AMENER

verbe

[T-L : amener ; GDC : amener ; AND : amener ; DECT : amener ; FEW (VI-2, 106b-107b) : minare ; TLF (II, 737b) : amener]

I. -Au propre.

A. -Amener qqn (qq. part / à qqn)

1.[D'une pers.]

a)Conduire qqn qq. part, faire venir qqn qq. part.

Amener qqn (avec soi)

S'amena une sienne fille (Mach., J. R. Nav., 1349, 201)

...qu'il amaine avecques soy Toutes mes gens. (Mir. marq. Gaudine, 1350, 141)

...car se il eust admené aveuques lui ceulz que il avoit conquis en Oriant, Persanz et Indiens, il li eussent fait plus d'empeeschement que de pourfit (Bers., I, 9, c.1354-1359, 19.5, 36)

Amenés aveuc vous de vos gens ceulz en qui vous vous fiés le mieulz (Mach., Voir, 1364, XXXIX)

Desir un po me compaigna, Folie avec lui admena (Desch., M.M., c.1385-1403, 339)

Mais, beaulx seigneurs, je vous pry que il vous plaise a dire a mes deux seigneurs que il leur plaise a venir logier ceans et admener avec eulx de leur baronnie tant comme il leur plaira. (Arras, c.1392-1393, 164)

Or vous diray du duc Anthoine et de son frere Regnault et du roy d'Ausaiz et du duc Oste de Baviere, qui admenoient leur ost bien hastivement, car bien avoient ouy dire la misere ou ilz estoient en la cité, mais pas ne savoient la mort du roy Fedric. (Arras, c.1392-1393, 182)

La fu grant la foule, car les deux soudans y admenerent leur puissance, et cuidoient bien redrecier l'admirault, mais pour neant s'en peinent, car il est mort. (Arras, c.1392-1393, 235)

Et si vueil qu'en especïal Y soit semons a grant noblesce Le noble conte et la contesse De Panice (...) Et qu'avec lui grand gent amaine Des nobles de sa nacïon. (Gris., 1395, 22)

...Ysabel vint en France et amena son filz Edouart (Juv. Urs., T. crest., c.1446, 27)

...et fut bien besoing qu'il arrivast à ceste heure-là atout son armée. A son arrivée, ses gens, qui estoient devant, prindrent couraige ; ses ennemyz se esbahirent. Aussi amenoit-il la force avec luy et la force luy demoura. (Bueil, II, 1461-1466, 130)

Messire Pierre de Saint Vallerien, chanoine de Paris, expert en medicine et en astrologie, predist sur la revolucion de l'an mil IIIIcXXXV le grant yver et fut envoyé en Escosse avecques autres pour admener madame Margarite d'Escosse en France qui esposa Loys Daulphin de France, qui gueres ne vesquit. (Simon De Phares, Astrol., c.1494-1498, f° 154 v°)

Amener qqn + adv. de lieu

Grant erre Fu Susanne la amenee (Mach., C. ami, 1357, 8)

Tu es des enfans de Judee Que mes peres amena ça (Mach., C. ami, 1357, 28)

Et, sire, se Dieux me doint joie, Pour le milleur conseilleroie Qu'à la porte vous treïssiez, Et vos gens y amenissiez. (Mach., P. Alex., p.1369, 87)

...vaz me dire errant Morin que cy mon frére admaine, Et que de venir il se peine (Mir. emper. Romme, 1369, 273)

[Entendement s'adresse à Esperance] Si me tenoye pour abandonné, et pensoye que l'abitation de cestui nostre royaulme te fust de tous pointz interdicte de Dieu, comme terre condamnee et mauldite, jusquez a ce que Foy, qui eslieve l'esprit en la contemplation du povoir misericordieux de lassus, t'a cy amenee. (Chart., L. Esp., c.1429-1430, 90)

...j'euz hier tort de vous dire villannie devant les estrangiers que j'amenay ceans. (C.n.n., c.1456-1467, 267)

Amener qqn à / devant / en / jusqu'à + indication de lieu

...consideré que elle est du pays d'Arragon, et que quant sondit mary l'amena en ce pays, il lui dist qu'il la meneroit demourer en la ville de Compiegne (Reg. crim. Chât., I, 1389-1392, 42)

Ly cent mille deables t'ont bien admené en ce pays. (Arras, c.1392-1393, 264)

...si furent amené à Paris (Froiss., Chron. D., p.1400, 372)

...il les amena et aconvoia jusques à Bruges (Froiss., Chron. D., p.1400, 459)

Ou temple, ou Hector fu en biere, L'amenerent [Panthasellee] . (Chr. Piz., M.F., III, 1400-1403, 142)

Tantost Camillus les admena a Rome pour faire assavoir au senat ceste chose. (La Sale, Salade, c.1442-1444, 34)

Comment, estant lieutenant du Roy à Crathor, fut devant lui faitte question d'un gentilhomme qui avoit admené ung prisonnier en ladicte ville et l'avoit mis dedens sans le congié du cappitaine (Bueil, II, 1461-1466, 8)

...et y fut priz ung chevalier de l'ostel du duc Baudouyn, nommé messire Hemon de Rivières, lequel le Jouvencel fist amener devant le chastel avecques plusieurs aultres (Bueil, II, 1461-1466, 131)

...et là fut prins et amené à Namur, et y est demouré prisonnier jusques au trespas du duc de Bourgongne, que les Gantois le misdrent dehors. (Comm., II, 1489-1491, 4)

... [Pietre le Galloys] fut envoyay en Advignon pour conseiller Loys, filz du roy Phelippe, contre le roy Jehan d'Angleterre, dit le Mauvais, si à son moïen et des bons et loyaulx chevaliers de France fut desconfit ledit roy d'Angleterre et admené à Paris. (Simon De Phares, Astrol., c.1494-1498, f° 123 v°)

Et mesmement par aucuns de mes gens que j'avoie envoiez à Dunckerke, qui est port de mer, m'a esté dict que ilz ont parlé à aucuns Anglois qui estoient prisonniers et que aucuns de Chierbourg avoient prins sur la mer et les avoient admenez audit lieu de Dunckerke (Le Clerc, Interp. Roye, c.1502, 332)

[Avec indication du point de départ]

Amener qqn de + lieu de départ

Et s'en vint le roy a Famagouste, o lui son frere et le maistre de Rodes et ses barons qu'il admena de Poittou, et tous les haulx barons de son royaume. (Arras, c.1392-1393, 140)

Et, à l'après-disnée, amena le Jouvencel et tous les gens de bien qu'il peust trouver de la frontière, tant cappitaines que aultres. (Bueil, II, 1461-1466, 4)

Amener qqn de + lieu de départ + en + lieu de destination

[Edouard III, le jour de son couronnement] fu ensi amenés de l'eglise dedens le palais, liquels estoit aournés si ricement conme on pooit (Froiss., Chron. D., p.1400, 104)

Le jour dessusdit, le conte d'Armaignac fu amené du Petit Chastellet de Paris en la grosse tour du Palais pour tenir prison. (Fauq., I, 1417-1420, 134)

Et, en l'amenant de sa prison en la chambre de la question dudit Chastellet... (Roye, Chron. scand., I, 1460-1483, 225)

[Avec indication sur la finalité du mouvement] Amener qqn (pour) + inf.

...congneut que sondit pere le admena bien petit enffent demourer en la ville de Harfleu, en laquelle il aprint mestier de mareschal (Reg. crim. Chât., I, 1389-1392, 56)

La pucelle se tenoit lors au Cruq avecques le roy son pere. Et lui avoit on compté les nouvelles des vaisseaux qui estoient arrivez, et aussi quelles gens c'estoient, et que le roy son pere les admenoit au Cruq pour eulx festoier. (Arras, c.1392-1393, 126)

...a l'endemain il iroient querir la roine d'Angleterre a Buignicourt et son fil et (...) les amenroient disner a Bouçain (Froiss., Chron. D., p.1400, 64)

...je vous ai amené jusques a chi pour faire auqune emprise d'armes (Froiss., Chron. D., p.1400, 375)

LE JUIF [au prêtre] . En somme, Je vous diray en brief le cas. Dessus l'hostel sainct Nicolas, Ce crestien amaine jurer De bien loyaulment me payer Cent escus que luy presteray (Mir. st Nic. juif, c.1480-1500, 91)

Amener qqn à / devant / devers qqn. Conduire qqn auprès d'une autre personne.

Quant trouvé l'aras, si te peines Et fai tant que tu le m'amaines, Ou mort ou vif. (Mir. enf. ress., 1353, 29)

Vez cy la femme que j'amaine Devant vous, sire. (Mir. enf. ress., 1353, 66)

Li rois commanda qu'on les aille Tantost querre, et on li ameinne (Mach., C. ami, 1357, 20)

Ha ! beaux sires Dieux, quelle noise Est ce que j'oy ci en viron ? Ma fille, ce croy, m'amen on (Gris., 1395, 85)

Ne m'amenez Margot ne Ysabelet ; Je ne quiers plus que l'aise et le repos. (Régn., F.A., 1432-c.1465, 223)

...et [le prévôt] amena avec luy au roy les obstages (Juv. Urs., T. crest., c.1446, 70)

Admenez le moy, le paillard. (Roy sotz, c.1450-1500, 221)

'Or avant, dist le Jouvencel, allez lui dire qu'il retourne et aux deux autres semblablement. Car je vueil que nous parlons ensemble avant que aller plus avant.' Ainsi le retourna querir et l'admaina au Jouvencel. (Bueil, I, 1461-1466, 67)

Ainsi se achemina la dame, bien seure de son mari, et parla à son pere si bien et si saigement que le pere adjousta foy à ce qu'elle dist. Puis retourna devers son mari et le amena devers le Roy, acompaigné de tous ses cappitaines (Bueil, II, 1461-1466, 256)

Qui nous amaine ce couart Qui s'en va courir aux champs ? (P. Jouh. D.R., a.1488, 16)

Aller amener qqn à qqn. Aller chercher qqn et le conduire à qqn.

Mais le roy se bouta ou lit soubdainement, et dist qu'il ne se sentoit nul mal. Et commanda a deux chevaliers que on lui alast admener Hermine, sa fille ; et elle vint au mandement de son pere. (Arras, c.1392-1393, 119)

Amener qqn à qqn pour + inf.

Sire, cest enfant vous amaine Pour estre de vostre chappelle. (Mir. st J. Cris., c.1344, 266)

b)Prendre avec soi en allant ailleurs, emmener.

Pour ce, seigneurs, je la vous livre Et d'elle du tout me delivre. Amenez l'en ysnel le pas (Mir. Clov., c.1381, 221)

Sy se levat Gaufroit de leiz sa moulhier sour l'an VIIc et XCVIII, le premier jour de l'an, assavoir le XXVe jour de mars. Et aprés le mois sont tous departis et son raleiz en leurs terres ; et Gaufroit meisme est partis de Hongrie, sy amenat Beatris sa moulhier avec luy. (JEAN D'OUTREM., Myr. histors G., a.1400, 12)

Mais le cuen de Lowain, oncle a Ogier et filz l'antain le roy Charles, et les aultrez, quant voient le debat, ont Radus ameneit du chasteau. (JEAN D'OUTREM., Myr. histors G., a.1400, 178)

S'il avient que a aultre qu'a moy on vous vueille marier, faittes moy savoir, s'il vous plaist, le jour d'espouser ; et je vous prometz que sans sejour a vous vendray a telle fontaine, pour vous amener et espouser (Nouvelles inéd. L., p.1452, 11)

c)DROIT Conduire devant un tribunal, traduire en justice.

LE XXVJe jour d'aoust l'an mil trois cens quatrevins et dix, fu amené Pierre de Thoulouse par devant Thibaut Le Miant, juge ordinaire d'Anjou et du Maine, et messire Pierre de La Gresille, chevalier, lieutenant de mons. le seneschal d'Anjou et du Maine ; Robin Heriçon et Gervaise Auderon, conseilliers de la court ; Jehan Le Baudroyer, procureur au Maine (Reg. crim. Chât., I, 1389-1392, 470)

En ce temps furent admenez Jehan Boudeau, officier du conte de Dampmartin, et Martin Roy, recepveur dudit conte, à la requeste d'un ladre de Ver sur Dampmartin, faulx accusateur contre les dessusdits de quelque charge que on leur vouloit imposer envers le roy (Le Clerc, Interp. Roye, c.1502, 369)

Amener qqn prisonnier. Se saisir de qqn pour qu'il soit traduit en justice.

La fut admené prinsonnier (Desch., M.M., c.1385-1403, 34)

...au Bourget (...) où il fu trouvé par le varlet dudit maistre d'ostel, qui sur lui trouva tout ledit larrecin, et pour lequel il l'amena prisonnier en ladite ville de Panpelune (Reg. crim. Chât., I, 1389-1392, 251)

Et se alcuns sorseans ou non sorseans dedens la citeit et paiis, qui poront les devantdites tuweir, auront IIIe griffons ; et qui les amonront prisonniers, com dit est, auront Ve griffons. (Stavelot, Chron. B., a.1447, 319)

Et de fait bruslèrent une belle esglise où s'estoient retraits aucuns bons hommes riches atout leurs biens, lesquels ils amenèrent prisonniers, et de tels et semblables maux, commencèrent à faire beaucoup de traveil sur le pays. (Chastell., Chron. K., t.1, c.1456-1471, 242)

2.[D'une chose] Pousser, faire venir qqn, motiver le déplacement de qqn.

La lor fu demandé quel besongne les amenoit pour ces jours en Engleterre (Froiss., Chron. D., p.1400, 204)

Amener qqn à qqn

Treshault, bonté de gloire plaine, Ou j'ay mis toute m'esperance, Ta charité a toy m'amaine. (Pass. Auv., 1477, 279)

[Dans des formules d'adresse]

Vien avant ; trai te près de moy. Qui ['qu'est-ce qui'] t'amaine ci, dy le moy (Mir. march. larr., c.1349, 115)

...qu'est ce Qui t'a si matin admené ? (Mir. Pierre Changeur, c.1378, 230)

Quel bonne nouvelle t'amainne ? Que fait mon frere de Menton ? (Myst. st Bern. Menth. L., c.1450, 7)

Mes biau seignieur, oure qué vent Vous amene en ceste mayson ? (Myst. st Bern. Menth. L., c.1450, 22)

Mes amys, quel vent vous admayne ? (La Vigne, S.M., 1496, 469)

Bien soyez vous venu, m'amye ! Qui ['qu'est-ce qui'] vous admayne ceste part ? (La Vigne, S.M., 1496, 524)

B. -Amener [un animal]

1.Mener avec soi, transporter.

Et tantost vallet et sergent Trestous leurs chevaus amenerent Et ès naves les hostelerent. (Mach., P. Alex., p.1369, 205)

...se parti dudit pays de Flandres sans le sceu ou congié dudit Henriet, son maistre, et avec soy en admena un des chevaulx dudit Henriet, qui estoit de poil gris, et en la valeur de XX frans ou environ (Reg. crim. Chât., II, 1389-1392, 36)

Amener à / en / jusqu'à + indication de lieu

Vas dire au senac qu'il m'amaine Les lions (Mir. st Ign., 1366, 109)

...un cheval de poil bail, lequel il qui parle admena en la ville de Chartres, et illec le vendi (Reg. crim. Chât., II, 1389-1392, 36)

Lors boute Remond la table, et vient en la court, et demande son cheval, et on lui admena. (Arras, c.1392-1393, 253)

Or est ainsi que nostre homme avoit pourpensé et pourjecté une entreprinse (...) sur les chevaulx de Verset. Et compta le cas à six ou sept compaignons de la garnison de Luc, et les allia avec soy. Et les mena et guyda si bien de nuyt, qu'il arriva au pré où paissoient les chevaulx ; et tant feirent qu'ilz admenerent et chasserent leur prinse jusques à leur garnyson, où ilz partirent leur butin. (Bueil, I, 1461-1466, 31)

De ces parolles fut moult joyeulx le roy Amydas et fist monter le Jouvencel sur une mulle et plus de cent ou six-vins de ses gens sur mulles et chevaulx qu'il avoit fait amener au port quant et lui. (Bueil, II, 1461-1466, 178)

Amener (à qqn) pour + inf.

Et encor leur amena l'an Chevaus pour aler eu chastel (Mach., P. Alex., p.1369, 194)

Item, tous marchans qui admenront d'ores en avant le bestail à pié fourchié pour vendre en nostre dicte ville de Paris (...) prenons et mettons de nostre dicte grace en nostre proteccion (Paris domin. angl. L., 1431, 337)

2.CHASSE Pousser devant (des proies).

A toute heure diligemment traveilles, Et en chasse vaulz autant q'un limier, Tu amaines, au tiltre de levrier, Toutez bestes, et noires et vermeilles (CH. D'ORLÉANS, Rond. C., 1443-1460, 386)

Emploi absolu. Traquer.

L'en fait les bissons aus ars en deus manieres : l'une si est aus chiens, l'autre se fait aus gens a amener, et se fait en ceste maniere. Quant l'en veut faire un buisson ou l'en cuide que(s) bestes demeurent, l'en regarde de quel part le vent vient, puis doivent aler les archiers au(s) dessous du vent pour eulz afuster. (Henri Ferr., Modus et Ratio, Livre deduis T., c.1354-1377, 123)

C. -Amener qqc.

1.Apporter qqc., faire venir qqc. à destination, transporter qqc..

'Vesci riche don. Bien est dignes de guerredon'. Et au vallet qui l'amena Quinze de ses florins donna. (Mach., F. am., c.1361, 184)

Et s'amenez des armeüres Quan que vous en porrez avoir (Mach., P. Alex., p.1369, 52)

...Margot du Coignet, Ancel, tesmoing precedent, et un charrestier (...) se partirent ensemble de Paris atout une charreste et IIJ chevaux, et s'en alerent à Pontoise, et l'andemain, environ heure de disner, retournerent et amenerent plusieurs biens meubles en ladite charreste. (Reg. crim. Chât., I, 1389-1392, 350)

Et fist le duc donner a ceulx qui avoient amenez les presens moult de riches dons, autant ou plus que les presens qu'ilz avoient amenez valoient, car il ne vouloit pas que ceulx de la ville pensassent qu'ilz voulzist rien du leur. (Arras, c.1392-1393, 176)

Faire amener qqc.

Et font admener le curre ou le jayant estoit, a VJ. beufs, et errerent tant qu'ilz trouverent les chevaliers Gieffroy et bien la plus grant partie de ceulx du pays. (Arras, c.1392-1393, 267)

Amener qqc. à / en + indication de lieu

...mais toutesfois la memoire de la felicité du dit Appius est plus descendue aus derreainz que de l'autre pour ce que il garni la voie et amena l'iaue en la cité (Bers., I, 9, c.1354-1359, 29.6, 53)

...il (...) avoient amené et achariiet lors millours meubles a Valenchiennes (Froiss., Chron. D., p.1400, 379)

Amener qqc. à qqn

... [le vieux chevalier de Mélusine] avoit bien advisié qu'ilz ne pourroient pas bien tous logier en la ville, et avoit fait tendre en la pree sur la riviere grant foison de tentes et de paveillons, et avoit envoyé tout environ le pays querre vivres, foings, avoines et toutes pourveances de vivres et de vins, et paioit si largement que on l'en lui admenoit plus largement que il ne lui en failloit. (Arras, c.1392-1393, 52)

Emploi absolu.

LE CAPITAINE. Vous serez (tres) bien pourveuz. PERROQUET. Et quant ? LE CAPITAINE. Ains que passe la sepmaine. LA CHOSE PUBLICQUE. Admaine, admaine, admaine (Sots mal., c.1480, 85)

2.En particulier. [Le compl. d'obj. désigne une chose douée de mouvement] Acheminer qqc..

Puis yssy le maistre de Rodes de la mer a cent freres de la religion, et s'en vint au logeiz, et compta au roy et a son frere et aux barons l'aventure et comment payens furent mors et leurs vaisseaulx admenez au port, et comment le gallaffre et l'admiral de Bandas estoient eschappez en la galleotte. (Arras, c.1392-1393, 139)

...le chareton (...) fist si grand diligence qu'il amena deux voictures plus que nul des jours paravant (C.n.n., c.1456-1467, 65)

Or avoit perdu le roi Amydas la pluspart de son artillerie, et celle que le Regent avoit amenée estoit toute menue (Bueil, II, 1461-1466, 207)

Avec cela furent amenéz plusieurs grandz bateaulx de Seine, qui eussent peu passer grand nombre de gens de pied au coup. (Comm., I, 1489-1491, 63)

Lequel Galiach en s'en reteurnant, rencontra de ceulx de Noarre davant dictz qui amenoyent aucunes pieces de l'artillerie (La Vigne, V.N., p.1495, 307)

II. -Au figuré.

A. -Amener qqn à

1.[D'une pers.]

Amener qqn à l'encontre de qqn. Pousser qqn à la révolte contre qqn.

...et là s'efforcèrent, et à tout pouvoir, d'enaigrir et amener le peuple à l'encontre de eux, par peur que avoient que guerre arrière ne sourdist pour ce bastard. (Chastell., Chron. K., t.5, c.1456-1471, 150)

[Le compl. second désigne un état psychol.] Amener qqn à qqc. Entraîner peu à peu qqn à.

Depuis y ot aultres parolles retournées pour amener le duc à raison (Froiss., Chron. M., XIV, c.1375-1400, 17)

JEUX Amener qqn à mat

Et, pour ce que perilz seroit, Qui oyseuse le laisseroit, Car le gieu porroit oubliier, Dont trop me porroit anoiier, Je voeil, que l'assallent souvent Li deciple de no couvent, Tant qu'elle ait son pareil trouvé, Car par che, que j'ay esprouvé, Je say, qu'elle en matera maint, Anchois que nulz a mat l'amaint (Echecs amour. K., c.1370-1380, 930)

Amener qqn à ce que. Pousser, faire en sorte que qqn fasse qqc..

Maiz ses barons tant l'ennorterent Par leur senz qu'a ce l'amenerent Qu'il s'accorda a femme avoir (Gris., 1395, 4)

2.[D'une chose]

Amener qqn à qqc.

Vostre bonté souveraine, (...) Vraix Diex, moult est excellente, Puis qu'(...) a ce desir l'amaine [la personne humaine] Que de vous servir se paine. (Mir. Amis, c.1365, 62)

Puis que fortune nous a a ce admenez, il nous en convient attendre ce qui en advendra. (Arras, c.1392-1393, 205)

Amener qqn à + inf.

Revenons ad ce que aux oppinatres et obstinez est esperance oppinative tendue comme ung fillé. La se prennent ilz par cuider, et quant leur sage follie lez a amenez a non vouloir sobrement savoir, leur fol sens lez tire a ignorer perileusement. (Chart., L. Esp., c.1429-1430, 105)

B. -Amener qqc.

1.[D'une pers.]

a)Présenter, fournir (à titre d'argumentation).

Et a monstrer que aer comprimé peut soustenir choses pesantes, les devant dis amainent pluseurs exemples ou arguemens, si comme de uns vaisseaux appelléz clepsedres par quoy l'en fait que l'aer est dedens l'eaue et desouz eaue. (Oresme, C.M., c.1377, 544)

La VIme question : Se les executeurs ne payent le testament, l'ame du testateur en est elle retardee ? Response : Oy. Si veez le mal des executeurs qui attendent sans cause, et le peril que c'est d'attendre a faire bien aprés sa mort. On pourroit amener l'ystoire du chevalier en l'ystoire de Charlemaine, qui apparut a son compaignon. (Gers., Déf., 1400, 235)

Decius se voua a mort pour sauver les legions qu'il conduisoit et Sanson le fort, pour les Philistiens ennemis du peuple d'Israël acravanter et confondre, abbati sur soy et sur eulx par sa grant force la maison ou ilz tenoient leurs grans conviz. D'autres histoires pourroit on assez amener, mais il me suffist d'avoir monstré que chevance et avoir ne sont que accessoires et serves a vertu et comme chamberieres qui ministrent ce qu'est necessaire a fragilité humaine et si sont fortes a avoir, dangereuses a garder, a distribuer perilleuses, douloureuses au perdre et necessaires a princes et seigneurs a leurs guerres conduire et achever. (Chart., Q. inv., 1422, 54)

...cent mille raisons luy amene par lesquelles il dit et veult conclure que le monde est perdu (C.n.n., c.1456-1467, 296)

Emploi pronominal à sens passif.

Un autre exemple se peut amener a ce pourpoz d'un nommé Gyrard, qui estoit reputé ainsi comme fol. (Colart Mans., Dial. créat. R., 1482, 162)

b)Amener qqc. à qqc. [d'abstr.]. Conduire par une opération de l'esprit vers.

Si vueil ceste division Amener a conclusion (Mach., D. Aler., a.1349, 364)

Pour faire certein jugement, Vous me deüssiez dire en quoy J'ay forfait, et tout le pourquoy Amener a conclusion. (Mach., J. R. Nav., 1349, 166)

Je me suys ensonniez au traittier ceste matiere au long, tant pour renforcier nostre hystoire que pour le amener au point et au fait, là où je tens à venir (Froiss., Chron. M., XIV, c.1375-1400, 171)

[Le compl. d'obj. désigne un état, une manière d'être, un sentiment...]

Incontinent que tu ameines pechié mortel en ton hostel, conscience [personnifiée] fait une tele noise qu'elle en chasse le Saint Esperit : Non est pax impiis. (Gers., Pent., p.1389, 81)

Vive la bonne Phelippe de Hainnau, la roine d'Engleterre, nostre chiere et redoubtee dame, car elle amena et aporta entre nous et en Engleterre, honnour, pourfit, grace et tranqillité (Froiss., Chron. D., p.1400, 788)

Gloire vous soit, Sire, es cieulz la sus quant en terre par vostre bieneureuse nativité vous avez fait cesser l'orrible guerre qui estoit entre vous et tout l'umain lignaige, et y avez amené paix, voire aux hommes de bonne voulenté ! (Gers., Noël, p.1404, 291)

2.[D'une chose abstr.] Entraîner une conséquence, produire.

...bonne vie est continence, Qui amaine repos et paix (Desch., M.M., c.1385-1403, 82)

Amener à. Conduire, mener.

Souvent honneur amaine a honte. (Mir. emper. Romme, 1369, 292)