AUCUN

indéfini

[T-L : aucun ; GD : alcun ; GDC : alcun ; AND : auscun ; FEW (XXIV, 322b) : aliquis ; TLF (III, 902b) : aucun]

I. -[Adj. indéf. (ou pron. représentant)]

A. -[En contexte positif ; indéf. positif conformément à l'étymologie]

1.[Au sing.] Quelque.

Quant li chevaux ne peut estaler ne pissier, (...) Guerissiez le en tele maniere : prenés une poignié de glageus et une d'iebles et une d'eigremoine et une d'ache et une de cerfuil, et cuisiez tout ce en eve de fontaine. Aprés le coulés et en gités .II. henapees ou .III. en la gorge du cheval. Aprés le menés aus champs tant que il sue, puis le frotés mout bien entre les flans, puis le menés en aucun lieu ou li cheval souloit estaler bien couvert. (Chir. chevaux P., c.1325-1350, 395)

...li homs Doit estre fiers com uns lions Contre aucun tort, s'il li est fais. (Mach., J. R. Nav., 1349, 195)

Sire, je lo que de la croys Faciez ja le signe sur li, Car espoir est ç'un annemi Qui de lui a pris la samblance Pour vous faire, s'il peut, grevance Ou mal aucun. (Mir. prev., 1352, 268)

Et tout bien humain est oeuvre ou operacion d'aucun art. (Oresme, E.A., c.1370, 401)

Es choses donques que par aucun incident sont dittes de la pourveance de Dieu et de destinee et franchise de volenté, tiens moy plus pour Academian que fol et oultrecuidié acerteneur de fausses et doubteuses choses. (Foul., Policrat. B., I, 1372, 97)

Et depuis la feste saint Andrieu derrenier passé ou environ, Perrin Bordel et Lorete, sa femme, demourans a Hauberviller, amis et parens du dit frere Jehan de Bris, moingne et pitancier de nostre dite eglise, et le dit frere Jehan nous eussent exposé que, comme les diz mariés n'eussent a present aucun refuge a Paris, pour eulx retraire eulx et leurs biens en cas de peril et de neccessité, et pour ce avoient desir de y avoir aucun lieu leur, ou quel ilz eussent et peussent avoir aucun repaire et aucun refuge utile pour eulx en cas de neccessité (Chartes Abb. St-Magl. T.F., t.3, 1374, 442)

Car le poeuple qui estoit venu a Benuicq se arresta la endroit (...) ilz ordonnerent rues et chemins pour aller des uns aux autres, et maisonnerent (...) tant qu'en dedens aucun pou de tamps il y eut une grande cité, et fut nommee Benuicq sus le nom de leur seigneur, qui demoura avecquez eulx un an entier ains qu'il s'en partist pour eulx amaisonner et ordonner et donner loy (Percef. IV, R., c.1450 [c.1340], 855)

Et de fait le banda et envelopa de draps linges, et le dora d'aucun oignement tresfort sentent (C.n.n., c.1456-1467, 535)

Et advint, durant icelle prison, que, à l'occasion de la prinse du Roy de France, aucune question fut d'un chevalier anglois qui pretendoit droit à la foy du Roy, et pource que le Roy franchois en son affermement ne deposa pas au gré du chevalier demandeur, il se troubla. (La Marche, Mém., I, c.1470, 59)

Tel ou tel.

...car celui qui est d'aucun aage aime celui qui est d'autel aage (Oresme, E.A., c.1370, 442)

Et donques ce qui est meu selonc lieu est fait ou transmué d'aucun lieu et en aucun lieu. (Oresme, C.M., c.1377, 140)

[Empl. pronom.] Aucun de. Tel ou tel de.

Et avoir aucun de tous les accidenz dessus diz, c'est estre oultre les termes de malice humaine et comme une bestialité (Oresme, E.A., c.1370, 381)

Aprés l'en doit eslire par bon jugement aucun de ces moiens comme seroit combatre les. (Oresme, E.A.C., c.1370, 191)

...mais s'il par aventure cheoit de son cheval, il se porroit bien fort blechier en aucun de ses membres. (Ev. Quen., I, c.1466-1474, 104)

Aucune fois. Telle ou telle fois, quelquefois, parfois.

...opillacion est aucunefoiz attenuatoire ou attenuative si comme celle qui est causee de pustules qui attenvent la voye (Saint-gille, Comment. A.Y. L., 1362-1365, 234)

Et touz seulz demeurent jusques a l'autre bout de l'an qu'ilz vont as truyes (...). Et aucunne fois un grant sangler a bien un autre sangler aveques luy, mais c'est a tart. Ilz naissent en mars, et une foiz l'an vont en amour. Et pou de truyes portent deux foiz l'an (Gast. Phébus, Livre chasse T., 1387-1389, 89)

...quant aucuneffois celui qui a grant soif boit d'ung petit rippopé ou fusté [var. enfusté, afusté], pour la grant soif qu'il a, il le trouve assés bon en beuvant, mais quant il a beu, il trouve ung mauvés desboit (Quinze joies mar. R., c.1390-1410, 36)

Je me suis eslevee ou eslevé et ay eu orgueil des grans despens que j'ay aucune foiz faiz, ou des grans outraiges et superfluitez, comme de viandes grandes et outrageuses, comme a donner grans mengiers et belles chambres, assembler grans compaignies, donner joyaulx aux dames et aux seigneurs et a leurs officiers ou menestrez pour estre alosez d'eulx, et pour dire de moy que je fusses noble et vaillant et large. (Ménagier Paris B.F., c.1392-1394, 24)

Aucun peu. Quelque peu.

Auquel pays et par les desers sont les Arabes, qui ne ont habitacions nulles, et vivent ç... et l... comme bestes et gens sauvaiges et ne menguent que chairs de très mechantes chievres et bien peu, et aucun peu de pain, ou fouace cuitte soubz les cendres (Voy. et pard. M., c.1419-1425, 88)

Aucun autre. Quelqu'autre.

Car les fistules ne sunt pas a amener ou a mettre en discipline ne quelcunques autre instrument talunque, si comme est la cithare ou aucun autre tel instrument. (Oresme, Pol. Arist. M., c.1372-1374, 353)

Aucun + possessif

Quant une personne songe neupces, sachiez pour vray que ce signifie la mort d'aucun son amy. (Ev. Quen., I, c.1466-1474, 115)

2.[Au pluriel] Certains.

...et si dient aucun aucteur que ceste bataille fu contraire aus Rommainz (Bers., I, 9, c.1354-1359, 23.5, 41)

Les menus oisiaux viennent agachier le huan ou la chuete, si sont pris a la glu tellement que il ne peuent voler ne bougier. Je entent par ceste glu char d'omme (...). Je entent par le huan et par [la] chuete aucuns grans seigneurs de cest monde (Henri Ferr., Modus et Ratio, Livre deduis T., c.1354-1377, 309)

Pour quoi di qu'ainsi mainte foiz Ont aucuns signes les .II. loys la vieille et la nouvelle Qui ne s'entreresemblent pas, Et senefient aucun pas Qui est un, com baptisement Et circuncisionnement Une mesme chose dient Par acort et senefient (Guill. Digull., Pèler. J.-C. S., 1358, 159)

Adont se missent en qeste auqun esquier dou pais (Froiss., Chron. D., p.1400, 138)

...et aussi se desrouterent auqun Escoçois qui couroient et racouroient tout escarmuchant li un a l'autre (Froiss., Chron. D., p.1400, 145)

Et furent pris auquns bourgois de la ville et mis en prison (Froiss., Chron. D., p.1400, 573)

Par quoy il appert que hebrieu fut le premier langage : lequel quant a aucuns cas est moult imparfait, car il a pluseurs lectres sans necessité et use moult de aspiracions, et si n'a nulles declinoisons, et moult pou de adverbes et de conjonctions (Legrand, Archil. Sophie B., c.1400, 59)

...lesquelz se logèrent en la ville et devant ledit chastel, auquel lieu ilz afustèrent aucuns canons pour icellui abatre et subjuguer. (Monstrelet, Chron. D.-A., t.3, c.1425-1440, 219)

...car alléguoit le pays de Lombardie estre là assez près, et autres aucuns lieux aussi, où gens de subtils arts repairent d'ancienneté, par quoy le cas luy sembloit plus abrégeable (Chastell., Chron. K., t.4, c.1456-1471, 240)

...son cheval chut atout ly et incontinent aucuns conpagnons pieton aborderte sur li, lesques le conmencherte a fraper et alanchier ou il estoit chut a terre, et li abatirte pres tout le visage jusques au nes u a la bouche, et fu mervilleusement fort navre des dites blecures (Jean De Haynin, Mém. B., t.1, 1466-1477, 110)

Ce meisme jour ou nuit qu'il trespassa de ce siècle, furent par corruption d'aer pluseurs vignes perdues ou royame de France ; furent ossy en aucuns lieux oys pluseurs estranges cris, oultre la mode accoustumée, de pluseurs oyseaulx en l'aer, comme agaches, corbaulx et aultres volilles. (Molinet, Chron. D.J., t.2, 1474-1506, 389)

Recab, grant phillosophe et astrologien (...) lequel tant specula le ciel, qu'il trouva aucunes lettres pour les Grecz, ou grant alphabe celeste, escript ou zodiac et hors icellui, et les joingnit et assembla par si bonne maniere, que encores s'en servent les Grecz (Simon De Phares, Astrol., c.1494-1498, f° 31 v°)

Aucuns certains. Certains.

...mon intention est de rassembler plusieurs coyers escripts de la main de mondit seigneur et maistre, tous desemparéz, imparfaicts et sans ordre, pour les aduner en aucuns certains volumes par luy très grandement avancés. (Molinet, Chron. D.J., t.2, 1474-1506, 594)

Aucuns + possessif. Certains de + possessif.

...Et pour monstrer l'erreur de ses escrips Et de tous ceulx qui veullent susciter Ou ont voullu faulsement reciter Contre femmes argus plains de mespris, Je narreray cy aucuns leurs escrips Presentement... (Michault, Procès honn. F., p.1461, 50)

Aucunes fois. Certaines fois, parfois.

S'il est de nuyt, torches s'amortent Aux mains des servans quilz les portent, Combien ce n'est gueres souvent, Aucunes fois il court tel vent ! (Garin, Compl., 1460, 114)

...et [ils] font proceder par excommunimens ou autres censures ecclesiastiques, et aucunes foiz procedent par affixions de bulles, citacions, procès ou lectres ecclesiastiques qu'ilz font secretement et à heure indue et autrement indeuement mectre et afficher ès portes des esglises et en plusieurs autres lieux (Ordonn. rois Fr. P., t.16, 1464, 214)

[Introduit par la prép. de] D'aucuns... De certains....

Et par la voulanté d'aucuns barons de Cesile, et le plus par la voulanté des pueplez, les Arragonnoys firent une grant armée et amenerent la fille et son mari en Secile, et tant par force comme par amour, se adominerent de toute Cezile. (Thom. Saluces, Chev. errant W., 1394, 922)

Or est vray que Jehan de Vy, à cause des promesses que luy avoit faites Jehan Coustain, ensemble aussi à cause d'aucunes lettres que ledit Coustain luy avoit escrites et données autresfois, grandement déclaratives de ce malheureux cas et durement accusatoires dudit Coustain, délibéra de venir ès marches d'un bas devers Jehan Coustain, afin d'estre là près de luy, et pour soy ramentevoir en la promesse faite. (Chastell., Chron. K., t.4, c.1456-1471, 242)

Et ce pendant ilz orront nouvelles des ennemiz et aussi d'aucuns amyz que vous avez ou payz (Bueil, II, 1461-1466, 196)

[Avec l'article du pluriel] Certains.

Si regarderent que on i pourveroit, et orent un certain consel secret ensamble li auqun noble d'Engleterre et prelat, qui ne pooient plus sousfrir ce que il veoient (Froiss., Chron. D., p.1400, 55)

Et li auqun Englés disoient que ce n'estoient pas fumieres des feus des Escos, mais des ouvriers qui faisoient carbon ens es bois. (Froiss., Chron. D., p.1400, 125)

...et voloient li auqun baron dou pais que on envoiast soufissans honmes deviers le roi de France (Froiss., Chron. D., p.1400, 355)

[Empl. pronom.] Certains.

Entre les noms essencielz aucuns sont substantifs, qui subsistent, comme Dieu, divinité, createur et aultres pareulz. Aucuns sont adjectifz, comme adjoints a la substance, comme bon, eternel, sans mesure et aultres pareilz. (Somme abr., c.1477-1481, 152)

Aucuns de. Certains de.

Et aussi que depuis un an en ça que nostre dicte Ville a esté approchée de guerre, aucuns des Habitans d'icelle ont eu ou pevent avoir fait plusieurs pillages, roberies, arsures, omicides, arrenconnemens et plusieurs autres malefices, les uns sur noz ennemis et les autres sur noz subges et bien vüillans (Ordonn. rois Fr. S., t.3, 1358, 332)

Les aucuns. Certains.

...entre lesquelles [fortes brayes] et lesdis murs, y avoit certains fosséz assez parfons et, de rechief, estoyent devant lesdittes brayes aultres grans fosséz d'extrème profondeur, cuvéz [var. acuvé] les aucuns et plains d'eaue à grant largesse (Molinet, Chron. D.J., t.1, 1474-1506, 31)

[En coordonnée elliptique] Ou aucuns. Ou certains.

Et pour ce, quant Aristote dit ou premier de Phisique que touz corps naturelz sont ou seront meus ou aucuns, il dit aucuns pour les parties centrales de la terre selonc l'exposicion d'Averoÿs. (Oresme, C.M., c.1377, 254)

B. -[En contexte 'forclusif' (en partic. en proposition hypothétique, interrogative, après une principale nég. ou un élément nég. ...)] Quelque, quelque ... quel qu'il soit.

Et, se eulz en avoient esté aucune fois en aucun temps deffaillans ou reffusans du faire, les diz religieus, pour cause de leur ditte eglise, estoient et avoient esté en bonne saisine de yceulz curé et escuier constraindre et faire constraindre deuement et souffisamment par la prise et exploitement de leurs biens et de leur temporel, tant par justice comme autrement, a ce faire a leurs propres cous et despens (Chartes Abb. St-Magl. T.F., t.3, 1330, 25)

...et, se l'adverse partie proposast aucun fait par droit recevable a quoi il feust tenuz de respondre, il le mettoit en ny, en tant et pour tant comme il seroit contraire ou prejudicial au sien. (Chartes Abb. St-Magl. T.F., t.3, 1330, 26)

Et aussi faire le devoie Dou droit d'Amours qui nous aprent Que qui aucun don d'Amours prent, Il doit son plein pooir estendre Dou desservir et grace rendre A ceus de qui cis biens li vient (Mach., D. Aler., a.1349, 325)

Et s'elle quiert aucun repos... (Mach., J. R. Nav., 1349, 94)

...se j'ay aucun enfant de vous, il ne avra terre ne heritage (Bérinus, I, c.1350-1370, 25)

...si que le soleil estoit ja au declin de midi avant que l'en getast aucun javelot ou de ça ou de la (Bers., I, 9, c.1354-1359, 32.6, 58)

...et estudioient nuit et jour conment il peuissent faire auqun esploit d'armes honnourable (Froiss., Chron. D., p.1400, 439)

Che sont chil ordenet a waitier a le porte dou Parcq cascuns une nuit et I jour de 60 jours a aultre et y deveront aller armet et abastenet a l'heure de solleil esconsant et nient partir jusquez a l'endemain a celli heure que li autres venut seront, sauf tant que se aucuns effrois advenoit par son de clocque u autrement (Comptes Mons P., t.1, 1422, 622)

...et s'il y a aucun drap agleré qui contienne un quartier de long, ledit drap ne sera point appointié ; et s'il y a aucun pertuis ou aglereure qui contienne plus de trois doiz, le Presseur sera tenu de lever la liziere au droit qui pendelera devant (Ordonn. rois Fr. V.B., t.13, 1443, 381)

Quant je me vey ainsi saluer, je mis doubte en mon fait et n'osoie partir de la montaigne que j'avoie adossee adfin qu'ilz ne me assaillissent par derriere, car je doutoie qu'ilz ne me feissent aucune villonnie pour ce que tant en y avoit. (Percef. IV, R., c.1450 [c.1340], 65)

...qu'ilz ne contraignent aucunement lesdicts ouvriers et amasseurs dudict or à leur payer aucuns taulaiges ne grasselaiges, ne les raençonnent ne exigent sur eulx aucunes sommes de deniers, ne lievent ne emportent leurs tables ne autres engins à cueillir ledict or (Ordonn. rois Fr. P., t.17, 1472, 485)

[Au pluriel] Certains.

...s'il y a aucuns devoirs abonniz deuz par mutacion du vassal... (Vieux cout. Poitou F., c.1451-1454, 233)

[Avec sans]

...et pour le prouffit de eulz et de laditte eglise, sanz aucun debat, contredit ou empeschement d'aucun. (Chartes Abb. St-Magl. T.F., t.3, 1330, 24)

...sans parler à lui ne dire mot aucun. (Reg. crim. Chât., I, 1389-1392, 159)

Et avecques ce, ont reservé yceulx religieux, chascun an durant ledit temps, leur aler, estre et demourer tant et si longuement et par tant de foiz qu'il leur plaira oudit manoir, sans contredit aucun. (Chartes Abb. St-Magl. T.F., t.3, 1407, 803)

...a esté fait exprès commendement à Robert Chaurre, huissier et appelleur des causes de Parlement, d' icelx executer sans deport aucun. (Baye, II, 1411-1417, 20)

Avecq eulx [les chrétiens] , sans aucung dilay M'y suy bouter et fait amettre [en prison] , Et le monde, sans plus debatre, Ay renuncer ; Et c'est ce pour quoy afoncier Je suis comme ja vous vehez. (Myst. st Adr. P., c.1450-1485, 107)

[Avec sans ce que]

...sanz ce que ce face prejudice aucun a la dite damoiselle (Chartes Abb. St-Magl. T.F., t.3, 1348, 161)

[Empl. pronom.] Aucun de... Tel ou tel de... quel qu'il soit.

...par deffaute de ses paiemenz ou d'aucun d'yceuls. (Chartes Abb. St-Magl. T.F., t.3, 1355, 202)

...se aucun de noz chevaulx tant de charrue comme a chevauchier est en essoine... (Ménagier Paris B.F., c.1392-1394, 137)

...que son maistre lui tienne si mauvaise prison qu'il en perdist aucun de ses membres (Bueil, II, 1461-1466, 134)

[P. opp. à tous] Tel ou tel.

J'ose bien dire, en maintenant Ma part et raison soustenant, Que le mal qui me va tenant Et qui n'est que un, Est aux vostres deux seul commun, Pire qu'eulx deux et que chascun ; J'ay les voz tous, non pas aucun. (Chart., L. Dames, 1416, 259)

C. -[En contexte nég., avec ne] Ne ... aucun. Aucun, nul.

Nous vous mandons et a chacun de vous, sicomme a lui appartendra, que des heritages que Pierre Chauvel le jeune tenoit quant il fu banys de nostre royaume des religieux abbé et convent de Saint Magloire de Paris, qui assiz sont en leur haute justice et qui pour cause dudit banissement par la coustume du pays sont forfays et appartiennent aus diz religieux, vous les laissiez joïr et user et n'y mettez aucun empeschement de par nous pour cause dudit bannissement (Chartes Abb. St-Magl. T.F., t.3, 1340, 86)

Item, que nulz billonneurs, tabletiers, merciers errans qui orfevres ne sont, ne se puissent mesler de vendre ne achater aucunes choses d'or ne d'argent, se ce n'est pour billonner ne affiner (Mét. corp. Paris L., t.2, 1355, 11)

Requis se il congnoist de guaires lonc temps le dessus dit Cousin, dit qu'il a environ deux ou trois jours qu'il ont acompaigné l'un l'autre, et que en lui il ne vit oncques mal aucun. (Reg. crim. Chât., I, 1389-1392, 94)

Et dist, sur ce requis, que, depuis ledit temps, il a esté par pluseurs foiz à confession et receu son Sauveur, mais dudit pechié ne se ossa oncques confesser à prestre aucun. (Reg. crim. Chât., I, 1389-1392, 112)

...on ne s'i [à ce traité] doit arrester, et n'y chet aucune responce, comme d'une chose illusoire et non allegable ne soustenable. (Juv. Urs., Aud. celi, 1435, 184)

...une chose est toute qui n'a aucune diminution ne amenrissement et n'a riens dehors de lui. (Somme abr., c.1477-1481, 141)

Tu dis tres mal, ma seur, car par moy es gardee et deffendue. Et, se tu me veulz jetter de toy, sachiez que tu seras abjecte et rompue et de toy ne tendront aucun compte. (Colart Mans., Dial. créat. R., 1482, 123)

[Empl. pronom.] Aucun, nul.

...ledit suppliant ait fait fere et edifier tout de neuf une petite granchecte ou estable en son jardin joignant aux murs de la ville de Gisors, laquele granchecte il convenoit et convient ablochier de pierre de taille, dont ledit suppliant ne avoit aucunes. (Chancell. Henri VI, L., t.2, 1428, 92)

Aucun de... ne

Gardez dont, belle seur, que voz cheveux, vostre coiffe, vostre couvrechief et vostre chapperon, et le surplus de voz atours soient bien arengeement et simplement ordonnez, et tellement que aucuns de ceulx qui vous verront ne s'en puissent rire ne moquer. (Ménagier Paris B.F., c.1392-1394, 10)

II. -[En fonction de nominal pour désigner une ou des pers.]

A. -[En contexte positif, nominal indéf. positif] Quelqu'un, tel ou tel.

Et est semblable comme l'en dit d'aucun que il est mauvais medicin ou mauvais jugleur (Oresme, E.A., c.1370, 379)

...predestination est une preordonnance et preparation d'aucun a la glore. (Somme abr., c.1477-1481, 166)

[Au pluriel] Certains, tels ou tels.

La bonne dame aprez diner Dedens sa chambre le mena, Beaux mos lui dist, puis ly donna Riche chainture et aloyere Qu'aucun appellent gibessiere, Et s'y trouva, dont fist grant joye, De l'or avec aultre monnoye. (Dit prunier B., c.1330-1350, 54)

...et establirent leur procureur general et certain messagé especial Rogier d'Aubemarle, porteur de ces lettres, auquel leur devant dit procureur, seul et pour le tout, il donnerent plain povoir, auttorité et mandement especial de ce faire et de faire autant en ce que dit est, et en ce qui en deppent, combien que aucun requeissent mandement especial, conme les vendeurs establissans feroient et faire pourroient, se presens y estoient. (Chartes Abb. St-Magl. T.F., t.3, 1357, 222)

Cremeteus fait amer en soupeçon, Comment qu'auqun prisent plus le dangier En bonne amour qu'il ne facent le don (Froiss., Ball. B., c.1362-1377, 25)

Puis faictes mettre a la voye Aucuns, si que le roy voye Et sache vostre agesir ; Ce le fera resjoir. (Desch., Oeuvres Q., t.4, c.1370-1407, 22)

Algorisme est une science qui aprent a compter. Bien est vray que dient aucuns que un philosophe nommé Algus trouva ceste science, et pour tant elle est appellee algorisme. (Legrand, Archil. Sophie B., c.1400, 233)

...il en y a de telles [des cerises] qui sont tres aigres et sures, qui aucunement traient a saveur amere avec celle aigreur, que aucuns appellent amarenes, les autres agriotes (Grant herb. C., c.1450, 97)

Mais, de l'advenement de luy N'en quel temps Dieu le vouldra naistre, Je croy qu'il n'y ot si grant maistre Qui l'ousast pour voir affermer. Neantmoins, aucuns veullent semer Parolles et ont maintenu Que, de fait, il est ja venu Et raisons assez y aboutent : Par quoy plusieurs simples gens doubtent Que Cristus est né pour certain. (Gréban, Pass. J., c.1450, 113)

Et de fait, aucuns qui aimoient le comte et qui en avoient douleur en coeur, voyans les apparences et les suspicions qu'on y mettoit, le mandoient au comte et luy signifioient que s'il ne pourvéoit en son cas et trouvast voie de contenter son père, il s'en trouveroit amendry en succession (Chastell., Chron. K., t.4, c.1456-1471, 410)

[Avec l'article du pluriel] Certains.

Li aucuns vendent ce qu'il ont, Li autre[s] encor pies en font, Car il deuinent termiieur, Uzurier et admeteur. (Sept péchés C., c.1300-1350 [p.1478], 234)

S'en merveille dyalectique Que les aucuns nomment logique. Il y faut alternacion (Le Fèvre, Vieille C., a.1376, 109)

Et estoient les pluseurs tous traveilliez de porter leurs harnoiz, tant pour ce qu'il leur sembloit qu'il n'en estoit nul besoing comme pour ce que ilz ne l'avoient pas acoustumé, et en murmurerent ly aucun. (Arras, c.1392-1393, 155)

Et s'en conmenchierent a esmervillier et a parler l'un a l'autre et a dire li auqun par imagination : ' Nous veons mervelles...' (Froiss., Chron. D., p.1400, 88)

Et se departirent de lors lieus, et vinrent li auqun a Wissant, et li aultre a Calais. (Froiss., Chron. D., p.1400, 112)

Et voellent li auqun dire que ce fu uns fais tous avisés des proismes et amis le signeur Espensier et dou conte d'Arondiel (Froiss., Chron. D., p.1400, 117)

Et trouverent ces Flamens, les auquns sus la rue, les aultres tous desarmés, et les pluisseurs qui buvoient et mengoient. (Froiss., Chron. D., p.1400, 446)

Dont fu faite voie as arbalestriers, et monstroient les auquns que point il n'i aloient de bonne volenté (Froiss., Chron. D., p.1400, 727)

Disoient aussi les aucuns que la nuit que faire devoit le terrible exploit en ladite ville, avoit fait assemblée de gens armés en aucuns lieux couverts, lesquels au son ordinaire, qui jamais ne faut, d'un monastère petit qui là est, devoient saillir hors et tirer avant en l'entreprise pour parler entre eux. (Chastell., Chron. K., t.1, c.1456-1471, 174)

Et les autres leurs atins et apliques Pour les aucuns occire ont tendus (Saint-gelais, Eurial. Lucr. R., c.1490, 117)

[Introduit par la prép. de]

Aprés il met les raisons et opinions d'aucuns autres. (Oresme, E.A.C., c.1370, 414)

Et ainsi appert la fole opinion d'aucuns qui dient que la lignee saint Loys faillit au roy Charles filx de Philippe le bel et vint a ceulx de Valoys (Juv. Urs., Aud. celi, 1435, 155)

Et quand lendemain on sceut ceste nouvelle, Dieu scet la grand risée d'aucuns, et le grant desplaisir de pluseurs, especialement du pere et de la mere ! (C.n.n., c.1456-1467, 72)

Et s'il eust esté servy et obey de cescun comme d'aucuns, il en eust assayé la fortune qui estoit chose conduisable. (La Marche, Mém., I, c.1470, 168)

D'aucuns. Certains.

[En fonction de sujet]

D'aucuns sont qui en aloy faingnent (...) ...ilz leur plaist ymages faire (...) Telz oeuvres sont si biffettées : Tout le creux de sablon emplissent, Et puis au poix tout accomplissent. (Renart contref. R.L., t.2, 1328-1342, 42)

...sy en y eust il d'aulcuns qui paz ne se sauverent, anchois furent sievys a sy grant esploit que lez pluseurs furent portez jus dez chevaulx et en grant dangier de mort (Comte Artois S., c.1453-1467, 41)

Et y mectoyent grans doubtes d'aucuns, veu que à leur doz n'avoyent nulles places pour eulx retirer s'ilz en avoyent besoing. (Comm., I, 1489-1491, 16)

[En fonction d'agent] Par d'aucuns

Et se trouvoit conseillé par d'aucuns et si estoit aussi enclin de tous pointz deffaire et destruyre ceste maison (Comm., II, 1489-1491, 171)

B. -[En contexte 'forclusif'] Quelqu'un, quelqu'un quel qu'il soit, qui que ce soit.

...et pour le prouffit de eulz et de laditte eglise, sanz aucun debat, contredit ou empeschement d'aucun. (Chartes Abb. St-Magl. T.F., t.3, 1330, 24)

Or arrestons ci un petit Pour penre amoureus appetit En un po de comparison Qui porroit faire garison A aucun qui seroit malades Par desespoir, vains, vois et fades. (Mach., D. Aler., a.1349, 327)

Et se aucun s'esmerveille pour quoy li corps n'estoient pourry et plain de vermine, je vous en diray la raison pour quoy. (Bérinus, I, c.1350-1370, 248)

...je ne vueil mie, Pour doubte qu'aucun ne m'espie, C'on sache que je voise hors. (Mir. prev., 1352, 236)

...en eulx en alant paisiblement, senz aucune esperance de trouver ou faire riote ou debat a aucun, par la rue de Darnestal... (Chartes Abb. St-Magl. T.F., t.3, 1375, 456)

Quant on me dit mal d'aucun, je considere se cellui, qui le dit, a aucune particuliere haine à cellui de qui il parle (Chr. Piz., Faits meurs Ch. V, S., I, 1404, 174)

...nonobstant appellations et oppositions d'aucun (Baye, II, 1411-1417, 23)

Il ne le dit à nul qu'il eust aucun abutiné avecque lui (Bueil, II, 1461-1466, 96)

C. -[En contexte nég., avec ne] Personne.

...pour quoy je vous prye et requier, si chier que vous m'amez, que vous le faciez revenir et le chastïez par autre maniere qu'il n'a esté ou temps passé, tellement que aucun ne s'en puist aparcevoir, et aussi que je n'en doye estre blasmee (Bérinus, I, c.1350-1370, 32)

...aucun, quel qu'il feust, ne povoit ne devoit peschier en ladicte riviere es termes et mettes dessus declerez (Chartes Abb. St-Magl. T.F., t.3, 1377, 473)

Et disoit que, pour ce, le Roy et les gens de son Conseil estans à Provins, qui avoient tousjours esté et estoient très affectez à entendre à la paix et union de ce royaume, avoient advisé de faire lettres de ladicte abstinence de guerre par trois moys en certaine forme qui n'estoit capcieuse ne contre l'onneur ou prejudice d'aucun. (Fauq., I, 1417-1420, 292)