ANGOISSER

verbe

[T-L : angoissier ; GD : angoissier ; GDC : angoissier ; AND : anguisser1 ; DECT : angoissier ; FEW (XXIV, 574a) : angustiare ; TLF (III, 24b) : angoisser]

I. -Emploi transitif. Tourmenter, harceler.

De toutes pars me tient engoisse Qui mon cuer destreint et engoisse. (Mach., C. ami, 1357, 7)

...un vaillant prince (...) Fu esleüs et apellez Pour aler (...) sur le riche roy Mitridatés le fort poissant, Qui les aloit moult angoissant (Chr. Piz., M.F., IV, 1400-1403, 7)

Trop les vont les Grieux engoissant, Petit pevent, mais estre estable (Chr. Piz., M.F., II, 1400-1403, 250)

[De souffrances physiques ou morales, de tourments...]

Car tes tourmens, qui sont apers Aus gens, me sont aussi ou cuer ; Et m'engoissent si pour toy, suer, Qu'a paine sçay je mais parler. (Mir. enf. ress., 1353, 57)

Joseph, eu temps de son angoisse, Qui son cuer destreint et angoisse, Garda et tint le mandement De la loy son Dieu telement Qu'il en fu puis sires d'Egypte (Mach., C. ami, 1357, 58)

Las ! mon mal m'est plus angoissant Qu'avant ce que fusse a confesse (Mir. emper. Romme, 1369, 305)

NOSTRE DAME. (...) Mais, non obstant ta passion, Mon dueil, ma lamentacion Dont je fus et suis fort pressee Pour la cruelle extorcion, La pitoyable exaccion Ne m'a pas si fort angoissee Que j'aye en rien ma foy blessee Ne vraye esperance laissee, Mais croy sans variacion Qu'en la journee commancee, A la joye de ma penssee, Verray ta resurreccion. (Gréban, Pass. J., c.1450, 386)

[D'une insatisfaction physique (p. ex. la soif)]

Que nïent qu'idropiques pert La soif qui l'angoisse, en bevant, Ensi quant Biautés est devant, Regars n'est de sa soif delivres, Ains a plus soif, com plus est ivres (Acart, Prise am. H., 1332, 40)

[De la mort]

Bien scey que Dieu mon poair froisse Et sent ja la mort qui m'angoisse. (Tomb. Chartr. Trois contes S., c.1337-1339, 116)

II. -Emploi intransitif. S'inquiéter, être tourmenté.

Et ainsi, maugré sien, croisçoit Cil en loz, dont il angoissoit. (Chr. Piz., M.F., III, 1400-1403, 29)

III. -Emploi pronominal.

A. -Être exaspéré.

Voirs est que lievre est une beste Duquel moult ennuye la queste, Maiz ce n'est [qu'] a ceulx qui n'ont mie De le bien querrir la maistrie Et qui ou lit ne le congnoissent. Pour ce trop plus tost s'en angoissent, Et leur tourne a grant desplaisir Quant longuement leur faut querrir. [Éd. : 'être embarrassé'] (La Buigne, Rom. deduis B., 1359-1377, 396)

B. -S'inquiéter, être tourmenté.

Un priour i out ancïen, Ascelin, un bon crestïen. Quant lez vit plourer touz ensemble, Si va donc et si lez assemble Et dist : 'Bien marriz ressemblez Pour nostre mestre qu'est emblez. Bien vei que le voulez suïr Et ovec lui voulez fuïr (...)'. A tant sont departiz plourant ; Aprés leur mestre vont courant Lez moines, ou eulz leur mesnie, Entour .XXX., ne cessent mie. Puis vont aprés lez chapelains ; O eulz se tiennent, mes vilains Sont trop, quer point ne lez connoissent. Ce font semblant que trop s'angnoissent Que de si pres lez vont suiant, Et vont o eulz par tout fuiant. (Vie st Evroul S., c.1350, 121)

IV. -Participe passé en emploi adjectival. Tourmenté, harcelé.

Or suis j'angoissée de touz Les coustez que femme peut estre : Je voy mon compaignon mort estre ; Je voy pére et mére en peril D'estre a honte mis a essil ; Je mesme sui prise et liée (Mir. femme, 1368, 202)

Remarque : L'ex. suiv. fait difficulté

...tout l'air sambloit estre engroisiz [var. tout leur sembloit estre angoissé] et puant pour la puenteur des charoignes et des malades (Premierfait, Décaméron D., 1414, 15)

'Angoissant' ? L. angoisse ?

Voir aussi angusté