Elephancie vient plus tard a augmentacion, come dit est, et plus tard curee, mais tyrie se tient moyennement (Gordon, Prat., c.1450-1500, I, 21)

Item en cause froide, en augmentacion et en estat et en declinacion, faites ces mesmes remedes fort tant que muerés les proporcions (Gordon, Prat., c.1450-1500, III, 2)

Et quant la chacie commence a engrossir, c'est augmentacion et quant la chacie ou lippie est digeste, c'est estat et quant elle appetice, c'est declinacion (Gordon, Prat., c.1450-1500, III, 2)

[À propos d'un corps]

Croissance.

Ce peut estre entendu pour ce que la vertu motive es bestes est desus ou cervel, ou pour ce que desus est commencement de augmentacion ou de cressance, si comme fu dit en la tierce raison. (Oresme, C.M., c.1377, 312)

Car les bestes ont en elles alteracion et augmentacion avant que il aient mouvement local, et donques est ce mouvement plus perfect (Oresme, C.M., c.1377, 680)

Et ce dit Aristote pour ce qu'il parle de ceulx qui sont eunuche, c'est a dire de ceulx qui sont chastrés ou maleficié es membres de generacion, sy qu'il n'ont povoir ne talent d'y entendre, lesquiex sont ramenés a nature feminine, et pour ce croissent ilz et procedent en leur augmentacion plus du long que du lé ne du parfont, come les fames de leur nature font, ou regard des homes parfaiz qui croissent du long et du lé et du parfont (Evr. Conty, Eschez amour. mor. G.-T.R., c.1400, 260)

On pourroit aussi dire que ce est pour ce que toute la superfluité qui es enfans pourroit convenable estre a generacion de poil se convertist du tout en leur norrissement et en leur augmentacion aussi, dont ilz ont grant besoing. (Evr. Conty, Eschez amour. mor. G.-T.R., c.1400, 343)

Fait de prendre du volume.

...et aulcunefoys la mamelle seuffre trop grande augmentacion et aulcunefoys trop grande profondacion du poupe, c'est que le boult d'elles est trop parfont, desquelles choses l'en a souvent recours au cirurgien. (Panis, Guidon, 1478, tr.VI, doct.2, chap.5)

[À propos d'une rumeur] Amplification.

Bruit triumphant, par augmentacion, Est au jour d'uy en exaltacion Atribuée aux filles de Syon, Donc l'une suis (Myst. Viel test. R., t.4, c.1450, 275)

[À propos d'une chose quelconque] Fait de devenir plus nombreux.

Affin que ne soye seclus du treseureux et hault merite deu a ceulx qui traveillent et labourent a l'augmentacion et accroissement des histoires de ce present livre, je vous racompteray en bref une adventure nouvelle par laquelle l'on me tiendra pour acquitté d'avoir fourny la nouvelle dont j'ay nagueres esté sommé. (C.n.n., c.1456-1467, 215)

[Précédé d'un num. multiplicatif] Multiplication (par tant).

Or suis je bien de Dieu maudit Et dois en cueur avoir grant dueil, Quant j'ay mys a mort mon ayeul, Dont j'auré la pugnicion En septuple augmentacion (Myst. Viel test. R., t.1, c.1450, 183)

HÉRALDIQUE Addition sur un blason d'éléments nouveaux.

...et reste la Ve cause de l'augmentation de cest escu, lequel est soustenu d'une croix de synoble, dont les quattre boutz se monstrent flouronnez ès quattre coings naissans dessoubz l'escu. (La Marche, Mém., I, c.1470, 39)

Mais avant que je parle de luy, je parleray qui fut le Roy Jehan de Portugal et de ses nobles fais, et aussy de Phelippote de Lanclastre, vos ayeulx maternelz, comme je l'ay promis en ce volume où j'ay d'iceulx parlé ou chapitre de l'augmentacion du blason des armes de Portugal. (La Marche, Mém., I, c.1470, 106)

Augmentation de mariage

Somme d'argent qu'un seigneur donne à ses gens lorsqu'ils se marient (pour accroître leurs biens).

...la somme de deux cens cinquante huit frans quinze solz tournois, en deniers paiez à Jehan Vignier, huissier d'armes et varlet de chambre de mondit seigneur, sur et en deducion de la somme de six cens frans que mondit seigneur lui a nagaires donné en augmentacion de son mariage (Comptes Etat bourg. M.F., t.2, 1418, 85)

...parmi ce toutesvoies que ledit messire Philibert ne seroit tenu de demander à mondit seigneur aucuns dons ou bienfaiz, perte de chevaulx ne autrement en quelque maniere que ce soit, fors seulement en augmentacion de mariaige et rachetement de prison de lui ou d'aucuns de ses enfans (Comptes Etat bourg. M.F., t.2, 1419, 327)

Dot (augmentée par rapport à un minimum).

Item vuils et ordenois que Henriate, ma fille, femme Henri Bourgeois, de Besançon, se taingne pour bien contante de mes biens parmy le mariaige qu'elle at eu et avec le prey que fut mon seignour Jehan d'Ossan, sean a Thise, lequel prey je doins a ladicte Henriate en augmentacion de son mariaige et partaige et pour tout le droit qu'elle pourroit havoir ou reclamer a cause de ma succession et de mes biens. (Test. Besanç. R., t.1, 1396, 525)

2.Au figuré.

[À propos d'une qualité] Approfondissement, amélioration.

Or n'est il pas seulement ainsi que les generacions et augmentacions ou acroissemenz et les corrupcions des vertuz sont faites d'unes meïsmes et par unes meïsmes operacions. (Oresme, E.A., c.1370, 150)

Item, que honneur aucun ne fust donné à homme, fors selon les merites de ses vertus, et non perfait honneur attribué à aucun jusques à tant que continuée vertu l'eust permené en l'aage de vieillece et d'impotence, laquelle loy, pour l'augmentacion de vertu, pleust à Dieu que courust en noz aages et en perpetuel temps ! (Chr. Piz., Faits meurs Ch. V, S., I, 1404, 20)

...lesquelles, de moy recapitulees, veues et reveues, m'apparoient de mieulx en mieulx estre tres prouffitables au bien et augmentacion de meurs vertueux en accroissement d'onneur aux dames (Chr. Piz., Trois vertus W.H., c.1405, 225)

[À propos d'uns institution (laïque ou religieuse)] Fait de gagner en extension, en prestige, de se développer.

...toutes les vertus, qui a bon apertienent, furent en lui, prince de tres grant sçavoir, de grant traveil et grant voulenté de l'augmentacion, bien et accroissement de la couronne de France, et si que meismes en sa vieillece nul temps à peine n'avoit repos... (Chr. Piz., Faits meurs Ch. V, S., II, 1404, 146)

...au moien de certains traictiez et appoinctemens jà pie a faiz et passez entre les religieux, prieur et convent de la Grant Chartreuse, d'une part, et nostredit cousin suppliant, d'autre, fut, pour la decoracion et augmentacion du divin service, fondée au lieu d'Oyron près Thouars une chappellenie (Doc. Poitou G., t.11, 1469, 168)

...et de celle ville fist une cité à l'augmentacion de la foy crestienne, qui encoires est tenue et gardée par les Roys de Portugal au grant honneur de eulx et de leur royaume et [au grand] proffit de la crestieneté. (La Marche, Mém., I, c.1470, 116)

Lesquelz furent appellez senateurs pour leur anchienneté et peres pour leur sollicitude, car ilz ne veilloient ne labouroient a aultres choses que a l'entretenement et augmentation de la chose publique. (Fillastre, Traité Conseil H., c.1472-1473, 163)

Par le commandement des officiers de lad. court de Lamballe (...) ledit de Beaulieu a fait faire et achecte d'un tapicier des parties de Dinan ung ciel, tredos, goutieres, francges, tappiz et trois carreaux blancs semez de ermines (...) pour tendre et mectre sur les sieges faitz et ordonnez pour les officiers delad. court en l'auditoire et siege tribunal dudit lieu et pour le honneur et augmentacion de justice : VII l. V s. (Comptes Lamballe C.-L., 1476-1479, 273)

...pour le bien, utilité, proffit, aummentacion de la chose publique d'icelle ville et des lieux circonvoisins, seroit chose bien convenable et proffitable que en icelle ville eust une estappe pour vendre et distribuer toutes manieres de blés et grains (Ordonn. rois Fr. P., t.18, 1477, 356)

...au jour d'uy seras avec moy En paradis glorieusement Pour l'augmentacion de la foy. (Pass. Auv., 1477, 219)

[À propos de la reconnaissance soc.] Fait d'être rehaussé, accroissement.

...et tourna celle adversité a l'augmentation de sa gloire. (Chart., L. Esp., c.1429-1430, 139)

Augmentation (de grace). Accroissement des effets de la grâce dans l'âme.

Tant est longue sa sapience (...) qu'il attent longuement a flageller lez mauvaiz (...) et a remunerer lez bons (...). Maiz il recompense sa demeure par augmentation de grace ou par agravement de paine. (Chart., L. Esp., c.1429-1430, 50)

Mais en soy abstenant [de l'Eucharistie] il me samble qu'il n'y a autre peril ne dangier sinon que la personne se prive d'augmentation de grace, laquelle elle obtiendrait se dignement le recepvoit (Traité S. Sacr. B., c.1450-1500, 170)

La main senestre de son ayde, force et puissance [de Dieu] , par laquelle a l'encontre des ennemis de salut elle a eu et sent continuellement deffense continuation, augmentation et perseverence (Disc. amour divine, 1470, 40)

B. -[À propos d'une pers.]

1.Au propre. Augmentation en nombre (d'une collectivité).

Savoir faisons que comme nous avons tres grant desir et affeccion de avoir et tenir en nostre protection noz hommes et subgez de noz terres et villes et yceulx maintenir et garder à nostre pouvoir en leurs libertez et franchises et en leurs bons usaiges, immunitez et exempcions qui, pour le bien de la chose publique et pour le noroissement et augmentacion et accroissement de nozdiz hommes et subgiez, et de nozdictes villes et à ce qu'elles soient mieux peuplées de genz et raempliees de marchandises (...), leur ont esté ottroyées et données au temps passé (Titres Bourbon L., t.2, 1385, 17)

Cayn, mon filz, ma geniture, Pour la multiplicacion Des humains, selon la droicture De divine ordinacion, Vous prendrés coppullacion Avecques vostre seur germaine, Pour donner augmentacion Aux suppos de nature humaine, Affin que la terre soit plaine. (Myst. Viel test. R., t.1, c.1450, 75)

Sa, Isaac, j'ay advisé Qu'il est temps de femme donner A Jacob, pour le gouverner Et donner augmentacion Au genre humain. (Myst. Viel test. R., t.1, c.1450, 175)

2.Au figuré.

a)Accroissement de l'honneur, du prestige de qqn.

...d'Artevelle, qui voloit l'aucgmentation dou roi d'Engleterre, li remonstra tout bellement la voie et la maniere conment il poroit entrer en la grasce dou pais de Flandres (Froiss., Chron. D., p.1400, 284)

...le conte de Northumberland, pere dudit messire Thomas, avec layde de ses enfans et alyez avoit este cause principal de la destitution du roy Richard, et de laugmentacion [l. l'augmentacion] et gloire du roy Henry (Wavrin, Chron. H., t.2, p.1471, 57)

...nous serons tousjours de plus en plus enclins et affectionnez au bien et augmentacion de vous et de vostre Seigneurie et chose publique, en maniere que chascun cognoistra que nous l'avons aymée et aymons singullierement et autant ou plus que potence d'Ytalie. (Lettres Ch. VIII, P., t.4, 1495, 223)

b)Augmentation [de titre]. Élévation de qqn à un rang, à un titre supérieur.

Et fu adonc li marcis de Jullers fais marcis de Jullers, qui en devant estoit contes de Jullers ; et li dus de Guerles, qui estoit appelés contes, fais dus de Guerles. Et le impetrerent ceste augmentation de nom ses gens qui là estoient (Froiss., Chron. L., I, c.1375-1400, 145)

Qant (...) li vicaires de l'empereour ot fait droit et loi, et rendut jugement, et que li signeur qui la estoient li orent fait feauté et honmage (...) en aucgmentation de title et de nom le conte de Gerles fu transmués en duc (Froiss., Chron. D., p.1400, 295)

c)Faire (l')augmentation (de qqn). Faire l'éloge (de qqn).

Ramenez les arriere par dedens che dongon Sans les monstrer au roy ne faire aumentacion : Assez sommes poissant, bien les adouberon. (Renaut Mont. B.N. V., c.1350-1400, 741)

De telz gens doibt on faire bien augmentacion Et prier pour les ames qu'elles aient pardon. (Cip. Vignevaux W., p.1400, 207)

Ces .IJ. dont je vous fay chi l'augmentacion, Ilz parfirent Saint Vaast, l'abbaÿe de nom (Cip. Vignevaux W., p.1400, 207)